百芳池上便當 (大河道) (已搬遷) 新店位置

呢排星期六日要少啲出街，星期日下午見悶悶地就貢左去Aeon supermarket 消費吓都算係個節目吖🙂行咗兩粒鐘...買咗兩車嘢！行到對腳就嚟跛又肚餓，落地下睇吓有咩食😋發現呢間台灣餐廳比佢果杯珍珠奶茶吸引住，唔理咁多食咗先講🤪叫咗個百芳鹵水雞腿便當配夜市花枝丸🥢同埋台灣鹽酥雞便當配皮蛋豆腐🥢當然要試吓杯黑糖珍珠鮮奶啦🥤同埋試咗杯洋金菊金萱烏龍🥤鹵水好入味！鹽酥雞花枝丸超惹味，即叫即炸！皮蛋豆腐凍食好清新😀黑糖珍珠唔韌入晒味，好好飲！至於杯茶...原來洋金菊同烏龍茶係咁夾！有驚喜😝下次經過一定會再幫襯😎

有一排無去台灣，去過台灣既人，如果試過當地既台鐵便當既話，都知道有好多配菜。估唔到香港都揾到同類型既便當餐廳位置喺荃灣吉之島入面，平日晚上，勁多人買外賣，係勁多人😅估唔到一間小店可以多人到依個地步。。不過店員做嘢好快，都唔洗等好耐同台灣一樣，今次我地揀左焢肉便當同鹽酥雞便當，本身個便當跟嘢飲，不過我地揀左特別嘢飲，冬瓜茶同荔枝紅茶估唔到人流多到咁，店員效率禮貌完全無減退，犀利，好快我地堂食既客户都有嘢食完全還原台灣style,有酸菜，滷蛋，菜，粟米喺底，份量一d都唔細，味道都幾好，焢肉好淋好入味，好易送飯，仲有粉絲喺底荔枝紅茶茶味夠，減低左個油膩感，飲落有淡淡既荔枝清香另一個，叫左鹹酥雞，同樣地配菜一樣，鹹酥雞同台灣夜市一樣，用左嗰個調味粉花枝丸入面真係有好多魷魚，不錯！一間小店可以神還原台灣的味道，值得一試同樣，店員咁多外賣單仲要做堂食，竟然短時間內ko所有訂單，仲保持禮貌，店家值得加人工俾佢地鼓勵下😏😏😏😏

每次去荃灣IEON掃完零食，就會順手係度食埋飯先番屋企。今日就揀左台式便當食，簡簡單單。1⃣百芳滷雞翼便當 💰54 + 黑糖珍珠鮮奶 💰19 + 小食優惠 + 💰15（👅:8 /10）便當飯盒除咗主食雞翼之外配有半隻滷水蛋，粉絲，粟米，椰菜同埋酸菜。可以全部撈埋食，味道酸酸辣辣都幾惹味㗎。店員推介加$15有客小食，咁我就試試個台式花枝丸，味道都幾香脆爽口。另外仲加多$19升級黑糖珍珠鮮奶茶，黑糖同鮮奶茶配合得吾錯😋😋。2⃣ 百芳豬排便當 💰59 +芝士奶蓋碳焙鐵觀音（原價💰30 跟餐正價減💰8）（👅: 8.5/10）豬排味道好有台式嘅香酥質感，酥脆鬆軟既無骨豬排份量好足⋯大大件😍😍。便當既配料都係一樣，伴勻食就足夠一餐嘅需要，同係台灣捷運買到嘅便當一様咁地道呀。-芝士奶蓋碳焙鐵觀音，個芝士奶蓋好濃厚鐵觀音茶嘅香都好配合個芝士奶蓋，配豬排便當好夾口味呀。3⃣百芳滷雞腿便當（$59）配隨餐三選一飲品 💰（👅: 8/10）有大大隻雞腿，肚餓時候食呢個醫肚一流，啖啖嫩肉；配左杯阿蕯姆紅茶去油膩。

<香酥雞翼🐔便當🍱 碳焙烏龍><百芳滷雞翼🐔便當🍱 茉香綠茶🍵>池上便當🍱係一款黎自台灣🇹🇼台東池上鄉既鐵路🚞便當🍱 最大既特色係用木盒裝住當地出產既稻米🍚 而百芳用既係紙質仿木既盛載器🥣 外表都好有台灣鐵路便當既感覺🚂🍱成個便當最吸引我既係d 配菜🙈 分別有粉絲、半隻滷蛋🥚椰菜同埋粟米，份量充足到鋪滿左整個便當🍱 而且係勁有質素👍🏻 搞到我勁開胃😃至於主菜既香酥雞翼🐔同埋滷雞翼🐔 兩者肉質都唔錯，前者炸得都幾香脆，不過對比🆚起其他便當就相對普通；後者滷得幾入味😋 唔會太咸👍🏻跟餐會有1杯指定飲品贈送😄 分別揀左碳焙烏龍同茉香綠茶🍵 係幾有茶香👃🏻 不過味道偏甜😅 可能台灣飲品都唔吝嗇佢地既甜🙈 特別係杯碳焙烏龍😣 茉香綠茶🍵就相對清淡反而更吸引👍🏻

在灣景購物中心內逛過Aeon幾次，現在才發現內裡藏著一家台式餐廳，主售便當。筆者所說的，正是這家「百芳池上便當」。實在沒想過日式超市內有一所台式餐廳。看看價錢牌，定價也算是相當親民的。60元左右的便當套餐，有主食也有飲品。最基本的便當款式，底下舖滿珍珠米飯。上面分別有肉燥粉絲、粟米肉碎、燙青菜，還有主角滷肉。滷肉粒以肥肉為多，肥膏雖香，但多吃有點油膩。還好有些粟米粒、酸菜、蘿蔔絲拌飯，但整體都是偏油了一點點。炸雞腿好大的一隻，雞皮炸得十分酥脆，入口發出卜卜的聲音，惹味但又有點怕會熱氣呢。咬開後是juicy的雞肉，肉質頗嫩，偏腍。而便當飯則和前一款大同小異，只是少了滷肉。一個便當份量蠻多的，女生來說，應該會有剩飯出現。台灣香腸的口感也是蠻特別的，外皮烤得脆脆的，腸肉質感偏實。味道香口，一碟有約十片，大概一條份量。餐飲可配普通紅綠茶，筆者與友人自行加配特飲。黑糖珍珠鮮奶的珍珠煙韌。而南投桂花烏龍本身是無糖的，非常適合筆者這類怕甜人士。入口帶著微微桂花香，可以順道減去滷肉飯的油膩。

近來好掛住台灣，行過Aeon見到呢間台式便當就嚟試吓，menu簡簡單單有八個選擇，目測晚餐時間都幾多人買外賣，而飲品嘅選擇就多好多!!百芳滷雞腿便當 & 百芳豬扒便當兩個便當嘅配菜基本上一樣，有滷蛋、粉絲、粟米、椰菜同埋雪菜，兩款肉都煮得幾好味夠晒入味，我最鍾意佢配菜夠多比較健康，我諗呢個都係多人買外賣嘅原因!! 叫咗個花枝丸做小食，味道正正常常，用作加餸還可以!!另外飲品嘅質素都唔錯，朋友點了碳培烏龍奶茶，佢話真係有飲到碳培嘅感覺，因為佢飲開無糖，所以佢好注重有冇茶味，而呢杯係合格嘅!! 我果杯係芝士奶蓋茉莉綠茶，芝士奶蓋嘅味道幾特別有少少鹽味，而且好大方芝士奶蓋嘅份量好多，唔錯唔錯!!

在荃灣這間Aeon買東西, 剛好沒吃飯, 就來看看有什麼特色東西吃, 比較少來這裡, 到處逛逛。見到有一家餐廳蠻多人的, 黑糖珍珠鮮奶$19 - 鮮奶的味道頗濃郁, 黑糖煮得香, 而份量剛好, 不會太甜膩, 珍珠煮得軟身, 但咬下去仍有Q度。黑糖冬瓜茶$9 - 忘了叫少冰, 但冰融化了後, 濃度剛好是我想要的, 原本可能會比較甜, 總會喜歡喝冬瓜茶, 很有台灣的風味。百芳滷雞腿便當$59 - 一看到造形, 就令人記起台灣吃便當的場景, 香港很少見這種便當。雞腿滷得入味, 肉也很嫩, 還有粉絲、粟米肉碎、椰菜、滷蛋等配菜, 十分有誠意, 而整體調味稍重, 屬於較濃味的便當。炸花枝丸$15 - 炸好後灑上了胡椒, 口感爽彈, 亦有花枝的味道。百芳豬扒便當$59 - 豬扒也是炸得嫩嫩的, 沒有令人失望, 份量都頗多, 算抵食, 飯和配料, 與另一個便當相同, 就不重複了。

荃灣西站a出口直上開咗條新天橋，隔離有間 Aeon ，行完街去左入面行下，低消費，所以去咗間台式便當食嘢， 烹調過程快五分鐘快，就食得百芳鹵雞髀便當 59hkd便當送白飯配菜三款鹵水蛋半隻 雞脾size 好大，唔洗點醬都夠味，將三款配菜粟米粒/粉絲/榨菜mix埋一齊又甜又咸又酸，加蛋半隻，營養夠，白飯好多，食左成個餐加特飲都已經飽。+19hkd upgrade 黑糖珍珠鮮奶甜度：黑糖飲落真係以鮮奶做底 ，重本，性價比高，一支都有800ml 左右，珍珠方面，每一粒都好彈牙，份量頗多 ，喜愛珍珠奶茶嘅我也同時愛上珍珠鮮奶。好推介！！+14hkd upgrade 冷凍南投桂花烏龍茶 清香桂花味，配上味道頗厚的烏龍茶，無想過呢個配搭效果好好。飲完送埋個可重用黑白膠樽，用多幾次，茶包返到屋企都可以沖多次香酥炸鹵雞髀便當 59hkd便當送白飯配菜三款鹵水蛋半隻 無論係炸雞髀又或者係滷水雞髀價錢都一樣 ，廚房雖然細，但大廚手腳快，煎炸食物質素都做得比一般餐廳好，唔會 油膩，炸到爽脆，好快就炸好，炸完雞脾睇落變大左，唔洗點醬都夠味，將三款配菜粟米粒/粉絲/榨菜mix埋一齊又甜又咸又酸，加蛋半隻，營養夠

係aeon地下搵到呢間食午飯，真係好出色！閒日都好多人排隊，這裡專做台式便當🍱，跟餐仲有台式飲品，聽到都已經好吸引✨。.這裡的燈光溫馨，有種歲月靜好的感覺，正所謂偷得浮生半日閒。🍃🌼.點完餐比錢後就可以搵位坐，等一會員工便會拎餐到來，服務都唔錯。.我經常點滷肉飯便當，味道同台灣的沒有太大分別，滷肉細細粒、好濃味又偏肥，入口即溶，撈飯一流，完全是我最愛！😋配料更有粉絲、椰菜、栗米、半邊蛋仲有小小酸菜，滷肉汁撈埋黎食口感好豐富，不過味道偏咸，比較適合重口味人士。😝.跟餐的台式飲品有阿薩姆紅茶、茉香綠茶、碳焙烏龍三個選擇。個人覺得味道偏淡，但跟餐飲品有這些選擇已經很不錯。而且杯上熊仔logo都幾可愛。.雖然和台灣的價錢不能相比，但香港午餐加埋台式飲品才是$60，性價比已經好高了。

玩到3點都未Iunch, 同諾諾周圍搵食，去到aeon 地下，見到 台灣便當4個字，就衝入去🤣一定係因為太餓 叫咗個百芳滷雞腿便當 加珍珠奶茶，真係淨係叫餐都流口水 百芳滷雞腿便當 上枱好有台灣便當風味，即刻回想起坐台鐵個豬扒飯❤️講返正題，雞脾入味，無雪味，粉絲有少少辣，但好好味👍我同諾諾都好滿意呢餐 珍珠奶茶勁大杯😍可能好耐無飲珍珠奶茶，覺得好好味😂下次會再嚟食。

百芳池上便當之前已經試過堂食一次，今日懶得出街就用app叫外賣食用外賣app叫其實係貴過堂食的，堂食既定價算係合理，佢飯既份量好多，兩次我都食唔哂。百芳豬扒便當呢個便當既外形已經十分之富有台灣風味。便當盒係木（？）既質地。重點係佢超級豐富！除左主菜豬扒，同埋好多飯之外，配菜仲有粟米、肉碎、滷蛋、粉絲等等。所有配菜都整得相當入味。豬扒調味都不錯。芋圓奶茶不得不提我上次係到飲珍奶既印象其實好一般。今次就試試呢杯，外賣叫左少冰半糖。黎到啲冰都冇咩點溶，所以溫度ok.但係一如既往，佢個茶底真係唔ok,淡而無味，一啲茶香奶香都冇。不過值得表揚係啲芋圓好煙un,幾好食。外賣便當連埋泡菜，出奇地幾好食喎佢。

香港物價愈來愈升得犀利，閒閒地食餐晚飯都要$70-$80走唔甩。今次$60就食到一個餐，仲要再加杯大嘅凍台灣茶(唔記得左影)，包埋野飲嘅價錢其實都幾抵。本身我都幾鐘意食台灣菜的，而呢個飯嘅雞腿亦炸得相當脆，而且雞腿肉都幾嫩口，食得出係新鮮炸的，所以時間會耐少少都係正常。D配菜望落去雖然好似好簡單咁，但都係幾好食的不會難食！最好食嘅係粉絲，好入味之餘又唔咸，夾埋同雞腿食係真係好食價廉物美，值得一試！

今日weekend，同屋企人黎食lunch。呢間餐廳食物質素平均。飲品試過珍珠奶茶，芋圓奶茶，烏龍，有茶味而不會只有奶味，甜度味道都適中。食試過滷水雞翼/雞髀，同豬扒，最愛呢三款，一貫既好。唯一今天美中不足，係收銀員既態度極差，本來落單既時候已經態度麻麻，但可能工作忙，說話無尾音，沒笑容都體諒既，之不過我比左個環保杯佢裝奶茶，佢亦接收，問係咪裝落去。之後我一直望住佢，唔覺佢有交比水吧，於是走去再同佢講，佢先衝去問同事，發現已經沖左出黎，佢無表示歉意之餘，仲要一手拍個杯同丟支飲管落我地張枱，面部表情完全表現出又煩到我既感覺食完飯走問佢個名，話你剛剛態度好差，其實自己唔記得左客人order，做錯野，講句唔好意思就ok，但佢竟然回答，繁忙時間呀麻，咁唔好意思囉，你要port 就port 啦！今時今日咁既服務態度，真心無下次幫襯，自己做錯野仲可以咁惡

又到公司放lunch時段尋覓好吃抵食之選發現百芳台式便當價錢合理 在商場區不算貴午餐套餐有包飲料但特別飲品要補錢加了杯黑糖珍珠奶茶選擇了炸雞脾便當雞脾也尚算大隻 炸得十分脆身 味道不錯 不會乾身喜歡吃炸雞脾一定會整隻用手拿著吃便當飯值得一讚飯面佈滿了配菜 果然是台式便當只吃便當也有足夠配菜餸飯粟米粉絲雪菜等等唯有蛋不夠滷水不夠入味整個便當味道可口補錢加了的黑糖珍珠奶茶有隻可愛的小熊在杯身 加上黑糖掛杯 也可以拍照打個卡但味道略厭普通 而且黑糖珍珠太甜

百芳鹵雞翼便當+抹香綠茶($54)再加配小食炸花枝丸($15)，這就是我的晚餐！這個台式便當，除了鹵水雞翼外，還有粉絲，半隻蛋，椰菜及粟米粒，味道好但鹹了少少。炸花枝丸，有5粒，咬落夠彈及有墨魚粒，真是一個不錯小食。