影片
更多
2019-02-18
188 瀏覽
荃灣吉之島開左間新嘅台食店，路過本來想食薩莉亞，但冇開，所以一試。兩個人一人叫左一個便當set，有飯有野飲。一個百芳豬扒便當配阿薩姆凍紅茶，一個百芳鹵雞翼便當配凍茉香綠茶。未食以為好似太多數街邊台食咁，一pat飯配d肉燥，好食極有限。但我錯了！先講野飲，個餐五十幾蚊配一杯正常街邊買到嘅size嘅野飲，本身已經超抵，兩個茶仲要係即沖，飲落唔似好多餐廳d配飲咁，溝左好d水，淡而無味，水味多過茶味，呢度反而係濃郁嘅茶香，想原茶品嚐嘅請叫少甜或走甜。簡單講，兩杯台式飲品唔會比一般街外嘅台式飲品差。飯配多種配菜，粉絲辣辣地，撈飯食一流，就咁食又好滋味。酸菜比較地道，好酸，一定要送飯，酸菜愛好者一定好鍾意，筆者個人就麻麻。椰菜上碟夠熱有味，水份唔多，有篩過水，所以比一般爽口好味。粟米應該略略有炒過，因為都係水分唔多，唔會食落爆哂d水出黎，影響白飯同本身嘅味道。個飯整體黎講，一般台式食店都做唔到佢呢個水準。鹵雞翼最緊要煮得夠入味，呢個煮得夠哂味，入口冧但又唔會散哂，入味得黎又唔會太咸。鹽酥豬扒即叫即炸，炸得香脆但又不乾身，鹽酥味真係有陣酥味，唔似一般呃人俾d椒鹽你就算，豬扒好味得只會覺得唔夠食。整體
兩個人一人叫左一個便當set，有飯有野飲。
一個百芳豬扒便當配阿薩姆凍紅茶，一個百芳鹵雞翼便當配凍茉香綠茶。
未食以為好似太多數街邊台食咁，一pat飯配d肉燥，好食極有限。但我錯了！
先講野飲，個餐五十幾蚊配一杯正常街邊買到嘅size嘅野飲，本身已經超抵，兩個茶仲要係即沖，飲落唔似好多餐廳d配飲咁，溝左好d水，淡而無味，水味多過茶味，呢度反而係濃郁嘅茶香，想原茶品嚐嘅請叫少甜或走甜。簡單講，兩杯台式飲品唔會比一般街外嘅台式飲品差。
飯配多種配菜，粉絲辣辣地，撈飯食一流，就咁食又好滋味。酸菜比較地道，好酸，一定要送飯，酸菜愛好者一定好鍾意，筆者個人就麻麻。椰菜上碟夠熱有味，水份唔多，有篩過水，所以比一般爽口好味。粟米應該略略有炒過，因為都係水分唔多，唔會食落爆哂d水出黎，影響白飯同本身嘅味道。個飯整體黎講，一般台式食店都做唔到佢呢個水準。
鹵雞翼最緊要煮得夠入味，呢個煮得夠哂味，入口冧但又唔會散哂，入味得黎又唔會太咸。
百芳鹵雞翼便當配凍茉香綠茶
$54
29 瀏覽
0 讚好
0 留言
鹽酥豬扒即叫即炸，炸得香脆但又不乾身，鹽酥味真係有陣酥味，唔似一般呃人俾d椒鹽你就算，豬扒好味得只會覺得唔夠食。
百芳豬扒便當配阿薩姆凍紅茶
$59
47 瀏覽
0 讚好
0 留言
整體黎講，性價比，味道都係上品，正！
用餐日期:11/2/2019
是餐費用:$113
味道:8.5/10
環境:7.5/10
性價比:9/10
張貼
