生記山西刀削麵

營業中

休息中

生記已經變成我常來的地方.試過很多種味道後,我已經只選蘭州牛肉麵了.其實生記有兩家的,本店應該是在教育路千色廣場那家.今天試了一下本店,上"菜"的時間率略嫌慢了點,但其面(手拉以及刀削都是)的功夫還是帶來一點驚喜...韌性以及粗細的均勻程度比分店的好些.有機會大家不仿試試本店的味道.不過,從本人開始吃到現在,份量的確變少了.剛開始那時,份量有吃不完的感覺,但現在有點略嫌不飽的感覺呢.而且,手拉麵的份量似乎不夠刀削的多.

8月23日朋友的生日，一早已聽閒呢到多人食，所以佢就提議到呢度食啦！我要左餃子刀削麵，佢要餃子+魚丸。可能係平日既關係，所以比較少人，而碗麵來到既份量係好多，唔似食評話咁少，可能係因為多人既時候會做唔切！：）ｄ餃子厚皮，因為呢ｄ係北方既特色，唔似南方既餃子咁薄皮，ｄ麵粗幼不一，與餃子皮同樣地厚，好有口感，好似食緊闊條麵咁！有ｄ似手打烏東呀！不過當然真正的手打烏東貴得多啦！：ｐ魚丸係來貨，我冇試到～雖然我唔肚餓，因為之前食左少ｄ野，但都差唔多食晒！！：）因為真係唔錯！杯凍檸水明明要左少甜，但來到係勁甜！所以叫佢整過杯比我！service過得去啦!下次都可以再食。不過都係揀返少人過陣!!

今日同女友慕名而試下,我叫左,而我女友就叫左.我覺得碗算幾大碗,但排骨並唔係我想像中的豬勒骨排,而似係普通排骨,份量亦唔多炆得唔夠淋,但味道及麵都ok,但特飲另加$4-並唔係餐牌圖片所示咁大杯,而係用番普通茶餐廳凍飲膠杯,我就覺得呢樣就搵笨喇。而我女友覺得佢碗侍應立即對果對男女客人講:『駛唔駛同妳換過碗丫?』,但該女客已差不多食完碗麵,最後該女客都話唔駛囉!從呢次我親眼所見所聽,覺得呢個阿姐服務態度十分好,呢樣要加印像分~

宜家响食肆食嘅麵大多數都係機器做嘅，機器做嘅麵長度、粗幼都係千篇一律。雖然質量穩定，但欠缺咗手做嘅一絲人情味。近年市面多咗一啲手做嘅麵，好似手拉麵同刀削麵就係其中嘅表表者。今日同同事去到呢間响元朗嘅舖頭，一嚐刀削麵嘅味道。我地幾個都叫咗蘭州牛肉刀削麵。是日牛肉唔係我地食嘅主題，而牛肉嘅質素亦係我預期之內，即係話唔係好掂。牛肉冇肉味，一夾就幾乎散。今次嘅重點係刀削麵，麵條粗幼不一，食落好有咬口，夠晒彈牙，証明啲麵粉猜得夠扎實。逐條逐條咁放上羹然後一嗒食落肚，都不錯。我諗再上乘嘅麵條食落仲會有一陣麵粉嘅清香。這裡嘅就稍為欠奉。埋單廿八蚊連嘢飲，也算公道。

上星期本來已經想來試食，可惜唔記得個門牌，淨喺記得喺元朗大馬路，所以揾極都揾唔倒。本星期又要入元朗，所以早一日做定功課，上網揾定地址，今日終於找倒了。去到大約兩點鐘，全場機乎滿座，幸好在閣落有張小型二人枱，我倆總算有着落。要了網友推介嘅川辣手撕雞拉麵和水餃鱼丸刀削麵，要中辣。所食倒嘅手撕雞有雪味，應該喺預早做好放在雪櫃備用，頗“鞋”，分辨唔出喺新鮮定喺雪藏貨，量亦少，生菜得一小塊，唔覺有餸食咁，似食淨麵多Ｄ，幸好share倒粒鱼丸和一隻水餃。水餃喺素餃，鱼丸喺包心丸，幾滑，兩者味道唔差，至於麵質方面則比較硬身，不過一般麵店煑法都喺情願唔腍，總好過過火。不過以本人囗味而言，拉麵可以煑得滑Ｄ比較好些，刀削麵以薄身為佳。猶記得所層食過的刀削麵，又薄又軟滑的一次，是在國內，現在一直食唔番，此乃拉麵師傅的刀章功力。還記得多年前在深水埗黃金商場附近一所蘭州拉麵店，猶勝過現在這一間。ps.呢度嘅中辣都好辣，奉勸唔食得太辣的人氏，要少辣好了。

　　同意某位食評家所言，的確人怕出名豬怕肥，生記的水準下降了，份量也少了！　　今日去食，叫左個福州魚丸米線加油渣再加菜，本以為油渣係豬油渣麵個Ｄ，點知係一Ｄ酥炸豬肉，又乾又硬，一Ｄ都唔好食！　　叫加菜，我本意係加什菜，點知佢加Ｄ生菜俾我，激死！ D拉麵，不過不失，但份量縮小了，可惡！叫小辣，但一Ｄ都唔辣，再叫佢另上辣汁，但始終沒有了第一次吃的那種香，唉......敗筆！　　最值得加許既可算是那些魚丸，竟然有五粒咁多，因為我知道如果散叫要$3一粒呢！

陽光充沛的下午，想起久未到過元朗市，便動身乘車前往。下車後發現一間寫上刀削麵的店舖，進內，地方不大，有很多人，等位者亦不少！先看餐牌，才知道不止有「刀削麵」，還有「拉麵」、「車仔麵」、奶茶和咖啡等！人們多數選吃拉麵，但由於我偏愛刀削麵，故要了一個「川椒麻辣雞絲刀削麵」，（小辣）凍奶茶。刀削麵入口煙煙，雞絲很入味，湯底偏鹹，但不過份…小辣適合一般人士，如不能嘗辣者，可叫不辣或要求辣汁另上！P.S. 飲飽食醉後，才知道它曾獲頒獎項，而且還接受過電視台，雜誌的訪問呢！ 罪過…

人怕出名豬怕肥，這道理同樣可應用於食店上。生記開張了三個月？四個月？不記得了，總之人龍漸漸多起來，到了週末尤其誇張。　某夜屋企無飯開，與媽咪出外找食的，難得見到不需排隊就重來。食過兩次刀削麵，今次試一試紅燒排骨拉麵，媽咪則食冬菇刀削麵。此外又額外點了兩款小食。麵先上，手拉的拉麵質感與口感不差，然而相比之下還是刀削麵好吃得多。不過，麵的份量明顯大幅縮水了約四成...媽咪對小食的南瓜餅期望幾高，結果失望，印證了店內宣傳單張不太可信；另一款小食酸辣鳳爪更加是難食。最後，加$3餐飲轉了紅豆冰卻不夠甜，也是麻麻。　考慮人龍、價錢、份量及其他食物質素，抵食度無疑下跌了。再返炒都只會吃唯一好吃的刀削麵~

睇到雜誌介紹,好似幾好食,就同女友過黎試下啦.一入去,見到裝修都幾似正,但略嫌舖頭細左d.叫左個蘭州牛肉刀削麵.一上枱,五香味撲鼻,好正!!牛肉食落真係好好味,質感硬硬地,又有濃濃既五香味.麵幾特別,有點嚼勁.湯底濃而帶點微酸,再加上我叫左中辣湯底,冇得頂.侍應ok,服務不錯,上菜亦快.套餐配菠蘿冰都只係31蚊,大馬路價都算係咁啦!

今日與媽媽到這裡補祝她的生日，因之前已來過，所以有了經驗之後，就叫左2碗刀削麵3份食(因之前份量真係好多)佐今次一上檯，感覺就好似份量少了一半咁…= =\"但都是但啦~食完之後，就知道真係少左好多…但感覺服務態度好左，改善左!另外就係麵質比上次爽滑，而且冇上次的「半生熟」情況出現。不過衛生情況又好似冇上次咁好…= =\"總括黎講…有幾方面都算好左既…但又有幾方面差左，拉平均…就即係冇分別啦…= =\"100分~我今次會比6x…………

前日同家人特登一齊黎試下(因為未食過刀削麵)，我地叫左既都係刀削麵，但就唔同味姐~麵質一般…主要嫌佢削得太厚，中間有D好似唔係好熟咁= ="而味道尚可以啦…服務我個人就覺得麻麻~可能係繁忙時間啦…所以叫人黎落單都叫左幾聲……上檯速度OK，唔洗等好耐先有…環境我覺得可以接受，但可能我坐得比較近廚房，所以地下好「跣」，整體上十個指公都有5個既~^^但都值得去試下架~

我最近去過3次，第一次係同男朋友去，佢地最出名係刀削麵和手拉面，所以我地分別叫左麻辣手撕雞手拉麵，同埋另外一款o既刀削麵，我一試就覺得手拉麵好食D，又彈牙，個湯底好味，價錢又吾貴，連飲品$29。值得一去。

食過咁多次,都依然覺得水準好好又抵食之前同男朋友又黎食,諗住又轉下口味試下其他配料,咁我地就要左大腸手拉麵,麻辣手撕雞刀削麵同炸雞翼我碗大腸拉麵唔知點解好大胡椒味,蓋過曬d湯底,好難頂,就諗住同老闆娘講叫佢加d湯溝番淡,點知老闆娘勁好人話幫我成碗換左去,態度好好,咁我就緊係轉番十拿九穩既麻辣手撕雞拉麵,事後老闆娘重問我碗麵有冇問題添當然碗麻辣手撕雞拉麵都係咁好味,又滑又彈牙又野味,perfect match不過呢到d炸雞翼就好唔得,炸到乾淨淨,無味,唔好叫小食方面,下次都係叫番南瓜餅同餃子好d最後我想講既係我親眼睇住個老闆娘做QC既,發覺D食物同服務有咩唔妥即刻同員工講,如果間間食店都咁態度正確,咁我地就有福啦~其實呢到只係分店,總店地址係:元朗教育路一號千色廣場地下G26號鋪,電話:24757368

元朗區素來常有新舊食店替換。近幾個月，一間紅彤彤的麵店開張了~ 媽媽試了一次，再一次，向我極力推介此店，於是假日同她來吃~　媽媽說這裡的麵分量大，點一碗加小食就剛剛好。看也不看，她就點了一碗蘭州牛肉刀削麵，又選了煎餃子一起試試。麵先上，份量真的很大，我們兩個還吃不完；牛肉與湯味道香濃，最重要麵質十分彈牙棉韌，味道方面無疑是好，比雲來居的出品水色。煎餃子煎得香黃，內裡菜餡比肉餡多，吃上去較清淡也不差。加上飲品，就完成很飽、很滿足的一餐。　不知怎的，食起好吃的麵，我又懷念起台灣的張媽媽牛肉麵。是旅行後遺症了~

終於都加到呢間店lu~同男朋友黎食過幾次,覺得好好味試過刀削麵同拉麵,兩樣都又滑又有咬口特別推介麻辣手撕雞拉麵,又香又野味麻辣可以分大,中,小程度小食方面,覺得南瓜餅同餃子都好正南瓜餅炸到金黃色,咬落去煙煙unun餃子個皮煎得好平均,好香口,唔會一口油另外d凍飲好飲過好多荼餐廳29蚊包一碗麵同一杯飲品住元朗區既人不容錯過~