祥仔 (K11購物藝術館)

營業中

休息中

今日去在祥仔呢間餐廳品嚐其午餐之水準，我叫咗一碟名為鮮粟米.真.石斑飯，因為我很喜歡食石斑呀，而且餐廳部長話明俾我知，他們千真萬確用石斑，碟飯終於上枱，兩片石斑肉放在飯上，誘發我無窮的食慾。碟飯内有炸斑塊及兩塊厚身的石斑肉，真的感動，可以品嚐兩種不同烹調的石斑，令我被其鮮味及脆味所擊倒。至於粟米，粒粒都脹卜卜又新鮮地散落在白飯中，使我每啖都精彩絕妙。餐後杯熱咖啡，雖然剛到枱上已不太熱了(成為餐廳的常態?)，但是亦有水準，實在不錯啊!總結，感恩這餐廳有優秀的廚師，能令我今午帶來口福之樂。

係地鐵行去K11商場，經過見到呢間餐廳門面好光鮮，又開揚，吸引到我地既目光環境好闊落，好有空間感，好有諧和感覺今日我哋大約2點幾先食晏，去到既時候，有幾款午餐都賣光了不過我想食既野都仲有溫馨提示：啲野食太受歡迎啦，下次唔可以late lunch蒜香特醇橄欖油辣椒意粉今日好想食意粉，好彩意粉仲有雖然係素食意粉，但睇落都好有美感而且香味十足，事關炸蒜既味道好突出能夠將一碟無咩特別既意粉炒得咁出色，真係一啲都唔容易意粉軟硬好適中，炒得好夠乾身，唔會油苙苙脆脆豬扒配鮮果沙律外觀睇見外層好鬆脆，切開後更加...好厚肉呀！脆漿好薄身，咬落並唔係硬脆果種豬扒肉質好粉嫩，食落更有驚喜我第一次食咁滑口、又富有口感既豬扒呢個脆脆豬扒真係超好食餐飲：熱檸蜜係用蜜糖沖的，並唔係用菜蜜

誰是「花恤衫」？如果你和我一樣都是飲食節目「煮角」的粉絲，你一定會知道其中有一個主廚，每集都會穿著不同花款的花恤衫現身，他就大廚 Chef Ricky Cheung 張錦祥。Chef Ricky 每次出現螢光幕都會給人一種隨和歡愉的感覺，看著他一邊料理食物，一邊喝著紅酒跟其他「煮角」閒聊，都會令人覺得烹製食物是一件樂事。當我知道他在尖沙咀K11 開了他的餐廳，當然要要捧場啦！店名用了「祥仔」為名，跟他的隨和貼地的風格十分配合。脆脆豬扒配鮮果沙律- 下午茶（$78👍👍👍👍👍大大塊的厚切的豬扒先經過慢煮，在沾上日本麵包糠，即叫即炸，口感外脆內嫩。伴以新鮮菠蘿和提子的鮮果沙律，令整個菜式不但健康一點，酸甜的菠蘿亦令人胃口大開。紐西蘭牛肉炒蛋福袋三文冶.田園沙律 - 下午茶（$68）👍👍👍👍👍多到滿瀉的牛肉炒蛋塞入烘至金黃香脆的多士福袋內，炒蛋牛肉內的牛肉並不是一般的罐頭鹹牛肉，是切至指角般大少的紐西蘭牛肉片；炒蛋更是又香又滑，有蛋味之餘亦有絲絲奶香，朋友邊吃邊讚，吃到停不了口。咖啡 👍👍👍👍下午茶套餐附有咖啡或茶，如果上升級至泡沫咖啡/鮮奶咖啡 +$10， 祥仔特飲 +$20。奶茶👍👍👍👍

約咗朋友響尖沙咀食lunch +tea，想搵個坐得舒服啲，啱傾計嘅地方，路過K11見到呢間餐廳，好似新開又幾舒服就入去試吓因為lunch time晏左，所以已經到咗Tea Time時間,埸內播著輕快既音樂，伴隨室內中國風嘅設計,感覺幾舒服，光猛嘅設計亦都令室內顯得好開陽，有將店內變更大嘅空間感。野食方面，點左：蒜香特醇橄欖油辣椒意粉 $88蒜香意粉沒有濃烈的大蒜味道，所以不怕吃完後會引致口臭，辣味是輕輕小辣，迎合香港人的口味，反而最突出的味道是香草味，及沙律菜的味道，感覺清新。吞拿魚蕃茄全麥三文治配薯條 $58呢個係下午茶餐既選項，除咗擺盤靚之外，食落都好有驚喜架，麵包烘得脆脆的，吞拿魚沙律入邊有爽脆嘅蘋果粒增加口感，如果比較細食嘅女孩做一個late lunch都可以。總括而言，呢度係好啱傾計嘆下嘅地方，如果平時行街攰左都可以嚟坐下食下野。

五個月前有去過長沙灣食過一次，當時好有驚喜，見報章有介紹祥仔進駐K11，便二話不說立刻就走去吃lunch試吓水準是否一樣小忌廉要推介，好飲總括來説，價錢尚可接受，服務好貼身，尤其女服務員，好nice👍👍👍👍

之前見過好多人大讚祥仔脆脆豬扒飯，搞到我心思思都想去食，終於祥仔在尖沙咀開了分店，當然第一時間走去捧場。 入到K11遠遠見到大大個祥仔招牌，這餐廳門口兩旁也用全大落地玻璃，而且枱與枱之間有距離，空間感十足。餐廳設計簡約，三邊牆也有植物裝飾，令人有感覺清新又整潔。餐牌內午餐食物款式也算多選擇，而且更可加配羅宋湯丶沙律或甜品，飲品方面更可加錢upgrade 為特飲。 這個皇牌兩日兩夜羅宋湯，番茄蔬菜經過長時間燉煮，已把食材完全釋出在湯底內，每喝一口也嚐到濃濃天然食材味道。豬扒被炸至金黃色外層包裹著，用刀叉切時也聽到外層酥脆卜卜聲。 豬扒肉質夠厚又夠嫩，炸至剛熟肉質仍帶juicy 。用上不同顏色番茄及曆菇煮出濃厚番茄醬汁。

約了阿媽去食tea，這間位於K11內新開的餐廳，下午茶餐以輕盈為主，有三文治及幾幾款甜品，價錢由$58起，下午茶來說都屬於中上價位。紐西蘭牛肉福袋三文治配田園素菜沙律麵包用牛油烘至金黃色，有淡淡香味又帶脆口，裏面夾著牛肉炒蛋，蛋香且滑，牛肉又腍，配上帶苦澀的火箭及香甜菠蘿及提子，清新又健康。荷蘭寶貝鬆餅伴草莓以原個焗盤即叫即焗，鬆餅足二人分享，蛋香味突出，表面舖滿了士多啤梨及菠蘿，清甜好味。最後飲返杯茶中和一下。

專程去捧張大廚的新店。第一度是他出名的兩日兩夜羅宋湯，蕃茄味濃，好味。特飲，鮮奶忌廉，第一次飲，感覺一流。主菜鐡板牛柳，上菜時的兒時把汁澆上，兒時的回憶完全歸位！

之前幫襯過荔枝角的店，很好食，不過沒有晚市，所以不能約朋友去食晚飯，但剛發現尖沙咀開了分店，而且有晚餐供應，於是決定去試試。晚餐亦有供應一些午餐的招牌飯，如炸豬扒飯、手撕雞飯和卡邦尼意粉等，還有幾款鐵板餐。現時新開業，選鐵板餐還送此店很有名的羅宋湯和一杯特飲，似乎是物超所值之選，於是點了沙丹豬扒及菠蘿特飲。先說羅宋湯，雖然以菜為主，不過香氣撲鼻，入口就是那舊式西餐廳的感覺，很好；而沙丹豬扒邊面，豬扒是大塊厚切，再配半邊焗薯、厚火腿及太陽蛋，份量有點驚人。豬扒煎得恰到好處，不怕未熟亦不怕因太熟而韌；最後是菠蘿特飲，與不像平日飲到的菠蘿冰那麼甜，有新鮮菠蘿肉，好飲。日後尖沙咀就多一個地方去了。

喺尖沙咀血拼完之後，望一望手錶原來已經下晝兩點半，發現K11都開左祥仔而時間又剛剛好可以食到下午茶餐，所以就入去試下。餐牌上其中一款是牛肉炒蛋福袋，鍾意食炒蛋的我便被深深吸引住，唔使多諗就點餐了。食物款式同茶餐廳相似，價錢則比茶記貴，不過呢到嘅用餐環境高貴雅緻，座位寬敞舒適，好岩同朋友慢慢食慢慢傾。🔻紐西蘭牛肉炒蛋福袋三文治•田園素菜三文治🔻賣相好似同茶記嘅蛋牛治差唔多，但牛肉同雞蛋用料都頗有質素，香羶的牛肉肉質嫩滑完全唔韌，炒蛋帶陣陣奶香，口感亦都好滑溜。外層是烤得外脆內軟的多士，夾埋滑牛同滑蛋一齊食好好味！旁邊還有香甜的水果沙律，面頭灑上粒粒藜麥，令口感更豐富特別。跟餐可選茶或咖啡，糖水分開上可以自己調節甜度。男友比較肚餓，諗住叫一客粟米真星斑飯，不過星斑飯早早就賣完了，惟有試下肉粒飯啦。🔻黑豚肉粒飯🔻呢碗肉粒飯價錢絕對唔平但勝在用料上盛，主角黑豚肉粒口感彈牙有嚼勁之餘又有豬肉鮮味，間唔中食一次當做獎勵自己吧！粟米汁有濃郁的忌廉味，食落好香。最開心喺醬汁份量夠多，足夠撈勻成碟飯食。餐飲可以加$10轉做coffee latte，奶味好香，質地幼滑。以祥仔的質素絕對是可以再encore

原本J先生想再去幸福鳥吃午餐（因發現優惠券快到期了）；到了K11逛街之時，發現了這餐廳，看完餐牌後；改變主意 - 祥仔後來才發覺原來屬於同一集團的餐牌上很多食物是一般茶餐廳可以吃到的！午餐時段：由早上11點至下午5點（附送咖啡或茶）午餐 另加+$15 用了兩日兩夜精心製作的羅宋湯。先將所有新鮮的食材煮成湯，經過一晚的冷藏；加以熬製令湯更入味，再冷藏一個晚上，翌日煮滾！每一口湯包含著濃郁味道而帶微辣感覺午餐飲品 凍奶茶J先生話：茶底香濃！午餐飲品 改祥仔特飲 另加+$20特飲內有菠蘿粒，橙粒，士多啤梨粒每啖甜甜的！這道菜，上碟時，炸豬扒香氣飄出；酥脆外層包著軟腍厚切豬扒，配上新鮮意大利蕃茄製作之醬汁，每啖吃到飯香（米粒比平日吃的大粒，不似日本珍珠米）將這道經典之作，變得不平凡的脆脆豬扒飯J先生話：醬汁不是罐頭的；香而不膩的醬汁！星斑蒸煮得剛好嫩滑；其中一塊煎過的是日精選甜品 另加+$15五/六粒士多啤梨切半配上醬汁，甜中帶少許酸醬汁似乳酪加了一點點忌廉！用了優惠券祥仔 總結：一定要試！