石籬粉仔

營業中

休息中

住咗喺度十年都經常幫襯呢間石籬粉仔。我相信住附近既人都一定唔會陌生。 今日起身見肚餓又唔想食飯所以 就決定食粉仔一入去首先點餐比錢然後就搵個靚位坐入邊裝置簡約得又比到客人舒適感覺我就點左個細碗招牌粉仔,同一杯鮮榨椰汁,加埋都係30蚊, 但作為下午茶,份量都已經食到好飽。大家仲可以自己選擇加菜莆,無限refill的我自己本身鐘意食辣所以好鐘意佢d辣菜莆,因為好夠味。最後佢d 豬油渣都非常有口感,但數量就好小。總括黎講作為街坊一定會再幫襯。

久仰石籬粉仔呢個大名， 由一知道佢開咗已經諗住嚟，望番原來已經開咗兩年，我今日先第一次嚟食咋。餐廳裝潢復古得嚟夠新淨。嗌咗個細粉仔，另外再加咗個呢度嘅名物豬油渣同埋牛肉球，粉仔味道不過不失，有少少嫲嫲嘅味道，原來原本已經浸住三四舊豬油渣㗎喇，早知唔使特登另外再加多一份啦，除咗因為我覺得本身已經浸淋咗嘅豬油渣更加好食之外，另外加多一包實在太多喇，雖然未浸過嘅會唔同食法，會勁脆同埋豬油味勁好多，但係始終一個人啪哂多少都有啲吃力。食到中段試吓啲辣菜脯，以辣菜脯嚟講完全唔係路， 只係有少少嘅辣味，而鹹酸味完全欠奉， 隔離淺色嗰隻菜脯就無再試喇。個牛肉球就唔知係咪因為剁得太過細碎，搞到個口感好似出面落咗好多粉嘅粉團肉丸咁樣，完全無咬口，不過我估老招牌應該唔會做埋啲咁嘅嘢掛。不過睇番張單原來牛肉球只係12蚊，都有咁樣嘅可能性。

自從搬離石籬之後，一直對粉仔念念不忘。姐姐有空帶我去嘗試在石籬開舖的粉仔舖。姐姐說兒子白粉仔改良比以前更好吃店舖裝修很簡約，座位寛敞。叫了大碗粉仔，另加豬油搾。當然要落成碗份嘅精髓靈魂-菜寶我喜歡加上辣和原味菜寶調味。面對面加入了冬菇蝦米，令湯底更鮮味。原來已吸收上湯味道的豬油搾加上叧叫脆卜卜的豬油搾，令層次更分明。唯一麵的質地跟從前吃的有所不同，我記得從前較入味。雖然很遠，但有空會再去懷念一下

我中小學都在石籬長大，童年最鍾意食冬菇亭入面的九仔粉。可惜，兒時的冬姑美食亭拆了，建成新的公屋，我以為石籬狗仔粉絕跡。近日，我發現老闆娘個兒子在石籬開番狗仔粉小食店。昔日的豬油渣狗仔粉可以重現石籬。👏👏門面都幾靚仲有好多選擇，但記住食招牌豬油渣粉仔。入面有好多冬菇蝦米，豬油渣份仔再加上辣菜譜，perfect match~🙌大大碗都係＄28。學生仲有折。佢杯椰汁好好味唔甜又濃郁，可以試埋。間鋪頭仲有其他小食，魚肉燒賣，魚蛋同腸粉。如果多朋友食可以一齊開心share。

收工忽然想食粉仔。佢開檔果時。幫襯過一兩次整體算係咁啦。20蚊個粉仔你想俾啲咩你先果時食就覺得佢啲豬油渣炸得好好味好香口我可以誇張少少咁講。佢炸豬油渣果啲心機。已經超過左20蚊呢個數目。但對上一次食已經好失望1。豬油渣少左好多2。啲豬油渣一咬落去好似未炸透。又油又成口油溢味好啦。今次我買走。可能佢知我唔鐘意食啦打開個蓋豬油渣粉仔。一粒豬油渣都冇食到最後終於食到一條炸到黑左好似豬皮既東西係太高成本。定老闆懶我唔多講啦

又係朋友介紹下 ,來到這小店 ,因為工作關係 今天要來到這裏 下午時間 有很多空位 店內裝修都是懷舊的風味 桌上放有辣菜脯 同埋唔辣菜脯我叫了一碗粉仔魚肉，雖然係細 ，但明顯 份量十分足,尤其是魚肉佔了粉仔三分一 十分抵食 20蚊有咁嘅份量我睇除咗呢度,都好難搵到其他地方有咁嘅份量,好啦!廢話少講'試下味道先 ……食吓一啖又一啖，粉仔企身，湯底好特別，食得出湯底裏面有蝦米有乾蔥 ，蒜頭， 冬菇 ，還有豬油渣帶出的香味， 但個人認為調味重手左啲……鹽的分量 可以少返啲…… 可能我對鹹味比較敏感認真 質量 份量 價錢 贏曬 今次畀我ok你 其實大多老店 為了保持質量都是缺乏創新……希望這間店能夠延續落去! 為香港所有為食之人開設分店…因為這裏比較偏僻 ,難找 ~主菜粉仔就冇問題 ,問題是~ 會否有創新的選擇,等客人食粉仔之外~又可以品嘗自家的特色小吃!加油

食好野，的人從來都話胃口大既人抵食的。我就唔係好認同啦。要滿足胃大既人，出街一係捱貴蒲飛，一係食飯飯飯，選擇比較少。講享受，其實胃口細既人都好識食，分開逐次食唔同既野，價格易控制之餘，仲可以有多的選擇添。就好似今日咁，夜媽媽決定去食個粉仔啦。講得叫石籬粉仔，當然係街坊生意。店主同客人位位都係街坊街里，入得黎既幾乎都係熟客(除左我)，幾枱客同店主你一句我一句，一齊聊聊湊仔經，吐苦水，未食已經滲晒陣街坊味出黎。其實粉仔並唔算係非常飽肚。呢間鋪頭只分2種size，大既28，約既20。我要左一碗細。細既分量係小食類，大食既人100%唔夠食，細食既人勉強果腹。份量相等於2隻超市有售既急凍糯米雞左右，食完唔算飽。味道上，粉仔本身味道十分濃，似碗仔翅或者羹之類，可以連湯飲的。食完唔算口乾。如果比較，一定要同另一間出名賣狗仔粉既鋪頭比較。其實兩間味道非常接近，粉仔味道同嚼勁都差不多。稍遜既係配料份量相對較少，但一樣有蝦乾同冬菇。不過勝在價格相宜，20蚊就有一碗。唔夠飽仲有燒賣魚蛋可以叫。雖然話係小食，其實都係隨你叫幾多啫。

My wife and 2 sons (4 & 6) came here to meet some friends for dinner. Very warm ambiance with modern decor. The owner was friendly and made us feel very welcome. The food was delicious. We started out with a few rice roll and fish ball appetizers. The curry fish balls were excellent. We then shared several different soup bowls. All of them were very hearty and delicious. My personal favourite was the imitation shark fin soup (real shark find are not served anymore). It was very flavourf

下午茶口痕想蘊野食 系屋企附近食招牌粉仔 叫左細碗已經夠食 加埋辣菜圃 超惹味 仲可以選溝碗仔翅/魚肉湯 選擇多店內裝潢選用復古風格 深棕色木枱同木椅 牆上印有舊石梨景色 別有風味

睇左某些食就想去試一試la，點知道D味道不太合口味，比起夜晚擺街邊的還差，環境都尚算ok嘅，不過就唔會返轉頭了，仲標榜在石籬紥根幾多年……如何……如何……住左咁耐真係未聽過

石籬係我以前讀書既地方。個日入去探朋友，終於有機會食下石籬粉仔。其實而家荃灣個D 地方都有得食粉仔, 但始終唔係我杯茶。石籬粉仔真係好香口，一碗廿幾蚊，但係料真係好足。首先，粉仔本身真係做得好出色，有煙煙韌韌既感覺。配菜方面，有花生，蔥，酸菜，成個配搭真係好香口。湯底味道微酸，開胃得黎味道好豐富，我好鍾意。所以次次黎都叫大碗。可惜呢度既營業時間唔長，時間有D 難就，不過久久食一次都幾滿足既！

突然想起久違的粉仔~~找回近年前拍的照片~在公司附近的這間店舖,,每逢早放或是可外出用膳,,和同事總會到此一吃~餐廳提供不同的地道小食(魚蛋、燒賣)及和主打粉仔(可拼配魚肉、碗仔翅等),,,雖然並不是傳統白色湯頭,短短的粉仔,,,但改用上海粗麵增加掛湯的能力及飽腹感,,,而且魚肉彈牙，加上脆卜卜的油渣,,再加上辣菜甫,,簡單得來又惹味~椰汁的味道也不錯,,,入口香滑,,又不會太甜,,絕不遜於街頭的連鎖店,,而且大大杯只售$10~~好抵飲呢~雖然店舖小小，位置亦不易找,,,但有機會來到石籬,,不防一試~

小學時期食過真正嘅元祖石籬粉仔，記憶中係白雪雪一碗無料用個藍白碗裝住，同一間仲有班戟賣。呢間嘅年青老闆嘅媽咪就係當年真真正正喺石籬賣粉仔嘅姨姨。味道昇華咗，有大大片冬菇，而最好味嘅係啲油渣，好香同好似豆卜咁吸哂汁，好食過十八座狗仔超多。

今次係我第一次寫食評，係屋企附近新開了一間粉仔店特別想試下。今次就黎左了，叫左碗招牌粉仔，加埋菜脯真係好好食，菜脯有辣有唔辣，連粉仔大細都有得揀（我太大食當然係揀大嫁喇）😂粉仔再上🐷油渣真係不得了，就係媽媽講過佢小時候經常食嘅，宜家仲食到真係好☺️天氣又熱熱地仲叫左椰汁飲，唔會太甜又有椰子味，好飲😋總之一定會再黎的😊😊😊

餐廳名就聽得多，車仔檔粉仔重開，今日終於試了，好味的懷舊粉仔。大大碗不過$25，面頭加有豬油渣，炸得乾爽香脆，吃起來好甘香，粉仔望落似短身的上海麵，滑嘟嘟又掛湯，湯底帶濃郁的菌香兼有蝦米的鹹香，最正是自家製辣菜脯，加幾粒已經辣遍全碗，香辣過癮！完全就是舊日樸實的好味道。 整體黎講唔錯！但係就咁食有d單調...如果家d醋同辣菜脯會更加好食！推薦招牌粉仔！