石籬粉仔

營業中

休息中

今次想不到食什麼晚餐的時候，就想到打開OpenRice app看看附近有沒有好餐廳好介紹，就尋找到呢間食粉仔既餐廳。而我未聽過和咪食過粉仔，見幾得意就去試試看⋯味道不錯。冬菇加腐皮香味幾好口感不錯！再加上辣菜圃味道令人胃口大開；還有腸粉都不過不失，口感幾順滑！而環境都帶點懷舊風情，氣氛很好！價錢經濟，適合附近學生/附近屋邨朋友/公公婆婆去試一試。估不到屋邨附近都有這些平民美食！值得介紹朋友去試試看～

之前有叫外賣食過呢間小店，一直好想帶男朋友去實店食，因為有佢係到可以試多d野。難得佢唔使ot就帶佢黎食好西唔辣、辣既菜埔粒粉仔翅，碗野既湯底味道好濃厚上湯味，唔會係味精水咁。有好多雞絲、粉絲、花菇、蝦仁等等既料係入面，個湯底係靈魂。粉仔好諗身，索到個湯汁會飽滿咁，如果鍾情於有咬口既粉仔呢間可能未必岩。煎釀五寶(茄子、紅腸、甜椒、2件豆腐)豆腐依舊外脆內軟，紅腸正常味，甜椒魚漿部分少，茄子炸得唔夠諗身。其實唔係好想叫，但男友堅持想試就捨命陪佢食...炸燒賣，呢個幾特別出面炸得偏乾身，內面會硬身唔夠軟，過過口癮試下就好腸粉:粉仔之外最出色既估唔到係呢到既腸粉，應該係荃灣最好食既腸粉，個腸粉層皮拉得有彈性又薄，唔會糊口，食落卷既質感會係到，係新鮮先做到咁既效果。上面淋上重手既麻醬，個麻醬芝麻味好香濃，同甜醬一齊將腸粉帶到最高層次。下次黎會再叫。腸粉同粉仔值得再encore,下次想試埋個魚蛋。另外值得一讚店員好有禮貌。

之前在網上和飲食雜誌看過介紹這家店的報導，不過地點真的有點不方便😣，要特地到葵芳轉巴士去。-山長水遠來到，我偏不去試它的招牌粉仔，而是點了生菜🥬魚肉和煎釀三寶🤪。1️⃣ 生菜魚肉（細）$21-其實就是很普通的一碗生菜🥬魚肉，但今天的生菜🥬有點不新鮮🧐。-我覺得生菜魚肉不是它的亮點，亮點是放在桌上任添的菜脯😝。有辣🌶和不辣任均選擇。一開頭嘗了些辣菜脯，辣到舌頭👅像被火燒似的🥺。還是原味最美味☺️，非常爽口，吃過不停😋。•2️⃣ 煎釀三寶 $11/5件-可選甜椒、雲吞、紅腸、魚蛋、茄子🍆、豆腐、腸仔和尖椒。-本覺得$11/5件很便宜，但當店員送來煎釀三寶時，頓時覺得中了伏😫。-可能我先入為主，以為煎釀三寶一定是釀了魚肉的。沒想到紅腸就只是一片紅腸😨。雲吞就只是一片什麼也沒有的雲吞皮😭。-雖然茄子🍆釀了魚肉，但茄子肉不夠軟熟，帶點生😧。-$11/5件確是一個令人心動的價錢，但如果換來的是質量較差的食物，我寧願花多一點點，換更佳的食物🙏。•回頭指數：3/10 （煎釀三寶真是不可一不可再🙇🏻‍♀️）-📍石籬粉仔 (葵涌)葵涌石籬大隴街143號葵都大廈地下5號舖-大家可到葵芳地鐵🚇站的巴士總站乘搭31M巴士🚌

琴晚葵芳睇完音樂劇成10:30pm到肚餓心血來潮想食粉仔一於上open rice搵，就見到近近地有間📍石籬粉仔好彩12:00am先關門，我地去到11:00pm仲有野食老闆亦熱情招待鋪面裝修感覺清新玻璃門更貼住大大Menu，價錢清晰自家制豆漿 $11 有凍/熱算幾大杯 黃豆味香滑😍招牌粉仔 （大$29，細$21）大碗滿滿的，湯好香好夠味，濃郁得黎又唔會話好漏，連男朋友都話以後都要多d黎食呢隻粉仔同以前屋邨晚上，一格格小販檔車仔賣的粉仔味道是一樣每張枱上有一樽菜甫同辣菜甫可以自行加😍各味都超好食！秘製魚蛋$11(10粒)陳皮魚蛋，好有魚味，細細粒幾好咬口碗仔翅 (細$21 / 大$29)我地叫左細size. 味道一般般無咩特別口感比較杰身另外仲叫左炸雞中翼 $13/3隻即叫即炸，熱辣辣，好入味好正推介！一食難忘，以後夜收工又多個選擇了😍❤️

十x座狗仔粉開到成行成市,但一直都無食過，今日得閒係外賣app到呢間名氣小店就試試佢一黎就聞到香味，美中不足真係好油，但美食就係邪惡唔理喇，今次叫咗魚肉狗仔粉，個湯底好香，係高湯、乾蝦仁粒、冬菇練出黎，好有客家菜既味道。狗仔粉既形態介乎烏東、上海粗炒之間，很實在。但煮到諗曬吸咗湯汁好香好入味而魚肉彈牙唔會腥，之前有食過腥既魚肉好難食另叫咗三寶，紅腸、炸魚旦正常發揮。平時少見既尖椒辣辣地入面攘咗魚肉，好味啊。最正係個炸豆腐，送上黎仲係好香脆，外酥內軟，好正，但都係好油問店家拎咗幾包菜甫粒（原味、辣味)加係加仔粉到多咗脆脆既口感，好有層次個椰子🥥汁真材實料，個底會沉積椰子絲，香濃唔會太甜。據說腸粉消賣都有名下次要試

佢嘅腸粉暫時係我食過最香豬油味嘅🤤係我同中同最愛❤️🔖支持小店-This rice roll is my favourite food as every roll is full of the fragrance of lard🐷! It is one of my comfort food since secondary school 🏫 !🔖bookmark and support this restaurant-價錢：$11/4條（學生$9）地址：葵涌石籬大隴街143號葵都大廈地下5號舖性價比：🤤🤤🤤🤤🤤飽肚：🤤🤤⚪️⚪️⚪️味道：🤤🤤🤤🤤🤤環境：🤤🤤🤤⚪️⚪️服務：🤤🤤🤤⚪️⚪️Score：93/100

朋友是石籬村舊街坊，一知道從前的車仔檔粉仔重開，即刻組隊去試。小店以磚牆、烏絲吊燈及木檯布置，型型地又有點懷舊味道，在附近都是陳舊的快餐店、小食店中頗突出。換上新裝，卻依舊以家庭式經營，由廚房到樓面都是家人打理，不時跟街坊寒暄幾句，多了一種久違了的人情味。先來一碗粉仔，大大碗不過$25，面頭加有豬油渣，炸得乾爽香脆，吃起來好甘香，粉仔望落似短身的上海麵，滑嘟嘟又掛湯，湯底帶濃郁的菌香兼有蝦米的鹹香，最正是自家製辣菜脯，加幾粒已經辣遍全碗，香辣過癮！完全就是舊日樸實的好味道。生菜魚肉湯也是份量超多，湯底較清卻滿有麻油香，魚肉勁彈牙又富魚味，加少少自家磨的胡椒粉，味道更香。反而碗仔翅味道就較普通，勝在料多，也吃得出無下味精。最驚喜是辣魚蛋，秘製咖喱汁用小辣椒自製，那陣咖喱辣香一入口就好醒神，辣勁持久，魚蛋亦夠彈牙，雖然好辣，卻又忍不住吃了一粒又一粒，再來杯街坊力讚的鮮榨椰汁，每日用新鮮椰子加花奶來打，椰味勁香又夠滑，一喝解辣，好好好正呀！雖然位置有點隔涉，也值得專等來吃呀。

下午點幾鐘就去食左粉仔雖然話呢間嘢話賣回憶，但我嘅回憶唔屬於粉仔年代😂不過見佢開左一段時間都仲係到，一定係有可取之處啦，咁就過去試一試啦我地兩個就叫粉仔拼碗仔翅同傳統粉仔。再加埋混醬腸粉加魚蛋，魚蛋係陳皮魚蛋來，好有口感，仲有陳皮味，推薦👍👍👍要先落單比錢，嘢食之後先到諗住碗粉仔細細碗，食完都唔會好飽。但女仔食一碗粉仔就啱啱好，有男仔就可以加多個小食粉仔味道唔錯，同埋餐廳環境都幾乾淨。如果去開附近都推薦過去食😋😋😋

行完山去咗石籬、再去石籬粉仔醫肚、好食好底好有人情味、入門囗前見到老細伯伯開椰仔、原來用來做鮮椰汁、坐低order 后不停見附近街坊入來、大部分係媽媽帶小朋友食中午、叫碗粉仔加腸粉、佢哋同店員仲好熟！我地叫咗粉仔、腸粉、煎釀三寶、椰汁、太底食啦！11蚊5件煎釀三寶...冇辦法唔叫嚟試下、茄子釀魚肉仲好大件、大大件夾底食、味道都唔錯！仲有一大樽菜譜仼食、今時今日好多香港餐廳已經冇「免費提供」食物、好感動！下次再去開個頭、一定會再去

碗仔翅有誠意足料，唔係一般生粉水湯底，唔落調味都好味！粉仔加辣菜脯夠惹味，個辣菜脯真係要讚一下，有落同無落係完全唔同味！煎釀三寶即炸無油「憶」味，推介炸雲吞，梘水味適中！絕對有下次

前排去石籬唔知食咩好🤔搵搵下發現呢間好似好好食既粉仔😍·🍲招牌粉仔（細$20）配料有冬菇蝦米蔥花豬油渣⋯加埋我鍾意落勁多既辣菜脯😋湯底好味！但比較十八座狗仔粉，我會鍾意十八座既口感多d! 石籬粉仔口感太淋，似麵條煮到湖左既感覺😯🥢豬腸粉（$10）🐔炸雞中翼（$12）麻麻地，可以唔點🍢煎釀三寶（$12@5件）🥛椰汁（$10）推介！！好飲啊！標榜自家製！甜度岩岩好！！💓💓解渴又解辣🤣

發現天堂級狗仔粉😍 其實葵涌石籬果帶有好多嘢mark咗起碼年幾兩年都仲未有機會試，今次去試真係好似發現新大陸咁，正到爆囉😍佢啲粉仔質感有同我打個邊爐嘅朋友都知道我臨尾一定會煮到烏冬索晒啲湯，腍到唔使用牙咬都會斷開果種程度，而呢度啲粉仔就係好似果種冇牙婆系列嘅感覺，除咗粉仔之外佢個湯好濃，係啲菜脯冇乜特別，但單係過粉仔已經好正，雖然佢未必係全港最高質嘅粉仔，但一定係我最愛嘅一間❤️至於其他嘢，秘製魚蛋其實用鯪魚肉整，成件事係高級咗，但係我都係鍾意白魚蛋多啲😌至於炸燒賣就唔試都冇損失，炸到乾乾地入面又謝哂咁麻麻地，自家製豆漿都係偏淡唔係好夠甜，食粉仔就夠了😛

如果你是石梨舊村長大,童年一定去過在冬菇亭和附近茶餐廳搵平嘢食.我讀書時,粉仔店已在石梨村2座.每次放學必食之選,除著舊村清拆.好多回憶消失了.直至"石籬粉仔'重開,好開心食番粉仔.但味道少许改變,仍好味.生菜鱼肉味道可以接受.每次去外賣見下老闆娘.雖然好多改變,包括味道沒有往昔濃味,仍存在份回憶.這間店仍是十八座口中懷念提到狗仔粉，就是這間「石籬粉仔」。兩夫婦80年代在葵涌金花戲院附近推車賣粉仔.確實在石梨附近,有很多店有粉仔食.好唔好唔食/價錢由人喜好.

今日去開葵興就上openrice 睇下有什麼推介就被呢間小店吸引。可能已過午飯時間，一入座已有位，我們坐下睇完要吃的東西後便去收銀處付款買了石籬招牌粉仔（大碗）及石籬粉仔翅（大碗），好味，價格相宜，菜甫好味，所以臨走時都買了一瓶回家試試。

一開始開見佢裝修都幾得意，就帶屋企人去食。 坐低有d 小菜可以添， 伙記又幾有禮貌，就期待咁叫咗碗大嘅粉仔。或者係本人唔太鍾意隻口感，覺得太結，太油同粉仔太稔。可能都係prefer d 正常d 嘅米線。