百芳池上便當 (大河道) (已搬遷) 新店位置

今日同baba同mama去食荃灣Aeon嘅百芳食野叫咗3個餐⬇滷肉飯便當+阿薩姆紅茶 $54香酥炸雞腿便當+碳焙烏龍 $59百芳豬扒便當+茉莉綠茶 $59三杯嘢飲主要帶甘甜味 感覺都好清香但係注意碳焙烏龍嗰個底有層糖漿 一定要攪好咗個底先飲(將啲茶同糖漿mix埋一齊)唔係嘅話 喺個底飲就好甜我食嘅滷肉飯便當：🐷🐷🐷好好味 入邊有滷肉粒 仲有少少嘅軟骨飯入面跟滷肉嗰啲汁唔會太多 唔會變咗做湯撈飯咁又唔會太少 唔會搞到個飯乾真真咁份量啱啱好將啲汁、粟米、粉絲、滷肉粒、飯等冚唪唥撈埋一齊 方便食用而另外嗰兩個便當 略略平下啦：個炸豬扒同出面嘅炸豬扒唔同 人哋嘅係 再額外喺塊扒外面有陣炸粉好明顯食到出嚟 但佢唔係咁做佢應該係直情用佢嘅豬扒嘅嗰塊皮去炸 豬扒嘅肉有啲結實 但爭咁啲醬料 有啲乾真真而個炸雞髀外皮真係好脆 熱辣辣 一咬落去 脆脆嘅炸雞皮 加埋入面好嫩嘅雞肉(入面都係熱㗎) 係幾好味嘅 不過可能有啲油 同埋有啲熱氣總括而言：成個餐加嘢飲 對我嚟講係飽肚嘅~都算ok~一試無妨，再試應該都唔會投降~

呢間野成日都好多人排隊，終於有次閒日非繁忙時問經過冇人排，即刻試下叫左一份百芳豬排便當加一杯紅茶便當好多配料，有滷蛋粟米粉絲椰菜等等，豬排好大件，好熱好脆，都幾有台灣味59蚊咁大份，味道又唔錯，唔怪得咁多人

之前試過一次黑糖布丁鮮奶已經好難飲今次同朋友行街再比多次機會佢而間百芳池上便當，叫左杯黑糖珍珠鮮奶，一飲真係好好好好好難飲黑糖珍珠好甜 d奶難飲 加埋 真係難飲之最未試過飲黑糖飲品會係咁難飲比20個差評都唔夠大家千萬不要試

行aeon，抱住小朋友唔方便慢食，見到地下多間食肆佢比較寬敞同位多啲啲，就入去試下了！落左單好快就上菜，好方便湊住小朋友去食！便當外表好有台灣感覺，配料也有台灣風味，想不到有粉絲（粉絲好像感覺韓國菜才有）味道就不過不失吧！雞脾都算滑，唔必怕好鞋，鹵水也算入味。有啲人想叫炸物，但好似要等好耐，好彩我無叫到啫！每個飯盒都配有飲品，可以選指定，也可以加錢upgrade，無乜特別想飲，就叫了綠茶。茶味幾香幾濃，唔怕太淡，有啖啖茉香味，唔錯！如果趕時間不妨可以試下呢間啊！

去完Aeon同一田買餸就去個快lunch,Set lunch有豬扒，酥炸雞腿等等7款選擇，最後揀左鹵水雞翼便當，外觀似足鐵路便當，有鹵蛋，粉絲，濕米，椰菜，辣既酸菜，略厭白飯較少，只有薄薄的一浸，午餐包一杯台式飲品，有3款選擇，凍茉香綠茶$54,味道偏甜。

同女友荃灣studio影完相已經七點幾，未返去家前陪女朋友填飽個肚，就行過Aeon睇下快食啲量不太大嘅餐廳。噢，有間新嘢好似唔係開左好耐，又見八點都仲有咁多人，台灣便當？！加上珍珠奶茶，無法，女人心頭好！就係咁就入去座。環境衛生，光線充足，座位尚算舒適。叫左...呢個飯味道比較輕，仲有粉絲，味道不過不失，唔會點差。冷頭腐清新，滑滑的，大家可以一試！呢個花枝丸，我同女友都不約而同稱讚，最尾黎，即炸好！一定要試試啊！兩人share係少啲但回家還有粥吃，晚餐吃少點都健康丫。

啱啱去完台灣旅行返嚟對啲又平又好食嘅台式美食念念不忘見到呢間餐廳個名就即刻衝入去但係呢餐可以話係欺騙我對台東池上感情嘅午餐😭餐廳名叫百芳池上便當令我對佢期望好高😭因為池上便當係好好好好食！佢台灣米整出來嘅煙韌飯粒用紙盒載住橡根綁住帶來嘅地道喺呢個環境食住便當🍱令我對食便當期望過高😭雖然佢都係用紙盒但唔係嗰回事無論係豬扒定酸菜都係好鹹但蛋係唔入味⋯⋯如果只抱着食飯盒心態去食就ok嘅🤦🏽‍♀️

叫左個set lunch ($59), 加一個豆腐小食($20)豬扒好食, 飯有調味也唔乾上碟時飯餸都係熱仲包杯野飲以59蚊來說, 簡直超水準, 料也超足Staff態度也很好P.S. 豆腐中個皮蛋一般, 但個漿好食以後會常去

今晚又嚟到呢間有熊仔標誌嘅台灣店。呢間啲便當很抵食，值得一提個炸雞肶便當，即叫即炸，雞肶皮咬落去“索索”聲，雞肶肉仲好juicy，超正！！跟埋果個飯仲有好多料，有粟米、炒粉絲、椰菜、酸菜遮蓋哂啲飯，連埋台式飲品都只係$59。超抵！！值得一試。控肉同炸豬扒便當都可以。

百芳便當都開左一段時間佢有堂食同埋外賣野飲部分今日經過見口渴就去買左杯鮮奶紅茶拿鐵試下，微糖去冰台式野飲黎講，25蚊唔算貴同埋我見佢用明治4.3牛奶製作，都唔會差得去邊點知一見到自己杯野飲，見佢啲顏色咁樣已經心知不妙唔緊要啦都要試試佢嘅珍珠ok,但就淋左些少，應該係浸得太耐奶茶底就真係完全唔得呀雖然佢有奶嘅顏色，但可以話係完全冇奶味紅茶味係有嘅，但叫左去冰嘅我除左見到大約仲有七八粒冰喺杯野飲度之外，飲到嘅紅茶味就好似溝左好多冰水咁，好淡呀！飲左半杯之後真係頂唔順，唔想浪費，但真係飲唔落唔知其他野飲會唔會都係咁樣，但的確大打折扣，之後去到最多都係試試佢啲便當算喇。

第一次食呢間，原本冇抱太大期望，諗住都係普普通通咁點知叫左個肉燥飯，原來幾好食！雖然肉燥份量少，但都幾好味，撈飯食可以食曬成盒飯如果大食嘅人更加可以落單前同店員講要多飯雞蛋加5蚊會有溫泉蛋，但留意返唔係蛋白熟切開一半流心既，係我圖中呢隻跟餐有杯野飲，我叫左杯茉莉花綠茶，同出面手搖飲品都差唔多味整體上都幾好食但價錢略貴左少少，因為便當的份量係有啲少下次會再幫襯

新開張，畀佢個飲品 counter 吸引左去試。lunch time 既套餐價錢都唔算貴，幾合理既，品質亦好好，上菜又快，態度又幾好。我係食滷水雞翼個 set d 配菜已經夠曬好食，個雞翼完全係勁入味，而且唔會老，d 肉質好好，咸度非常剛好，lunch 時間迫爆曬 d 人咁滯。份量比較多，男同事食完都話飽，女仔食就有機會會食剩，除非唔飲野，哈哈。每個 set 都跟粉絲加肉燥，粟米，菜，半粒蛋。粉絲肉燥好惹味，整體好好。佢個芋圓奶茶$25珍奶奶茶$20但係，我見加料區寫加$4有芋圓？咁我就問職員，如果我叫珍奶+芋圓係咪$24?佢話係，我就慳左$1但多左個配料，哈哈。芋圓好香芋味，軟硬度非常適中，佢都幾出色，like@@平均一人$75, 加埋有少少貴，但食得好豐盛，好滿足，亦好滿意。

荃灣吉之島開左間新嘅台食店，路過本來想食薩莉亞，但冇開，所以一試。兩個人一人叫左一個便當set，有飯有野飲。一個百芳豬扒便當配阿薩姆凍紅茶，一個百芳鹵雞翼便當配凍茉香綠茶。未食以為好似太多數街邊台食咁，一pat飯配d肉燥，好食極有限。但我錯了！先講野飲，個餐五十幾蚊配一杯正常街邊買到嘅size嘅野飲，本身已經超抵，兩個茶仲要係即沖，飲落唔似好多餐廳d配飲咁，溝左好d水，淡而無味，水味多過茶味，呢度反而係濃郁嘅茶香，想原茶品嚐嘅請叫少甜或走甜。簡單講，兩杯台式飲品唔會比一般街外嘅台式飲品差。飯配多種配菜，粉絲辣辣地，撈飯食一流，就咁食又好滋味。酸菜比較地道，好酸，一定要送飯，酸菜愛好者一定好鍾意，筆者個人就麻麻。椰菜上碟夠熱有味，水份唔多，有篩過水，所以比一般爽口好味。粟米應該略略有炒過，因為都係水分唔多，唔會食落爆哂d水出黎，影響白飯同本身嘅味道。個飯整體黎講，一般台式食店都做唔到佢呢個水準。鹵雞翼最緊要煮得夠入味，呢個煮得夠哂味，入口冧但又唔會散哂，入味得黎又唔會太咸。鹽酥豬扒即叫即炸，炸得香脆但又不乾身，鹽酥味真係有陣酥味，唔似一般呃人俾d椒鹽你就算，豬扒好味得只會覺得唔夠食。整體

通常喺香港食台式嘢都唔夠正宗但哩間店做得到正宗台式風味焢肉望落去好似好肥但食落口煙韌同一d都唔油豬扒係即炸嘅口感外脆內軟便當嘅其他配料都非常開胃黑糖珍珠鮮奶好飲但甜咗少少芋圓奶茶d芋圓好煙韌同好香食物質素都好好一定會再嚟幫襯試其他嘢食

放工經過Aeon諗住行一陣，又俾我見到呢間新開的台式飲品店，見到佢都有好多款大路的台式飲品。再睇下餐牌見到有芋圓奶茶，覺得好特別，就決定試一試，飲落同一般珍奶分別不大，只是加了芋圓有少少特別！