影片
更多
2019-11-27
930 瀏覽
喺尖沙咀血拼完之後，望一望手錶原來已經下晝兩點半，發現K11都開左祥仔而時間又剛剛好可以食到下午茶餐，所以就入去試下。餐牌上其中一款是牛肉炒蛋福袋，鍾意食炒蛋的我便被深深吸引住，唔使多諗就點餐了。食物款式同茶餐廳相似，價錢則比茶記貴，不過呢到嘅用餐環境高貴雅緻，座位寬敞舒適，好岩同朋友慢慢食慢慢傾。🔻紐西蘭牛肉炒蛋福袋三文治•田園素菜三文治🔻賣相好似同茶記嘅蛋牛治差唔多，但牛肉同雞蛋用料都頗有質素，香羶的牛肉肉質嫩滑完全唔韌，炒蛋帶陣陣奶香，口感亦都好滑溜。外層是烤得外脆內軟的多士，夾埋滑牛同滑蛋一齊食好好味！旁邊還有香甜的水果沙律，面頭灑上粒粒藜麥，令口感更豐富特別。跟餐可選茶或咖啡，糖水分開上可以自己調節甜度。男友比較肚餓，諗住叫一客粟米真星斑飯，不過星斑飯早早就賣完了，惟有試下肉粒飯啦。🔻黑豚肉粒飯🔻呢碗肉粒飯價錢絕對唔平但勝在用料上盛，主角黑豚肉粒口感彈牙有嚼勁之餘又有豬肉鮮味，間唔中食一次當做獎勵自己吧！粟米汁有濃郁的忌廉味，食落好香。最開心喺醬汁份量夠多，足夠撈勻成碟飯食。餐飲可以加$10轉做coffee latte，奶味好香，質地幼滑。以祥仔的質素絕對是可以再encore
餐牌上其中一款是牛肉炒蛋福袋，鍾意食炒蛋的我便被深深吸引住，唔使多諗就點餐了。
食物款式同茶餐廳相似，價錢則比茶記貴，不過呢到嘅用餐環境高貴雅緻，座位寬敞舒適，好岩同朋友慢慢食慢慢傾。
🔻紐西蘭牛肉炒蛋福袋三文治•田園素菜三文治🔻
賣相好似同茶記嘅蛋牛治差唔多，但牛肉同雞蛋用料都頗有質素，香羶的牛肉肉質嫩滑完全唔韌，炒蛋帶陣陣奶香，口感亦都好滑溜。外層是烤得外脆內軟的多士，夾埋滑牛同滑蛋一齊食好好味！
旁邊還有香甜的水果沙律，面頭灑上粒粒藜麥，令口感更豐富特別。
跟餐可選茶或咖啡，糖水分開上可以自己調節甜度。
男友比較肚餓，諗住叫一客粟米真星斑飯，不過星斑飯早早就賣完了，惟有試下肉粒飯啦。
🔻黑豚肉粒飯🔻
呢碗肉粒飯價錢絕對唔平但勝在用料上盛，主角黑豚肉粒口感彈牙有嚼勁之餘又有豬肉鮮味，間唔中食一次當做獎勵自己吧！
粟米汁有濃郁的忌廉味，食落好香。最開心喺醬汁份量夠多，足夠撈勻成碟飯食。
餐飲可以加$10轉做coffee latte，奶味好香，質地幼滑。
以祥仔的質素絕對是可以再encore的啊！
張貼
