生記山西刀削麵

生記山西刀削麵位置小kick，仲要行一層樓梯先上到去門口，不過都無阻呢間成為我嘅飯堂因為抵食之餘質素不錯，基本上六十幾蚊就有一碗酸菜魚麵跟熱飲，非常益街坊👍🏻🐟 老壇酸菜魚刀削麵（＄６５跟熱飲）通常我都講料同湯底先，但今次要調一調位，講下刀削麵先！刀削麵非常出色，麵條寬厚、筋道，吸滿哂酸菜魚湯精華，每一口都酸辣鮮香，口感滑順Q彈，餐單寫佢地係「即叫即削即拉」㗎！食過就知道係堅料！酸菜湯底酸爽開胃，可以揀走辣，小中大辣，啱哂唔同口味！魚片份量慷慨，一碗都有十塊八塊大大舊，滑身鮮美，魚肉有彈性，係間唔中會食到一兩條魚骨魚鱗🌶️ 麻香水煮魚刀削麵（＄６５跟熱飲，凍飲加２蚊）魚同刀削麵同酸菜魚部份差不多，都係好食睇落紅油紅當當，叫到中辣食落都唔係話好辣，麻、香、辣三者都唔係話非常出色不過都唔錯，想食辣可以食呢個頂頂癮🥚 麻辣皮蛋（＄２０）調味一流！蒜粒剁椒惹味，唔會太辣太鹹，啲料都好味到可以齋啪！🍗 南乳雞塊（＄２２）廚房新鮮炸起，上到枱熱辣辣！南乳香濃，雞肉嫩滑，味道濃厚得嚟唔太油膩市面少見，來都來了建議試試…查看更多

下午茶餐刀削麵$48凍飲加$3刀削麵刀麵身厚薄適中，煙韌帶嚼勁，湯底選擇叫左微辣香氣，夠晒惹味。追加咗一份$15紅燒豬大腸味道軟腍冇異味，配埋花生配菜更有層次，黑椒雞扒外層微脆、肉質嫩滑，黑椒醬鹹香提升口感。整體性價比高，份量足整體尚算滿意…查看更多

於元朗收工時意外發現一間刀削麵，然後和朋友一起去試試，進店後裝修滿是懷舊風味，再看看餐牌，有各式各樣的刀削麵，還有很多小菜款式可供選擇，最後我們簡單點了幾款，其中一款是豬大腸炒刀削麵，一般刀削麵都是湯麵的，我們看見有炒刀削麵，還要是豬大腸炒的刀削麵，就充滿好奇地點了，點菜後聽見廚房的炒鍋聲，就開始期待，不久刀削麵就來到眼前了，聞到朱太長的香味已經好吸引，先試試都上面質感，非常煙靭，口感非常好，完全不被湯麵的差，炒的是別有一番風味，真的非常好吃😋…查看更多

由細個成日食，到而家唔係約咗人對方話想食都唔會去，本身唔去係因為態度差，啲阿姐成日以為自己做得耐，同佢講完落單可以一句聲都唔出，唔知佢落咗單未，特別係成日以為自己可以話晒事嗰個阿姐，唔講以為佢係老闆娘，真係得佢老細喺度嘅時候佢個出品先會好㗎咋，如果佢個老闆又唔係間舖呢就全部都係亂嚟，其他人都唔係好好多，10次落單八次都錯，外賣係次次都錯，錯咗一句唔好意思都冇，淨係係咁話唔關佢事話佢自己係寫啱嘅係廚房錯，作為客人我理得你邊個錯啊，錯就錯㗎啦，其中一個阿姐仲好鍾意屈返人哋轉頭係話個客嗌錯，有一次嗌嘢飲佢落錯單，我明知佢容易落錯單，我仲強調咗兩次我係飲乜嘢啦最後都係嚟錯，然後個阿姐想屈我係我嗌錯啦，之後我企硬我死都唔會要嗰杯嘢同埋堅持係冇嗌錯，跟住喺度講埋啲晦氣說話咩唉咁我飲埋佢啦，真係好癲:)到最近有次真係迫於無奈要食嘅時候發覺真係難食咗好多啲嘢又縮晒水，真係抵你兩個鋪位變返一個鋪位:)…查看更多

生記刀削麵既辣真係夠哂地道，每次食完都心思思想再去食，今晚又心癮起去左食。今晚簡簡單單揀左酸菜魚，同干鍋豬三寶。酸菜魚記得要揀左生魚，無骨食落去特別起勁，就算叫左小，個份量都相當多，兩個人食一個鍋都好夠。酸菜魚個湯撈飯食尤其惹味，魚肉又嫩，酸辣適中，食過番尋味真係。…查看更多

今次去嘗嘅餐廳真係一個啱晒平民口味嘅好地方，一坐低就叫咗啲經典菜式，心諗今晚食飽飽先算！首先嚟嚟個「雞扒刀削麵」真係撈一撈就立刻聞到香氣撲鼻，雞扒做得外脆內嫩，夾埋啲香滑帶勁嘅麵條入口，好正！🍜然後轉戰「酸菜魚」，份量幾照顧得到，慷慨得滯～ 酸菜嘅味道就稍為淡咗點，但嗰魚肉真係鮮嫩滑口，同酸菜撈埋一齊食，還係好夾嘅。🐟食完兩大重頭菜，再試吓「香茅豬排刀削麵」。豬排真係好賞心悅目，份量足夠share，不過湯底嘅香茅味就真係鳴鳴無力，下次或者試下牛肉款式會唔會好啲。🐷最後，當日嘅甜品「珍珠奶茶」出場喇！喺呢度飲品整得好出色，個波波又係剛剛好，唔會過硬或者太軟，奶茶味道濃郁得黎唔會太甜膩，正！💯 總括嚟講，呢間嘅刀削麵同埋配菜都保持咗一個好平易近人又樸實無華嘅風格，食咗仲想再食，下次真係要再過嚟重溫下！👍🏻…查看更多

疫情期間, 呢間其實都食過好幾次! 今次又係介紹元朗國既食肆喎, 講緊既係”生記山西刀削麵”!! 以為呢間只食刀削麵? 咁你就錯哂, 今次我哋就選擇咗幾道菜式試試 ”酸菜水煮魚”, “泡淑炒雞”, “生切牛肉刀削麵”.. 🤤講真, 食得呢類菜式都唔會預清淡, 但感覺比一般都少油點（肉👀眼看😂)每道菜式碟頭都夠哂份量, 親民價兼用料及辣味十足, 味道偏濃但可接受(味道因人而異)。至於招牌之一刀削麵, 確實名不虛傳, 麵質煙靭彈口, 食物質素及環境都保持一定水平。值得一試喲!!.*~💵2人前👫🏻人均消費$230(晚市)=•=•=•=•=•=•=•=•=•=•=•=•=•=•=•生記山西刀削麵 (元朗)📍地址：元朗大馬路212號華昌樓地下D號舖#S☀️KS #生記山西刀削麵 #hongkong #chineserestaurant #Dimsumfood #hkCuisine #香港美食 #元朗 #元朗美食 #yamcha #中式餐飲 #飯店 #酸菜水煮魚 #泡淑炒雞 #刀削麵 #穩世 #happyhour #foodies #foodiesblogger #foodieshk #foodblogger #hkfoodieblogger #openrice #hongkongfood #hongkonggirl #foodpics #食好西…查看更多

個個都覺得來到刀削麵館一定要食刀削麵，真係大錯特錯，生記最好食既唔係刀削麵，而係辣得過癮既菜式！今晚幾個好友係元朗食飯，突然個個辣癮起，即刻去左生記食到飽！一行入去就感覺到辣，個種香料搭配辣椒既味道真係食指大動。水煮花螺，辣味十足，每隻花螺都充滿辣汁，一邊食一邊流汗，再飲啖冰凍既啤酒，過癮！水煮魚片，成鍋鮮紅色既湯底，配上白色既魚片，睇到都流哂口水，魚片嫩滑無骨，又辣又滑，一個字，爽！另一碟干鍋豬三寶又係勁推介，豬三寶係豬腸，豬潤點同豬腰，內臟同辣椒真係最佳拍擋，炒埋一碟就令到大家欲罷不能，停唔到手咁食。來到元朗想食辣真係要來生記，價錢又唔貴，味道又地道。…查看更多

一直都很喜歡食刀削麵，他獨特的形狀與超彈煙韌是愛食的原因。最近幾次到食店都好像有預謀地停賣炒刀削麵，有點失望。今次終於在元朗吃到。這間生記已吃過很多次，質素保持在一定水平，到了今天吃依然保持到水準。記憶中都是第一次食炒的蘭州牛肉刀削麵。牛肉味道出奇地似以前讀小學時的華園沙嗲牛肉干。這間店的辣是很辣的，所以現在都吃走辣。炒刀削麵的油份是比較多的，若不喜歡就真的不好吃。炒的刀削麵又是另一種食法，口感依然是很煙韌，續條麵吃很過癮，多了些配菜，味道沒有乾炒牛河那類很多的鼓油味，保留了原本刀削麵的味道。現在一個炒刀削麵要$60，對比其他食物，加幅又未算最高，已算合理好平。…查看更多

每次去生記。。。都係食炒雞鍋。。。比起九龍區。。。呢間店的價錢平好多。。。無咩裝修。。但係炒鍋好出色。。。配料同其他食店不同。佢地用年糕。。蓮藕。蕃薯。萵苣。。。等等。。。雞係好細粒。。先炸後炒。。。味道好香。。…查看更多

食過呢間好幾次，前幾年成日食水餃刀削但呢兩次黎已經冇左水餃就食佢個手撕雞刀削（小辣），麵體keep住都有咬口，因為食得刀削，你都希望佢煙韌唔會煮得太淋手撕雞份量都算ok,有入味幾好食🥰🥰而佢既辣唔算太辣，都幾香係個湯底太鹹，整體都算唔錯～下次可以黎食佢既小菜😍😍…查看更多

假日既元朗真係好多人，間間餐廳都排長龍等位，見呢間餐廳門口只有數人，等位唔駛等好耐就入咗去食啦。一入到去地下勁油，爭啲跣親🥶🥶🥶因為1家3口去食嘅關係，我哋嗌咗炸饅頭配煉奶，乾燒雞鍋，清炒萵筍絲，膠原脆豬手，牛肉炒刀削麵，一共5樣。炸饅頭味道正常只係油左少少，清炒萵筍絲都ok，只係萵筍未刨乾淨有啲渣，牛肉炒刀削麵係咁多樣嘢之中最好食嘅，牛肉好林，刀削麵好煙靭有口感，乾燒雞窩啲雞肉有點鞋口好乾，佢嘅配菜有蓮藕紅蘿蔔同薯仔，但全部索晒油，估計應該油溫唔夠高走油唔成功。全晚最難食嘅就係嗰個脆豬手，一咬開入面冇味嘅，仲帶有豬臭味添🤮無下次🥲 午餐或者會再黎食刀削麵。…查看更多

已經食過好多次，好喜歡佢刀削麵嘅質地，彈牙又唔會太軟，好有咬口。另外一直都想試水煮魚，但之前提供只有餸菜形式，要叫一大鍋，所以一直都未有機會試。最近可能因為無晚市堂食，所以推出了水煮魚可配刀削麵，咁就算一個人都可以食到。真係無令我失望，水煮魚真係好好食，我叫小辣，對我嚟講已經足夠，不過相信如果喜歡辣的朋友，可以唔使小辣，一定會更香更好味。…查看更多

湯底配料同配菜係好足但主菜份量少到一個點係比杯麵D肉只係多喲喲 感覺似係食羊腩煲湯底雜菜煲多過羊腩煲羊腩煲裡面有竹蔗, 幾特別幾好食, 標價488 HKD, 我明明同個大陸姐姐講唔洗+10蚊額外加湯, 佢無視照寫收498, 但又唔見額外多個靜湯.仲有好得意間野收成498但一張紙仔都唔比, touch wood 佢走單咁係真係gg.服務太好,  498 雜菜煲+羊腩配料 好超值 一定唔會再嚟!…查看更多

每次食呢間既刀削麵啦，我都會食豬大腸蕃茄醬撈刀削麵。應該唔係個個都識叫，其實呢間既撈刀削麵好出色，大大碟又飽肚。茄醬撈落個刀削麵好香，好開胃，我一個都可以清哂成碟。…查看更多