盈暉海鮮酒家

營業中

休息中

今日同以前同事食晚飯，去左平時去開既荔枝角盈輝，點解會去呢到呢🙂其實係因為佢坐得舒服（唔太嘈，人流唔會多到迫，又唔會趕人走），同埋野食真系唔太差。🥘🍜🥓🍘🍨因為系工廠大廈，仲要係夜晚食飯，相對地比較少人。至專泰式烤乳豬🐷生蝦伊麵個汁幾好味，但伊麵份量比較少。黃金沙律海鮮卷🦐醬爆帶子鮑螺粒 瑤柱鮑參翅肚羹清蒸大海石斑 - 個魚煮得過熟脆皮燒雞 - 香脆可口 杞子鮮腐竹浸時菜🌱蒜香雞粒炒飯 - 炒得夠乾身，但多數去到尾升既時候,,都係打包架啦! 🍚壽包 - 蓮蓉餡，蓮蓉夠滑，但係無咸蛋黃。🥧糖水系紅豆沙仲有生果 - 西瓜一碟 🍉佢平時上菜上得好快，但今日特別慢。🤦‍♀

草根姐姐中午到荔枝角工作，正好找在附近工作的草根妹妹和媽媽吃午飯。荔枝角其實都有不少食肆，但當要選擇的時候又難以決定要光顧哪間較好。最終還是選擇到酒樓食點心。長沙灣廣場有不少酒樓，最終選了2樓的盈暉。點了6個點心🥧。鮮蝦炸春卷（大）春卷非常香脆，蒜味勁重，愛蒜的草根超喜歡❤️。鮮蝦菜苗餃（大）皮較厚，但蝦肉彈牙，調味剛好。瑤柱珍珠雞（特點）珍珠雞內有香菇、鹹蛋同臘腸，整體味道還算不錯，可惜飯粒較乾，不夠軟糯。蔥花炸両腸（大）中間的炸両不太脆，腸粉皮夠滑，淋上豉油後覺得有陣蒸魚味🐟（？），味道只屬一般。香滑麻蓉包（中）撕開中間後看到麻蓉包的餡料有少許流質，味道有點像花生醬🥜，但不算很濃郁。現在市面很少見，所以好難得會有酒樓提供這樣點心啊！香煎鍋貼餃（大）鍋貼十分飽滿，內餐裏有豬肉🐖及椰菜做餡料，味道平平，沒有驚喜。3人連茶芥大約是$214，食得好飽啊，但食完又衝衝去上班了💼

這一區的酒家在午市都很旺場，還好朋友在繁忙時間前就到了，才能佔到一個小角落。平時很怕坐到角落處，一來怕污糟，二來大部分時間都會被遺忘，店員好像失蹤一樣。幸運地我們的「角落」附近有個餐具櫃，店員總會不時出現。（環觀酒家沒有甚麼「死角」，值得一讚！）2個人飲茶實在不能叫太多點心，還好這天大家都不是很餓，叫了幾籠點心，竟然款款有驚喜！↑鮮竹卷經常會被加上稠稠的芡汁，個人十分害怕那黏膩感。這個鮮竹卷濕潤之餘醬汁不會過多過厚，nice! ↑薑汁糕不是每間酒家的必備點心，所以基本上只要去到有提供的酒家都會點上一客。光看這籠薑汁糕的光澤（笑），就知道它是新鮮出爐！煙靭之餘帶淡淡薑汁香，又不會太辣太甜，很推薦！↑炒腸粉也值得一讚，雖然腸粉本身是素腸，沒有混入蔥或蝦米，但拌炒的配菜和醬汁讓味道很豐富，加上夠鑊氣，令整碟腸粉十分惹味。↑炸豆腐也是外脆內軟，很好吃！總的來說，多預留一點時間等位，然後吃就對了！

跟去年一樣母親大人的慶生午飯一行五人來了盈暉, 由於同老人家來所以比一般午餐時間早多了, 大,中, 小點各款都加了一至兩蚊不等, 茶位則因為近母親節上升至10蚊/位,花生$10/碟點心類以蒜香蝦春卷(大)$25.80最得人心, 而自己則還是愛蜜汁义燒飽$21.80, 义燒皇拉腸(大)$25.80腸粉皮依然有水準, 四寶滑雞扎(特)$29.80對比這滑雞扎同樣是特點的瑤柱珍珠雞就相對地貴咗d, 因為唔會食到瑤柱絲或者有任何瑤柱的香氣?脆皮燒腩仔$50則相對抵食吧! 起碼件数不少, 肥瘦適中! 至尊燒鵝瀨今年加了10蚊至$148這裡的幼瀨粉依然是大家嘅心頭好,老人家有燒鵝食就滿足了,

上星期六一行12人幾個家庭出黎聚餐.. 最近一定係做緊母親節餐啦~我地叫左呢個...2980~ 都冇乜特別正野食.....><乳豬拼盤.錦繡帶子鳳片.瑤柱鮮菇翡翠椰香千絲蝦, 呢個聽個名以為好特別. 未聽過未食過...點知係..普通野...食唔出有特別.紅燒鮑參燴魚趐..呢個名就有好多款野喇..不過我地見唔到有鮑魚同趐咯~~~蒸石斑, 呢條野...........係............唔熟既...............旦我唔記得左影...哂左條魚咯.返蒸都唔會好食.哂料呀!脆皮燒雞蠔皇鮑螺片.荷葉飯母親節壽包~冇黃既XDD生果得一款~整體係中下~冇其他野補充....

這晚比較早到, 跟友人D兩個閒話家常, 6點多還有一半以上吉枱,但7點半後已經9成半滿座了, 預先放喺度嘅花生係$12/碟，這晚比較早到, 跟友人D兩個閒話家常, 6點多還有一半以上吉枱,但7點半後已經9成半滿座了, 大部份都會食預訂套餐, 因為都算抵食嘅, 我們沒有叫套餐只是散叫罷了, 本來想叫燒鵝.但這鵝太火紅了, 主因是一圍圍的套餐內包了燒鵝,這自然容易售罄, 見有個北京填燒鴨可叫兩吃才$198便用這鴨代鵝吧, 結果是由於這裡沒有專人片鴨肉, 只是隨便一個阿姊手起刀落以業餘手法解決了件事, 所以每片鴨肉都相當厚, 包鴨肉的麵粉皮尺寸小, 想要包得漂亮有一定難度, 另一味用起皮後的鴨件去同涼片一齊炒反而呢個更好味,拿掐準確, 炆鵝掌汁比較上多, 而 鵝掌只得四隻, 汁嘅味道較稀身,魚肚浸時蔬, 味道ok清淡配合魚肚食相得益彰, 魚肚夠厚身嗦汁一流, 咕嚕肉係正常的味道, 伴碟亦是正常嘅青,紅椒加菠蘿片, 除咗件肉的形狀係比較特別的長方形之外, 肉嘅醃味亦屬於好正常!沙嗲一口牛, 牛肉粒的緊熟度氧掐得好, 碟頭較細似小食類!感覺散叫上碟頭細了,

盛惠1780嘅全包宴，真心超抵食有乳豬全體都已經賺哂！仲有碟碟餸都夠大份，每碟上枱都熱辣辣嘅！今次掛住傾計無影到相，只影咗碟大蝦伊麵，呢碟大蝦伊麵嘅份量真係不得了！係每人都可以食到兩碗！雖然要指定響大廳享用，但個價錢已經無敵

今日約左兩個朋友向荔枝角飲下午茶，佢哋㨂左長沙灣廣場盈輝海鮮酒家，我個心沉左一沉，因為以前飮過，好咸，全日係咁飲水，但今次又好似無咁口渴，只係喉嚨有D乾啫。我今日highlight兩款嘢俾大家，第一係瑤柱灌湯餃（$12.8）好多下素翅，都幾大隻，湯都唔差，最好就係個皮唔厚，整體Ok，加上只係$12.8就更加Ok。第二係攬菜肉鬆炒飯（$40）炒得乾身，D飯一粒粒，食落蛋味濃，係嫌D菜粒有D苦。其他點心就不過不失，而女部長及送點心姐姐好有禮貌，所以我唔抗拒再幫襯。

一間不知所謂嘅茶樓，無論樓面企枱、部長、甚至乎收銀，個個服務態度勁差，唯一較為正常只有傳點心阿姐，客人俾錢幫襯你買點心，果個收銀話早市特價點心冇得外賣，咁我話一係我堂食，再叫多啲點心拎走又話唔俾，話早市點心只供堂食，不可帶走，果個收銀重寸咀到話「唔好以為我唔知吓！」，簡直當客人係賊咁！我話「咁咪收我正價咯！」竟然其中一細碗咸魚肉餅飯高收233%，如果你想向上級投訴咩？咁你就嘥氣嘞！因為佢重冇禮貌過收銀，唔聽客人意見之餘，最後重話「唔同你講嘞！咁咪同你講對唔住咯！咁得未？」平時堂食飲茶已經受啲樓面企枱氣，今次重受到咁惡劣服務態度對待，真係貼錢買爛受！大家應該認真考慮吓重值唔值得幫襯佢？

點心款式很多，價錢比樓下個間酒樓平一截，在長沙灣呢區既酒樓算幾抵食。尤其係個炸豆腐，外脆內軟滑，而且一D都唔油膩，放左一輪再食都可以KEEP到咁脆，絕對要比LIKE佢。

長沙灣廣場有兩間酒樓，樓上呢一間就比較平，所以lunch多數去呢間食，人少少想樣樣都食到就叫左個點心拼盤，一個人食夠哂數，兩個人share都可以，蝦餃肉爽彈牙，馬拉糕最好味，唔會太甜。

這間酒樓在長沙灣廣場，也是第一次來，好彩不是等好耐，點心價錢也夠平的。下午茶也抵食！蝦腸皮夠薄，蝦夠大夠爽口，三條腸六隻大蝦，好食的！皮蛋廋肉粥好大碗，煲得綿身，又唔太咸，少少皮蛋，肉碎，好味呀我們叫左三個灌湯餃，第一次食有頭髮，部長換了一個給我，不過其實一般，因為好結，有好多白色一粒粒啫喱物體，好怪，蟹柳，素翅，蝦，豬肉等，用料也足的。蝦餃大粒也好爽口的，好味！！環境幾好也寬濶，有佈置的。燒賣大粒，有蟹子，冬菇，豬肉，蝦爽口，豬肉唔算肥，好味道

由於公司在長沙灣所以來過這店食午飯数次, 同屋企人亦有來過飲茶食飯, 價位是附近寫字樓式海鮮酒樓的中間價位, 點心較突出的有腸粉, 雞飽仔, 蝦餃, 燒賣, 突出的意思並非造型而係用料,完成度, 上枱時的溫度狀態等, 炒粉麵飯一般size, 價錢大眾化, 而自家推薦的燒鵝亦是中上品質, 鵝的醃味適中, 唔會食完成口都係咸味, 肉質有咬口之餘亦食到少少甘香, 以一個中等價錢而論值回票價, 服務方面大部份係阿姊輩, 語氣同態度係會有參次但未致無禮貌, 整體滿意,

昨天跟女兒及她的朋友一齊飲下午茶，叫了一個蓮蓉梘水粽，到服務員取了粽來時，配上一碟白沙糖，我要求服務員想要糖漿，她說，厨房只提供白沙糖，無糖漿，如想另外要，每碟加10 元我飲咁耐茶都係第一次聽，糖漿要加錢，咁沖茶要加水嗎？山竹牛肉加喼汁要加錢嗎？到結帳時，還來個特別驚嚇，茶錢收我們34 位，但我地總共只有5 人，如果不 check單，酒樓真係多謝我了所以呢間永不錄用，各位如真要在這間盈暉飲茶，真係祝你地好運

Today is Happy Friday! So my colleagues and I reserved a table of 11 pax at this restaurant.We think this Chinese restaurant is quite good at Cheung Sha Wan area. The price is also reasonable. But reservation has to be done earlier because it is quite full during lunch hour.We ordered a number of food and  all dim sums are quite yummy actually.However, my colleague found there's a small cockroach inside a plate of cabbage!!!! OMG!!!(I was too scared that forgot to take picture)A waiter helped us