石籬粉仔

營業中

休息中

搬左過黎呢頭，就日日捐窿捐la揾食，呢日就見到呢間粉仔，真係好感動，以後唔洗再專登落荃灣食啦呢度有分大碗細碗，個人覺得細碗已經好多好夠食！我今次仲加埋魚肉，魚肉一啲都唔粉，真材實料入面仲有豬油渣，雖然唔係脆，但的確好香！粉仔硬度岩岩好，有咬口！枱上有辣菜莆任加，惹味之餘又可增加口感

出街成日食西餐,日本菜,有時候想食返D香港地道野食,知道呢度開返懷舊粉仔,即刻約d舊同學黎食懷緬一下!揀左招牌粉仔$28,粉仔翅$28同以前讀書時代一樣,好大份,口感煙韌!湯底足料,好多魚肉!味道好濃!每張枱都有辣同唔辣既菜脯俾你自己加菜脯真係粉仔嘅精髓！超正！粉仔翅係碗仔翅做湯底,又係香港懷舊野食之一!湯底唔太杰又唔太稀,仲好足料，非常好味呢度裝修唔錯,坐得舒服,野食價錢又唔貴,下次再黎幫趁!

唔係同事講開都唔知公司附近有狗仔粉食，LUNCH 又多一個選擇。湯底用左好多蝦米及冬菇等，非常足料，所以湯底好濃。狗粉仔軟硬適中唔太淋，煙煙靭靭。仲有呢度啲豬油渣都好香脆。枱面有菜甫有辣有唔辣，落埋菜甫，仲正!!

石籬，一個甚少踏足的地方，原來箇中富有無比趣味。沿著和宜合道漫步，一間又一間風味小店藏於小街內，沒有華麗的裝潢，卻藏著悠久的歷史。石籬粉仔，應該在我還沒有出生時已開始以小販檔經營，及後在石籬邨4座及2座開設名為「好好果汁」的店舖，繼續售賣粉仔。現時身處的這間小店，則是石籬邨重建後，在附近重開的。店內裝潢以木和石磚為主，有一點新潮與懷舊fusion的感覺，店內很整潔，衛生程度高！ 粉仔當然是來到這裡必點的食品！有大、小兩款。招牌粉仔(大) $28，(小) $20。可以配碗仔翅或魚肉雙拼，價錢相同。粉仔切成一口size，可以用匙羹逐口品嚐，這裡的粉仔滑嘟嘟，比XX座狗仔粉的多一點口感，不會淋得沒有嚼口。不過，對於每次吃拉麵都會選硬身麵條的我，還是不太接受。粉仔的湯頭很濃，但有點咸，蓋過了冬菇、蝦米的味道。粉仔上有數條豬油渣，炸得爽脆，然而份量略嫌太少，如果喜歡吃豬油渣的，建議加$8一包。不得不提的是店裡獨家秘製的菜甫，有原味和辣味，自行加入粉仔中，令粉仔多了一種爽口的感覺！另一必試之選是鮮榨椰汁 ($10/杯)，非常清甜，消暑推介！

落街搵野食! 其實哩間粉仔已經想食好耐! 終於食到喇! 黎到當然叫招牌粉仔! 再叫左魚旦燒賣!一個人食過份嗎?講下佢既粉仔先! 味道夠濃! 有大有細 (其實細碗都好多, $20蚊好抵食!)粉仔滑滑的! 加埋蔥花, 仲有好似油炸鬼脆卜卜既野落去好好味!最最最緊要係落去地特制菜哺, 真係唔落唔得, 有得買架TIM!!另外魚旦店員問我辣唔辣, 我話可唔可以少少, 佢話比一半一半我!魚旦燒賣味道就不過不失! 而燒賣既汁好以比較濃左D...都係招牌野最好味! 

跟同事說起，為何粉要加個仔字，是否份量比正常的少才叫粉仔。同事笑說要帶我見識見識，我便趁LUNCH TIME去嘗過究竟。距離公司都需步行8-10分鐘，可能平日的關係，不用等位便可入座。這裡的裝潢平民而實用，跟店名一樣簡單而直接。嘗試新事物，怕中伏的我，選了粉仔加魚肉*點了大碗，份量滿意，一半魚肉一半粉仔，絕無取巧。面加以香蔥及油渣，油渣香味撲鼻，炸得非常通透，一點都不馬虎。粉仔原來像狗仔粉，加上店主特製的菜甫，惹味非常。魚肉亦弄成粉仔的長度，方便樣東西同時進食，10分體貼。

今日放假，好耐冇見媽媽啦以前細個係石籬讀書，放學好多時都會食粉仔以前食果D真係可以俾十分滿分不過依間都可以俾8~9分，可能差以前D讀書情懷講番個粉仔先，粉仔彈牙，足料絕對唔似果間19座甘講粉仔，都係石籬人先最清楚

今日終於第三次過到黎食，之前見佢新開張，食過一次，已經覺得佢好食過某座嘅粉仔（某座嘅粉仔，其實都好好味，但食完勁飲水咁囉），今日學完車，特登又走過黎食，叫咗個細粉仔，辣魚旦，同一杯椰汁先講招牌菜「石籬粉仔」平時喺出面食啲粉仔，係一pat pat，即係太淋，呢度係一條條架！！心心眼！！！個湯底又好好味喎！用匙食，啱啱好，唔使用筷子夾，加埋辣菜脯，十個正！！辣魚旦呢度嘅辣魚旦，係細個食果隻細粒魚旦黎架！！實實淨架！！好味好味！！不過如果辣多少少就好啦！（我係好鍾意食辣）椰汁呢個之前睇食評，話係人手開黎搾，嘩！果然名不虛傳！！好好飲！唔係坊間果啲「果汁」，必叫！！下次等我試埋魚肉同碗仔翅先得！PS, 我仲外賣買咗辣菜脯返屋企，平時煮飯加落去食，正呀！

正在東海蟹廝殺之際收到J小姐WhatsApp明天狗仔粉塈葵廣之行要取消那我的狗仔粉如何我的花花綿花糖如何啊.....正在扁咀之際有顆發光的星在閃耀正是好友劉總是也,真的很感動大忙人的他竟肯花時間陪我食埋D cheap嘢^0^聞名已久的石籬粉仔聽聞比起十八座狗仔粉更加好吃這天就來比拼一下喇~食物種類不多粉仔,魚肉,碗仔翅,魚蛋及豬油渣一隻手數得完!!祕制魚蛋$10足足有10粒好抵食喎魚蛋質地扎實好咬口味道帶香辣嘅咖哩味最緊要係冇腥味抵讚~狗仔粉$28(大)奉勸細食的朋友叫細碗便足夠成品超大呢!湯頭很鮮甜不會過糊內藏少許冬菰絲和豬油渣至於粉仔真係做得出色較扁身的粉仔有點咬口看色澤便知有泡過入味但又不會過於粉淋真的比十八座很好吃^0^吃狗仔粉別忘記下店方的自家辣菜脯十分出色香辣俱全,不吃得辣有香口菜脯我哋就C唔蝕底兩款都下呢haha~喜歡的朋友還可買回家品嚐$30/盅~貪心的我倆叫碗兩溝魚肉翅$28(大)又係超大碗喔還十分足料添!!魚肉煙韌好味係我喜歡的類型但翅就不是我杯茶了埋獻有點over太漿口可幸係味道不錯這個十八座出色點~計埋可樂兩罐$82埋單好抵食多謝劉總hehe~

粉仔翅 (大: hk$28)石籬粉仔+碗仔翅🔻名不虛傳的粉仔(aka狗仔粉)，腍身帶少許嚼勁。又以冬菇、蝦米和豬油渣這個「粉仔鐵三角」，加上味道濃郁質感濃稠的碗仔翅，實屬港式懷舊小吃不二之選。

朋友仔話石籬粉仔好好食、值得去…大家不斷同我講既時候，今日終於有機會去食啦！同友人一入去叫左一碗粉仔，一碗大($28)，一碗細($21)，我仲加左杯椰汁添首先，粉仔個湯好濃，用左好多蝦米、冬菇，落足料當然，仲有小弟最鐘意食既豬油渣粉仔唔太淋，仲煙煙靭靭，軟硬適中。。但係女仔既話建議唔洗叫大碗，因為真係會食唔哂D粉仔真後好大份量，廚師真系會裝得好滿……枱面有二樽菜甫，一樽系唔辣；一樽系辣既，任君選擇。。小弟已經好少見到唔辣既菜甫啦，而家好多小食店只會提供辣到飛起既菜甫，完全無得揀建議食粉仔一定要落菜甫，兩種味道一齊簡直系一絕初初睇其他既評論，話對佢地既椰汁好失望，但我絕對要幫佢平反杯椰汁好好飲，真系飲得出佢地系鮮榨、好新鮮同某間尊賣椰汁既小店真系有一段距離，連完全唔鐘意飲椰汁既友人都大贊總結：真系值得再去多次，尤其是我地一班年青人，可以在此一嘗懷舊既風味

細油渣粉份量:其實細的份量也不少，可能女孩子會覺得多，份量十足，油渣大大個共有4個，粉仔上加了葱花，因為肚餓關係……外觀看以經有種好滿足感覺！味道:其實味道和外面食的味道分別不大，但湯頭比較濃不會水汪汪，湯頭味道不會咸偏淡，原因可能是方便我們用桌上的咸菜脯調味！粉仔有咬感，整體制作上是合格！環境:屋村來說，懷舊裝修格調不俗，唯一牆壁電視有些影響進食氣氛，新聞報導時，本人也被分散了進食時間，轉身看了一眼電視，可能爸爸媽媽常常教我要尊重食物和尊重廚師。因為他們煮菜也是很辛苦的，要襯熱食。服務:歡迎光臨和早晨，多謝，拜拜，都做足！附近的餐廳都沒有做到的打招呼，這裡都做到了，十分好！good食物是不錯，但個人認為是贏在整體！

為食，我可以去到幾盡?? 為食一碗粉仔，我可以去到幾盡? 我最盡，都只係可以用盡兩小時的午飯時間，去遠一點的地方享用我的午夜。是日，為了食一碗粉仔，我利用我的中午飯 advantage，長途跋涉地來到石籬邨，為的就是我於星期日摸了門釘的《石籬粉仔》。這是一間時尚衛生的粉仔店，令人感覺，他們是想把粉仔這一個傳統美食，重新包裝，吸引中老年人懷念之外，也吸引到年青人去認識一下什麼是粉仔，也稱為狗仔粉。細碗$20，大碗$28，一點也不貴，完全只是大家落樓下食碗麵仔粉仔的價錢，也許，石籬這一帶舖租相對不貴，加了裝修舖租後的 mark up，都 keep 到不過30元的收費，認真的說抵食。自家碗，《石籬粉仔》的品牌清清楚楚地展示。我要的是大碗份量，價錢是$28，本想多叫一碗其他的東西試的，但叫了大碗，粉仔魚肉，感覺已經足夠。粉仔，據說這粉仔是自家製，質感細滑，也帶煙韌，湯底是很美味的豬雜湯底，當中的羶香完完全全帶進了粉仔之中，而魚肉亦十分之滑。這粉仔的羶香味道，又滑又香的粉條，雖然是下欄野，但這一種味道，是大眾化的老香港味道，我可以用惹味來形容。要更香口，就要加上菜甫了，有辣，有唔辣，加了，多予萬

當我得知這家店開張時，本人十分興奮。因我以前讀書時已經幫襯，當然以前是一家簡單屋村小店，因這家店的食物是隨著石籬村的重建而休業，但事隔十多年竟然重新出發，當然要去懷緬一下啦。//去到時，見到是一家面積不太的店，而裝修比較簡單，和新式餐廳沒有分別。而食物方面，當然是招牌的粉仔，魚肉翅和椰汁等。//我和朋友就點了粉仔和碗仔魚肉翅，粉仔係條條分明，煮得軟身，但仍有咬口，最正是雖然是菜莆是以前的那種味道，原味的新鮮爽脆而不死鹹，辣味是低調的辣，不會喧賓奪主，但真的與粉仔是絕配。//碗仔魚肉翅也能保持水準，不是只有生粉水，而且幾足料，如木耳，冬菇，肉絲等，配搭得宜，價錢亦算合理。//不過因我去時，豬油渣已賣哂，有點美中不足。//總結來說，縱使環境已變，價錢亦變，但味道仍能保持當時大部分的風味，真的好好，值得再來。

終於有機會來到【石籬粉仔】！型格裝修带有懷舊風味！特色格局比想像中更有情懷。超好味湯底粉仔……口感一流！碗仔翅加埋魚肉湯新鮮彈牙！我最喜歡的鮮椰汁……清甜好味！聽聞是老闆用鮮椰子調製而成的，每日新鮮！在香港已經極少有這種……精心而有香港風味的食店……真令人回味無窮*^O^*