神山麺屋 (創紀之城五期(apm))

營業中

休息中

平時經常到神山麺屋食午餐， 今次剛行完apm就順便食埋晚餐才回家。神山麺屋是一間東京著名的沾麵店，菜式種類多， 環境舒適，服務好。晚餐🥢 ～湯咖哩雞腿定食$90、 地之卷拉麵$138、 蘋果汁$8、  牡蠣五輪燒餅$58、 和風蘋果沙律$45、 可樂$18。 📍地之卷拉麵 ～ 店員推介的新出品， 湯底非常濃郁， 好香的雜菌味， 拉麵軟硬適中，土佐豆腐很滑，淋上醬汁， 味道更佳。 📍湯咖哩雞腿定食 ～ 湯咖哩好香濃， 有大大隻嫩滑的雞髀， 湯咖哩裏面有大量的蔬菜， 拌飯食非常惹味。 📍牡蠣五輪燒餅 ～ 燒得好香，餡料很充足， 食起來香噴噴的。 📍和風蘋果沙律 ～ 蘋果絲爽甜青瓜，口感清脆，再配上火腿和沙律菜， 清新開胃。 📍蘋果汁 ～ 充滿果香味， 清甜可口。 📍可樂 ～ 可樂是一個很好的配搭，食住拉麵飲可樂，也非常爽。 價錢合理，款式又多，味道不錯，值得推介。🏷️溫馨提示～ 整個用餐體驗均屬個人分享意見， 只作參考😊。    

相約朋友放工去 apm 行街食晚飯，經過二樓的 神山麺屋 Kanzan Menya，比來自東京的過江龍吸引住，主打 沾麵，好想試吓！平日晚上坐滿食客，我哋等咗一陣就安排入座，東京日本拉麵店的裝修模樣，環境寬敞，坐得幾舒服，吧枱座位，滿足一下想去日本食拉麵的慾望。唐揚豆池魚首先，叫個小食物，唐揚豆池魚外表炸到金黃酥脆，豆池魚裡面肉質嫩滑，無骨， 唔會炸得太乾 ，配上醬汁口味啱啱好。和風蘋果沙律和風蘋果沙律好多蘋果和蔬菜， 豐富實在， 蘸上沙律汁，減少油膩感，最鍾意醬汁幾特別，酸酸甜甜，勁開胃！神山沾汁麵（白）神山沾汁麵賣相十分吸引，份量都唔少，兩大件燒得香噴噴的叉燒， 肥瘦適中 ，入口即化，肉汁豐富，秘製醬汁甜甜的，叉燒微焦香，好正！沾麵汁濃稠，入口有漿住嘅感覺，原來用咗大量豚骨熬製，濃郁有層次。沾麵配搭沾麵汁，味道濃郁 ，蔥、溏心蛋配料豐富 ，麵質Q彈 有咬口，特別在於坑紋麵條，掛汁度非常高，食完好滿足！白神山豚角拉麵朋友想試吓熱湯拉麵，白神山豚角拉麵 值得一試！湯底濃郁充滿鮮味，鹹香香氣撲鼻， 唔會太油膩 ，配上油脂豐富的豚角，肉質鮮美無比，溏心蛋咬開勁流心，好好食。溫泉蛋牛肉丼除咗

下年book咗機票去日本，喺未去之前都有思鄉嘅感覺，所以呢日同朋友去咗APM神山麵屋食拉麵同沾麵，未出發先興奮一下。神山麵屋之前都食過，覺得佢性價比幾高，價錢算係幾抵食，佢啲拉麵都唔使$100一碗，當然味道亦都唔錯呀。今次再幫襯，質素都keep到，每人唔使$200就已經食到拉麵或沾麵、小食同飲品。朋友叫咗白神山叉燒拉麵，佢哋嘅叉燒係自家製，大大塊，薄身果種，味道都幾香，湯底飲落味道幾清甜，絕對可以成碗湯飲晒。佢嘅麵質我幾欣賞，係比較爽同硬嗰種，好掛湯，好有口感。其他配料例如溫泉蛋同埋筍都非常好食。我就叫左神豚燒沾汁麵，沾麵嘅湯底比較濃郁，用咗大量豚骨、豚肉、魚介同醬油調味，慢火熬製超過八個鐘。而厚燒豚肉就落咗秘製醬汁去燒，燒到微醺香口，醬汁入晒味。沾麵比較粗，用咗坑紋麵，比起拉麵更加掛湯。沾麵一樣有溫泉蛋同荀等等嘅配料，好飽肚。另外我哋叫咗雙色牛舌和蒜香魷魚鬚。前者牛舌用左兩種方法去煮，醬汁燒嘅牛舌比較濃味煙靭同香口，而另一種口舌食落清淡啲，但肉質又好林，入口即融，配埋醬汁味道啱啱好。蒜香魷魚鬚都幾大碟，魷魚鬚條條都好粗，佢個蒜香汁幾濃味，魷魚鬚都幾入味，同好彈牙。洛神花茶係熱飲，加咗

一入到去黑漆漆，台面和座位感覺油膩膩，义燒冇味，竹筍咬唔開，麵黐住啲牙，湯底好味精，食完覺得好口渴…另一位食了一個牛肉飯，仲有啲腸胃唔舒服！比”神山”呢個招牌欺騙了入去😭真係唔明點解會有幾佰個好評

真係呢世人都未食過咁伏嘅沾面 😡嬲到要寫返篇食評 😤首先，atmosphere惡劣 ☁️帶位嗰個好似未瞓醒咁，另一個Waitress用流利普通話serve隔離枱大陸人，我哋係俾兩枱大陸人夾住，講嘢又大聲，好煩 😫主菜沾面 🍜加埋1收我成百幾蚊一碗，拎到上枱嘅時候，個湯唔熱都算，我哋嗌咗一個叉燒一個豚角，塊叉燒勁薄勁多斤完全咬唔開，可以想像係一塊好cheap嘅牛扒煮到well done, 完全無食緊日本黑豚肉感覺，個豚角好少少咬得開但都係硬到痴線 😖唔明點解呢間嘢變到咁差….. 中咗個大伏，好失望 😔Apm真係除咗春水堂正常之外其他都好伏🤮

今日到觀塘apm行街 行到晚餐時間要搵啲嘢醫肚 行下行下見到呢間日式拉麵🍜俾menu吸引 就入去試一試🫶🏻🔸神山豚燒叉燒沾汁麵 💰95沾麵一上 賣相十分吸引 兩大塊燒香咗的叉燒 肥瘦適中 食入口有肉汁 唔會乾柴 沾麵汁味道濃郁 入面有豚肉粒 筍 蔥同埋一隻溏心蛋🥚配料豐富 麵質Q彈 上面有坑紋掛到沾麵汁 食完好滿足😌🔹白神山豚角拉麵 💰85白神山拉麵湯底🍜濃郁得黎唔會過鹹 唔會太油膩 配上煮得啱啱好嘅豚角 入口油脂豐富 肉質鮮美 啖啖肉 仲有唔會出錯既溏心蛋 值得一試👍🔸神山手造餃子 💰48餃子皮薄 餡料實在 🥟煎得兩面金黃的餃子 蘸上醋汁 減少咗油膩感🔹神山炸雞（芥末醬）💰48外表金黃酥脆的神山炸雞🍗裡面雞肉質嫩滑 仲有啲肉汁 唔會炸到太乾 配上芥末醬 啱啱好🔸巨峰梳打 💰28巨峰口味的汽水 feel到有新鲜果汁 好香濃巨峰果香😋

APM 一向都好多野食今日同朋友想食拉麵，搵到間係商場2樓試試佢先入面唔算好大，不過坐落都闊落舒服我地唔係太肚餓，所以只叫左一碗麵另外加小食出街食成日少食蔬菜今日記得叫個炒什菌試試先呢個豆池魚幾特別最鍾意佢既醬汁，酸酸地，勁開胃黎到重點既沾麵啦！豚角肉好好食，脂肪同肉既比例岩岩好仲有芥末醬炸雞，雞肉唔會過熟當然有叫野飲啦一杯係梅酒梳打，想飲少少酒，又怕唔識飲就岩啦😂另一杯係梅子青檸梳打小Tips,記得篤左個梅子同青檸，味道會更出架期待下次再試其他拉麵

之前係呢度買過兩次便堂外賣，覺得味道不錯，每次等的時候都見到好多人入去食拉麵，見到都多款選擇，心諗要揾日來試下，終於這天來到了，揀了下午不算多人的時間來，五點幾，都坐滿了六成。原來佢出名係沾麵，見到d 叉燒都好似幾靚，叫左 「神山炙燒叉燒沾汁麵」和「神山豚角沾汁麵」 。麵送到來賣相都不錯，炙燒了的叉燒香氣撲鼻，可惜呷了一口湯，發覺湯頭冇咩特別，好像濃湯煑開了水，沒有鮮味，再吃一口拉麵，麵質不彈牙，吃了一半感覺真係一般，可能抱著期望而來，結果失望而回，應該不會再來了。

今次去咗觀塘APM嘅麵屋神山食拉麵！我叫咗佢哋嘅黑神山豚角煮即刻黑蒜油拉麵配豚角煮同埋白神生豚肉即白湯拉麵配豚肉。拉麵個湯底真係無得輸，好濃郁啊！豚角煮夠入味。仲有糖心蛋，半熟嘅蛋黃真係一個驚喜！我仲叫咗啲小食，包括魷魚、雞軟骨同雙式牛舌。魷魚夠入味幾好食。雞軟骨亦都好好味，口感酥脆，夠嚼勁。至於雙式牛舌，一個係凍嘅沙律牛舌，另一個係醬汁牛舌，兩個口味都好特別，帶嚟啲不同嘅風味。整體而言，麵屋神山嘅食物唔錯，唔止拉麵好味，啲小食都ok。價錢合理。

🍜神山麵屋神山豚角沾汁麵+紫菜湯底夠熱又濃厚～蔥香味出🤤麵質煙韌有咬口亦好掛汁👍豚角味道適中入口啖啖肉～係隻半熟蛋卻熟過頭🫣dd失望😮‍💨蒜香魷魚鬚咬落好爽口～好味既不過可能煮耐小小再淋dd會更好？味道方面覺得蒜味唔夠出～整體好食不過可以更好😉七味鳥軟骨唐揚雖然係常食到既味道😅不過炸得幾香口同埋份量幾多下👍🤤盛惠💰$1xx好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:好味得黎都係小編鐘意～有機會黎食埋拉麵先😃提外話～～如果有咩好食既拉麵介紹俾小編🤡Dm留言都可以架🙏✌️😉

我選了定食， 明顯就是想要一個set, 上報的確很好， 有咖喱雜菜豚肉， 飯， 味噌湯，沙律，醃製蘿蔔。 比正常日本定食份量大。 bo味噌湯，沙律，醃製蘿豚肉都很大塊， 就是用筷子真的很難吃下去。 有給予刀叉一個夠啦嘛可是全部都是碗。。 我。。 怎麼切呀？ 天呀～～～～～服務是不錯啦， 人都很好， 感覺很貼心的， 就只是那個豚肉， 讓一個不是很會用筷子的我， 都筷子都飛掉了一枝了。。。 所以最後還是放棄， 用回刀叉。。 總結。。 整體很好吃， 只有豚肉吃上要想辦法， 可能是我不知道怎麼吃。。

是日係星期二嘅夜晚去食 雖然唔使等位 但入面都已經八成滿觀塘呢頭真係冇咩拉麵沾麵舖 想食嘅時候就嚟呢間滿足一下呢到座位好闊落 所以係坐得幾舒服 不過環境係昏暗少少神山豚角沾汁麵個豚肉超好食！ 有兩舊 一舊係偏肥嘅 勁大嚿脂肪 食落口勁大啖油香 舊豚肉外面係甜甜地嘅焦香另一嚿就半瘦半肥 瘦肉果一忽完全唔韌 又係超正😋佢款沾麵嘅麵條係比較特別 食落去都煙靭嘅 但個樣就好似每一條都等如兩條拉麵黐住咗🤣 所以中間會有個坑 比較掛汁溏心蛋就偏熟少少 但個溏心味好夠 又唔會太鹹呢碗麵個份量唔算好多 但食埋嗰兩嚿叉燒同埋粒蛋都夠飽另外試咗呢碗番茄拉麵 因為同行朋友係食魚蛋素嘅 所以就走咗叉燒 個湯入面係有蕃茄蓉 所以你會見係比較杰身吉列廣島蠔呢個蠔吉列得啱啱好 唔會太老太熟 入面仲有汁😋 個大細都唔錯 唔會一啖就食晒薯片雞翅啲薯片食落去令到個雞翅外面更加脆 啲肉又係幾嫩嘢飲我哋就嗌咗兩款唔同嘅我鍾意呢個蘋果焙茶 呢個配搭好特別 出面好少見 同埋個茶味唔會因為蘋果嘅甜而冚住咗 真心唔錯！最後值得一提係啲staff幾好笑容🫶🏻 下次可以再嚟～

說是秋天但天氣還是那麼熱，晚餐只想吃碗麵，卻怕泡在熱湯裏的麵會越吃越熱。這個時候，沾麵幫到你。每次夾起一小撮麵，浸一浸湯立即吃，麵就不會太熱了這間店聽說是來自日本的過江龍，質素有點期望，就叫了餐牌上首兩位的沾麵來試試🍜神山豚角沾汁麵豚角就是切小塊的五花肉，炆煮到軟腍入味，然後搽上秘製醬汁來燒。咬下去先食到焦香帶甜的醬油味，配合的腩肉那種潤滑而鮮香的肉味，令人忘記什麼叫卡路里。沾麵的湯比一般拉麵濃很多，近乎忌廉湯的質感，是用豚骨和魚介熬上8小時才做到。特製的麵條中間有一道壓紋，加強掛湯力，每一口都裝滿湯底的鮮味。而且不像普通拉麵浸久了口感變軟，食前才沾汁，就直到最後一口麵身依然爽口彈牙🍜神山炙燒叉燒沾汁麵整體和豚角沾麵差不多，只是豚角換成叉燒，味道像汁燒烤肉，肉香撲鼻，比較爽身。如果覺得豚角太邪惡，可以選擇這個。🍺味道濃郁的沾麵配啤酒最好，要是不想飲酒，有汽飲品如巨蜂提子梳打也不錯餐牌上的小食也很吸引🍗雙色牛舌淺色的是麻油醋涼拌牛舌，味道有點似潮州鹵味，少少酸味幾開胃深色那邊是甜椒蕃茄汁炒牛舌片，襯托出牛味比較香口和彈牙，我喜歡這個多些🥗和風蘋果沙律爽甜蘋果和青瓜加火腿，上面灑上少許提子

第一次食呢間餐廳，上菜速度好快5分鐘左右已經上咗拉麵。👍🏻 拉麵湯底辣味過重🥵，完全覆蓋咗原本既湯底，油膩既感覺亦甚重 、麵底頗硬、煮既時間唔夠。😟好彩叉燒肥瘦合適加番少少分🤩，蛋同配菜正常無特別。 餃子最為好食，煎既時間適中，唔會過硬燶底，有少少蔥花點綴，加埋醬汁幾開胃。😋👍🏻 店員服務迅速，上菜半個鐘內已經完成，用餐時間一個鐘內。🕰️👍🏻 鋪頭大致整齊乾淨，無需輪侯，即時入座。👍🏻

💬 CP值：1/5 本身係見到價錢唔算貴所以入去食 但係食完覺得呢個價錢咁嘅質素我唔會去食第二次 寧願比多少少錢食啲真係有質素嘅拉麵同沾麵🥶 本身以為呢間麵店係連鎖店 因為質素似係快餐港式質素 點知一做research 發現佢竟然係東京過江龍 仲俾傳媒寫做日本第一沾麵店😅😅 唔知道尖沙咀嘅質素會唔會好啲 但觀塘嗰間真係好難食💔 而且店員服務態度都唔好 當時揀餐諗咗比較耐 換來店員不耐煩咁為我哋落單 仲要收加一服務費🫠 🔖 叉燒醬油拉麵 $85 (2/5)碗拉麵一上檯見到面頭有芫荽同紫洋蔥就已經覺得中伏🫠成碗嘢好似好港式咁 一試個湯底就覺得只係醬油加水嘅味 非常非常普通好似飲緊杯麵湯底咁😿 拉麵就係普通喺街邊買到嘅包裝拉麵嘅食感 叉燒冇經過任何特別嘅處理eg炙燒 不過勝在夠大塊🔖 神豚燒沾汁麵(白) $95 (2/5)呢個沾麵可取嘅都係肉 沾麵汁一食落去係極鹹🥵 好勉強先食晒成碗 到最後發現個汁竟然係要撈勻先無咁鹹 🔖 神山手造餃子 $48 (2/5)餃子嘅皮唔會太厚 但係入面個餡純粹係一堆調咗嘅豬肉 無咩特色 食完會即刻唔記得係咩味 🔖 牡蠣五輪燒餅 $58 (3/5)燒餅嘅味道都唔錯