盈暉海鮮酒家

營業中

休息中

我媽媽喜歡的茶樓，距離我們家一站港鐵，差不多每個月都來吃晚飯，每次必點晚飯三寶：#海鮮：蒜蓉粉絲蒸開邊蝦、豉汁黃立䱽，２選1，２樣都點過，味道都不錯！#燒味：叉燒皇、貴妃雞，２選1，比較多點貴妃雞，有時會賣完，改上豉油雞，挺好吃的！#小菜：18選1，有葷、有素，有點花多眼亂！定價：去年的248元/份，今年上調至268元/份，加幅約8%，高於香港整體通漲率，但尚可接受！服務：不穩定！有時挺好的！有時比較差！看運氣吧！

賣相不俗，閃令令，以為食落實翠卜卜，點知食落乳豬過韌，唔好食蜜糖豆魷魚珊瑚旁，甜甜辣辣味道不錯帶子海蝦西蘭花，味道普通，而且食到有發泡膠，冇洗乾淨。炸蝦球賣相不俗而且夠脆翅湯底一般，翅又硬，未煮熟咁。乾瑤柱冬菇豆苗，豆苗都好難失敗㗎啦！但係呢個真係又多渣又唔好食。魚肉又硬又實雞肉賣相可以，食落唔似雪藏雞，味道可以，但係皮唔夠脆，而且咸味分佈不均勻。伊面沒有味道。飯賣相不夠好，配菜不吸引，食落仲好硬，水太少，做唔到粒粒分明。蓮蓉餡壽包，餡料正正常常，可惜包太實。紅豆沙料十足，雖然冇起沙，不過不失最後再嚟多個飯後果。

每次一家人食飯都會黎呢間因為呢間唔算近民居 附近都係比較多工廠大廈無論咩時間黎都未去到要迫爆等位阿媽話一家人飲茶最好就係靜少少可以傾到下計所以每次都係選擇黎呢間飲每次必嗌野食：燒賣、蝦餃、馬拉糕同鳳爪我爸媽都中意鳳爪佢地話呢間鳳爪個味好啱 同鳳爪好match而我唔食鳳爪 都會食下面啲花生 一樣入哂味 好香其他點心都不過不失仲有令人驚喜嘅沙律海鮮盞都建議一試春卷皮包住蝦 上面再有酸酸甜甜嘅沙律 好夾好開胃 食完都唔會好濟

這間酒樓，大家都要等位，但熟客就唔洗等，最慘就是捛大陸口音的人又唔洗等，而唔熟的及不是大陸人，而係香港人就要死要跟號碼儍等，咩世界丫。這些酒樓只做大陸客，不知所謂的商家

今日同呀媽同細佬去飲茶，去左長沙灣工業區呢邊飲茶，貪佢假日唔會好似出面D 商埸咁多人😁我地叫左十幾樣點心，真心唔錯，都幾抵食，特別係有蝦既點心。灌湯餃，足料，都有D 翅ga，皮都薄馬蹄糕，唔會太甜，又有粒粒馬蹄皮蛋瘦肉粥，清清地，料都足蝦腸，入面隻好大隻，同埋係彈牙柚皮，我媽最鐘意，都好入味燒賣都唔錯蝦餃，隻蝦都係好大隻同彈牙鮑汁鳳爪，可能炆唔切，唔太入味棉花雞，魚肚好味，雞都新鮮流沙包，通常我食完鹹嘢先至再食甜， 所以畀我攤凍曬 ，但出奇地，啲流沙都係流出嚟，仲好好食

旁邊枱客人取了濕紙巾，於是食完鮑汁鳳爪都想用濕紙巾抹手，問了個侍應，她回應到沒有，話旁邊的客人自己拎，那我反問自己可以係邊度拎，她回應：「我建議你唔好拎，否則你會比人鬧!」好大既恐嚇，你話無咪得囉，唔使恐嚇我會比人鬧既～

今天跟家人來飲下午茶1點9左右來到拿下午茶飛已經十分之多人下午茶2時開始 等了大約半小時才入座山竹牛肉球牛肉球大件 味道正常配有少量腐皮盈暉蝦餃皇蝦餃做得很好 不會一夾就散餡料充足 滿滿是蝦肉原隻鮮蝦腸每條腸粉𥚃面有兩隻蝦腸粉皮略厚 幸好夠滑下午茶叉燒米粉價錢只是$16.8 有6大片叉燒 叉燒偏瘦 幸好本人喜歡瘦叉金牌流沙包每次來飲茶都會點一定要趁熱食流心效果絶無欺場不過餡料有少少過甜家鄉鹹水角這是唯一失望的點心外皮不夠軟糯中間大部分都是肥豬肉吧個人來說不太喜歡盈暉下午茶真的十分抵食有多款特價點心點心質素亦好

荔枝角在平日總是人頭湧湧，星期日下午時段街上人流不多，但盈暉海鮮酒家人流卻不少。下午茶時段和朋友一起飲杯茶，吃個包。📍盈暉蝦餃皇鮮蝦爽，餃皮薄，晶瑩剔透，好吃。📍蟹籽燒賣皇熱呼呼的燒賣，不肥膩，必點之選。📍原隻鮮蝦腸腸粉滑溜，有原隻爽脆蝦仁，皮薄餡靚。📍沙薑鮮雞腳雞腳煮得恰度好處，不會過靭或過冧，沙薑味香，味道不錯。📍流心奶黃包流心奶皇包中流心感覺蒸得不太透徹，中央不是熱辣辣的，但流心幸好是暖的，也就不要求更換了。餐廳服務一般，要多次招手，店員才有反應，這方面有待改善。

這間位於長沙灣嘅盈暉海鮮酒家 ，之前午市飲茶都嚟過幾次，貪佢地方夠大，而且搵位都不算太難，因為同場仲有其他酒樓。今晚去拜年， 順便同啲長輩去食晚飯。呢度嘅餐具都可算乾淨企理！蟹肉豆苗，豆苗新鮮，蟹肉略嫌少了一點， 但整體味道唔錯！發菜蠔豉當然唔少得，桶蠔好結實沒有腥味！半隻金牌燒雞都炸得唔錯，而且不算有太多脂肪，雞肉很嫩滑！呢度要讚一讚係啲夥記， 佢哋好細心，經常換茶加水，仲主動更換碟！呢度嘅經理及侍應都好好笑容， 過時過節雖然十分忙碌，但仍十分專業，抵讚！

呢間茶樓，服務態度真係勁差，又冇禮貌，啲侍應唔做嘢掛住周圍吹水，揸住張單成世唔入機。哂客人啲時間，你想cut單走咩？啲侍應仲大大聲聲咁話返你轉頭，入左單幾分鐘之嘛。連收銀都係咁，2個講嘢勁大聲，勁冇禮貌。大聲就啱架啦咩，邊有咁大聲鬧啲客人架，睇CCTV囉。明明就係等左勁耐。緊係啦，你掛住吹水唔入機，實係得幾分鐘啦，個時間都假嘅。呢間茶樓究竟咩料？ 做野唔認真，掛住吹水，又唔認，仲要勁冇禮貌，咁樣點攪啊？

服務超好的酒樓。已經係第三次來食。上次食羊腩煲，已經覺得唔錯。姐姐會幫手睇住火，以防痴底。今次雖然有幾家係度擺宴，得番幾張台，本身諗住要等好耐或者冇的食。但係等咗冇耐，空到一張大台，服務員好快手拆咗張大台轉咗兩張細台，俾我哋同另一台客。雖然佢地已經好忙，都係keep到好貼心的服務。服務員唔會西面，唔會扮睇你唔到，仲要主動幫手換碟。上菜都好快，而且餐餐有生果盤，西瓜都好味。價錢都公道合理，今時今日咁好質素的酒樓真係好少見。

整體黎講, 其實食物既質素係正正常常既但係個服務態度就世界級!服務員將所有點心一幢式就咁放係枱面冇諗過幫我地執執個枱面 將果幢點心山移番平最後都係要我地親自落手可能我地叫得太多嘢食喇~次次姨姨放嘢食落黎轉一轉個轉盤都好易會掃跌d嘢食!雖然我地都好明白呢到旺場姨姨做到踢晒腳但當我地想叫佢收一收碟既時候有位姨姨望到 但都遲疑左一陣先黎收好不情願咁加水我地都係親自來睇黎中午真係太唔夠人手啦!$50 黎講呢兜燒鴨瀨都ok既但我真係對幼身既瀨粉冇咩興趣涼拌小食都算爽口呢到既叉燒係出色既肥瘦既比例恰到好處同埋切到大大舊有口感好不幸地咁岩我係食左一立舊失敗品入面既芝麻醬小得可憐尖椒今次好似又冇咁辣了食譚仔三小的我表示輕鬆奶黃包係唔錯流心效果一流!!!!同埋又唔算太甜呢個係必點item!雞札入面有蟹柳其實我係第一次食條蟹柳蒸完之後淋晒佢係代替左平時既火腿既角色棉花係入味的芋頭都粉粉地而舊雞就比較麻麻了平時食開雞扎入面舊雞都係冇骨的而呢個係有骨!!!同埋味道都唔太好!!!如果呢頭有其他類似茶樓可能呢間就未必會係我既選擇了

平時比較少係呢頭食飯，難得係呢區入面飲茶，呢到都幾近地鐵站!岩岩好去到既時候係下午茶時段~粉麵類都有特價!同埋上菜都幾快手既，點心就係最遲上既首先講下呢個燒鴨瀨，同平時食既瀨粉唔同，係好幼身既，粗幼既程度有D似米粉，但口感上都還可以。燒鴨既數量以佢既價錢黎講都唔算少，味道不過不失!!不過以呢個價錢黎講係可以一戰~呢碟豆腐演繹左四個字:外脆內軟出面層炸皮唔會太厚 係岩岩好而入面既豆腐仍然保持住豆腐軟軟綿綿既口感!!炸魷魚鬚份量都OK 以炸物黎講 佢都唔會話炸粉好厚同埋感覺上都唔會太油膩尖椒就適合嗜辣既朋友仔~不過以佢$40幾蚊價黎講份量就真係唔算多喇!食落口第一下可能唔會覺得好辣不過食落會有一陣辣味係口腔徘徊食開譚仔三小辣既我就覺得佢既辣味都可以接受既雞腳 佢個樣真係唔算吸引不過正正常常啦係咖喱蒸土魷D味都幾濃 唔錯D醬夠杰身!牛柏葉都係普通料正正常常咁啦叉燒冇影到相 佢既肥瘦程度恰到好處都係可以再戰既ITEM!!

呢排荔枝角有新戲院做promotion 所以特登嚟呢邊飲完早茶先睇戲😼 呢間酒樓喺地鐵站上面個商場 好方便 全個場都幾滿 佢話得返一張三人枱 不過就喺門口位😥 但都照食啦 星期六日十點前有點心優惠 價錢都幾平 我地嗌咗一份醒晨蒸飯孖寶 一份香脆甜蛋散 一隻蛋黃鹹肉糭 一份香煎窩貼餃 一份咖哩蒸土魷 一份雞蛋豬腳薑🤤 總共七款食物都只係$190有找🙊款款都不過不失 亦幾足料👍🏻 我覺得 咖哩蒸土魷最值得推介 有好多件魷魚🦑 一層一層咁疊滿成個容器😻 而最底層有豆卜可以吸埋啲汁👻如果大家去開荔枝角 不妨嚟呢間酒樓試吓!! 順帶一提啲職員個個都好有禮貌🙂

正好這日中午又到荔枝角工作，工作前與媽媽和妹妹先去酒樓吃點心。這間酒樓在長沙灣人氣都幾旺。📍鮮蝦炸春卷（大）好濃蒜味，加上蝦肉餡料幾好食，但炸得有點油。📍香滑麻蓉包（中）麻蓉包餡料香濃，中間的麻蓉餡更有點流心效果❤️😍不過好細個😭包怪表示唔夠喉啊！📍叉燒皇拉腸（大）腸粉軟滑，中間夾有叉燒和脆肉瓜作餡料，但叉燒太碎太蓉，口感不好👎🏻。📍千層馬拉糕（大）馬拉糕鬆軟，中間有奶黃夾心，甜甜的味道不錯吃。📍瑤柱珍珠雞（特）今次的珍珠雞比上次差，飯粒較乾，明顯失準了。