52
48
18
等級4
239
0
2006-08-17 11 瀏覽
今日同女友慕名而試下,我叫左,而我女友就叫左.我覺得碗算幾大碗,但排骨並唔係我想像中的豬勒骨排,而似係普通排骨,份量亦唔多炆得唔夠淋,但味道及麵都ok,但特飲另加$4-並唔係餐牌圖片所示咁大杯,而係用番普通茶餐廳凍飲膠杯,我就覺得呢樣就搵笨喇。而我女友覺得佢碗侍應立即對果對男女客人講:『駛唔駛同妳換過碗丫?』,但該女客已差不多食完碗麵,最後該女客都話唔駛囉!從呢次我親眼所見所聽,覺得呢個阿姐服務態度十分好,呢樣要加印像分~
更多
今日同女友慕名而試下,我叫左[紅燒排骨刀削麵+唔辣+鮮茄湯底+凍青蘋果特飲一杯=$30-],而我女友就叫左[手撕雞刀削麵+中辣+凍柑桔特飲一杯=$33-].

我覺得碗[紅燒排骨刀削麵]算幾大碗,但排骨並唔係我想像中的豬勒骨排,而似係普通排骨,份量亦唔多炆得唔夠淋,但味道及麵都ok,但特飲另加$4-並唔係餐牌圖片所示咁大杯,而係用番普通茶餐廳凍飲膠杯,我就覺得呢樣就搵笨喇。

而我女友覺得佢碗[手撕雞刀削麵味道唔錯,但$29-佢就覺得貴左,而佢叫果杯凍柑桔特飲就覺得唔好飲喇。

如下面果位食家所講,幾多個人入去幫襯都好,都係一大堆湯匙、筷子及(((一仟零一張餐紙巾)))求其擺低,呢樣服務就真係要檢討一下喇!同元朗區出名潮州佬比較,佢價格貴大半一碗,味道亦唔敢講好過潮州佬,新屎坑試下新口味亦無妨,但價格就認真略費囉。食麵期間見鄰檯一對男女食客,投訴天花分體冷氣出風口滴水,並有數滴冷氣水滴落佢地食緊碗麵內,有一位阿姐侍應立即對果對男女客人講:『駛唔駛同妳換過碗丫?』,但該女客已差不多食完碗麵,最後該女客都話唔駛囉!從呢次我親眼所見所聽,覺得呢個阿姐服務態度十分好,呢樣要加印像分~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$33