祥仔 (K11購物藝術館)

營業中

休息中

今晚去了祥仔店品嚐一下其黑豚肉粒配鮮粟米汁飯，當這碟飯一上枱，我就見到泛泛淡黃的粟米汁鋪滿了碟飯，這汁並不膩，當一啖一啖的吃下時， 𡁻到了黑豚肉， 豚肉很有肉味、肉質幼嫩無比，而且並韌，彈彈地，的確好味，至於食慣不硬不輭米飯的我，其在粟米汁蓋上之白飯也是水準之上的作品。這是我第二次造訪的祥仔餐廳，我非常感恩有這些用心的廚師，為我們食客的生活中加了食的樂趣，減了些壓力。希望你們可以不段為香港美食天堂的稱譽貼金。

午餐的脆脆豬扒飯，食得出食材是好的，但不好吃...豬扒上面是脆的，但下面貼碟的一面有水氣，腍曬。飯上面舖滿蕃茄和茄醬，但太多了，跟飯的份量很不合比例。而且用的 cherry tomato 品種太酸。茄醬已經很酸，蕃茄又酸，受不了。我應該不會再叫這個午餐。

祥仔在荔枝角開張時已經想試，餐廳位置在工厦區，逢假期及週日休息，所以未有機會嘗試，近期祥仔進駐尖沙咀K11，當然要試吓!祥仔餐廳怖置簡单但舒適兩日兩夜羅宋湯，湯不夠濃味，略為遜色。祥仔脆脆豬扒飯，名符其實酥脆的外層，外脆內嫩，厚切豬扒慢煮令肉質夠冧 juicy，豬扒另上能保持脆脆口感，蕃茄醬汁配飯上，雖然醬汁有小小過咸，但配菜的蕃茄，菇都很新鮮，口感豐富，份量十足蕃茄羅勒蘑菇芝士意粉，不錯的素食之選花膠魚柳扒，魚柳新鮮肉質嫩滑，花膠有2至3塊，配焗薯，中西合壁甜品:荷蘭寶貝鬆餅伴草莓，水果全部用新鲜的，鬆餅配上吉士醬，又不會太甜。餐廳菜式不算多，經典的菜式，重新演繹總括來講，餐廳食材以新鮮取勝，鲜肉，鮮果都應該是健康人生的食物。

第一次試祥仔是在長沙灣正店，食過蕃茄脆脆豬扒飯，令人難忘。現在尖沙咀K11開第二間分店，地點方便，食物選擇也較多。冬蔭公炸雞翼好好味，必食。炸多士不錯，面包鬆軟，雖然是雪藏蝦，蝦肉是爽身的，只是焗翡翠螺比較一般。主食方面，點了鐵板爵肉牛柳，配上鴨肝醬，牛柳質素還可以，只是價錢略貴；飯類方便，晚市不供應真·粟米石斑飯，脆脆豬扒飯也賣完，只好點粟米豚肉粒飯，豚肉粒稔身頗有肉味，味道不錯！飲品有菠蘿冰，不過我點了紅豆冰，奶味較重，和平時飲開的紅豆冰不同呢！

早幾天約朋友去K11 Musea行街，順道食那裏的下午餐，看到這間好像是香港著名的酒店名廚Ricky開，就嚐嚐😚——————————🔹吞拿魚蕃茄全麥三文治 配薯條 $38平時好喜歡食吞拿魚三文治做早餐，如果可以食到，會覺得那天好美好～ 而這間跟我平常食的有點不同，味道高級！吞拿魚加入沙律醬和新鮮爽脆的蘋果粒，鹹鹹甜甜，口感有點清爽，不會有魚的腥味；蕃茄切得薄薄，容易入口，而且減少了沙律醬的肥膩感；麵包輕微烘過，一起食會更香口，對於沒有食午餐的朋友，這個食完絕對飽肚~旁邊的薯角炸得香脆可口，整個食完超滿足😍🔸紐西蘭牛肉炒蛋福袋三文治 田園素菜沙律 $68這個食物相信是由茶記的牛肉炒滑蛋演變出來，福袋裏有蛋和牛肉，多到跌出來☺ 蛋應該加入了牛奶，奶味和牛味同樣重，滑滑的蛋配上嫩滑的牛肉，再有微脆的包，味道香而滋味，不是普通食到的味道🥰🔹十勝紅豆冰 這個十勝紅豆冰，首先飲到奶味較重，紅豆味反而之後才出。問店家好像用了明治鮮奶、十勝紅豆和自家製的紅豆雪糕，怪不得飲完都不會滯，甜度也剛剛好，不是死甜👍🏼

祥仔係由香港名廚所開，最近喺尖沙咀開咗分店於是我就慕名去試吓。餐廳裝修好舒服，古風之中帶d中式設計及花草，令人感覺親切。午餐好抵食， 價錢都係$100至$150左右，因為我為食又大食嘅關係，我就叫左星斑飯再加沙律甜品同埋湯。兩日兩夜羅宋湯+$15加錢要呢個湯真係冇加錯，非常好飲，好酸好有蕃茄味，除咗湯亦都好有多材料，飲完真係會回味兩日兩夜啊。鮮粟米 真 星斑飯 $138 食過咁多次班楠飯，第一次見有餐廳會用真既星斑去煮！星斑連埋紅色既魚皮去煮，好滑好有魚鮮味，而粟米醬汁就比較重忌廉味，忌廉味之中亦都有啲奶味，非常開胃，送飯食一流。要提一提祥仔係用新鮮粟米溝落d醬汁到，又甜又鮮味。意式素菜沙律+$15 水果同疏菜都好新鮮，如果份量再多啲會更好。是日精選甜品+$15餐廳每日都有唔同嘅甜品提供，而今日嘅精選甜品係吉士鮮水果。水果係新鮮水果非罐頭，有d酸酸地嘅水果配埋甜甜地既吉士汁，好match好好味，食完好滿足。

聖誕大午餐😄😄呢日又過咗去K11，其實上次都見到但未試，今次就試吓！環境好舒服，全部店員都好有禮！贊👍🏼，二人坐位亦好寬敞😊 揀咗一陣，選擇唔算太多，因為成個餐牌係劃分唒午餐、茶餐、晚餐等⋯⋯本身好想食蝦多士，點知午餐係無的！有點失望😮點咗兩個都係飯，都算係餐，包杯飲品嘅。女友個俄國牛肉飯到先，嘩！勁多汁😆  好彩女友都鐘意多汁，唔鐘意多汁嘅食客，要記得叫少汁😅  都幾好味，塊牛都ok，個汁好醒胃！到我個鮮粟米星班飯，好香，好味😋👍🏼  個新鮮粟米汁好味呀，魚就正常，無咩特別，但整體我都好鐘意，係會再回來的，因為仲要試蝦多士😁餐茶要咗一杯咖啡，一杯檸茶😌

星期五，無無聊聊蕩到K11, K11 出名食店精緻，好唔好食就見仁見智今日先有位下屬同我講個商場有咩藝術博物館概念 (10萬個黑人問號？？？)，但行行下見到B1 有間茶記裝修得好「禪」，有日式竹林，風格出眾，又似似地件藝術品喎！入黎前reception 姐姐問我有冇book 位， 「下？ 茶記都要book？」, 好彩都算早黎有位，坐低後點左signature 祥仔吉列豬扒飯。等左5mins 到就有，但心諗快， 並唔代表好。外觀尚算唔錯，但聞唔到飯香 。茄汁同大家樂一哥焗豬飯有d 似， 但差別在於呢度個汁係凍既……亦都唔係炒飯底，唔合格! 好彩佢加左幾粒蕃茄仔，仲要去左皮，算幾細心再試豬排，切落去都夠鬆軟，吉列可謂岩岩好，炸粉冇over 到，豬排亦夠厚，夠冧。但都係衰係唔夠熱，而且食落有種似曾相識既感覺 - KFC 炸雞！ 點解呢？明明係豬排黎架最後杯奶茶都算ok， 以$108 lunch set 黎講，性價比係差d， 食物最基本都唔夠熱，但勝在環境乾淨企理， 都係個句，食物精緻，好唔好食就見仁見智

因為今天忘形地逛街，不知不覺感到肚餓，原來已到下午茶時間，朋友帶我來到K11 B2層的「祥仔」食午餐，午市餐牌選擇像一般茶餐廳菜式，朋友話這間餐廳的老闆大有來頭，是本港名廚，曾任酒店名廚的他，希望以平民的價錢為客人帶來高質素的菜式。一坐低，職員就指著餐牌話Do Re Mi 這三樣已售罄，Oh！我們來遲了一步，熱門的菜原來那麼快就售罄的。《黑豚肉粒飯 · 鮮粟米汁》$98粟米肉粒飯就食得多，這碟大粒版的粟米肉粒飯真是非一般的肉粒，聽到「黑豚肉」這三個字，頓時感到高級很多，而且黑豚肉落重手，又大粒又多，肉質爽嫩，加上輕盈的醬汁，香甜得來帶點奶香，98元值回票價。下午茶餐《紐西蘭牛肉炒蛋福袋三文治 · 田園素菜沙律》$68 牛肉炒蛋做三文治的餡料，蛋香濃，牛肉嫩滑，餡料足夠，如果伴菜的沙律菜可以多些則更佳。下次要早些來，再試招牌食物。

老實講，晚餐的選擇不太多，而且很多都是午市時有售的，所以將選擇範圍進一步收窄。不過我一看餐版就揀了沙丹豬扒，因為出面已經好少食到，對上一次食嘅竟然係無咗隻蛋，完全失去沙丹豬扒的精髓。今次呢個除咗有蛋之外，仲有一個焗薯，超級大份，就連塊火腿都係厚嘅，抵食兼好食。最有趣係佢會派條圍裙比你，等落鐵板汁嘅時候唔會彈到件衫，真係細心。

點解，因為完全係茶餐廳質素，每位消费近300元，好肯定吾會有下次，講返食物先，叫了蝦多士，個樣就幾四正，不過就慳功夫，没有把蝦肉打成蝦膠，又不是用油炸嗰種，食完係無咁上火，但就少了份香口感覺，蟹蓋一般，味道正常，餡料似用攪拌機打到碎哂，除了蟹肉外，其它有什么食材就食吾到了，吾知用乜野攪成一pat嘢放入焗爐，叫了兩個主菜，友人食花膠魚扒，給我試了少少花扒，没膠質，我食牛尾，差到一個點，價錢相比阿一吾夠幾拾蚊，個味道完全茶餐廳嗰種蕃茄醬煮成，經常揾食嘅都知好多名牌餐廳2個course都係298＋1，並且信用卡有折。還叫了一杯菠蘿冰，忘了影相。

與朋友一起隨便行， 便選了祥仔食。店舖利用鏡做牆， 好有空間感。本身大家都想試廚師特選既菜式，好可惜個日停止供應🙁食物方面就中規中矩， 無咩特別,但個祥仔脆脆豬扒飯（$108）個豬扒炸得幾鬆脆，但印象好似有點偏鹹唯一有特別印象既係「小忌廉」飲品$48，賣相幾可愛， 可惜實物同相有點出入。佢係牛奶+忌廉加啫喱狀既野，都算好飲既（對於鍾意飲甜野既人）另外，值得一讚既就係侍應唔會催你走，上菜速度都算快， 態度都唔錯。

最近K11新開左間裝修好靚既港式野，有唔同既碟頭飯炒意粉等等，不過價錢都比較貴。⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣祥仔脆脆豬扒飯💲108💭呢個係招牌，幾乎每檯客人都會order💭個賣相的確係幾靚，塊豬扒好大💭不過切開就會見到裡面好粉紅，店員解釋係因為豬扒經過慢煮，可以放心食🤓💭但由於豬扒係慢煮，所以即使個外皮好脆，但係裡面肉既溫度唔夠熱，感覺好奇怪💭而且一切開，個皮同肉係分得極開😂💭唯一唔錯既係個番茄汁係好惹味，配飯一流1⃣鮮粟米星班飯💲138💭出面茶餐廳食開既肯定唔係真正星班💭所以餐廳都用真正貴價星斑作為賣點🤩💭不過可能太真材實料，有d腥😳💭需要額外問店員拎黑椒，再自己撈個粟米汁，先會接受到💭同豬扒飯一樣，個粟米汁都係最惹味既🤣

連續兩天也沒有食飯，經過K11，見到新餐廳「祥仔」，看到有兒時最愛吃的經典美食-粟米肉粒飯，二話不說就入了去。餐牌也沒有多看，最後叫了黑豚肉粒·鮮粟米飯和酥皮海鮮濃湯。🌽黑豚肉粒·鮮粟米飯$98-賣相靚，但食物仍然有進步空間。以黑豚肉作招徠，已經令我有一定的期望，平時自己在家也是用西班牙橡果豬製作粟米肉粒飯，出到街食，當然也期待食物味道更吸引。粟米汁味道好好，充滿忌廉香味，是我喜歡的那款粟米汁。但黑豚肉就麻麻地，無什麼味道，帶有一點豬羶味，仲有一舊是咬不到，為何用一舊的字眼，因為黑豚肉切到非常大舊，可能想俾D客人食落有口感，但我就不太喜歡，始終經典的肉粒飯是細細粒。🦐酥皮海鮮濃湯$68-酥皮湯，味道也不錯，也是充滿忌廉香，湯中有蝦，飲酥皮湯，😍最喜歡就是把酥皮從中間插入，之後把酥皮浸在湯中，慢慢享用。😌雖然黑豚肉粒·鮮粟米飯的味道麻麻，但我仍會繼續再去，這𥚃的服務與環境其實也很好，價格中位線，我下次也想試試他們的🤩粟米石斑飯和蟹蓋。

約了朋友到尖沙咀的K11吃下午茶， 之前在長沙灣的工業大廈區食過祥仔餐廳， 原來K11都開了一間， 見到餐廳環境光猛舒適， 二話不說就入去了。 🔶點了兩個下午茶餐，福袋三文治 + 田園沙律$68， 吞拿魚三文治＋薯條$58， 熱奶茶和熱咖啡。 ❇️吞拿魚三文治＋薯條～ 金黃色的三文治面層佈滿吞拿魚蓉， 入口香脆，加上有香口好味的薯條， 食到停唔到口。❇️牛肉炒蛋福袋三文治＋田園素菜沙律～ 三文治烘得特別香又脆， 牛肉炒蛋又滑又嫩口， 田園素菜沙律有火箭菜和蕃茄仔， 非常健康。 ❇️奶茶和咖啡 ～ 上次飲過祥仔茶走味道好好， 今次飲傳統奶茶和咖啡， 個人感覺都是喜歡茶走多些， 茶香奶滑， 絕對值得推介。下午茶的賣相很精緻，食材新鮮做法用心， 下次一定會再來啊！👍🏻😊