影片
更多
2015-10-16
788 瀏覽
今日終於第三次過到黎食，之前見佢新開張，食過一次，已經覺得佢好食過某座嘅粉仔（某座嘅粉仔，其實都好好味，但食完勁飲水咁囉），今日學完車，特登又走過黎食，叫咗個細粉仔，辣魚旦，同一杯椰汁先講招牌菜「石籬粉仔」平時喺出面食啲粉仔，係一pat pat，即係太淋，呢度係一條條架！！心心眼！！！個湯底又好好味喎！用匙食，啱啱好，唔使用筷子夾，加埋辣菜脯，十個正！！辣魚旦呢度嘅辣魚旦，係細個食果隻細粒魚旦黎架！！實實淨架！！好味好味！！不過如果辣多少少就好啦！（我係好鍾意食辣）椰汁呢個之前睇食評，話係人手開黎搾，嘩！果然名不虛傳！！好好飲！唔係坊間果啲「果汁」，必叫！！下次等我試埋魚肉同碗仔翅先得！PS, 我仲外賣買咗辣菜脯返屋企，平時煮飯加落去食，正呀！
先講招牌菜「石籬粉仔」
平時喺出面食啲粉仔，係一pat pat，即係太淋，呢度係一條條架！！心心眼！！！個湯底又好好味喎！用匙食，啱啱好，唔使用筷子夾，加埋辣菜脯，十個正！！
辣魚旦
呢度嘅辣魚旦，係細個食果隻細粒魚旦黎架！！實實淨架！！好味好味！！不過如果辣多少少就好啦！（我係好鍾意食辣）
椰汁
呢個之前睇食評，話係人手開黎搾，嘩！果然名不虛傳！！好好飲！唔係坊間果啲「果汁」，必叫！！
下次等我試埋魚肉同碗仔翅先得！
PS, 我仲外賣買咗辣菜脯返屋企，平時煮飯加落去食，正呀！
張貼
