百芳池上便當 (大河道) (已搬遷) 新店位置

間鋪頭荃灣某百貨公司地下，鋪頭細細但地方都幾乾淨企理。係收銀落完order 後，坐低左好快就有野食，岩哂趕時間既朋友。見到menu第一眼就俾五花腩吸引住，原來係台灣係叫控肉，當然係要試下佢啦。個便當好豐富，粉絲有少少辣好開胃，滷水蛋好入味，腌菜有驚喜腌得岩岩好，五花腩位置好好，瘦肉肥肉比例一流，食落去充滿肉味，肥膏同豬肉夾埋既口感一流，軟滑得黎又夠爽，推薦推薦。另外一個餐就嗌左個鹽酥雞便當，鹽酥雞新鮮炸起，外脆內軟啲雞好juice 。除左便當外仲有啲台式飲品，跟餐嗌左阿薩姆紅茶同碳焙烏龍，質素都ok 同其他連鎖鋪頭既差唔多。