盈記四季養生麵館

營業中

休息中

提早收工，去了灣仔打波。口渴又有啲肚餓，唔想食飯，或者可以飲湯，記得附近有呢間米線，所以帶隊友試一試。餐牌的一句話不錯，養生雞湯以健康為宗旨，為忙碌的都市人溫和調理。本身食開米線，所以一坐下來，我首選點了藥膳雞湯米線，我記得好似幾年前食過，而且會落黑蒜油。餐牌都額外提供了不同的方式可以自我調教個人口味。可以加酒可以加黑蒜油。湯的口感，第一口喝下去是清甜順口，因為裏面有藥材，通常會有當歸或者黃耆，但是一定要有紅棗，這些藥材的料理會釋放天然甜味。因此這碗湯和以前一樣，溫潤甘甜適合大眾口味。 落了黑蒜，還見到呢堆黑蒜油。撈落湯中，黑蒜的酸甜能解膩，湯色深沉，雖然是雞湯不覺得會有油膩感。藥膳雞湯選用的是農場雞，農場雞脂肪少，燉煮過後，同雞湯的口感一樣鮮甜，雞肉肉質也不柴。就連上湯的青菜，也是有藥材湯的配備。 米線的碗用的是雞公碗，雖然不是舊式的雞公碗，用來承載米線食起來有懷舊的感覺。記起之前應該幾年前食過，味道依然。甜而不膩的湯頭飲完也不需要任何水，或者茶。證明沒有添加其他的味精。難得還有一個地方可以飲湯，也可以食飯。人均消費差不多都70。

同老婆過灣仔會長展睇演唱會，當然，事前晌附近食個快快趣晚餐啦，老婆一向講健康，近來又要食無麩質嘢，就晌網上搵到呢間「盈記四季養生麵館」，主因相中佢喺養生麵館。走進店內，店內裝修簡約，雖然喺灣仔區，可能時間尚早，都喺7:00pm，客人真喺唔多。枱上放有餐具、糖包、辣椒油、牙籤……等等，自由取用。而款式選擇都幾多，一碗粉麵定價$62-$88，話平唔平，話貴唔貴；想食平啲少少嘅又有1人、2人、4人套餐，但計落其實喺平少少而已。此外，仲有啲所謂「期間限定」款式供選擇。A8. 藥膳農場雞山藥養生湯米粉 $64老婆本身唔好飲品，所以，淨叫一份米粉就夠喇，一心諗住養生，就等同健康，完全錯晒。佢碗米粉賣相就一般般，雞得3件，又斬到有唔少碎骨，最可惜喺唔算嫩滑；所謂養生，就喺加咗啲紅棗同杞子，其他藥膳料就唔知仲有乜，最敗筆喺勁油，成層油晌湯面，某程度就喺食每炷米粉就好似吸緊油咁，老婆食咗一半就無再食。B6. 鮮茄花枝丸湯米線 + 古法炆蘿蔔 + 熱奶茶 $78我就叫咗個1人餐，貪佢有大份小食，又包嘢飲。本來想叫木耳（老婆鍾意），不過無晒，店員推薦蘿蔔，就即管試試。其實，啲蘿蔔本身味道好清甜，咬落無渣，但

係時候養吓身，今日同朋友一齊share咗一個二人套餐，兩碗麵；加一個小食同兩杯嘢飲，一共$142。🍜藥膳農場雞桃膠養生湯米線+藥膳農場雞醉雞養生湯薯粉+涼拌木耳呢碗藥膳雞湯非常清甜美味又不會苦澀，再加埋桃膠感覺再養生左，食完完全唔覺得係味精湯，又係可以飲晒咁滯。至於農場雞肉質尚算鮮嫩，唔會太老，一碗有四至五件，仲要大大件，份量都算足夠。朋友叫嘅係醉雞湯底，試咗幾啖都覺得好好味，雞湯同埋酒味平衡，唔會互相搶咗大家嘅味道，感覺呢間可以再食，養生又好味！

今日下晝去左呢間係軒尼詩道既盈記四季養生麵館， 入到去環境算乾淨，因為可能係下晝兩點幾嘅時間，已經過咗lunch hour，所以都唔算好逼，唔使等位。跟住叫咗一個藥膳農場雞蟲草花養生米線，包咗一杯嘢飲，嘢食嚟到嗰陣，首先個湯係藥膳湯，飲到有紅棗同杞子味，先唔講味道，個湯係完全唔夠熱，只係暖，好基本野食要夠熱serve俾人都做唔到。其次個米線送到黎都發漲咗，好淋。另外有啲蟲草花雲耳配菜，正常，同埋雞都唔算太多，只係得三幾件然後伴一大碗發漲既米線，味道一般，如果個湯係熱會差好遠。

Visited this Chinese noodle resto in Wan Chai with my colleague for lunch. .I ordered the Chicken & Cordyceps Flower with Noodles in Herbal Soup. The broth was on the sweeter side with a strong red date flavour. The chicken pieces were quite meaty, but they had a slightly coarse texture and didnt absorb the soup base much. The cordyceps flower added more complexity to the dish, and the vermicelli was cooked just right. The milk tea my colleague had, which came with the noodles, was a bit disappo

今日中午到盈記四季養生麵館食午餐。店員安排好座位之後就開始選擇食咩好。佢配搭上都有十分多種類作出選擇。最後我選擇了藥膳農場雞桃膠養生湯米線，益力多爆爆珠。藥膳農場雞桃膠養生湯米線：有雞，桃膠，紅棗，杞子，木耳仲有米線。先講個湯底清甜，今日真係連個湯底都飲埋。跟住到雞，有雞翼有雞脾肉，雞肉夠滑口而且有香既雞味。桃膠就係對腸道有莫大益處的天然食品。講個口感非常爽口有口感。一口一口咬著再加上湯一起吃。紅棗：天然補血食品，甜甜地。杞子：明目好食材。木耳：滑大腸，降膽固醇。有口感好味道。米線唔會太淋，軟硬適中。益力多爆爆珠：粒粒爆珠甜甜地，入口口感好。益力多夠晒正，甜甜地加埋冰夠晒涼。

我在灣仔工作，今晚遲了收工所以冇約人；就隨意看看有乜好食？🤔來到軒尼詩道見到一間以養生為主打的麵館，原來我一直冇留意；嘅不落味精又健康當然要入內品嘗啦!食肆面積不大只容納十張八張四人枱，非常光猛。藥膳農場雞養生湯米線🐓🍜   $62一上枱就嗅到D湯很香，急不及待地喝了幾口；味道濃郁很香藥材味，當飲到落喉嚨時感覺舒服一D都唔乸喉。湯底以當歸、紅棗、圓肉、子和木耳淆製，所以非常養生。而雞件採用三黄雞又嫩又滑又有口感，充滿雞味。配合埋米線清淡得來唔會太寡，最重要係個湯唔 肥膩。古法炆籮白   $28古法調味恰到好處，炆的時間足夠；故大大件蘿蔔很淋和充滿水份完全吸收哂其味道。食時除了有蘿蔔的清甜外，更有著其古法烹調的濃郁的甘甜味道。正👍

最近食得太油, 就黎試下呢間主打養生湯底嘅米線 清下腸胃。夜晚收咗太陽又凍返少少, 我哋都想食雞, 就一齊叫咗兩款養生湯米線再加個小食叫完唔駛等好耐，好快就有得食，先上個蟲草花米線，第一時間飲啖湯, wow驚艷❤️ 之前喺其他地方食過藥膳湯米線， 覺得個湯好苦， 所以有啲驚呢度啲藥材味太重嘅話可能會接受唔到，但唔係講笑，湯底好好飲，清甜到不得了，趁熱飲好補。雞肉滑嘅，但略嫌切得太薄，如果可以斬少幾刀　啖啖肉仲正XD 蟲草花份量多到好似唔駛錢咁😂 湯入邊仲有好多切開咗嘅紅棗　煲到淋晒又去咗核， 可以直接食、有木耳，撈到仲有桂圓、個湯唔甜就奇 再黎竹笙銀耳米線，竹笙有剪開細細舊 好貼心方便食 夠爽口又索湯， 正~ 配埋銀耳多咗膠質，令成個湯再潤d。呢碗好好彩俾咗雞脾， 啖啖肉仲要夠晒滑， 好滿足。 最後上湯水餃有五隻，個湯同米線湯底一樣， 都係清甜香濃嘅藥膳雞湯。餡料調味都ok，唯一係我expectation有啲落差，仲以為叫得水餃會係有木耳絲嗰種饀， 早知問清楚先叫🥲呢間啲湯真係無得輸，雖然叫得做藥膳，但唔一定要苦口先係良藥嘅，而且佢份量好多，男仔正常食量都應該夠飽。佢哋米線分兩種湯底，一

位於灣仔❣︎盈記四季養生麵館❣︎係一間主打食粉麵米線嘅餐廳，期間限定😍藥膳湯底夠晒養生👍🏻呢到湯底味道濃郁足料，飲完一啲都唔口乾，超適合健康養生人士。❣︎藥膳農場雞海參冬菇養生米線❣︎海參發到超大😍非常軟滑👍🏻冬菇相當大隻超入味，農場雞啖啖肉，配搭埋藥膳湯底真係超級養生嘅米線。❣︎藥膳水餃養生米線❣︎有成6隻水餃，內餡足料，面頭鋪滿紅棗同杞子😍望落都夠晒滋補。❣︎熱菜蜜 凍奶茶❣︎菜蜜非常清甜，奶茶順滑。

一段時間冇幫襯、今天外賣咗個養生雞米線、湯和湯料還可以、但分開包裝嘅米線又「林」又「碎」（咁不如索性慳番個外賣盒！）、口感差劣、與剛開業時比較差得遠、建議認真改善☹️🙇🏻‍♀️

朋友被介紹一試難忘非常踴躍帶我去食大約中午12：15入到去做仲即刻有位坐雖然已經係搭枱不過每人一碗麵一杯飲品位置剛剛好啦12:30過後門口已經排緊隊睇嚟真係好好食兩個飲食可以揀二人餐藥膳農場雞竹笙銀耳養生湯竹笙銀耳 大大件 份量又多雞件好滑個湯 藥膳味唔會太重但係唔會好味道飲曬碗雞湯藥膳農場雞桃膠養生湯桃膠大大粒 食開甜品好滋潤估唔到湯食都ok古法炆蘿蔔蘿蔔有甜又淋大大件上枱古法味道調教得好好清清地嘅雞湯配上濃味嘅蘿蔔味道更加豐富必食推介

知道係繁忙時間，所以都明唔坐得耐，一個人，坐左只係半個鐘，係半個鐘only, 食完碗麵諗住飲完杯熱嘢即走，但店員都黑面，開口叫快啲，埋單仲鞋口鞋面，真係丟香港服務業架..講真，藥膳料理唔係得一間，我幾鐘意食依味都唔會再去依間

呢個蟲草雞米線呢就係位於灣仔嘅 近軒尼詩道修頓球場嗰度附近佢呢個蟲草雞米線嘅特點呢就係佢加咗啲紅棗落去個湯頭好甜呀咁就幾好食嘅啲雞又嫩滑咁出呢間嘢蟲草雞米線長咗食米線之外呢我覺得都可以轉米線轉做飯呀蟲草雞湯撈飯食冬天凍凍地整個泡飯嚟食暖笠笠對個胃仔都好舒服嘅都唔錯裝修都簡單嘅地方都清潔企嚟嘅舖頭都大㗎好多位坐就有個套餐咁樣嘅一個一人餐我記得大概係$75左右有嘢飲包個小食啦都抵食嘅次次去食都飲曬個湯個湯好好飲

同朋友喺會展出嚟搵到呢間養生麵館食個lunch佢哋個藥膳農場雞蟲草花養生湯陣陣紅棗杞子味道，值得一試。朋友叫做蕃茄粥竹笙銀耳湯米線，味道酸酸地超開胃佢地份量真係好多，我地2個都食唔曬啲米線。如果驚食唔曬，我唸大家可以落order可以叫少米線，盡量唔好浪費太多食物。仲叫咗兩樣小食秘製汁木耳同紅油抄手，木耳味道小小酸好好吃😋紅油抄手餡好足👍🏼嘢飲分別叫咗凍/熱柚子蜜，我覺得甜度適中，有子味道都好出

食襯米線唔係麻辣就係酸辣，食得多都刺激腸胃，食清湯又唔得滿足，係灣仔軒尼詩道呢間食養生湯麵就啱晒啦！好，坐低睇下有咩好食先。藥膳農場雞厚身花菇養生湯，黎到一定要試左個湯底先，湯好足料，有紅棗、杞子、木耳，湯飲落藥膳得黎帶清甜。雞件大件又嫩又滑嘟嘟，份量都唔少，連雞皮都感覺得到好補身。花菇超厚身，浸泡得好足，軟綿綿，好有菇味。熱柚子蜜，天氣開始涼，加埋呢個充滿維他命C既熱柚子蜜，甜甜蜜蜜仲有柚子皮可以咬下。