影片
更多
2017-11-16
2349 瀏覽
一間不知所謂嘅茶樓，無論樓面企枱、部長、甚至乎收銀，個個服務態度勁差，唯一較為正常只有傳點心阿姐，客人俾錢幫襯你買點心，果個收銀話早市特價點心冇得外賣，咁我話一係我堂食，再叫多啲點心拎走又話唔俾，話早市點心只供堂食，不可帶走，果個收銀重寸咀到話「唔好以為我唔知吓！」，簡直當客人係賊咁！我話「咁咪收我正價咯！」竟然其中一細碗咸魚肉餅飯高收233%，如果你想向上級投訴咩？咁你就嘥氣嘞！因為佢重冇禮貌過收銀，唔聽客人意見之餘，最後重話「唔同你講嘞！咁咪同你講對唔住咯！咁得未？」平時堂食飲茶已經受啲樓面企枱氣，今次重受到咁惡劣服務態度對待，真係貼錢買爛受！大家應該認真考慮吓重值唔值得幫襯佢？
張貼