神山麺屋 (創紀之城五期(apm))

營業中

休息中

說是秋天但天氣還是那麼熱，晚餐只想吃碗麵，卻怕泡在熱湯裏的麵會越吃越熱。這個時候，沾麵幫到你。每次夾起一小撮麵，浸一浸湯立即吃，麵就不會太熱了這間店聽說是來自日本的過江龍，質素有點期望，就叫了餐牌上首兩位的沾麵來試試🍜神山豚角沾汁麵豚角就是切小塊的五花肉，炆煮到軟腍入味，然後搽上秘製醬汁來燒。咬下去先食到焦香帶甜的醬油味，配合的腩肉那種潤滑而鮮香的肉味，令人忘記什麼叫卡路里。沾麵的湯比一般拉麵濃很多，近乎忌廉湯的質感，是用豚骨和魚介熬上8小時才做到。特製的麵條中間有一道壓紋，加強掛湯力，每一口都裝滿湯底的鮮味。而且不像普通拉麵浸久了口感變軟，食前才沾汁，就直到最後一口麵身依然爽口彈牙🍜神山炙燒叉燒沾汁麵整體和豚角沾麵差不多，只是豚角換成叉燒，味道像汁燒烤肉，肉香撲鼻，比較爽身。如果覺得豚角太邪惡，可以選擇這個。🍺味道濃郁的沾麵配啤酒最好，要是不想飲酒，有汽飲品如巨蜂提子梳打也不錯餐牌上的小食也很吸引🍗雙色牛舌淺色的是麻油醋涼拌牛舌，味道有點似潮州鹵味，少少酸味幾開胃深色那邊是甜椒蕃茄汁炒牛舌片，襯托出牛味比較香口和彈牙，我喜歡這個多些🥗和風蘋果沙律爽甜蘋果和青瓜加火腿，上面灑上少許提子

第一次食呢間餐廳，上菜速度好快5分鐘左右已經上咗拉麵。👍🏻 拉麵湯底辣味過重🥵，完全覆蓋咗原本既湯底，油膩既感覺亦甚重 、麵底頗硬、煮既時間唔夠。😟好彩叉燒肥瘦合適加番少少分🤩，蛋同配菜正常無特別。 餃子最為好食，煎既時間適中，唔會過硬燶底，有少少蔥花點綴，加埋醬汁幾開胃。😋👍🏻 店員服務迅速，上菜半個鐘內已經完成，用餐時間一個鐘內。🕰️👍🏻 鋪頭大致整齊乾淨，無需輪侯，即時入座。👍🏻

💬 CP值：1/5 本身係見到價錢唔算貴所以入去食 但係食完覺得呢個價錢咁嘅質素我唔會去食第二次 寧願比多少少錢食啲真係有質素嘅拉麵同沾麵🥶 本身以為呢間麵店係連鎖店 因為質素似係快餐港式質素 點知一做research 發現佢竟然係東京過江龍 仲俾傳媒寫做日本第一沾麵店😅😅 唔知道尖沙咀嘅質素會唔會好啲 但觀塘嗰間真係好難食💔 而且店員服務態度都唔好 當時揀餐諗咗比較耐 換來店員不耐煩咁為我哋落單 仲要收加一服務費🫠 🔖 叉燒醬油拉麵 $85 (2/5)碗拉麵一上檯見到面頭有芫荽同紫洋蔥就已經覺得中伏🫠成碗嘢好似好港式咁 一試個湯底就覺得只係醬油加水嘅味 非常非常普通好似飲緊杯麵湯底咁😿 拉麵就係普通喺街邊買到嘅包裝拉麵嘅食感 叉燒冇經過任何特別嘅處理eg炙燒 不過勝在夠大塊🔖 神豚燒沾汁麵(白) $95 (2/5)呢個沾麵可取嘅都係肉 沾麵汁一食落去係極鹹🥵 好勉強先食晒成碗 到最後發現個汁竟然係要撈勻先無咁鹹 🔖 神山手造餃子 $48 (2/5)餃子嘅皮唔會太厚 但係入面個餡純粹係一堆調咗嘅豬肉 無咩特色 食完會即刻唔記得係咩味 🔖 牡蠣五輪燒餅 $58 (3/5)燒餅嘅味道都唔錯

又嚟喇，喺觀塘問親小姐食咩都係話要食神山拉麵，話麵質好味，湯底又好味，叉燒又夠淋，所以好鍾意食。今次同另一個family 一齊食，阿囡同Family媽媽叫咗白神山叉燒拉麵，Family姐姐叫咗醬油叉燒拉麵，Family爸爸仲試咗個丼飯添！好食到阿囡竟然自己食晒個拉麵，佢話平時就算屋企買幾隻麵都無咁好食，值得！姐姐就好buy 個炸雞軟骨，點沙律醬，慢慢咬，香口得嚟有口感，的確唔錯~ 我自己最欣賞佢隻流心蛋，嗯~ 自問無心機整 食飽連飲品，人頭價$100左右，滿足~#學游水後family lunch #真心欣賞餐廳#返chur#近丫嘛(試食活動？！🤔）

去apm行街，夜晚唔知食咩好，就揀左呢間入口好隱蔽嘅拉麵店，但門口起碼排左五六組客人，我地等左二十分鐘先有得入去🥲😗睇住餐牌諗緊揀拉麵定沾麵好，結果都係想試吓佢嘅招牌沾麵，就叫左個神山豚角沾汁麵🍜等左15分鐘就上菜，個湯底真係幾濃厚，好重豬骨味，arm晒我呢d重口味人士🤣 舊豚肉都好正，肥肉入口即溶🤪 隻蛋都係溏心蛋 麵質都幾好👍🏻 我食過其他拉麵，都會咸到想飲水，但呢間嘅麵唔係死咸，冇咁易覺得口渴，一定要飲水👍🏻🤩埋單一百蚊度，合理，會再黎食😋

一直都好鍾意食沾汁麵， 之前經過門口，已經被神山麵館吸引，古色古香，覺得好有氛圍，難得黎到裕民坊，就決定同朋友一齊試下❤️❤️神山麵館環境好，食物都係值得推介，個人覺得性價比十分高，價格相宜，份量亦多，一次過試多幾項菜品，滿足味蕾😋🌟神豚燒沾汁麵(白) $95湯底很濃郁，見到豚仔粒，配料足，味道豐富。麵底實，唔會軟淋淋，加上沾汁，配以一口燒豚肉，正👍🏻🌟蒜香魷魚鬚 $48魷魚鬚沾有蒜未，加些許醫油，同我最鍾意既蔥花，好滋味，大推！🌟雙色牛舌 $58兩種牛舌滋味，每片牛舌都啖啖肉，一口清淡些，一口濃味些，烹調得好冧，份量又多，兩個人食岩岩好！🌟神山炸雞 $48 & 北海道流心芝士丸 $28炸物火候掌握唔錯，唔會燶，入口香味濃，而且有啲沙律醬加配菜，解膩又豐富味蕾，鍾意食炸物可以試下！🌟牛油露荀炒雜菌 $52同上面一樣，份量好多，覺得3-4個人食都可以，如果驚食得太漏，叫碟雜菌都係好選擇！溫馨提示：餐廳收加一，但性價比高，誠意十足❤️

🐱東京過江龍沾麵😍價錢屬中位，唔洗一百就食到一碗沾麵🍜仲有其他小食，例如炸雞🍗魷魚鬚🦑餃子🥟等等😚神山豚角沾汁麵：$90🌕🌕🌕🌕/5沾汁湯食落比較重魚介味，超香濃😍心精之作😉配上大量蔥花😚而個糖心蛋有少少日式醬汁味，流心而且夠入味😁個日式燒叉燒唔會過燶，屬半肥瘦豚肉🤓最鍾意係個拉麵🍜非常煙靭，就咁食唔點任何沾汁，會食到好重蛋香🥚蒜香魷魚酥：$48🌕🌕🌕🌖/5面頭有少少沙律醬加埋個冷麵醬汁，比較港式🇭🇰食落超濃蒜味🧄魷魚鬚好彈牙，愈食愈開胃🤤牛油蘆筍炒雜菌： $52🌕🌕🌕🌖/5份量唔少啊🤓面頭有少量木魚🐟即刻成個感覺變返日式🇯🇵食落唔算好重牛油味，唔洗擔心太heavy😉神山炸雞（芥末醬）：$48🌕🌕🌕🌖/5炸雞麵好大件🤤炸粉好少，食落都好香脆😌雞肉意外地好滑🐓備注：有加一💰

觀塘都有唔少食日本拉麵嘅舖頭，我就比較喜歡食神山拉麵，因為喜歡佢個豚角煮。而且佢嘅座位比較坐得舒服，小食的選擇也多。神山豚角沾汁麵 $90由於湯底用大量豚骨和豚肉炮製而成，特別香濃，豚肉經過火炙，外面微微朝香，配上有坑紋和較為粗身的麵條，特別掛湯。黑神山叉燒拉麵 $85 湯底大有好香的黑醬油味，配上原隻的半熟雞蛋，還有竹筍香蔥等等配料，兩大件叉燒，吃得很滿足。七味雞軟骨 $38這個做餐前小食很適合，可以邊慢慢吃邊傾偈。慢煮雞胸凱撒沙律 $42沙律菜醬汁比較多，而且有一隻溫泉蛋，有三片雞胸肉，性價比很高。蒜香魷魚鬚 $48這個做得很出色，配上檸檬汁，很開胃。推介！職員服務幾好，餐具很乾淨，值得一讚。

呢日下晝嚟咗觀塘apm嘅呢間拉麵店 呢間拉麵店除咗有吧檯嘅位置🥰 亦都有寬敞嘅卡位 坐得舒服又啱同朋友傾計😙神山豚燒叉燒沾汁麵沾麵湯係用豬骨 日本魚介同醬油熬成 味道帶鮮 唔會過鹹🫢 沾麵仲有兩大片叉燒 叉燒用咗日本嘅豬肉 沾麵用咗粗嘅坑紋麵 令麵條更加掛汁🍜赤神山豚角拉麵呢個湯底第一啖飲落真係幾嗆喉 但係食落又幾刺激 兩件豚角肥瘦層次分明 口感非常好🐷 拉麵麵條彈牙 幾好味🤤雙色牛舌好少見呢款小食 所以就叫咗呢個🐮 牛舌有兩種口味 一款係冷盤嘅黑椒味 另一款係熱食嘅西式醬汁 牛舌口感彈牙 兩款口味都唔錯👅薯片雞翅呢個單骨雞翼外層係薯片 食落感覺熟悉得嚟又陌生 因為好少係咁嘅配搭 真係特別得嚟又有驚喜🐥 即使係單骨都非常大隻神山炸雞 芥末醬呢個炸雞炸得香口得嚟 入面仲有肉汁😮 配上芥末醬就更加惹味🤩 幾推介呢個小食ZeroMenu上都有其他特色飲品嘅 不過今日咁熱真係好想飲可樂🥤 呢間拉麵店除咗麵好食之外 小食都非常驚喜 真係好推介嚟呢度食拉麵啊🥰

阿囡每次學完游水就話要食神山，學水咁耐食咁耐，仲係唔厭⋯拉麵真係好食，湯底掂！小食雖然款式少啲，但質素真係唔差，之前食過蘋果沙律同魷魚，今次食雞軟骨都唔錯👍🏻 最重要係阿囡竟然可以食到3/4碗拉麵😎

相約細妹APM行街兼食個午飯，經過二樓「神山麵屋」係來自東京嘅過江龍，主打沾汁麵，我哋都想試吓。未到一點店內已經坐滿食客，我哋等咗一陣就入座。日本拉麵店裝修，環境唔算寬敞，設有吧枱座位。֎神山豚燒叉燒沾汁麵 $88有兩大片叉燒，份量都唔少，掃上秘製醬汁，甜甜哋，表面燒得焦香，唔似日本叉燒嗰隻，反而味道有啲似韓燒。沾汁裡有原隻流心蛋，咬開勁流心。沾汁都勁稠身，有漿住口嘅感覺，飲到係用咗大量豚骨熬製出嚟，醬油味濃郁有層次。坑紋麵喺沾汁裡兜一圈，掛滿湯汁，配埋汁裡有豚肉粒、筍、蔥粒，食唔停口，食到好飽。֎激辛牛舌沾汁麵 (套餐) $148一嚟到梗係試吓個沾汁先，入口過幾秒辛辣味開始喺口腔慢慢擴散，雖然叫咗「1辛」少辣，但都算好辣，對我嚟講太刺激。牛舌厚切，入口係超腍，牛味濃。麵條好柔軟煙靭，有坑紋加強掛汁力。套餐包括小食及特飲：⊛辛味豚耳係蒜芯炒豬耳冷盤，有少少麻辣，蒜芯爽脆，豬耳入味有咬口。⊛冷泡焙茶淡淡茶味，冰凍解辣，唔算細杯，但我愈食愈辣唔係好夠飲。#神山麺屋地址：觀塘觀塘道418號創紀之城五期(apm)2樓L2-1b號舖

多次經過店舖都沒有進去，終於這晚充滿希望走入店內。我們期待著跟原址舊的一間麵店一樣，拉麵會很可口美味。可惜這店做出來的拉麵味道上比期望是有點差距。麵不是完全不好吃，只是不是個人想吃到的味道。那沾醬麵真的比較失色，醬是冷冷的，麵是冷冷的，因為再配合了兩片冷冷的叉燒肉片，吃後就是有點過膩，油都在胃裏卡著。如果麵或肉能夠熱些就好了，可以沒有吃不消感覺。朋友說她那碗湯麵亦一般般。餐廳內比較坐得迫，不是寬敞舒服那種，但沒關係，吃一碗麵所需時間也不長。也許當我很想很想食拉麵而人又在附近，都會再來，否則暫時沒意慾再來吃了。

叉燒煮得好入味 好淋 nice(◡‿◡✿)啲拉麵好彈牙 成碗麵份量亦都好夠飽同行友人們叫咗黑、赤神山黑蒜油湯好香好正！赤湯的辛辣味都好足(˚▽˚)👍🏽 之前有同友人試過沾麵佢覺得個沾醬太咸 我個人就覺得還好不過其實唔使沾就 咁一碗拉麵已經好滿足(^^) 啲料只有唐心蛋同筍 比較少 而且竟然冇紫菜ww唐心蛋放喺碗麵度太耐有機會已經唔唐心(mine one lamo)推薦大家辛苦咗一日之後去食拉麵真係好鬼死正✿◕ ‿ ◕✿

行開apm見到呢間拉麵店好多人等位，見到近排推出咗激辛牛舌拉麵/沾麵，啱晒鍾意食牛舌又鍾意食辣嘅我😆激辛牛舌沾汁麵套餐 $148有三個辣度，叫咗1辛試吓先～ 套餐包特飲同辛味豚耳。試咗個湯先，辣辣哋有啲後勁，辣得好爽！牛舌幾軟腍，沾汁食都夾！麵質唔會太腍，但就唔係我最鍾意嗰種煙韌度，加埋辛辣湯一齊食，唔錯幾好食！套餐嘅辛味豚耳都唔錯，幾爽口，仲有蒜芯，辣辣哋幾開胃！神山豚角沾汁麵 $88呢度嘅人氣沾麵，有兩大塊豚角煮，肉質軟腍唔乾身，外面燒到焦香，幾好食！麵條同牛舌沾麵一樣～ 湯底都算濃郁。和風蘋果沙律 $45好清新嘅沙律，好好食！有蘋果條，青瓜條同火腿條，仲有麥片脆脆，整體好夾好fresh！推薦試試！神山炸雞 $28消費滿$100可以特價加配小食，幾抵食！炸雞份量多，仲好大塊，外脆內嫩，配埋芥末醬，好食！神山手造餃子 $28另一款小食叫咗餃子，皮薄煎到外脆內軟！一份有5隻，唔錯！巨峰梳打 & 蜜桃焙茶巨峰梳打係原瓶上，味道都唔錯，唔會太甜！蜜桃焙茶係套餐包嘅飲品，都幾好飲，好香蜜桃味🍑整體食物味道都唔錯，價錢又合理，可以試試～

今日想食下拉麵，今次係APM搵到呢間拉麵店神山麺屋✨神豚燒沾汁麵（白）$88麵條口感適中，叉燒都幾大塊，麵沾濃厚，可以令麵條掛湯，再配上一粒糖心神蛋😊✨蕃茄叉燒拉麵 $85本人熱愛任何蕃茄湯產品，今次蕃茄叉燒拉麵亦都係我一定會叫😆蕃茄湯屬於偏酸口味，喜歡偏甜的人要留意一下～～作為重口味人士我覺得可以再重味啲，但呢個都不錯！✨神山湯餃子 $42呢個餃子都幾出色，因為個湯夠好飲！令到普通既餃子食落去有另一番味道～而且餃子煎過，配埋個湯所以都好香口。✨雙色牛舌 $48呢款雙色牛舌都幾特別，一款係凍食，另一款係熱食。先吃凍的，有助開胃。我覺得熱食好味啲，有別於平時食開既牛舌，咸咸地～✨吉列廣島蠔 $48成餐飯我最好食既竟然係呢個廣島蠔！外面炸得脆脆，但一啲都唔油膩，而家唔會食到成口都係炸粉。蠔好鮮，冇怪味，鐘意食蠔既人唔好錯過～～✨梅子青檸梳打 $28左邊係梅子青檸梳打，右邊係巨峰提子。梅子青檸梳打比較特別，如果食完沾麵想中和一下，呢個都係唔錯既選擇！