百芳池上便當 (大河道) (已搬遷) 新店位置

今日放假到aeon買定用品，見開始夜要買埋外賣回家食了。見到台式既百芳池上便當，價錢又唔係貴，整個返家慢慢食唔洗煮。整左個台灣焢肉便當加杯碳焙鐵觀音拿鐵。在旁邊坐住等，5分鐘以內就有了，都算幾快。台灣焢肉便當:有半隻滷水蛋都幾入味。近似五花腩既豬肉又唔會好肥，炆完個d肥膩感都冇埋，反而有肉香加肉汁。配菜既粉絲吸收晒日月精華仲好味，仲有菜加粟米粒還有少許辣既菜寶。便當既份量都正常，食完夠晒飽。再享受埋杯碳焙鐵觀音拿鐵，正常甜同冰咁先係最好味道。茶味幾香又唔會蓋過全部味道，加上奶香味就輕輕帶出拿鐵既美味。

朋友叫我自備外賣到她家一齊追睇近來大熱「 ……的世界」韓劇。 我記得在附近超市裡有一間台式便當， 我愛它套餐有主菜外還有好多配料， 一個套餐連飲品54元，加大飲品只要加6元， 消費60元正就買咗我至愛的鹵水雞翼便當加茉香綠茶 。 食肆用台灣木製飯盒盛載食物遠比發泡膠盒環保。百芳鹵水雞翼便當加茉香綠茶三隻大大隻鹵水雞中翼， 配菜有粟米粒，粉絲， 酸菜，娃娃菜及半隻鹵水蛋， 跟黏黏軟熟 的台灣飯一起吃特別好食， 美味一茉香綠茶， 清甜解渴， 綠茶消滯， 幫助消化降脂減肥。 劇情緊湊關係 ，中途休息，要飲一啖喘喘氣"

在附近商店買東西晚了回家，便叫了一個外賣回家吃。我叫了一個百芳滷雞扒便當。便當賣相十分精美，就像台式火車便當那樣子，引人入勝。食物材料很豐富，一個便當有6款菜，大滿足！最吸睛的雞扒大大件，厚身，肉身完全吸收滷水味，又嫩又滑，完全物有所值！粉絲也有滷水味，加入少辣椒，成功提升味覺層次，但又不會蓋過滷水味。另外也有些醃菜作配菜，令人胃口大開。娃娃菜和玉米甜甜的，正好中和雞肉的咸和粉絲的微辣。加上滷水蛋，成個便當份量十足，男士吃也一定很滿足！另外，我也叫了台式飲品作為餐飲。我點了一杯黑糖珍珠鮮奶，黑糖配鮮奶，又甜又可口，珍珠也很彈牙。我再點了一杯炭培鐵觀音拿鐵給家人飲。加入了奶，令這杯鐵觀音和拿鐵不會太苦澀，很有台式飲品風味。

下午好肚餓同男朋友去左荃灣吉之島入面呢間餐廳俾佢門口呢個珍珠奶茶吸引左，所以就入咗嚟食呢間佢有好多唔同嘅台式嘢食嘅其實佢店舖入邊呢主打係黑糖珍珠鮮奶但我太想飲奶茶啦所以就叫咗呢杯珍珠奶茶不過不失嘅珍珠奶茶，同以前啱啱出珍珠奶茶嘅口味係完全一樣，個人認為而家有好多牌子都俾佢好飲囉咁我哋就叫咗台灣滷肉飯食，係我好肚餓嘅情況底下我覺得呢一碗野係好好食，佢上面嘅配菜有菜甫，有娃娃菜啦有粉絲啦有滷水蛋，我覺得都好有台灣嘅口味嘅成間野係差杯嘢飲唔好飲之外個飯都OK嘅

第一次吃，有wow的感覺，用了外送速遞，但來到時，雞扒還是脆的，入味，五香粉味濃，但最出色是配菜，我先將炒紹菜及粟米全吃光光，很好吃，調味也恰當，少許油香，但不油膩。配菜還有菜甫，吃完紹菜栗米，發現中層有炒粉絲，雖然味道普通，但飯盒感覺很足料，不hea芋圓奶茶，茶底好，奶味濃，而芋圓則沒什麼咬勁，要改善。整体是高評價的。會再試

住左係荃灣西咁耐，終於有機會第一次食呢間野。呢間野就喺Aeon入面，都幾方便，之前有試過佢啲台式飲品，今次行過肚餓又唔想食太多野就揀咗試吓呢間便當。我叫咗個滷水雞翼便當，男朋友呢就叫咗個雞扒便當。首先第一個感覺係配菜好多，真係好似台灣當地嘅便當。佢嘅配菜有半隻滷水蛋、炒粉絲、炒雜菜、粟米粒同埋酸菜。配菜撈埋個飯好出色，每一啖都有滿滿嘅餸。三隻滷水雞翼都好好味，亦都炆得好淋。至於個雞扒呢，我就冇食到，不過男朋友就話都煮得好嫩，而且好大塊，食晒成個飯都未食晒啲雞扒。我哋仲加多左一個花枝丸嘅小食，個花枝丸好好味啊。佢係炸出嚟嘅，上面落咗好多椒鹽，口感好彈牙好似台灣夜市食到嗰啲！呢餐兩個人加埋都係百幾蚊，其實好抵食，另外我仲加多左一杯芋圓奶茶，呢樣野唔係好多地方有得飲，覺得值得推介

今日買完野就試下呢間台灣便當🍱我地叫左兩個餐同一碟小食～百芳滷雞翼便當我鐘意食左配菜先既習慣～粉絲好入味～好香～仲炒得好乾身～還有粟米肉碎好出色撈飯食好夾～菜同蛋都好棒～主角雞翼滷得好入味～雞肉都仲好嫩口～百芳豬扒便當雖然係炸既～但仲留住肉汁～還有好香口～夜市花枝丸花枝好濃味～加埋梅粉酸酸地～真係好唔錯～凍珍珠奶茶友人飲就覺得好好飲～但我飲就覺得比較甜～珍珠好Q彈👍🏻熱碳焙烏龍烏龍味好香～熱茶永遠都是我最愛❣️P.S.本身諗住便當都係平平凡凡～但粉絲真係比我覺得好突出～現在去唔到台灣～食下便當都好啦～

從前台東的池上便當充滿懷舊既台式風，坐著舊火車食住便當，仲有兩三隻小狗等住你俾骨頭，食出個風味，但換左老板之後都已經冇咁好食，今日黎到港版池上，餐廳簡約風格，坐位唔算多，下午茶時份有套餐，不過一個便當都$60左右加埋小食十幾蚊，又唔係好化算鹽酥雞係既份量唔多，應該放左好一段時間，口感一般依隻台腸，肥膏冇咁多，經煎過後特別好食新鮮炸既，超級熱其實會唔會係選錯左米？米同個粉都比較乾身，同台式便當有D 分別

今天去AEON掃貨，睇下買唔買到紙巾同洗手液等等，買完之後順面係aeon食埋，拎咁重野順面抖下嘛。Aeon入面有幾間食肆，入面咩人都無，人人叫外賣，原來網上外賣平台同網上外賣平台都可以叫到佢外賣，咁可以下次試吓都得一入門口就可以先睇餐牌喺cashier度點餐，然後就可以埋位食嘢。佢嘅嘢食以便當為主，充滿台式風味。我就叫咗個鹽酥雞便當（$59），再加個台灣香腸（$18），然後叫咗杯芝士奶蓋阿薩姆紅茶（$20），慰勞吓自己買咗咁多嘢。一坐低個位嘅時候，店員好好深感幫我用稀釋漂白水抹枱面，衛生不錯。等左一陣就有得食啦，佢係成set咁上。佢嘅便當有鹽酥雞，粟米肉粒，粉絲，仲有啲雜菜同酸菜。以下邊有飯底，佢唔同嘅食物都有唔同嘅特色，配以飯有多重嘅滋味。佢嘅鹽酥雞炸得幾好，味道都唔錯。台灣香腸：香腸唔會好窿，琳琳地咁樣，配上蜜糖都幾好食又飽肚最後杯嘢飲係好足料，都值返佢本身嘅價錢。佢嘅茶味好濃，再配埋奶蓋都幾match。另外佢嘅奶蓋係會飲到有啲芝士嘅粒粒，可見給足料。總結，依間餐廳雖然人少少，但係佢比較多人叫外賣，始終食便當係緊急時期會比較少機會交叉感染。所以，荃灣嘅朋友諗唔到食咩，都可以去買外賣

台灣便當平時成日喺台灣坐車嘅時候會食咁岩經過aeon,見到有便當就試試佢我同朋友分別一人叫咗一個便當再加多咗個小食同一人一杯嘢飲佢每個便當都會有配菜三款同滷水蛋半隻，野飲滷肉飯便當 $54佢個便當今日三款配菜分別有菜，粉絲同埋粟米佢個滷肉飯味道同台灣差唔多鍾意食滷肉飯嘅一定要嚟呢間食百芳滷雞翼便當 $54滷雞翼便當佢似係平時嘅滷水雞翼飯一樣冇咩話特別只係純粹我哋覺得呢個時候唔好食太多炸嘢所以叫呢個便當皮蛋豆腐 +$15本身鍾意食皮蛋又鍾意食豆腐嘅我當然鍾意食呢個佢呢個係凍嘅所以唔鍾意食凍野嘅人自己衡量一下碳焙烏龍奶茶 味道尚可唔會太甜珍珠奶茶 +$12珍珠適中，都幾好咬

整體差，外賣漏單，叫了鹽酥雞細粒又硬，飯少，一人份量都不夠，外賣漏俾跟餐添加的台式香腸，回到家先發現沒有，完全沒有專心出單出外賣。等候時間長，起碼等15 分鐘。不會再食。

這晚在荃灣西收工，打算去Aeon買點東西，有點餓，正好在這間台式便當解決晚餐。口痕想吃鹽酥雞，就點了個台灣鹽酥雞便當，加個小食皮蛋豆腐，再點了碳焙鐵觀音拿鐵。皮蛋豆腐滑滑綿密豆腐加皮蛋，加蔥花及木魚片，再點少少醬油膏，好好味！是誰發明這個組合的？餓底想好好多謝他！台灣鹽酥雞便當除了主角鹽酥雞，還有滷蛋、菜、粉絲及show me your love-粟米肉粒，豐富！用圓圓防木盒的紙盒盛載，食慾大增！試下鹽酥雞先，咸咸香香，皮脆肉嫩，very骨呀！撈埋其他配菜＆皮蛋豆腐一起吃，個口好忙！是幸福忙！碳焙鐵觀音拿鐵好清香的組合，飲完一大杯都不會膩😌

次次經過都好多人排隊，所以今次就決定去試吓啦！店舖嘅設計好得意令人覺得好窩心今次佢仲派左張聖誕咭同埋2020年嘅月曆咭🥰我哋每人叫咗一個便當，再加咗個台灣香腸。然後再叫着杯嘢飲，大概二百零蚊，每人$100。台式滷肉便當滷肉飯煮得甜甜地，肥瘦適中，咬落去煙韌，又有口感。而且同一個便當入邊仲有好多好豐富嘅蔬菜，譬如話係粟米、酸菜、粉絲、紹菜等等，非常豐富！另外一個便當就揀咗滷水雞翼便當有三隻，感覺比較少，但係配合其他配菜一齊食又覺得啱啱好。其實個便當份量都幾多份量都好多，而我非常之欣賞佢嘅地方係肉同菜嘅比例非常好，令人感覺好健康，唔會多肉少菜，非常均衡。台灣香腸一嚿嚿方便食用，個皮外脆內軟，好香！咬落去有肉汁流出。另外叫咗個芋泥鮮奶，同埋一個紅豆奶茶，兩杯都相當足料，有好多芋泥同埋紅豆。而且都相當大杯，不過真係可以叫少甜，因為真係比較甜，叫咗少甜就更加健康

百芳池上便當-荃灣地址：荃灣大河道88號灣景廣場購物中心永旺灣景店地下G03號舖今天在荃灣附近，走到永旺灣景商場附近吃東西， 未去過這間餐廳，就去嘗試一下，我們點了以下套餐：飲品：黑糖珍珠仙草鮮奶一杯黑糖珍珠鮮奶一杯便當：香酥炸雞腿便當$59炸雞腿很大，非常抵吃，不太油，不會只是有肉，配菜很適合健康人士台灣焢肉便當$59焢肉都是第一次，吃原來真的不肥膩，值得一試配白飯、滷水蛋、粉絲，椰菜、粟米粒我和朋友都叫了同一系列飲品，因為店員介紹黑糖珍珠非常出名，所以想試一下

今日同朋友去荃灣廣場行街，順便去埋Aeon買零食，行左一陣有d肚餓，大家都知道Aeon地下，開左好多間唔同類型既小型餐廳，我今次就選擇左百芳池上便當，我見到餐牌已經好吸引，令我有些掛住台灣小食味道店舖地方雖然小，但望落去好整齊，座位唔會太窄，叫餐是需要在店面付款先，再由店員送餐上枱我叫左百芳豬扒便當$59豬扒係炸過，但肉汁都保留到，唔會太乾身，配菜有超甜栗米，粉絲，酸菜，配飯一起食味道一流百芳滷雞腿便當$59雞腿滷得好入味，肉質嫩滑，有滷蛋加其他配菜，一d都唔會單調小食：花枝丸(好彈牙，裏面仲有花枝片)，香腸(味道似臘腸，好香口)，鹹酥雞(香脆，惹味)黑糖珍珠仙草鮮奶$29鮮奶味道好香濃，珍珠有嚼口玫瑰輕檸茶$24味道有些似檸檬茶，但加上玫瑰，就更清新