石鍋堂

營業中

休息中

平時經過呢間小店出面多數都好多人 今次夜咗收工 天氣又凍凍的 行過見到條龍唔算長就等吓😌小店入到去座位有啲啲逼 係快食快走嗰種💁🏻‍♀️ 餐點之後等待時間唔算好長 小食先上 點咗吉列芝士豬扒 ($25)香脆流心 裡內加咗層火腿 味道層次up! 豬扒好咬 唔係好嚡好韌嗰種 點埋沙律醬食正正子😋之後烏冬已經隨即上枱 打卡打咗成分鐘個湯都係滾住滾住😍 友人點咗 照燒雞扒石燒手打烏冬 配魚介豚骨湯底 ($72) 雞扒好大份!本身想試黑松露香菇湯 不過售罄🥺 所以最後同友人一樣都係要魚介豚骨湯底 揀咗鮮活蜆石燒手打烏冬 ($82) 湯底頗濃郁 活蜆好大隻肉厚鮮甜 烏冬煙韌彈牙 識食一定係連湯一齊食😝

今晚係旺角行來行去，實在太多美食。不過，就此有這店有此情況出現。當我正考慮是否食此間時，我聽到你後有人問“喎！咁多人等，係咁好好食嫁？？”我就決定品嚐一下它為何有如此威力！！！我攞了飛前面有7個號碼。我就親住等緊嘅同時，望下有甚麼選擇。原來主打是用石鍋即滾的手打烏冬。價錢大約$78-89 唔怪之得咁多人。因冬天好想暖泣泣。每款可配不同湯底。也有其他小食嘩嘩嘩嘩嘩！好滾呀！我們叫了牛仔骨口舌飯及安格斯牛手打烏冬。好好味！烏冬好煙韌牛也不错。再encore蜆湯。蜆湯有黑椒味！也叫人一杯peach tea. 收費不過$300。

尚未走進石鍋堂，隔著一米距離等待叫號，入冬的寒意，忍不住打了個冷顫。看向就近門邊的食客，滿滿一大碗石鍋裡，妖嬈白霧騰騰升起，金黃色咖喱湯底每攪動一下，泛起金色漣漪，漾起肚子饞蟲的激動，口水隔著口罩，急不可耐欲衝口而出。門外分秒的等待，如同一種調情前戲，調動起滿心的期待與渴望。直至坐上椅子，迫不及待點上我最愛的照燒雞扒咖喱烏冬。血液都要沸騰起來。當胖乎乎的白色烏冬呈上桌那一刻，我猶如撞見這世上最嬌俏可人的女子，直想一口吞落肚，可，那白雪雪的烏冬，更煞是可愛，只想溫柔親吻它，一口，一口，細嚼，慢咽，細細品嘗它的萬種風情。用作點綴的蟹片，蔥花，濃濃的咖喱香，在霧氣中染白鼻樑鏡片，隨著送進口中那浸泡咖喱湯汁已久的小精靈，注入一絲絲暖意，鹹鹹的咖喱，讓我忍不住轉了下舌頭，絲絲餘味在口腔百轉柔腸纏繞，我猶不得一再，一再回味。夾起小碟盛著幾塊切得整整齊齊的小雞扒，白色雞肉上是棕黑色日式醬汁，舔一口，甜甜的，咬上那麼一塊，雞肉十分彈力，彈了彈牙，卻叫人忍不住口，只想一直一直吃下去，享受著美味。我忍不住勺了一大口咖喱湯，湯汁從嘴唇，流進到牙縫，經過喉腔，通往胃的殿堂。全身都暖了起來。

通菜街出名有各式各樣嘅餐廳，見天氣開始凍，一於試下主打石鍋烏冬嘅石鍋堂，暖一暖個身😎石鍋堂主打石鍋手打烏冬，烏冬都有五種湯底可以揀，而且每種都唔同價錢🤓除左烏冬之外，都有石頭鍋飯可以揀👍🏻🐄安格斯牛肉石燒手打烏冬（$84）🔸 黑松露香菇湯今次揀左安格斯牛肉同黑松露湯底，一上菜嘅時候，已經聞到好香嘅黑松露味🤤黑松湯底用左豬骨湯加黑松露醬整成，除左飲到黑松露味，亦都有濃濃嘅豬骨味😬 成個烏冬牛肉嘅份量都唔少，肉質鬆軟，食得出唔係cheapcheap牛👍🏻🐂燒牛仔骨牛舌石鍋飯（$78）除左石鍋烏冬，石頭鍋飯都有好幾款選擇，今次揀嘅牛仔骨牛舌飯，牛舌同牛仔骨燒得香口，牛仔骨肉質鬆軟，牛舌有咬口，唔會太韌，上面淋左燒汁，撈飯一流😎 鍋底仲有飯焦，鍾意食嘅一定要點🤤🥟關西風石燒流煎餃子（5隻）（$35）餃子上面加上沙律醬、大阪燒醬同木魚碎，充滿關西風味，配搭特別😆臨埋單辣前，店員仲會送你飯後甜品，係日式和果子，外皮煙韌，裏面包住滿滿嘅紅豆餡，滿足！

1️⃣ 鮮活蜆石燒手打烏冬 魚介豚骨濃湯HKD 82上到枱，即刻畀佢嘅賣相吸引住，滾滾的石鍋湯，入面有好多隻蜆。 而且啲蜆大大隻，入面沒有沙，十分鮮甜， 豚骨湯底很濃，手打烏冬非常彈牙，在這個入冬的時候，吃呢個真的非常和暖。2️⃣ 汁燒帆立貝雞扒石鍋飯HKD 78鍾意食雞嘅我，就點左呢個汁燒帆立貝雞扒石鍋飯， 帆立貝同埋雞扒都肉質鮮嫩，而家天氣吹涼風 ，食落口即刻有暖笠笠嘅感覺， 而且燒汁同埋雞扒本身就係絕味道一絕 。因為個飯用石鍋烹調，食到底會有啲煳濃嘅飯焦，呢樣都係道菜嘅特色。3️⃣ 低溫慢煮流心蛋HKD 10這個流心蛋是一定要嗌的，用嚟送飯同送烏冬都十分適合， 蛋白十分白滑，內裏的蛋黃 有鮮味， 入口前，要加上餐廳提供嘅醬油， 更加可口。4️⃣ 百香果綠茶HKD 15百香果的酸味加上綠茶輕輕嘅澀味， 去油膩感一流。

首先門口已經排人龍取票後等了30分鐘左右期間見到店員催促客人離開對，這店是會趕人快走而且坐位不多，枱的很小，坐位也不寬闊……但這麼多人等吃，已經肯定食物水準一定不差！未入座已經派了點餐紙選了最特別吸引黑松露香菇湯底安格斯牛肉石燒手打烏冬完全火鍋一樣，石燒可以滾著的放到你面前，黑松露味道非常濃郁！第1啖先喝湯，味道勝過一切，菇味超級香，咸淡剛好，甘甜回味……即時忍不住先吃牛肉，怕會熟透，牛肉很薄，入口很柔軟，就是有點不夠喉。我想我只用了20～30分鐘就吃完而且全部湯都喝完味道越吃越喜歡，菇湯清香很天然香甜！另一碗鮮活蜆石燒手打烏冬活蜆超級大隻，不是我們常見蜆比湯匙大隻，肉厚，鮮甜！烏冬堅手打烏冬，很擔心一直滾烏冬會太軟，結果相當彈牙，仍然煙韌口感，驚喜！真的就算被店員摧趕，這味道一試難忘，食物勝過一切條件

晚市時間黎到呢個石鍋堂..就緊係要試下呢度既石頭鍋飯/石燒烏冬啦🤗🤗滿心期待入到呢間餐廳 店面尚算整潔 但D座位非常擠逼..🥴D職員仲會成日拎著個石鍋係你隔黎行過..坐得好唔安落 好唔自在..😂😂😂厚切豚肉石燒手打烏冬 湯底魚介豚骨濃湯 ($72 + 1)大概10分鍾左右就上菜..非常燙口..(要等一陣先可以放入口呀~🤭🤭)豚肉冇想像中咁多肉..不過味道唔錯😊烏冬都好爽口彈牙..值得一試..仲送左個甜品(紅豆糕?) 食得好滿足🤤 雖然食物不過不失..但坐得唔舒服..要扣少少分啦..😵

琴日同朋友係旺角行完街好肚餓 天氣又突然好涷 咁我地就想搵d熱d既野食咁岩經過見到格離有呢間石鍋堂 睇落幾好食 同埋都算多人食餐牌幾吸引!!咁我地入到去就拿拿林叫左個安格斯牛肉黑松露手打烏冬一黎到果陣d湯仲係滾 味道超香 d牛肉好滑好高質 入口即溶 烏冬就爽口彈牙 另外我地仲叫左個燒牛仔骨牛舌石頭飯 味道不錯 好香 d牛都好有牛味!!最後我地叫左個芝士吉烈豬扒 好脆 d芝士味好濃 非常特別既口感!

🌟Follow Me on Instagram - @Eatistruelove.hk🌟呢排天氣涼左好啲，夜晚收工仲凍凍地，揀左石鍋堂呢間小店，個石鍋燒到好熱，所以上枱時啲烏冬仲好似滾緊咁好夠熱！！🔸安格斯牛肉石燒手打烏冬我同朋友都揀咗安格斯牛肉🥩佢配咗魚介豚骨湯，我就揀咗黑松露香菇湯🍲魚介豚骨湯偏鹹咗少少，黑松露香菇湯出色啲，一上枱勁香勁正😛🔸岩鹽燒牛舌牛舌夠厚夠香味，勁推介💯呢間小店食左幾次，都keep到水準！

咁啱約咗朋友去旺角行街，順便睇吓附近有咩食🙈 移家開始涷，見到有石鍋上嘅嘢食即刻比佢吸引咗入去.見到餐牌有咁多選擇，我哋都揀咗一段時間。.🍜鮮活蜆石鍋手打烏冬 (黑松露香菇湯)蜆隻隻都好大隻，亦好鮮甜，個湯好香濃，烏冬唔會煮得太淋，啱啱好🍜將由豬手石鍋手打烏冬 (黑松露香菇湯)豬手好淋好入味，手打烏冬好煙韌，配埋黑松露香菇湯好夾，原汁原味🐮岩鹽燒牛舌牛舌燒得恰到好處，既香口又唔會過熟，仲有啲爽口，唔會好難咬，高度推薦

今日同朋友到旺角食飯，見天氣開始轉涼，朋友想食熱食，所以就去石鍋堂。我們叫了一個黑松露香菇湯燒鰻魚石燒手打烏冬，一個吉列豬扒蛋包飯（咖哩汁）和一份炸芝士年糕。吉列豬扒蛋包飯一上來，我被那個份量震驚了，份量不是一般的大。飯的份量有3碗，而豬扒都是大塊。味道方面，咖哩汁香味比較多，而豬扒炸得非常之脆。至於烏冬上來熱氣沸騰，而黑松露味道的確係令人難忘，味道香濃但又不會搶走食物的味道，另外烏冬又不會太軟身。鰻魚方面，肉質彈牙又有膠質。芝士年糕入面的整個汁都炸到好熱，要小口小口地去食，外皮就炸得香脆，味道不會太咸。整體而言，以食物份量對比起來的價錢，實在非常之抵食。

根據OpenRice熱門推介，我點左蒲燒鰻魚雞扒石鍋飯，是日天氣涼涼地，食石頭鍋飯簡直係樂事，先試個鰻魚，汁既味啱啱好，最驚死鹹太濃味，呢個汁輕輕帶出鰻魚味，出色👍🏻加埋雞扒，口味豐富，滿滿蛋白質😍，個飯亦都要大讚，飯受熱程度均勻，飯焦脆卜卜，好有古早煲仔飯嘅感覺，食咗一半再加餐廳嘅秘製醬汁，又有另一種口味，極速K.O.朋友食海鮮石燒烏冬，材料有蝦、蜆肉、蠔仔、帶子，我試咗啖湯，非常鮮甜，滿滿海鮮香，真材實料，並唔係雪藏嗰啲垃圾海鮮，湯非常好飲，朋友話個烏冬口感都好好，偏軟身但非常好味，超滑順口，建議我下次必食。最後仲附送左紅豆餡嘅和果子，煙煙靭靭水晶外皮，適中份量香甜豆沙，為今餐畫上一個完滿句號。

上 Youtube 睇D日本人煮蛋包飯, 好令好吸引，食指大動，即刻上網睇睇搵資料，最近嘅蛋包飯應該係石鍋堂，於是晚飯打算去開餐.一踏入餐廳，環境淺窄，女侍認重吩咐我地坐埋一邊，原因係客人多，果然，點完個餐之后成間餐廳 full 哂！好，又睇睇佢地有何利害！點咗燒牛舌牛仔骨石鍋飯，吉烈豬扒蛋包飯配咖哩汁.石鍋飯係自行添加豉油，而豉油味道帶甜，加入石鍋飯無耐就起飯焦，飯焦比幾日前幫襯花園街風味園嘅飯焦更香口，可惜飯焦份量少咗D.好明顯，牛舌同牛仔骨都係十成熟，由於牛舌係薄切，入口唔太鞋口，牛仔骨煮到極限，再煮就鞋口，而牛仔骨入味，合格.蛋包飯絕對滿意，蛋夠滑，飯粒用珍珠米，而且珍珠米炒過更香口，配上唔辣嘅日式咖哩汁，女友小熊都話好味.可惜吉烈豬扒唔係厚切，但外層極脆口，唔需要點咖哩汁已經好正.門口排哂龍，都唔好意思久留，快快脆埋單唔好阻人做生意.

同朋友到旺角行街，到這間餐廳食飯，見門口都幾多人排隊，應該幾好味，假如不想再吃商場的連鎖店，通菜街這邊都有好多細舖頭食肆，幫襯下都唔不錯。大概等了15分鐘，等待中時候侍應會比張餐牌紙點住食物先，餐牌睇都幾容易明白，這間餐廳主打石燒手打烏冬，有幾款不同餸配搭幾款不同特色湯底，十分適合最近秋涼的天氣。照燒雞扒石燒手打烏冬 配黑蒜油豚骨湯$70我叫的是照燒雞扒烏冬，照燒雞扒好厚身，啖啖肉，加上外皮燒得脆口還灑上芝麻，非常可口。烏冬一放上枱已經聞到濃濃的香蒜味，手打烏冬煙靭彈牙，配埋熱辣辣湯底，非常美味。鮮活蜆石燒手打烏冬 配黑松露香菇湯 $84朋友叫的這款一上枱聞到好香的黑松露味，烏冬上面見到一湯匙黑松露醬，帶少少澀味，問過店員他們說是黑松露本身帶有少少澀味，活蜆幾大隻同新鮮。最後店員會送上清甜紅豆沙和菓子作結，十分滿足。

依間用熱辣辣嘅石鍋裝住嘅烏冬好好味👍🍜 烏冬彈牙又好味，烏冬控既你一定唔好錯過！係女人街側邊大家都知道好多嘢食，依一間烏冬係我其中食過一間，我會再食既一間，水準咁多年都不變！間鋪唔係好大，座位都不多，位置比較窄所以坐得唔算好舒服，不過佢好貼心，張凳下面有個籃俾你擺野🙌🏻🙌🏻湯底方面佢有幾個唔同嘅湯底俾你揀，同埋又唔同嘅肉類揀，今次我哋揀咗黑松露蘑菇湯同埋山地獄辛辣湯配燒汁雞扒同豚肉，兩個都好好味😋