百芳池上便當 (大河道) (已搬遷) 新店位置

最近同朋友近近地去咗荃灣AEON掃貨，順手係度食埋飯先番屋企，今餐就揀左食台式便當，味道都唔錯👍🏻-🎐百芳滷雞腿便當 $59便當飯盒除咗大大隻滷雞腿之外仲有好多配菜，包括有半隻滷水蛋、粉絲、粟米、椰菜同埋酸菜😆全部撈埋一齊食都幾惹味😋 滷雞腿咬開後十分juicy👍🏻食完超級滿足飽肚💜_🎐百芳豬排便當 $59豬排大大份份量十足😀食落去頗有香酥質感，冇骨豬扒肉肉質鬆軟有口感😍便當既配料都係一樣，食食下真係有種好似去咗台灣嘅感覺😂_🎐百芳小食拼盤小食拼盤內有台式花枝丸、鹽酥雞、台灣香腸台式花枝丸味道都香脆彈牙，入邊仲食到原粒花枝，鹽酥雞惹味可口🍗台灣香腸的份量也是十分充足🥢_🎐飲品：🥤黑糖珍珠鮮奶鮮奶入口順滑，黑糖亦都唔會話過甜🥤玫瑰鮮檸茶淡淡檸檬香的茶，解膩一流😍

間鋪頭荃灣某百貨公司地下，鋪頭細細但地方都幾乾淨企理。係收銀落完order 後，坐低左好快就有野食，岩哂趕時間既朋友。見到menu第一眼就俾五花腩吸引住，原來係台灣係叫控肉，當然係要試下佢啦。個便當好豐富，粉絲有少少辣好開胃，滷水蛋好入味，腌菜有驚喜腌得岩岩好，五花腩位置好好，瘦肉肥肉比例一流，食落去充滿肉味，肥膏同豬肉夾埋既口感一流，軟滑得黎又夠爽，推薦推薦。另外一個餐就嗌左個鹽酥雞便當，鹽酥雞新鮮炸起，外脆內軟啲雞好juice 。除左便當外仲有啲台式飲品，跟餐嗌左阿薩姆紅茶同碳焙烏龍，質素都ok 同其他連鎖鋪頭既差唔多。

放咗工行AEON，行完順道食埋便當至返屋企。望望餐牌，覺得炸雞髀飯好吸引，所以就叫咗一份。等咗十幾分鐘，終於上菜。隻雞髀超大隻，好吸睛。雞髀熱辣辣，睇得出係新鮮炸起，所以個皮好脆口，啲肉好嫩滑同juicy，一啲雪味都冇，正！飲品方面，叫咗杯玫瑰鐵觀音拿鐵。玫瑰同鐵觀音都幾夾。冇調教任何甜度，但都唔會過甜，啱啱好。另外仲點咗百芳豬扒便當，塊豬排好有台灣風味。跟餐加錢點咗熱黑糖仙草鮮奶，暖笠笠好好飲2杯飲品都已經好有聖誕feel🌲再加咗＄15食花枝丸

呢間係Aeon入面既台式便當成日都好多人排隊🙈今日同老公係aeon買完野 我地分頭行事！一個排隊俾錢 一個黎呢間小店排隊！😆餐廳係開房式 但裝修都幾精緻🥳睇到menu都好感受到台灣火車便當既感覺！好想去台灣呀🥺❤️飲品menu都有勁多選擇😆我地叫左個滷雞腿便當！腿好嫩又夠入味！食！另外一個邪惡熱氣鹽穌雞便當🍱😆食台式野必食鹽穌雞呀！炸得好香脆！每個便當都有好多配料好正好好食！最鍾意佢個鹵蛋同粉絲！配合得岩岩好😉跟餐加左錢要左個小食！係台式腸❤️呢個整得好乾身好有臘腸既感覺🥰好好味！飲品我叫左玫瑰鐵觀音！都好香濃！又夠曬熱！老公叫左黑糖奶茶佢都話好飲！😎

早前與朋友去了一趟台灣旅行，在當地吃了很多台灣菜。回到香港已有一段日子，很想念台灣的美食，於是約朋友到荃灣嘗試這個台式便當。點了一個百芳滷雞翼便當、一個台灣焢肉便當和一個皮蛋豆腐。所有便當都有玉米，粉絲和配菜。滷肉汁滲到飯上，令飯粒吸引了肉汁，很好吃。焢肉肥瘦分明，吃下去不會覺得太油膩，還有甜甜的滷水味道。珍珠奶茶，茶味很香濃，奶與茶比例配合得很好，珍珠煙韌彈牙，是一杯我喜歡的珍珠奶茶。朋友點了一杯冬瓜黑糖鮮奶，她是第一次喝的，她很推薦這飲品。

那天和朋友逛商場看到一間台式餐廳的餐牌是台式便當啊~~怎能不試一下~~🤗餐廳是開放式的雖然會是直接看到旁邊的客人在購物但還好的是不會太騷擾~~😎而坐的只是膠椅子，就是快快吃一個便當~不是給你慢慢坐的啦~哈哈哈哈哈~~🤣🤣🤣香酥雞翼便當 ($54)香酥雞翼會分開上菜~~共有3隻大大隻~~🐥炸得很好，真的是皮脆肉嫩，調味也不錯啊~🤤台灣鹽酥雞便當 ($59)鹽酥雞粒有不少塊，每塊都是大大一顆~~🐥調味咸咸香香~~皮香脆，咬開還是保留肉汁~正~😍😍😍📣每個便當是白飯底~白飯做得很好，粒粒分明，口感不錯~~🍚還有半隻都頗入味的鹵蛋、少許雪菜~~而且每天會安排三款不同配菜~~🥢今次有粟米肉粒、炒粉絲、椰菜蘿蔔絲~粟米肉粒味道很香~~但是如果可以乾身一點，不要咁濕拌起飯來吃一定會更好吃，口感更好~~😆炒粉絲炒得不錯，彈牙，拌起飯來，口感不錯~~😌整個便當味道都很不錯~~吃下去就是旅遊時台灣的味道啊~~💕珍珠奶茶 (冷 / 熱) (跟餐轉 +$12)奶茶茶底不夠濃，但尚算滑~~珍珠黏韌，但沒什麼味道~~😆最可惜的是珍珠會一堆的黏在一起沉在杯底冷珍珠奶茶還可以用吸管吸得到~~熱的那杯根本完全吃不到，因

之前係網上見到呢間餐廳的便當好似好吸引，咁岩今晚要到荃灣Aeon買野打邊爐，所以就黎呢間餐廳試下他們的便當！餐廳是先在門口點餐，然後可以自行選擇位置坐下，店員會把餐送到你們枱上！百芳豬扒便當，這個便當的豬扒會跟飯分開上的，而便當盒內有飯、粉絲、粟米肉碎、娃娃菜、滷水蛋和一些餣菜！便當的份量都算幾多，女仔吃可能會較飽！豬扒有點脆口，唔會太乾！百芳滷雞腿便當，雞腿都幾大隻，幾香滷水味，雞肉嫩滑！便當中的配菜跟豬扒便當差不多，那我就不當講了！皮蛋豆腐，豆腐嫩滑，用上半隻皮蛋，醬汁甜甜地，味道不錯！南投桂花烏龍，茶是枝裝冷泡茶來的，好香桂花味，有淡淡的烏龍茶味！仙草奶茶，奶茶幾滑口，但有點點甜，但可接受的！仙草份量都幾蛋，令茶更有咬口！便當賣相特別，有種去了台灣吃便當的感覺！

今日收工唔知食乜好，同男友之前喺銅鑼灣食過呢間台灣野，今次經過，無乜idea，所以翻食，但都絕對無令人失望。🍴台灣鹽酥雞便當鹽酥雞香脆可口，粉漿有加以調味，都不會過厚，有地道台灣的椒鹽味。而且雞肉唔會鞋口。配料豐盛，有粉絲、漬菜、半隻蛋，最欣賞的是有大量粟米和青菜。一盒便當可以均衡飲食係好重要的。🍴滷肉飯便當滷肉有濃濃的五香味，肉粒大小平均，肥膏同肉的比例剛好，肥瘦適宜，豬皮口感Q彈，滷肉汁拌飯好滋味。🍴炸花枝丸花枝丸係真材實料的，有墨魚粒，外層沾上椒鹽，十分香口，令人食不停口。🍴芋圓奶茶（凍，少冰，微糖）芋圓QQ，有濃濃的芋頭味，入面夾了少少芋泥，奶茶的茶底好香，好滑。唯一不足的是少冰，還是好多冰。.🍴黑糖珍珠鮮奶（熱）只能說冬天飲杯熱飲真是享受喔。珍珠彈牙，不會過甜，配上鮮奶，就好似飯後甜品一樣。

不知不覺百芳成為左我既飯堂，繼首間登陸荃灣之後，銅鑼灣同新蒲崗都設有分店，次次行街諗唔到食咩，呢間都係我首選，貪佢配料豐富，又有配一杯飲品，哈哈！-1⃣台灣控肉便當 💰59 （👅: 7.8/10）第一次嗌控肉食，感覺唔錯。控肉半肥半瘦，滷得幾入味，食落口感香淋，好肥嫩，但都幾邪惡下；另配有半隻滷水蛋、粉絲、粟米、椰菜同埋酸菜，好中意撈埋佢地同飯一齊食，幾豐富。-2⃣ 台灣鹽酥雞便當 💰59 + 黑糖珍珠鮮奶 💰19（👅: 8.4/10）幾中意呢到既鹽酥雞炸得好到位，個種香酥感比平時食開既更香脆，有少少爽口肉質。-3⃣ 台式花枝丸 小食優惠 + 💰15 （👅: 7.6/10）保持香脆爽口彈牙水準。4⃣ 黑糖珍珠鮮奶 跟餐 ＋💰19 （👅: 7.4/10）呢款飲品唔洗多介紹啦！黑糖珍珠煙韌，配合香滑鮮奶😋，應該無人不歡！

諗住求其食，aeon買完野見到呢間都幾多人食，就食呢間啦！原來係又平又好食，仲有台灣的味道🥰滷雞翼便當$54呢個便當雖然雞翼得三隻，但係都唔細隻，而且有其他粉絲，粟米，半隻滷蛋，沙律菜同埋醃菜，好豐富又啱晒餸飯！豬扒便當$59豬扒OK，塊肉略嫌有少少薄，粉絲真係好食😋台灣香腸$18跟餐只需要加$18，雖然等得有啲耐，但食得出佢係即刻整，外皮仲係香脆的👍🏻至於飲品，台式飲品梗係要試吓佢嘅珍珠奶茶，另外點左一杯布丁奶茶試吓。但係珍珠奶茶好一般，叫咗少甜但似乎係唔記得咗，太甜了，珍珠都係一般，反而布丁奶茶唔錯，布丁好滑，每一啖都有布丁感覺好好😍好似食緊布丁咁，又唔會太甜。總括來講飲品都好大杯，雖然珍珠奶茶一般，但我諗其他都可以的😬👍🏻

自從搬咗之後成日都係經荃灣返屋企，今晚想去aeon掃下貨， shopping前當然要解決咗晚飯先啦😂 做咗research見到呢間評價唔錯而且係aeon裡面夠曬方便，所以決定一試😁我同男朋友一人點咗一個便當， 佢叫咗鹽酥雞配 珍珠奶茶加仙草同芋圓，我就叫滷肉飯配黑糖冬瓜茶加紅豆，另外加咗個小食皮蛋豆腐一齊share～啲嘢食黎得都好快👍 一見到個便當都幾開心😂 因為我向來都好鍾意五顏六色好多選擇嘅菜式， 呢個便當有齊魯蛋，粟米，娃娃菜，酸菜，粉絲同飯，味道同口感勁豐富😂粉絲口感非常好👍唔會煮得太淋，又夠味～魯肉肥瘦啱啱好，鹹中帶甜，送飯一流其實樣樣配料送飯都好正🙈唔覺唔覺就食晒成個便當男朋友就話個鹽酥雞好香脆，唔會覺得油膩小食既豆腐好滑，配呢個醬汁幾特別～飲品都幾足料，奶茶幾香茶味，入口滑～咁豐富先五十幾蚊一個餐包便當同飲品兼唔駛加一，以後去aeon shopping前都食佢先😂😂

星期三去完Aeon瘋狂購物 就要去依間台灣百芳池上便當🍱 食晚餐 主打便當 同台式飲品 好有係台灣搭台鐵食便當既風味皮蛋豆腐用上百福豆腐 豆腐好嫩滑 醬汁好惹味百芳豬扒便當🍱豬扒係分開上 有成5塊 炸得好酥脆 份量算係大份 唔會唔夠飽 性價比幾高百芳滷雞腿便當🍗雞腿🍗大大隻 好吸引 有五香味 雞腿肉嫩滑滷得入味 個便當好豐富 有半隻滷蛋 開胃既酸菜漬物 炒香過既肉碎 加埋入味既粉絲 仲有大量既粟米粒同蔬菜就更加健康有營 男仔食完都覺得夠飽芝士奶蓋玫瑰鐵觀音奶蓋份量好夠而且夠厚 玫瑰鐵觀音茶底清香 有陣陣玫瑰獨特的花香 芝士香滑醇厚 但比較咸 要混埋茶先好飲黑糖珍珠鮮奶冰量可以調配 甜度就係固定嘅 飲落有啲甜 鮮奶好香滑 易入口😁 珍珠份量都幾多 珍珠唔算qq 但勝在極重黑糖味 飲咗成杯野並唔會話好清淡 覺得同平日係出面飲嘅黑糖珍珠鮮奶差唔多

當佢連餐牌個樣都麻麻，其實真係減低咗衝動。台式便當，台灣食都唔係間間好樣，記憶好深係傳統便當用紙盒裝睇唔到樣，豬扒便當用膠盒裝睇到樣，明明內容一樣，最多膠盒大少少，但見得人同唔見得人，價錢差幾十蚊（新台幣）。價錢以晚市計可接受，一直想等佢出特價餐先試，但佢堅持到，炸物嘅香味一次又一次濃烈，相信都係主因。圖片只供參考真係參考，告訴你只有更差，沒有如果。即叫即炸嘅便當，滿心歡喜聞住香味返去開箱，天堂同地獄永遠係共存。百芳豬扒便當，深色到奇績唔燶嘅炸豬扒，告訴我返炸過幾次，豬肉無豬味係必然，炸多幾次就做到肉乾，半隻鹵蛋唔入味，少量雜菜算常有配塔，醃菜得一款較重味，粟米同粉絲屬少見，粟米口感唔錯，粉絲辣辣地幾過癮，總份量都多。香酥炸雞腿便當，配菜同份量都一樣，炸雞腿另裝，體型叫唔錯，但皮脆硬厚，肉還算可以，但唔多。夜市花枝丸，做優惠買滿一百加十蚊？應該差唔多，炸得最出色，所謂嘅老蛋，成粒皺晒，好多年無食，台灣夜市就一定未見過。餐飲三選一，阿薩姆紅茶同碳焙烏龍都無糖，雖然叫熱飲無稀釋會比較濃，但佢明顯係茶葉浸太耐。如果你想感受或回味台灣風味，依間絕對會影響你印象。

相信好多人都去過台灣旅行，但唔知大家有冇食過火車便當，不過冇食過都唔緊要，香港正正也間真係食到台式風味嘅火車便當係荃灣廣場地下有一間叫百方池上便當，全部都係以台灣火車便當為主，我就叫咗一份香酥炸雞腿便當，就正如之前所講雞腿就好似食到台灣鹽酥雞一樣，外表鬆脆但係肉汁豐富，而且一個便當配菜來講都十分足男朋友就叫咗一份豬扒便當，其實有喺香港食過豬扒，都會覺得豬扒嘅質感比較「鞋」，但餐廳將豬扒煮到同之前所講雞腿一樣，而且咬落口感好鬆軟，完全唔會有普通餐廳所食到會癡牙嘅感覺 仲叫咗一份小食台灣香腸，即叫即整熱辣辣😋如果鍾意台式食品嘅你，絕對可以嚟荃灣一試而且交通都10分方便

這餐廳係AEON入面。見到食評的雞脾好吸引，仲有台式茶，來試下。餐廳還有佈置的。滷水雞脾，好大隻呀，好香又夠淋夠入味，正！！飯有粟米粒，紹菜，粉絲，菜粒，蛋半隻，感覺很豐富，好味的，我個人就唔鍾意d飯會整到濕晒。焢肉好大舊，同事說肥肉夠淋，好味道，但瘦肉就比較鞋了。加錢可以有飲品，桂花烏龍好特別，常溫，個樽幾靚，味道都夠清香，唔太濃！炸雞脾好大隻，炸到外脆內嫩，仲有肉汁的，跟餐便當盒好豐富，有粟米，粉絲，木耳絲，紹菜等等，味道都ok！黑糖珍珠鮮奶，熊仔公仔好可愛，味道係好味，黑糖唔係好甜，珍珠夠彈牙，最特別係用鮮奶，我初初仲以為點解奶茶係白色同只有奶味冇茶味，之後同事提醒這杯是鮮奶唔係奶茶。