百芳池上便當 (大河道) (已搬遷) 新店位置

疫情嚴重，好耐無飲珍珠奶茶同食台灣野啦🥺🥺公司附近無台灣餐廳，屋企樓下又無。。不過今日出去荃灣aeon幫屋企既雪櫃入貨，順便買個便當返去食。今次點了一個鹽酥雞球飯便當加碳焙烏龍奶茶 （原本想要珍珠奶茶，但珍珠賣晒😭😭）返到屋企個雞球仲係脆既，唔太咸，另外個飯既配料都好足，有菜舖，粉絲，粟米同蛋，份量都夠，啲飯我都食唔晒。至於杯烏龍奶菜，我叫了半糖少冰，所以甜度岩岩好，而且茶味夠，雖然無左珍珠，但都好好飲

受疫情影響,餐廳六點後不設堂食,轉做外賣。見今晚唔想煮飯,就行下荃灣AEON 超市, 睇下有咩外賣買回家食, 留意到百芳池上便當門外,好多人排隊, 吸引了我注意本以為食日本便當,行埋去睇下原來係台灣便當嚟餐廳整潔乾淨,仲提供一次性餐具及搓手液供客人使用。支付方式除現金仲可用八達通付款。便當系列主要有八款,再附送飲料或加錢轉台式飲品及小食我揀咗台式鹽酥雞便當+珍珠奶茶便當盒是木製的,好古早味真的像台鐵火車便當,感覺美觀,大大增加了食慾台式鹽酥雞可說是台灣人氣小食之一,薄薄的一層炸粉,非常酥脆,且香口。雞肉嫩滑,加上椒鹽的調味,好惹味之餘又不覺油膩配料也豐富,有粟米、青菜、酸菜絲、粉絲、半隻滷水蛋和台灣白米飯,送飯一流。珍珠奶茶(跟餐+12)整杯珍珠的份量多,差唔多有杯的1/3份量,珍珠食落煙韌,奶茶茶味濃,好好飲整體唔錯,價錢合理,期待疫情過後再嚟堂食。另外百芳已加入外賣平台,可以外送又可自取,好方便😀

早幾日經過百芳，見到很多人買外賣。碰巧今天沒有煮飯，即刻買個便當來試一試。餐牌展示有8款便當，樣樣都很吸引，最後選了香酥炸雞髀便當。職員講明炸雞髀要等10分鐘，攞住外賣一路回家時，炸雞髀味撲面而來，難掩香氣。雞髀皮炸得好脆，咬落去卡卡聲而雞肉嫩滑有肉汁好正，便當內還有粟米粒、粉絲、紹菜同半只滷水蛋，材料非常豐富，而米飯煙靭有哨口，所以等咗咁耐都係值得嘅，另外，我加配了黑糖珍珠鮮奶，黑糖味非常濃郁。

百芳池上，直線上和工作地方頗近，偏偏對我來說就是有點不便的距離。今天終於來到買外賣了，OPENRICE 自助取餐，同時有優惠，很值得推薦。便當是台灣風。初時經過我也以為是日式風格。飲品選擇也多，便當已包一杯基本飲品。但我本身不喜歡餐飲，也不喜歡跟餐送飲品，因為成本反映在價格上。最後選了烏龍，正正常常。百芳豬扒便當，靚仔整齊有包裝有設計，在香港，基本上已經贏了七成。豬扒厚身，當然有放梳打粉鬆肉，但醃得幾好，食唔到鹼味。本來怕太鹹小椒鹽，猶幸調味剛好。粟米用的是比較差的，粟米衣太靭。用的是珍珠米。飯有點濕，壓得太實。滷蛋，滷得入味又不過熟，幾好。配菜還有蒜茸椰菜，菜莆，都幾好。肉碎粉絲，同樣調味幾好。有優惠就點了鹽酥雞當小食。鹽酥雞炸得不鬆散，有部分黏在一起。調味跟豬扒一樣，底味也是大路。跟台灣吃到的有點似，有跟九層塔一起炸，但味道是沒有的。假如原價購買，其實份量是足，但我就不了。整體而言，普通一個飯盒59元，大部分地方也差不多價錢，整體質素中上，配料多，感覺還是可接受範圍，值得再光顧。

這幾個星期政府推出抗疫措施, 限制6點後不能堂食, 唯有外賣了。去荃灣AEON買東西，見到百芳池上便當有我喜愛的珍珠奶茶, 便當款式又吸引, 一於試試。有8款便當系列, 我選了台灣鹽酥雞便當$59, 加配黑糖珍珠鮮奶(+$19)。外賣包裝很整潔, 食得放心。👍雖然外賣回家路程也差不多10分鐘, 但台灣鹽酥雞仍然熱, 炸得甘香, 鹽酥粉野味, 雞肉嫩滑, 還配上炒粉絲, 栗米, 微辣蘿白粒, 紹菜及雞蛋。稱得上有營便當呀😋!黑糖珍珠鮮奶，濃濃的黑糖味, 珍珠煮得煙煙韌韌, 有咬口, 鮮奶味濃郁, 下次如果飽，可以只買飲品都唔錯🥰。為食的我還加了小食炸花枝丸($20), 有5粒都幾抵食🤭。經濟便當選擇也不錯!👏🏻👏🏻

在荃灣看過中醫，順道買晚餐回家享用。 疫情期間不能堂食，門口等著很多也是買外賣的食客，大家盡力保持社交距離。餐牌是八款便當，都是台灣有名食物。便當基本是白飯，是日小菜三款，還有半隻滷水蛋和飲品。今天選擇了台灣鹽酥雞便當。鹽酥雞分開盛載，保留了脆度，即使外賣後一小時才食用還是有點脆口呢。鹽度調得剛好，很有台灣街頭的滋味。飯上有粟米、菜脯和粉絲，擺得很整齊，運回家後也沒有亂。配料整體帶辣，吃得滋味醒神 。附餐飲料是三款茶類，今晚決定轉為百芳台式飲品黑糖珍珠鮮奶。飲用前要先搖匀，讓黑糖和鮮奶混和，味道才會恰到好處。黑糖香甜可口，珍珠充分嚼勁，奶香吸引。

星期六返工返下午，見有外賣迎新優惠可減$20，加上可網上先落單，之後預定時間到取咁放便唔使等，一於試下。真係減左$20，今餐好抵食。點解咁得閒影相，因為去到12點多，同職員出示單取食物，職員回我一句未有咁究竟通知可取餐喺乜意思？等左10分鐘再追，又話整緊，足足等左15分鐘先攞到其實都唔係第一次咁嘅情況，上次同公司同事一齊網上叫8個外賣，早1小時落單寫下1:00攞，到1:05去到，未有得攞，職員話唔知點解取消咗我地張單(但我哋已經網上比晒錢)，之後要即場等佢整，足足等左20分鐘，咁我做乜要預早網上落單比錢？兩次落單都覺得這店好混亂，要好好改善先得。1. 台灣鹽酥雞便當連茉香綠茶($59)整體賣相不錯。便當內有粉絲、粟米菜圃肉碎、黃芽白、滷水蛋半隻，滿滿鋪滿飯面，味道亦好鹽酥雞份量一般，味道偏咸少少。用袋另上，唔會焗淋晒。整體來講，食物味道尚可，但落單同職員服務有待改善。

剛剛去Aeon shopping 完， 見到台式便當餐廳， 好掛住台 灣滷雞扒， 餐廳暫時只提供外賣， 唯有買回家中回味吧!台式滷雞扒便當$59肥美的台式滷水雞扒 ， 雞皮油光亮澤， 令人垂涎， 輕輕咬開雞肉時， 肉香四溢， 雞肉香軟嫩滑， 滷得十分入味， 仲配上大量爽甜粟米粒、 西蘭花、 微辣炸菜粒、煙韌韌的粉絲及雞蛋伴碟， 配料十分豐富 ，確實抵食， 米飯香軟可口， 拌上微辣的榨菜粒 一起吃， 越食越過癮。芝士奶蓋紅莓果茶$27芝士奶蓋紅莓果茶， 紅莓鮮紅顏色 ， 賣相悅目， 入口細滑柔順， 果香迷人， 清爽怡人， 甜度適中 ，配上醇厚芝士奶蓋一齊享用，增添鹹香口感， 十分配搭。

今天到「灣景廣場」購物， 無意間看到有間「百芳池上便當」， 令我回想起在台東池上鄉的鐵路便當， 可是因為疫情而產生禁堂食限制， 不能安座飯店品嘗，只好外賣回家慢慢享用。    我的外賣：百芳豬扒便當配黑糖珍珠鮮奶。  打開圓型的木盒便當，迎來撲鼻香氣， 食欲指數立刻標升........   金黃的豬扒肉質鬆軟鮮美，薄薄的脆漿， 入口外脆內軟，更嘗到豬扒香料味道與 港式味道是有分別，所以很感受台式料理的風味。 池上米飯粒粒飽滿很綿滑， 部份米飯吸收餸汁顯得更美味可口， 配菜有清甜粟米粒、西蘭花、爽滑可口粉絲、 脆卜卜惹味蘿蔔菜脯和很入味的鹵水蛋半隻。         美味與營養， 是雙贏的黑糖珍珠鮮奶， 也是我近期的至愛。

喺AEON血拼搶購零食雜糧之後，去咗佢地下百芳池上便當買lunch外賣。之前一直行過冇乜特別留意以為佢係做日本餐。 今次係第一次試睇清楚啲先知道原來佢係一間台灣嚟嘅餐廳，落單嘅時候好surprise佢幾位靚女員工都係講好流利嘅台語，所以未食之前已經感覺良好。佢個lunch menu有八種便當選擇，最後嗌咗個$59蚊台灣鹽酥雞便當。佢用個特別木製嘅圓盒裝飯做底之後上面鋪有粟米，菜脯，台式粉絲，西蘭花做伴菜之後中間再加啲芫茜喺底, 鹽酥雞喺面再加半隻鹵蛋。佢成個lunch好健康，係一個營養餐加炸得香脆滋味台式鹽酥雞。冇諗過個便當lunch可以咁balance.飲品我就加咗杯特飲桂花烏龍茶，好清新有茶味。我好奇心想試多啲所以再加咗一份台灣小食炸花枝丸，炸得香脆最重要冇雪藏味食落新鮮。下次可以返嚟試佢個炸雞髀花都好吸引，欣賞佢所有嘅炸物都炸得乾身唔油膩同埋個味醃得好。

As the virus worsened now, take-away for dinner has become a norm. I was around Tsuen Wan area today, thus i decided to buy dinner back home tonight. Bai Fung Bento was located at Skyline Plaza, couple of minutes walk from Tsuen Wan West MTR.They served mainly rice bento, such as fried and braised items. Besides that, they offered snacks and drinks etc. Tea latte with bubble - The staff was generous with the serving of the bubble, and was very chewy and smooth. Tea latte was smooth and sweet, wi

近日疫情轉差,香港政府限制食肆晚上六時後［不能堂食只能外賣］。今日見家裡的零食都食得七七八八，所以特登走去荃灣AEON超市走走。走的時候經過一間台式百芳池上便當,我看了一看餐牌,覺得便當很合自己口味及價錢合理,所以點了一個台式滷雞扒便當和一杯芋圓奶茶外賣。台式滷雞扒便當有滷水雞扒，有粟米粒, 有粉絲，有绍菜, 有辣的羅白粒及半只雞旦，當然有優質的白飯。這些配搭得宜,少辣令人覺得十分開胃口,加上圆椎的外賣飯碗，這樣的配搭，真是十分之吸引。芋圓奶茶平時通常我會叫珍珠奶茶，今日我特登叫了一杯有芋圓的奶茶試試。點時可以要少冰，少糖，算是超大杯。芋圓食落口感好特別,味道剛剛好。我覺得除了飲品好飲外,也覺得店鋪很着重食客的健康。整體而言，這環境舒適, 交通便利，在荃灣AEON超市裡面，價錢合宜，味道不錯，我們约了不久的將來再次光顧。

喺Aeon買完野，見到有間台式便當店就入去試下。我一向都好鍾意食便當😍台灣焢肉便當老公點左個焢肉便當，塊肉size都好大，因為燜得好林，加上肉好厚身，所以口感非常好！便當仲配搭左紅蘿蔔絲、娃娃菜、粉絲、粟米同滷蛋，感覺好豐富！台式鹵雞扒便當我就點左個鹵雞扒便當，塊雞扒都係好大塊，有3份2個盒咁大😂鹵水汁帶甜，係我鍾意嘅味道。雞扒肉厚，雞肉好入味！便當都係有上面講嘅配菜，配搭埋一齊食好夾，感覺有菜都健康啲😆黑糖冬瓜茶碳焙烏龍茶飲品我哋叫左呢兩樣，開頭以為烏龍茶係無糖，原來係有糖，不過味道都幾好！

行完Aeon 餓餓地，見到百芳池好多人排隊我又跟住去睇下有咩好野食😂原來係台式便當!😙望左餐牌好耐，心大心細， 好似款款都好好味甘。。😍今次就試左滷肉飯便當 ($54)另外飲品叫左黑糖冬瓜檸檬 (跟餐加$10)先講個飯：滷肉唔太鹹，感覺唔會有好多肥肉👍味道剛剛好，好岩伴飯食🤤個飯跟配三款配菜同半隻鹵水蛋❤淨係三款配菜個便當已經好豐富五顏六色，齋睇都覺得吸引😍配菜有粟米肉碎，西蘭花同粉絲食每啖飯都有料!總結：就算多人排隊速度都幾快，而食物質素幾好，有機會再食過!

最喜愛幫襯小店，這家店個店名幾特別，以為係食日本野，原來係食台灣便當，所以試試睇下好唔好食先，而這店亦可以外賣既，所以我都買外賣。我買左個台灣焢肉便當，加埋一杯紅茶拿鐵珍珠。個焢肉便當飯超夠味，醬汁夠晒同埋好多配菜料，件肉好夠淋而且好入味，肥瘦好均勻，不會過份肥膩，足料到不得了好夠食，送多過飯，好正杯飲品珍珠紅茶拿鐵，珍珠剛剛好不會太硬卜卦不會太淋，亦不會太甜，香濃滑齊晒，好正。佢會有糉賣架，我到時黎試下個下午茶糉餐先，因為都好吸引下。