神山麺屋 (創紀之城五期(apm))

營業中

休息中

: If you're a noodle lover, you need to check out Kanzan Menya! I recently tried their Kanzan Tsukemen and it was a total game-changer. 😍The dipping sauce was thick and flavorful, with a complex blend of spices and umami flavors that made it a standout dish. The noodles were perfectly cooked and had just the right amount of chewiness. The dish was served with a perfectly cooked soft-boiled egg, which added another layer of flavor and texture. 🔥Kanzan Menya originates from Tokyo, so you know you'

約咗朋友去觀塘APM 買嘢，之後肚餓緊係喺APM 搵食啦，今次揀咗”神山麵屋”位於APM 2樓，非常方便易搵內裡真係好多人幫襯。好開心，職員安排了卡位比我哋，坐得舒適，環境優美期間限定，好吸引呀啲小食Menu好抵食，又多選擇。消費滿$100，可加$28就有大大碟小食，一定要試1. 神山炸雞-芥末醬($28)，即叫即炸，上枱熱辣辣，外脆內熱，雞肉夠Juice，配上芥末醬食落十分醒神。2. 吉列廣島蠔($48)，一共3隻肥美嘅廣島蠔都只係收$48，又一抵食之選。3. 和風蘋果沙律($45)，蘋果超級爽甜，好清新，令人好開胃4. 牛舌沾麵($118)，牛舌超級諗， 仲有三大片。沾麵麵底夠煙煙韌韌，再掛上超級熱辣辣嘅濃湯，真係無得輸5. 神山沾麵 (白)($88)，餸菜鋪滿晒碗內，啖啖肉好豐富6. 蜜桃焙茶、巨峰梳打(各$28)，蜜桃培茶少少甜好解渴。巨峰梳打同樣少少甜，好夠氣，配麵一流。整體而言，沾麵好食無得輸，各小食價錢平，十分抵食，值得一試再試。

日本麵食除了拉麵外，還有沾麵，也是不容錯過的。香港吃到正宗濃湯的沾麵不多，而這家來自日本東京的沾麵店，味道、質素及性價比也很高。裡面地方不算大，剛到晚市時間，全場滿座，要在外面輪候。神山湯餃子餃子煎完後放進湯裡，咬下去都是滿滿的肉汁及湯汁。神山豚燒叉燒沾汁麵沾麵用了坑紋麵，麵條挺身，更加易掛湯汁，不過麵條份量不多，不夠飽的話可以追加一份麵底。另外除了火炙過的叉燒外，還額外加了厚切豚角，豚角厚肉，肥瘦均勻，夾雜肥膏，肉質保持軟腍，很容易便可以撕開了。峰梳打原個玻璃樽一支上，真實的巨峰提子果汁香味。

去完日本返黎一直都好思鄉🤣琴日收工老公話不如去食拉麵，咁我梗係話好啦！去左apm 呢間神山拉麵，雖然門面睇落好似好細間，但原來入面好多位好寬敞，坐得好舒服 激辛牛舌沾汁麺 （套餐價$148、單點價$118） 見到呢個新出嘅套餐真係好吸引🤩 因為我平時都好鍾意食辣嘢，呢個真係值得再encore！沾汁有三款辣度，我揀咗爆激2辛， 已經好夠辣好惹味！而佢呢款面好似比起平時嘅拉麵闊身啲，好掛汁，真係值得叫嚟食吓。另外套餐配特飲同埋辛味豚耳一份，蜜桃焙茶好清甜，唔會話死甜好解膩。辛味豚耳辣辣地好開胃。白神山叉燒拉麵 $80 +豚角$25 老公話呢個麵都好好味，麵條唔會煮得過淋，叉燒同埋豚角嘅份量都好多，食落啖啖肉。而且湯底都非常之濃郁，但係又唔會好Heavy，仲配埋糖心蛋好滿足！芥末醬神山炸雞 $42炸雞份量好多，肉質好Juicy，啱啱炸起仲係好熱辣辣，配埋佢哋特製嘅芥末醬好好食，啱晒食肉獸吉列廣島蠔$48 廣島蠔一份有三件，每隻蠔都算大隻，食落都好有鮮味，下次嚟都會再叫！📍 神山麺屋 (創紀之城五期(apm)) (觀塘)觀塘觀塘道418號創紀之城五期(apm)2樓L2-1b號舖

觀塘APM 真係好多嘢食，雖然多但一到午膳時間就會人山人海，幸好今日時間尚早，行經呢間拉麵店有位，橫掂末食過，一於試吓。不吃拉麵，反而被湯餃子吸引到。餃子浸入湯中，湯底變得油膩，餃子少了份油，吃起上來比較輕巧。餡料頗多，皮不厚。另點了一碗炒飯，粒粒分明，炒得乾爽，配料有蛋，蔥花，义燒粒，高菜，紫菜，口感非常豐富。

濃郁嘅湯底滿滿豬骨味啖啖湯都係精華望落好多油但好好食好滿足仲有一粒溏心蛋雖然份量唔算好大但就可以叫埋小食幾好芝士餃子好大粒外表煎香但內裡好多張出面嘅芝士好邪惡好加分

位於觀塘的沾麵拉麵店，主打招牌沾麵，還有其他選擇，如拉麵、咖喱飯、小食及各類飲品。小食：蒜香魷魚鬚 魷魚鬚沾上醬汁，還有蒜粒及蔥花，蒜香味濃；魷魚滑口且煙韌。米飯：高菜叉燒炒飯餐牌寫著小碗份量，上枱發現飯量其實也蠻多的，入面有很多角切叉燒粒，還有高菜、雞蛋、蔥花，炒得油香惹味。神山沾汁麵：神山豚燒叉燒沾汁麵一碗濃稠的湯汁，浸泡著溏心蛋，竹荀及叉燒肉粒，另一碗則有粗麵條、豚燒叉燒及洋蔥。叉燒薄片，燒得焦香乾身。麵條很有韌性，溏心蛋半熟流心狀態。湯汁濃而不鹹，帶點魚介香，沾著麵食。飲品：蜜桃焙茶蜜桃甜香味較濃，配襯淡淡的焙茶底，味道很夾，而且兩者比例剛好。

我地真係好鍾意食日本拉麵😍👍🏻😝老細尤其喜歡沾麵🤭😁貪佢湯汁濃郁！👍🏻我就乾嘅湯嘅通殺😝神山麵屋嘅沾麵麵身比較粗，而且專登整咗一啲坑，方便掛汁🍜所以食落去好濃好香～我最鍾意佢麵身身夠粗，又彈牙，夠晒咬口！佢嘅角豚肉唔會炆到爛曬，有少少似燒過嘅東坡肉咁🤭😋好香濃，但係又唔油膩。本來想食另一款沙律，但係佢話冇🫣😓呢個蟹子蘋果沙律都幾清新，雞軟骨就正常操作啦…無咩特別～老細話齋：炸雞軟骨唔方差得去邊🤭🤭😅

今日跟朋友去咗觀塘APM 神山麵屋lunch ...試下激辛牛舌拉麵看看有幾激😝...激辛牛舌拉麵辣度有分1，2，3辛的…我哋揀咗2辛中間🫢原來都幾辣🫣🫣但又幾刺激😂😂不過 個辣味係ok ，鍾意辣的朋友一定要試吓🤣🤣牛舌厚切🙊囗感不錯！整體來說👍 神山炙刂叉燒沾汁麵 再加配豚角煮🤭🤭有一隻流心蛋和2塊紫菜…叉燒灸得好香，好惹味🤭🤭湯底好濃郁，暖暖哋，不是其他店的熱辣辣的！麵底囗感煙靭，不沾湯都已經好好味！ 加$25 ，有2塊厚切的豚角，真係好入味🤤蒜香魷魚鬚 ，魷魚鬚幾靚，都幾大條，有咬感！

住觀塘區少不免會去Apm行街食飯，食拉麵我通常都簡神山，抵食之餘拉麵又多湯底簡，佢地個湯餃子更加係會食過番尋味！今次我嗌左白神山叉燒拉麵，湯底傾向比較清D，想濃D可以叫黑神山，湯碗邊有兩塊大大薄切既叉燒片，肉質口感軟腍，溫泉蛋好流心，麵條軟硬適中。友人喜歡吃辣，所以嗌左赤神山豚角拉麵，湯底辣味個人認為屬中等程度，豚角既肥瘦度適中，一分肥兩分肉，肉質緊緻帶有豐富肉汁和油脂，同樣配有溫泉蛋，惹味黎講呢個一定更勝白神山叉燒拉麵！另外我地仲嗌左幾款特色小食，幾款都好正！《薯片一口雞翼》成隻雞翼外面都黐滿薯片，薯片有d似珍珍原味，感覺好新鮮好特別，雞翼面咬落好脆口，雞翼既肉質好嫩。《七味烏軟骨唐揚》脆口小食，越食越上癮，送酒必點之選。《神山湯餃子🥟》個個食拉麵嗌餃子首選都係嗌煎餃，黎神山拉麵大家記得係要嗌湯餃子！雖則係湯餃但佢隻餃子都有煎過，煎餃浸左係湯後完全無成隻變冧曬既感覺，單就咁飲個豚骨湯味道己經好鮮甜，d湯滲入餃子一齊食味道更加昇華，餃子以韮黃，菠菜作餡料，超好味👍🏻咁多樣入面我最鐘意呢個🫶🏻《吉列廣島蠔》外皮炸得夠脆，廣島蠔油炸後唔會有腥味，仲依然能夠保留到蠔既鮮味。埋單食左咁多野一人

又一個人去食好嘢！😋今次嚟觀塘APM嘅神山麵屋試咗佢哋嘅神山豚角沾汁麵～❤️沾麵係其中一種日本拉麵，湯底同麵條分開盛放～神山豚角沾汁麵嘅麵條彈牙有嚼勁，湯底豚角沾汁，濃郁豬骨湯底加埋獨家調配嘅醬汁，好香味道好濃厚，豚角肉質鮮嫩多汁，同麵條配合得好好，口感爽滑又有層次感。❤️😋另外，我仲叫咗雞軟骨，都係超級好食！雞軟骨炸得香脆，入口酥脆多汁，肉質又嫩又有彈性。點埋醬汁，風味十足。❤️😋下次嚟apm會再嚟神山再食佢嘅沾麵！❤️‼️

📍 神山麵屋 Kanzan Menya🌍觀塘觀塘道418號創紀之城五期(apm)2樓L2-1b號舖Shop L2-1b, 2/F, Millennium City 5 (apm), 418 Kwun Tong Road, Kwun Tong📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⤫ 神山湯餃子 ⤫ ＄４８煎到餃子微脆，餃子慘透湯汁，爆汁鮮濃，湯汁用秘製豬骨湯加埋韭黃、菠菜配料，忍唔住飲哂！！！⤫ 唐揚豆池魚 ⤫ ＄４５乾爽不清油，愈嚼愈香口，配柚子沙律醬好清爽～⤫ 蒜香魷魚鬚 ⤫ ＄４２魷魚鬚滑溜爽口，勁多蒜超惹味。⤫ 神山炸雞 ⤫＄平日午市晚市優惠，消費滿＄１００都可以可加配 ～～炸雞皮脆肉嫩，配芥末醬更滋味。⤫ 激辛牛舌拉麵 ⤫＄１１８厚切牛舌，肉質細嫩，肉味重；自製麵條好有心思，有坑紋勁掛湯；湯汁就勁香麻，叫左爆本１辛，算係比較食得辣都都唔係好頂得順😵‍💫⤫ 湯咖哩豚角煮 ⤫＄８５勁多蔬菜：秋葵、椰菜、西蘭花、紅蘿蔔，勁健康，第一次食湯咖喱有啲唔慣，但角豚骨就超好食，半肥瘦卻食落肥而不膩～

每次去APM都必定會到神山麵屋食拉麵，因為佢啲拉麵好彈牙唔係林啤啤，而且不是中華拉麵，湯底濃厚，麫連湯底一齊食，真係冇得輸😋我比較鍾意白湯底叉燒拉麵、同埋黑蒜湯底拉麵🍜

🇭🇰｜神山麺屋📍觀塘觀塘道418號創紀之城五期(apm)2樓L2-1b號舖——————————————今次又去左觀塘搵食🫶本身想去駱駝漆一間餐廳食點知佢無開左🥹💔之後轉左場去APM食拉麵🔖神山豚角沾汁麵 HKD88🌕🌕🌕🌕🌕最鍾意佢個拉麵質地 係具有口感嘅坑紋麵坑紋麵食落會更掛汁 豚角好厚肉 脂香油豐 🔖 黑神山叉燒拉麵 HKD78🌕🌕🌕🌕🌖 叉燒以薄切形式 掛於湯碗2塊叉燒口感都好順滑 仲有啲筍做配菜 好爽口麵質係偏幼 （但我個人鍾意食比較粗嘅拉麵）—————————————-📝雖然要等位 但都好彩好快有位

知道這間店很久了也沒進過來，今次係apm睇戲前醫肚就黎試下。雖然呢間係主打拉麵，但個定食睇落去都好吸引下，所以我就叫左個湯咖哩豚角定食。朋友就叫左神山豚角沾汁麵。另外再點左個和風蘋果沙律黎開開胃，但見到個神山湯餃子同蒜香魷魚鬚都幾吸引就順便叫埋（痴左線🤣係咁叫）野飲見佢原本有個番茄soda點知賣晒，員工就推薦蘋果焙茶比我，朋友就點左巨峰soda。個蘋果焙茶有驚喜，佢係似一支支玻璃既日本蘋果汁之餘亦都飲到茶味，唔怪之得員工都推介😼另外個巨峰soda雖然係支裝，但味道一d都唔hea, 冇藥水味，亦都唔會過甜。雖然唔係主打既拉麵，但似乎定食都ok喎，呢個豚角定食，但除左個豚角之外，裏面仲有好多蔬菜喎，有著仔、秋葵、蓮藕、西蘭花等，真係超豐盛😲，另外唔好睇佢個汁有少少稀咁，但食落咖哩味好足，餸飯一流，個豚角大大件，足晒份量😮。D麵煮得剛好，唔太硬亦唔太淋，好有咬口👍肉既份量夠，煮得夠香，同個濃濃的沾醬汁撈埋一流！神山湯餃子建議要連埋個湯汁一齊食，先感受到個湯汁令到個餃涵昇華既味道，個餃湯裏面有蔥花，令到食完d餃子都唔會覺得肥膩。蒜香魷魚鬚又係另一驚喜，原本以為魷魚鬚都會有啲韌啦，但又冇喎，ok