禮 (打鼓嶺道)

營業中

休息中

我同朋友的中間點就是九龍城同埋亦是滿足喜歡日式熟食的她, 所以來訪這店的確是我們的好選擇之一.店員為我們當天誠意推介有如下:日式煎餃子:  一向我都是比較喜歡這菜, 所以去到居酒屋都係必點, 最重要是這個不太油又不太燶已經達到我的要求了蟹糕玉子燒 - 這個是我朋友的大滿足, 蛋質很甜滑, 蟹糕一起的combination 真係perfect, 加了這個涵很juicy媽媽咸蛋豬肉棒富士蘋果煙肉卷 - 一向我都很喜歡水果加了白肉類的COMBINATION, 所以都不錯免治雞肉棒脆皮風鱔 - 我平時不太吃鱔, 但日式脆皮的造法真的讓我不得不破例汁燒紫菜飯團 - 我這餐的最大愛, 紫菜加了口感超脆的飯團,又甜甜地胡麻蕃茄沙律總結: 整體算不錯, 但因為地方較細小, 變了我和朋友用膳的位置不夠涼快. 朋友也很喜歡這店的食物, 可能帶小孩一起來, 人數多過兩個的座枱位置會較理想

九菜成日都會去九龍城搵嘢食，原因係鍾意嗰度多小店少連鎖。但一直唔知有哩間串燒店，可能佢位置比較偏離中心。一去到感覺都幾好，因為佢嘅裝修風格好清新，同熱熱鬧鬧居酒屋感覺有啲唔一樣，依度燈光同整體感覺有啲似東京嘅cafe，而且枱好少，唔會覺得逼。串燒種類都幾多，而且味道都好日式喎，感覺喺菜單設計有花過心思嘅。串燒方面最有印象係佢個厚豆腐係田樂燒做法，即係有甜味噌喺面，講好似簡單，但比較少喺香港同類型價位餐廳見到有。第二樣要推介嘅係蟹膏玉子燒，佢嘅玉子燒個蛋真係好嫩滑，蟹膏又唔咸。後來聽店長講原來唔用現成蟹膏，係有調較過嘅，係特登想做到流心嘅效果喎。另外佢嘅燒阿波尾雞翼同雞皮火侯都唔錯，但其他內臟就稍嫌太熟太乾了。同埋有個別串燒落鹽都唔係好穩定。但整體我會俾中上分數 (之前食過不好食的串燒，唔講邊間但都不會介紹了😅)。值得一提係佢嘅店長（老闆？）好好人，食食下又送枝豆，又送粥（原來係員工宵夜），仲同我哋傾吓佢嘅煲粥秘方。嘩佢個粥唔係日本菜但仲好食過串燒，最後食到好飽哦。P.S. 地舖只有幾張枱，但原來仲有樓上，人多就可以坐上層喇！

今日係九龍城附近做野放左工就同同事搵間餐廳放鬆下, 揀左間居酒屋7點幾既時間. 間餐廳都差唔多坐滿人呢間餐廳既日式料理都幾豐富, 有刺身, 各式串燒, 丼, 炸物, 飯, 烏冬我同朋友叫左杯啤酒同埋一D餸酒食物板煎和牛粒: 和牛粒煎得岩岩熟, 入面仲好粉嫩, 加上佢既醬汁同上面既蒽絲, 真係食唔停口蟹羔玉子燒: 蛋味好香濃, 配合入面既蟹羔, 入口即溶芝麻雞翼: 呢個雞翼好好味, 不但外皮香脆, 入面仲有肉汁, 好正仲有三串串燒: 脆皮風鱔(呢個又係必叫, 做到皮脆肉嫩); 富士蘋果煙肉卷(呢個都好驚喜, 蘋果爽口又甜); 鹹蛋豬肉棒(用鹹蛋fusion, 口感都幾特別)汁燒紫菜飯糰: 飯糰煎過既, 有別於平時係街食既飯糰最後店員仲送左西瓜, 真係好滿足!黎呢間居酒屋, 建議一定要BOOK定位, 因為佢小店格局, 好易坐滿

難得黎到九龍城當然要發堀下隱世美食,今次又有地膽朋友帶路去試下呢間日式串燒居酒屋.松葉蟹茶碗蒸,以$78一份既分量都幾大而且幾足料,每一啖都食到蟹肉係裏面,除左蟹肉之外仲有少少蝦肉提高海鮮既鮮味.茶碗蒸加左少少清酒,可以去除左海鮮既腥味同時又帶清酒既醇米香.茶碗蒸夠滑溜高湯味香濃.汁燒紫菜飯團,🍙握得好大份量$28個一定夠晒滿足,飯團外層燒得香脆帶粒粒飯焦感,內裏又唔會握得過實或過鬆散,見到珍珠米粒粒分明,飯團上既醬油汁稠密入口帶濃郁既醬油大豆香,再加上飯素再令味道添多份鹹香感.蟹肉薯餅炸得脆得黎又唔會炸到外層油淋淋,咬開爆晒漿,流左好多忌廉出黎.厚切牛舌肉質夠爽脆容易咬開得黎又唔會有渣,油香夠濃加上少少椒鹽係牛舌面上就已經好夠味.厚燒豆腐一塊豆腐既size真係幾大同厚而且外層燒得夠脆入口外脆內軟.係豆腐既面上掃上一層厚厚既花生芝麻醬入口令豆腐既味道帶微甜又夠麻香,令味道偏向平實既豆腐更惹味.亞波美手羽先連埋雞翼尖超正,燒成金黃色唔會過火又唔會未夠喉,雞翼外皮微脆內裏仲有少少肉汁流出,同樣少少椒鹽做調味已夠晒.板煎和牛粒煎得唔會過火,牛肉粒入口嫩腍充滿肉汁配上微甜帶果香既燒汁食落無咁膩

九龍城出名多野食 , 行過見到呢間低調日式餐廳,但原來都好多人.1.汁燒紫菜飯糰2.蟹籽沙津3.板煎和牛粒4.松葉蟹茶碗蒸5.蟹肉薯餅1.香煎飯糰加飯素,再加上燒汁, 配左幾粒特製蒜粒. 味道非常濃郁, 味道複雜2.青瓜蟹柳絲比例均勻,再附上蟹籽3.肉味濃及肉質淋, 加埋燒汁有少少咸, 但有沙津菜中和4.茶碗蒸一流, 蛋滑甜, 蟹肉鮮甜又多,有冬菇, 蟹籽,銀杏5.薯餅熱脆, CREAMY既質感, 不油膩, 正由於太多客, 冷氣有少許不夠,但絶對不影響再次光臨

繼上星期九龍城區「搵食」，今日決定再去食番先前食唔到嘅一間居酒屋🏮。裝修風格和風設計，一進去已經聞到好香嘅燒烤味💨。不過店內嘅選擇唔多，只好精挑細選心頭好🧐.🥢紫菜芥末八爪魚🐙💬一碗🈵️，像是自家制，與別店的有點不同，味道確是不錯😏.🥢板煎和牛🐮💬肉質鮮嫩多汁💦，賣相吸引😻.🥢蟹羔玉子燒🦀💬玉子燒加上蟹羔在內，平時不常有，玉子嫩滑美味🤤.🥢清酒🍶煮大蜆💬見到大蜆已經知道會吃得很滿足，夠鮮甜，連清酒湯都飲哂😁.🥢豬腸大根煮💬少見日式料理嘅選擇，豬腸煮到腍而且濃郁，好好食呀😏.🥢天丼🍤🍠🎃💬沒想到天婦羅飯同樣出色，粉漿夠薄身、脆口，有多碗湯就更加一流😏.🥢油甘魚鮫🐟💬確實係炭烤加上鹽燒先可以做出連魚鰭都可以脆到食埋，平時家廚放入焗爐烤焗真係略遜一籌🧐.🥢串燒。絕對係一定會叫😏🍡厚切牛舌🐮👅。一食就知係掂🍡燒大腸🐷。真係第一次咁食，又幾過癮🍡京蔥雞肉棒🐔。夠嫩滑🍡鹹蛋豬肉棒🐽。真係有媽媽的味道🍡雞腎🐓。唔會韌🍡脆皮風膳🐟。香脆好食🍡阿波尾手羽先🐔。德島雞翅夠大隻是常識.🥃威士忌檸檬梳打🥃自家制咖啡牛奶燒酎

💁🏻‍♀️ 禮 (九龍城) 🍴-九龍城餐廳林立, 最近搵到間居酒屋同朋友慶生, 好耐冇見, 食得好開心啊~板煎和牛粒 ($108)推介，肉質超嫩滑一D都唔鞋, 而且和牛粒食落有少少味醂既甜味, 唔會好油鹹蛋豬肉棒 ($38) + 富士蘋果煙肉卷 ($38)鹹蛋加埋豬肉好邪惡, 本身驚鹹蛋會太鹹, 但食落又岩岩好, 個煙肉卷加埋蘋果可以中和到油膩蟹膏玉子燒 ($78)玉子燒就食得多, 加埋蟹膏真係未試過, 入面超足料!蟹籽沙律 ($68) +黑松露焗野菌 ($68)超大兜既蟹籽沙律! 蟹籽滿瀉, 再加埋蟹肉食落好滿足, 另外焗野菌食到好香濃既黑松露味, 送酒一流! 汁燒紫菜飯團 ($28)  口感煙煙UNUN, 汁燒食法好特別, 飯團燒到外脆內軟~值得一提既係呢間居酒屋仲有搞抽獎, 我同朋友就分別抽到梅酒一杯同任飲SAKE! 店員都好NICE, 氣氛好好啊!-📍 禮 (九龍城)#九龍城 打鼓嶺道79號地舖#小丸子搵食記 #小丸子九龍城-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852

九龍城美食一籮籮﹐點止泰菜咁簡單~"禮"係一間居酒屋, 會提供不同款SAKE 可供選擇,但因為呢次有揸車﹐所以主力食物上~~"禮"係條唔太起眼既街發現呢間居酒屋,餐廳分左上下兩層﹐今次被安排左上層﹐原來係榻榻米既設計﹐再一直播住日文歌﹐成個就好似去左日本感覺!!姊妹芝麻雞翼 ($68)~雞翼要好味﹐調味可口﹐皮脆+鎖住肉汁﹐非常JUICY 黑松露焗野菌 ($68)~不同既菇增添不同咬口, 重點是黑松露份量多, 每口都有黑松露味道!!板煎和牛粒 ($108)~師傅燒到洽到好處﹐牛味突出﹐再配埋特制燒汁﹐用黎佐酒感覺會一流媽媽咸蛋豬肉棒 ($38)~ 免治肉+咸蛋....有少少似變左身既咸蛋肉餅~~做就左fusion 中日料理,好得意富士蘋果煙肉卷 ($38)~富士蘋果既清新中和左煙肉既油膩~一個唔錯既配搭厚切牛舌 ($48)~牛舌係我最愛既燒物﹐厚切+ 燒得岩岩好= Perfect!!松葉蟹茶碗蒸 ($78)~好鮮甜又滑既茶碗蒸,放左鮮菇、蝦、松葉蟹﹐再用蟹籽放面, 海鮮味好濃!汁燒紫菜飯團 ($28)¬先有紫菜包住﹐飯圈係燒過既﹐再查上燒汁,每一口都有飯焦~大家記得要趁熱食!!!!!

下午2點食左個豐富下午茶，所以決定晚餐去居酒屋食少少野2個人叫左：沖繩生啤朝日啤酒柚子梳打富士蘋果煙肉卷 - 超好味，大推枝豆 - 微暖，枝豆質量ok厚燒牛舌 - 厚身，爽口燒油甘魚鮫 - 魚皮燒得乾身，肉質軟滑雞泡魚乾 - 用左燒汁燒，再點蛋黃醬七味粉食，送酒一流本身有前菜（每位$10），不過店員忘記了上，但計左錢，解釋番後扣番食物質素唔錯，價錢中上，不過店內冷氣不夠，我地坐近廚房位，熱到出汗，店外比店內更舒服，希望這方面可改善

通常去九龍城食泰國越南菜，今次經開見到一間日式居酒屋，雖然地方不大，但都差不多滿座，一於試一試😍 點左幾款串燒同小食🍢🍱脆皮風膳: 超惹味的燒膳，咬落去就發現肉質十分彈牙，條鰻魚好新鮮呀👍👍厚切牛舌: 牛舌的確很厚切，口感爽口彈牙, 用上鹽同黑椒調味💯富士蘋果煙肉卷: 蘋果的甜度中和了煙肉的肥膩感，如果配上軟淋又甜的荔枝好像會更夾🤣媽媽咸蛋豬肉棒: 廚師推介即管試試😆 咸蛋味不是很突出，但咬下去肉汁爆開，口感不錯京蔥雞肉串: 惹味的京蔥配上啖啖雞肉，多汁又好味。芝麻雞翼: 超juicy又炸得脆卜卜，正👍🏻👍🏻蟹膏玉子燒: 超好食💕蟹膏好甜，配上滑一滑的玉子燒，無得輸呀！板煎和牛粒: 和牛煎得很香，肉味濃郁，而且帶點油脂，咬入口非常軟淋😋最後點了日本醬油生蛋配珍珠米，已經好飽，但係日本生蛋加燒汁，撈一撈白飯，停不口🤣

黎到九龍城唔一定係食泰國菜，今次食嘅係一間日式串燒店，成間都好有居酒屋嘅feel，座位唔算太多，平日黎到左好快都坐爆左人。🔷姊妹芝麻雞翼 💰68 💙75/100芝麻雞翼外皮炸得香脆，有好香芝麻味，雞肉啲肉汁都keep住好多，以肉嫩多汁黎做結論就岩哂。🔷蟹羔玉子燒 💰78 💙85/100玉子內部放左滿滿嘅甘香蟹羔，玉子煎得好有技巧，蛋汁好滑溜溜咁保留到，而且玉子仲好甜添。🔷免治雞肉串配蛋黃醬 💰38 💙70/100雞肉外皮會燒得微脆，咬落去會食到瘦肉較多，有肉汁鎖左係雞肉串入邊。🔷厚切牛舌 💰48 💙75/100牛舌好爽又無燒得乾哂，因為係厚切所以咬落都好有質感。🔷富士蘋果煙肉卷 💰38 💙70/100呢個配搭都不太常會食到，蘋果連皮比煙肉包住，咬落蘋果會爆汁好甜。🔷媽媽鹹蛋豬肉棒 💰38 💙70/100鹹蛋味豬肉棒感覺好新穎，而且個鹹蛋味不會太重，所以豬肉本身個香口程度仲係到。🔷脆皮風膳 💰68 💙75/100呢個膳好厚身，食落無骨而外皮帶脆，味道上相對高質。

九龍城好野多係人都知今次就食左呢間日本野，主打串燒整體嚟講食物質素都幾唔錯，大部分（我試過）嘅串燒都係好味。燒得啱啱好，外層香脆，入面分明，唔會黏埋一舊，而且香味甚濃！雞翼係雞中翼連雞翼尖，燒得好juicy；菜好鮮甜，加上牛油味好夠；薄燒牛肉包住蔥粒同蒜粒，非常惹味；雞肉鮮嫩多汁，但略嫌鹹咗少少。裝修好有日本地道嘅風味，似係日本人放工去飲酒、食串燒、傾偈嘅地方，可能有啲人會覺得比較辛苦。有幾樣食物一定要食，好似牛舌厚切串燒，我敢講，佢係我食過最好食嘅牛脷，佢腍身得嚟有咬口，一啲都唔韌，而且牛味極濃！而雞徑肉燒得香滑、煙肉蠔卷夠juicy、露荀豬肉卷香口清新

禮 (九龍城)📍九龍城打鼓嶺道79號地舖來都充滿各式各樣美食的九龍城，跟男朋友想找一間較有特色的餐廳，大概當晚比較想吃日本料理吧，就看到這一間精緻又企理的居酒屋，看到在內也有很多人在喝酒聊天，感覺蠻舒服的，就進去試一試了。由於疫情還未過去，這餐廳也很貼心的替我們量體溫，及提供酒精搓手液。然後看着餐單：哇～很多款不同特色的！就像是昇華版的放題一樣，很吸引我們就各項一點一些。先來一些前菜來 warm up 一下吧！我們吃起來，覺得全部款式也特別清甜清新。廚師就在旁邊跟我們說，他們的餐廳原來主張零味精，想客人吃到食材本身的天然味道。特別推介⭐️蒜頭元氣漬⭐️外面未吃過這種蒜頭的漬物，本身怕味道會過濃，但是醃料跟蒜頭的味道非常配合，蒜頭本身的濃郁氣味也被醬料完全的溶化混合。帶點點辣，吃起來非常爽口。特別推介⭐️富士山蘋果煙肉卷⭐️看見一款特別想吃的就是「富士山蘋果煙肉卷」，聽起來很清新的感覺，未試過，所以點了試一試！味道真的是非常之清甜，吃完會想再吃的感覺。帶點油香又軟熟的煙肉，配搭着清爽的蘋果，口感層次很好，實在是太好的配搭了。特別推介⭐️免治雞肉卷棒配蛋黃醬油⭐️上菜時已令我和男朋友感到很新奇。或者我

難得同朋友經過九龍城, 都知附近唔少唔錯既食店. 而今次我地試咗呢間日式串燒店 - 禮居酒屋 都一樣出色,令人喜出望外!首先少不了朋友最中意既前菜 - 蟹籽沙律唔同坊間相對多蛋黃醬, 禮居酒屋既蟹籽沙律仲落咗柚子醋. 食起上黎更加清爽, 為接住落黎既主菜-串燒畫龍點睛. 而另一款前菜蟹膏玉子燒亦令人印象深刻. 熱辣辣既玉子內有香濃帶甜既蟹膏. 味道相對絕配! 彷如發現新大陸一樣, 新奇得黎味道亦好好.黎到居酒屋除咗啤酒外,當然唔少得主角 - 炸物同串燒啦! 首先系南蠻炸雞同姐妹芝麻雞翼. 香脆得黎夠入味. 而南蠻炸雞味道有點似鎮江風味,甜中帶酸亦系一道新奇但好味既炸物.串燒方面有媽媽鹹蛋豬肉棒同免治雞肉棒唔同於傳統日式串燒既精緻的色, 呢2款串燒棒分量十足,適合中意食肉既朋友.另外仲有香脆既脆皮風鱔. 配上日式蒲燒汁,比鰻魚串燒味道更佳.最新奇既系富士蘋果煙肉卷.香脆既煙肉裹住蘋果既串燒, 味道都唔錯! 中意嘗試新鮮事物既朋友都可以試下.食咗咁多串燒炸物仲唔夠喉的話, 可以再加碗日本甜豉油生蛋白飯,絕對令人滿足.另外,汁燒紫菜飯糰都系個唔錯既選擇. 外焦內軟, 有種煲仔飯既感覺.

疫情期間已經少外出吃飯，因為慶祝生日所以在網上找間好評好食嘅日式居酒屋晚飯兼撐黃就睇到呢間，抱著期望的心情七點去到，見到有兩檯共四個客人食緊，坐下侍應先量體溫及遞上酒精搓手液，但見到廚房2個㕑師都無帶口罩😩已經有小小唔舒服，齊人點食物，當晚點咗串燒推介蘋果䐁肉卷（正常豬同蘋果應該friend到但呢串唔得囉！蘋果無味煙肉又乾又咸、雞皮（味道ok)、雞肝（醬汁好咸又乾又過火）、牛舌（有根又嚡）、咸蛋豚肉捧（又係咸到嘔）、燒黃魚（味道ok)、炸雞（ok)、蟹膏玉子燒（玉子甜到爆同蟹膏一D都唔friend)、白飯+醬油蛋（白飯一望就知係劣質珍珠米，無飯香，正常日本米係可以空口都食晒成碗，試咗一啖後就要加豉油雞蛋先食得落、蟹肉可樂餅（個炸皮好硬，入面啲薯蓉幾滑但一啲蟹肉都搵唔到）、成餐飯最好味係碟醬漬蒜頭同埋日本生𧐢，我估蒜頭同𧐢都係交貨來的。最後想講一講個侍應生在上菜時一味見到枱上面有位就攝落嚟，完全感受唔到侍應應該有既細心。