盈暉海鮮酒家

營業中

休息中

是日與家人一起食晚飯，慶祝父親節！今年的父親節對我們來說別具意義！我地點咗八人套餐，餐單上有龍蝦伊麵、泰式烤乳豬全體、蒸沙巴龍躉、脆皮燒雞等。每款食物無論賣相與品質都色香味俱全，令人食指大動。酒樓的服務員殷勤有禮，幫忙換碟斟水。由於當日是星期日兼且是父親節的關係，酒樓內都幾乎坐滿食客，服務員都忙得不可開交。食物送上來的時候標住煙，熱氣騰騰。我們急不及待率先品嚐烤乳豬，皮脆肉嫰，令人不禁食完一件又一件。可惜Quota有限，只能淺嚐。能夠與家人一起分享美食，真的心滿意足了！

長沙灣嘅酒樓晚市唔算多人, 可以同三五知己歡度整晚, 唔會限時, 悠閒暢食, 今次食左呢個叫”乳豬全體海斑全包宴”半席 ($1080星期一至五)席內已經包咗茶芥加一及六罐啤酒汽水🥢泰式烤乳豬全體 (半席半隻)乳豬熱辣辣, 但係皮較硬, 肉嫩有汁, 不太鹹, 乳豬醬似普通嘅甜醬🥢上湯芹香生蝦伊麵蝦新鮮味質地爽彈, 伊麵嘅質地亦幾好咬口, 唔會太淋, 醬汁牛油味重🥢碧綠醬爆帶子墨筒😋炒得香口惹味, 帶子及墨魚筒新鮮, 配料有蜜糖豆及紅椒, 醬汁味道啱啱好🥢香草黃金釀蟹蓋😋睇落細細隻, 不過有驚喜, 蟹蓋大約七cm, 蟹蓋面沈左少少香草, 內裏有蝦, 蟹肉及墨魚膠, 彈牙有口感, 好味🥢蟹肉海皇花膠燴素翅湯比較清稀, 唔算太鮮甜, 味道屬正常一般, 湯內嘅料頭亦唔多, 裏面有蝦碎, 魚翅及蟹肉🥢清蒸大海石斑😋海斑仔好新鮮, 蒸得啱啱好, 豉油調味亦恰到好處, 讚🥢脆皮燒雞😋雞皮夠脆, 熱辣辣, 而且肉嫩有肉汁鮮竹雜菌浸時蔬腐皮太韌似橡筋, 雜菇菌夠多, 大大碟, 菜心嫩口🥢欖菜肉鬆炒飯 😋炒得乾身唔油膩, 調味適中, 肉碎嘅肥豬肉比例唔多, 健康嘅炒飯蓮蓉桃包壽包外皮鬆軟, 裏面蓮蓉軟滑合時

因為爸爸喺附近番工 所以間唔中都會嚟呢到陪佢飲茶🫖飲茶食嚟食去都係嗰啲 但係我每次嚟都一定係食佢地嘅咕嚕肉同流沙奶黃包咕嚕肉外皮炸得超級脆 肉質夠彈牙爽口 流沙奶黃包真係真愛 摵開超流心 而且鹹蛋黃醬沙沙地 鹹香十足

長沙灣廣場盈暉飲茶慶祝母親節原本以為好多人，點知只係等一張枱就入得。可能係時間尚早，早超起身其實幾好喎，唔駛等咁耐。3個人飲茶叫左9款點心。醬皇蒸鳳爪盈暉蝦餃皇蝦餃大大粒叉燒焗餐包餐包唔夠甜，味道不似預期，好失望蟹子燒賣皇普通味道家鄉咸水角熱辣脆口，每次飲茶必食。蠔皇鮮竹卷食唔到蠔皇鮮味，餡料唔夠新鮮。香滑牛肉腸腸粉軟滑，可惜唔夠熱蜆芥鯪魚球貴妃豬腳仔皮脆肉嫩，幾好食▶️荔枝角長沙灣廣場2樓210舖

假期一家四口出左荔枝角飲茶，平日番工日子，中午一定要等位，假期放哂假就可以直入。長沙灣廣場二樓✨盈暉海鮮酒家✨盈暉蝦餃皇蟹子燒賣皇蠔皇鮮竹卷醬皇蒸鳳爪鳳爪唔係咁靚，有d 位好瘀黑。香滑牛肉腸叉燒焗餐包最期待係食叉燒焗餐包，好可惜唔係熱，大中減分，同埋入面叉燒餡係勁乾。蜆芥鯪魚球鯪魚球唔係熱辣辣，又係減分。家鄉咸水角咸水角就唔錯，夠熱夠脆。貴妃豬腳仔$58原本覺得有點貴，不過豬腳仔應該係乳豬腳，同埋有個位起左骨，食落係好嫩。

呢間酒樓其實係我返工時候嘅飯堂疫情關係已經有幾個月冇去到所以都係幾個月之前食嘅呢間酒樓服務一般般但其實食物質素勁好我最推薦佢嘅叉燒王同埋麻蓉包麻蓉包已經唔係每一間酒樓都食得到呢度嘅麻蓉包係冇落到椰子嘅同埋佢入面有少少流心等疫情之後再去食

收單後服務員落單時落錯枱號，沒有問題！當我們查問時反被那位女部長反駁我們沒有在點心紙上寫上枱號！還要送上點心時再三問：「你哋頭先係咪寫錯嘢呀！」極度不負責任！只怪我們見識少！未曾試過落單要自己寫枱號！

經過荔枝角，見到好多人等緊佢下午茶，就入去試一試。下午茶兩點開始，一點九已經有人喺度排緊隊。蘿蔔糕值得一試，有蘿蔔味，同埋都幾足料。叉燒瀨粉就唔好叫啦😂叉燒完全唔好食，早知叫油雞😂鮮竹卷都幾好食，食落去仲脆脆地。燒賣都唔錯，肉質彈牙。最特別係呢個咖哩牛筋，好少酒樓有，滿滿骨膠原食落去😋😋鳳爪好入味，不過下午茶張紙就冇得嗌，要正價單叫。可惜呢個商場無得免費泊車，泊車時租平日都要22蚊一個鐘。埋單兩個人下午茶食咗180蚊。

特登和家人惠顧要了一只小澳龍，指定用芝汁烹調但幸好沒要伊麵底，結果龍蝦味道還可以，但芝汁卻是不行，茨汁太濃稠卻沒芝士味，感覺上龍蝦給謀害了。其實茨汁的作用在於提味或確保食物可以平均掛味，但這茨汁令食物變得讓人飽滯，並沒提升什麼滋味感，這絕對要改善！ 反觀其它食物質素，還是令人滿意的，我們點菜要了义燒，鮑魚，草菇唐菜和例湯，個人至愛是义燒，超正！

忽然間好懷念一盅兩件，所以我地就嚟嘆返個下午茶啦。週日下午茶係兩點開始，我地攞完籌都要等咗差唔多15分鐘先俾到枱我地，估唔到週日都咁旺場。好多一家大細，有老有嫰都嚟嘆茶啊！我地例牌要咗普洱同滾水，茶錢都$11位，幾歹都飲多幾轉啦！由於我實在太肚餓，所以我竟然唔記得影低點餐紙，真失策！我剔咗我地要食嘅點心之後，就拿拿聲交咗俾服務員喇！我地點咗下午茶最特惠嘅灌湯餃，每份只係$15.8！當然唔可以錯過啦！上到枱覺得佢漲卜卜好得意，但係呢度嘅灌湯餃同出面食過有少少唔同，佢係用湯浸住的。個餃皮超級薄，輕輕筆起就穿咗，好正！裡面都包咗啲貌似鮮竹卷嘅餡料，味道還可以！呢個一定要趁熱食啊！貪得意嘅話可以試吓啦！另外都點咗切雞瀨、咖喱土魷魚、蒸鮮蝦腸粉、香煎蘿蔔糕同埋勝瓜排骨炆米。所有食物嘅質素都不過不失，只係廚房出菜太快，一陣就攤到凍曬囉。

COVID-19 第３波疫情有所緩和9月11日，２人限聚令放寬至４人和家人外出用餐，可以同枱，不用分２桌。開心！！差不多３個月沒有來吃晚飯，餐牌改動不少。點了：#白灼蝦，90元半斤，有11隻，新鮮！#蒜蓉粉絲蒸象拔蚌仔，新菜，88元１份，有６隻，火候控制很好，肉質富彈性，好吃！#粟米斑塊，不是新菜，但我們第１次點，味道中規中矩。#盈暉脆皮燒雞，110元半隻，皮脆，有肉汁，喜歡！#海味粉絲雜菜煲，第Ｎ次吃，水準保持！#桂花糕，送的甜品，之前都是送西瓜的，換換口味，挺好的！取消了泊車優惠！

今日午市飲茶，已經預早訂枱，所以不用等候就可以直接安排入座。蝦餃，飽滿足料，一口一粒，正。同事推介叉燒，話隔一排無去，就已經加左價。叉燒有幾件肥瘦各半，脂肪比例岩岩好，口感一流，但多數都係瘦叉，肉質實淨，各有各口味喇。燒肉，皮脆，加埋蜜糖芥末醬，一流。叉燒腸，有叉燒碎粒加翠肉瓜芫茜等，味道一般。茄子釀鯪魚，炸鯪魚餅，調味料醃得好夠味，唔油膩又好味。蒸排骨，粒粒都帶有肥膏，如果有肥膏愛好者，叫呢款你就唔會失望。菜芯份量都唔少，新鮮翠綠，抵讚！

同老友D加太座三人行到上址晚餐, 雖說係農曆年前但市道並不怎樣暢旺, 因為各種原因吧, 簡簡單單叫3個餸, 最好食還是他們的燒鵝, 當然燒鵝難免有皮下脂肪, 不過皮同嫩肉才是主菜中的主菜, 其餘兩個的雜菜煲同牛腩都不過不失, 但感覺上煲的份量細咗, 也明白嘅, 價錢再加上去會有點離地, 但可能佢地更估唔到的是個多月後比社會運動更嚴峻的局面出現咗,差不多全民禁足!

我等了 1陳就有位, 這間洒樓是我在香港有史以來最好美,還便宜,是個平民化餐廳,我還介绍盈暉蝦餃皇,這蝶蝦餃翡翠清滑,使我人生第一次吃得最美味的点心,而座位比較舒適鬆動

盈輝一向都知品質唔錯的，佢有個套餐星期一至五再平d ，有12位或六位食都得，超級抵食，又好味，乳豬超好味，蒸班魚都很滑有魚味，糯米飯好正，芝士海蝦依面都幾好，總之六人餐六個人都真係夠晒飽，還有6 罐啤酒汽水，仲包埋加一，你話啦，最重要係好食