百芳池上便當 (大河道) (已搬遷) 新店位置

百芳池上便當選擇多賣相吸引而且價錢合理跟餐免費嘅飲品都唔求其我地叫左一凍一熱嘅綠茶凍嘅加左糖熱嘅茶味更突出👍🏼兩款便當淨係配料都巳經好豐富有粟米粒、菜、菜甫、粉線、滷蛋加埋墊底嘅飯，飽曬！鹽酥雞香脆惹味，仲熱辣辣添👍🏼豬扒又係即炸外脆內軟，油而不膩雖然配菜嘅調味偏重但配白飯同綠茶又平衡返👍🏼

味道：⭐️⭐️⭐️⭐️⭐️一聽到便當兩個字 可能太家都會覺得係做外賣呢一間餐廳就係比你堂食都可以享用到充滿台灣既風味❶台灣鹽酥雞便當 $59鹽酥雞熱辣辣而且脆卜卜 食得出係即叫即炸🔥便當就有好多配料 包括：粉絲、粟米、椰菜同酸菜🥗撈埋一齊食超級豐富而且口感好夾☺️另外仲有半隻滷水蛋 真係勁有台式風味！🇹🇼❷附餐飲品 （碳焙烏龍）係外賣杯嚟裝住 方便拎走一路行一路飲😎今次揀咗無糖烏龍 個人覺得有少少苦澀味我諗如果嗌嗌小糖應該會好啲🤡如果平時鍾意飲台式飲品嘅你🥤不妨加少少錢就可以upgrade做冬瓜茶/珍珠奶茶🧋P.s: 荃灣、銅鑼灣、太古、灣仔同新蒲崗都有分店😈

疫情下，難得去到荃灣，當然要試一試這間台式店，裡面不但環境乾淨企理，而且食物都非常吸引。豬手便當🍱食材非常豐富，其中包括滷水蛋，台式肉碎，蔬菜🥬、栗米、粉絲等，而且更彩用珍珠米，配上滷水汁！真係好好食😋一人餐份量鮮炸髯鬚雞球，爽脆彈牙仲有新鮮炸豬扒，豬扒份量有手掌這麼大有很多食客都會嘗試這款菜式豬手香滑入味，而且肉質柔嫩，入口即溶化。豬手賣相相當吸引今期熱門推介，價錢便宜，分量足夠二人食用。

台灣便當，都幾好食，不過有員工講普通話5知係咪台灣定大灣區既人～個雞髀等左時間即時正，但出到梨有汁好好食～好味過成個飯既野，另外佢有粉絲做配菜真係比較少有，好味，野飲都5錯嫁

適逢Aeon大減價,嚟到呢間同層嘅百芳池上便當，試下台式飯盒和珍珠奶茶。價錢相當平民。先叫咗個台灣鹽酥雞便當， 鹽酥雞炸得香脆， 內里有汁， 加上滷蛋，配上粉絲，椰菜，粟米肉粒， 整個便當相當丰富。 再叫了個新推出的豬手便當，豬手好稔，豬皮上的毛去得很乾淨， 也不油膩。 小食叫了個花枝丸，炸花枝丸也很香口，滿足懷念台灣美食的我們。飲品叫了一杯黑糖珍珠鮮奶和芝士奶蓋玫瑰鐵觀音珍珠。珍珠煙韌， 奶蓋也足料。60 元的便當包含不少材料，是午，晚餐一個好選擇。

今日去超市掃貨，順便依埋肚仔。估唔到而家去唔到台灣，喺香港都食到台灣便當，仲好好味。我哋叫咗台灣鹽酥雞便當同埋滷肉飯便當，兩款質素都好高，食到台灣味道！鹽酥雞新鮮炸出，外脆內軟，係正宗台灣鹽酥雞嘅味道，而且份量又夠多，必食推介！至於滷肉飯，本身以為會好肥膩，點知完全唔油膩感，滷肉好入味，切到細細粒，容易入口，同埋配菜菜甫同飯一齊食，超滿足！最鍾意佢呢度嘅便當每一個都有好多配菜，有雞蛋、粟米、菜甫、粉絲同蔬菜，可以做到均衡飲食。另外我哋仲叫咗小食炸花枝丸，$15/5粒，炸到金黃色熱辣辣，好新鮮好彈牙，咬落去仲食到細細粒嘅花枝，好足料！飲品我哋今次就揀咗芝士奶蓋紅莓果茶同埋洋甘菊金萱烏龍，前者酸酸甜甜好開胃，後者帶有烏龍茶香氣，最啱食完炸物後清下味蕾。

今日去左行Aeon，行之前有點肚餓就想醫下肚先，原來Aeon 都開左不少餐廳，黎緊又有排試了！揀左呢間百芳池上便當，台式料理黎，裝修正常，透光玻璃唔少，中午時份有陽光照到入黎，都幾舒服架！🌞叫左個台式滷雞扒便當，好快就上菜！份量較大，配料充足，雞扒亦都唔錯！而且仲有送野飲，揀左阿薩姆紅茶，如果加錢仲可以叫其他特飲添！🤩個便當就 HK$59，另外叫左小食炸花枝丸，朋友又加左錢要特飲，所以埋單大概 HK$75 一位，都算唔錯！👍🏿

最近經常加班，又冇得飛去旅行，放工開始周圍搵吓啲特色小食，去荃灣 行 Aeon 買零食嘅時候見到百芳池上便當，價錢經濟實惠，二話不說坐低吃過火車名物。很久沒有去台灣，懷念美味的鹽酥雞，各式台灣便當、多款小食及台式飲品 。夜市花枝丸 +$15便當有小食優惠，很久沒有吃過炸花枝丸了，口感彈牙，外皮炸得香脆，灑上椒鹽非常惹味。慢滷豬手便當 $62這一個是新品上市，非常特別，店員推介之下決定一試。主角慢滷豬手經過慢煮滷製，豬手口感軟綿，入口即化，脂香味美而不膩，滷汁醇厚出色，撈飯吃一流。便當均附上白飯、每日精選配菜三款，當天我便當的配菜有粉絲、粟米、椰菜，仲有滷水蛋半隻，調味幾好鹹甜適中。台灣鹽酥雞便當 $59老公所選的便當是正宗鹽酥雞，賣相很吸引，份量不算少。焦香酥脆，雞肉肉質嫩滑，味道香辣十分惹味。 便當配菜有菜甫，鹹鮮好味，他最喜歡來拌飯吃一流呢！好滋味食到停唔到口。轉百芳台式飲品，upgrade 了不用吃甜品也很圓滿。 芝士奶蓋金萓青茶二重奏芝士奶蓋質感豐盈，味道微鹹，真材實料製作，入口 creamy，品嚐到濃濃的茶香，清新解渴非常滿足。芋圓奶茶糖度適中，芋圓煙韌有咬感，奶茶獨特奶香，

掛住台灣的時候，想起五年前同朋友隻身飛到台灣，我第一次嚐到台灣地道便當，最懷念就係嗰隻滷水蛋。今日經過百芳池上便當，當然係想念台灣的味道，然後要邊吃邊懷念那次台灣旅行，我點了一個台灣焢肉便當任意打卡，有點像當日第一次食台灣便當的情景。我加了15元夜市花枝丸，外面是香香脆脆的炸丸，上面灑上香辣味粉。我的便當包含焢肉，就係五花腩，用過滷水炆煮，又厚又多的豬肉肥膏是入口即溶的感覺。肉質是需時烹調的質感，香辣菜甫和粉絲也在刺激我的味蕾，也有我最愛的滷水蛋，喜歡就是喜歡台灣便當一盒也很豐富。我揀上的黑糖冬瓜檸檬，聽起來很養生🤣其實我就是喜歡酸酸甜甜的飲品，醒胃啲😊😊黑糖味道較重，飲品我會俾滿分，因為佢唔太甜，味道恰到好處 。另外當然唔少得買雞翼便當同雜莓茶返去俾女女食啦🤩

 同媽咪去左荃灣行街，行行下攰想食下野就黎左呢間百芳池上便當🤗  台灣鹽酥雞便當 台灣菜黎講，我都幾中意佢地既鹽酥雞，因為一粒粒勁方便食，又夠香口呢度都做得唔錯，但就未去到係台灣咁好食，不過勝在cp值好高個便當好大份，有菜，蛋，粟米肉粒，菜脯同粉絲，有d似台版既韓式拌飯😊😊😊   百芳豬排便當 呢個同樣有好多配料係便當上面，唔同既係主角換左豬排豬排都算正常偏大,佢既調味同鹽酥雞差唔多，口味都係偏重d既佢會切開一塊塊比你方便食用   皮蛋豆腐 勁中意食皮蛋既人一定要叫，呢個加$15，冇諗過會咁好食個皮蛋係口感好綿密，豆腐係滑到令人係咁想食🤗🤗🤗好正丫真係   黑糖珍珠鮮奶 佢個杯係有做到虎紋架，所以都幾令，但好可惜既係，我居然唔記得叫少糖，飲落真係好甜丫🤣  芋圓奶茶 平時都好中意食下芋圓所以就試下佢，因為係杯裝，所以芋圓整得細粒d，冇平時食糖水個d大大粒咁好口感，但口痕食下飲下都唔錯丫😊😊  順帶一提，呢度係Aeon入面，所以都算幾多人食，位置十分方便，價錢都好合理，行到攰黎食下野再行街就啱哂  

同親戚黎買野兼食野，Aeon呢度換左唔少新血喎，就試下呢間台灣菜百芳池上先。有飲品外賣區，都唔少人經過買杯飲喎。主要便當有八款，近日仲出左個期間限定。而飲品則十分多選擇，奶蓋，冷泡，鮮奶等通通都有。親戚點了豬扒便當，滿滿的一碗很豐富呢。豬扒炸得香酥，咬落軟腍一點都不乾身，好食喎。自己就點左呢款限定嘅豬手便當，豬手很入味，鹹鹹地好正。而下層便當的組合係兩款一樣的，有滷蛋，粟米肉碎，辣粉絲同一堆菜，有肉又有菜好平衡，而且飯很多絕對夠飽呢。點便當系列可以優惠價換小食，揀了夜市花枝丸，大大粒夠彈牙，炸得香脆好味。飲品實在太多得揀啦，諗左好多決定點芝士奶蓋碳焙鐵觀音＆黑糖珍珠仙草鮮奶。自己點奶蓋走甜，鹹香的芝士奶蓋配上香味十足的清茶真係好好飲，鐵觀音勁香醇喎。親戚話佢杯仙草都好正，雖然黑糖底但不死甜，珍珠又有咬口，好飲好飲。簡簡單單又一餐，不錯的新選擇呢。

疫症左一大輪，最近終於可以出番黎搵d 好野食。台灣鹽酥雞便當剛剛炸好的鹽酥雞，鬆脆酥軟，肉質鮮嫩。加上些許調味香料，味道令人難以忘懷。台式滷雞扒便當大大塊雞扒加上味道濃郁的滷水汁，令人想大啖大啖咁咬落去。加上酸菜，粟米，滷水蛋的多重口感，每一啖都没有單調既感覺。炭焙烏龍茶因為驚太甜，只係叫左半糖。食完個便當，最需要就係有少少清新淡味既飲品。呢杯烏龍茶就剛好滿足到朕既需要。而家些許清涼既天氣，飲埋呢杯茶後感覺清爽。餐牌主力做好這幾款便當，保持水準。價錢上有點少貴但仍可接受。

今天又是AEON特賣日，為了方便“掃貨”,就在AEON內的「百芳池上」解決晚餐。今天收銀櫃檯放了一款新便當：慢滷豬手便當，於是我和家人便一人選了一款,慢滷豬手和豬扒，還加上一碟皮蛋豆腐和飲品。慢滷豬手便當：豬手炆得很冧，很入味，飯底是優質珍珠米，配上粉絲、蔥菜、雞蛋、粟米粒等，非常美味。皮蛋豆腐：皮蛋香，豆腐滑，還有片片香脆的木魚花蓋在上面。豬扒便當：經典的炸豬扒，外皮香脆，肉質鮮嫩，一如以往的水準。最後來一杯黑糖珍珠鮮奶，奶味濃郁，珍珠有嚼勁，黑糖特別香，真不錯。我常常都會路過這裏，期待很快又有新菜式推出呢！

逛完街意外地發現這家造型可愛的店。也想念臺灣的火車便當和手搖飲品，入去試下先！📍百芳滷雞翼便當（$54）賣相令人喜出望外，除了雞翼外，配菜還有粉絲、粟米、燙青菜和菜脯，配菜好好味，粉絲和菜脯微微辣，而且有菜食，感覺健康好多！滷雞翼帶香濃的滷水汁，果然味道可以引發回憶，真的是台灣便當的味道。📍阿薩姆紅茶，香中帶甜。手搖杯封面係可愛啤啤，跟餐飲品來說好高質！滿足的一餐，仲有好多款式嘅套餐都有興趣，下次來再試！

星期三特價日去超市掃貨，買完成車野都係時候去醫下肚，見到有間特色新野，食台式便當，門口咁多人排隊一於入去試吓！原來大多數人都係等外賣，等咗一張枱就有位坐啦！見到都好似有好多選擇，我哋叫咗豬扒便當和鹽酥雞便當，便當仲包埋一杯飲品添豬扒便當，豬扒唔會太多粉槳，香脆得來又juicy, 配菜有粉絲肉碎，菜，粟米和滷蛋，十分之豐富，又唔會太濃味鹽酥雞便當，去開台灣一定要食嘅鹽酥雞，估唔到佢都做得幾好喎！我最鍾意鹽酥雞上面嘅椒鹽味同埋香脆嘅口感！冇令我失望喎香脆嫩滑！炸花枝丸，好好味呀套餐包埋飲品，芝士奶蓋碳焙鐵觀音茶味都幾突出，加埋芝士奶蓋，鹹鹹香香，微甜都勁正另一杯叫咗紅豆奶茶有下次✌️