甜記餃子 (已搬遷) 新店位置

見過有雜誌介紹呢間新店,加上好耐無食餃子,lunch叫埋同事一齊試見到季節限定西洋菜豬肉餃,大家都無異議全部叫佢煎餃5隻+湯麵$40西洋菜豬肉煎餃外層煎到超脆超香口,睇落油淋淋但入口又唔覺wor!加分位係裡面D餡料多到爆出黎,就算外層幾脆內層依然係爆汁好滑,無多餘麵粉,係好足料嘅餃子,我覺得唔點醋仲好食,因為本身已經好夠鮮味,而且個蕃茄薯仔魚湯都好清甜,零味精,好似屋企D湯咁!另外D米線都幾大餅,雖然唔係特別好食,但都飽嘅雙拼餃子10隻 $42唔食麵可以雙拼餃子,如果唔係男仔其實10隻餃子都好夠食,因為佢隻隻都好實在又大隻,食曬飲埋D湯都幾飽下今次雙拼拼左西洋菜豬肉同京蔥羊肉餃子,京蔥羊肉餃子D羊肉味都幾突出但唔會有羶味,最正係超多蔥所以入口味道好均勻,不過要清新的話都係西洋菜清D~~~食物質數係唔錯,不過呢度服務態度真係令人失望,平日下晝已經無乜人,落個單都要等一輪,都算,仲要落錯一半單!我叫煎餃佢變湯餃,自己搞錯仲要質疑我落錯,張單都寫得好清楚,結果等大半個鐘頭先有野食,而同事碗湯麵要雞湯佢就畀左魚湯,最後搞到好勞氣!雖然係幾好食,但下次唔會再黎了.

最鐘意呢度d椰菜雲耳冬菇餃同唔係度度有的菜心餃，餡料好多夠爽口有口感，皮唔會太厚，煎餃好香口，湯餃有自家制雞湯同seasonal的蕃茄薯仔魚湯健康又鮮甜！每粒都好多餡，菜心好甜好靚必加佢地秘製蝦米辣菜脯，好咸香惹味每啖都要加😆湯餃$38/8隻可以雙拼算係好抵食而且食物質素好好，性價比高👍🏻坐位比較窄但係店舖算新同埋乾淨，一個人食可以坐則邊的長檯，裝修都有別於一般餃子店幾有特式，係近期好興嘅石屎牆加霓虹燈。

昨晚在荔枝角工作完畢，為了醫肚我們便走進長沙灣一間“甜記餃子 ”食晚餐。今晚選擇了香芹豬肉餃拼白菜豬肉餃雞湯雙拼，煎餃就叫了期間限定西洋菜豬肉餃及韮菜餃。每隻餃子都很肥大，餡料十足，所有的食材都非常新鮮，雞湯清甜。煎餃煎到外面脆卜卜，裡面仲keep到肉汁，價錢合理，食物都算合格啦～ 如果對羊肉有興趣嘅朋友，佢哋都有羊肉餃架，不防搵日嚟試試。佢哋嘅秘製蝦米辣菜脯，很惹味而且仲辣辣地，喜歡食辣就一定要加佢。

真材實料爆餡餃子，【雙拼煎餃】$44/10隻，有期間限定西洋菜餃，餡料多之餘，菜比例也多，感覺多份健康。洋蔥牛肉餡有香甜洋蔥，牛肉餡鮮嫩多汁。煎餃做得好好，餃皮薄而香脆，煎封著爆汁肉餡，令人回味。【口水雞台灣麵】$40，雞肉份量足夠，剛好有雞脾肉，嫩滑啖啖肉，拌著麻辣香料，惹味又帶香辣，台灣麵比一般麵更煙韌有咬感，正丫。特別推介店方的秘制蝦米辣菜脯，微辣咸香帶薩甜，令湯麵更添風味。【凍洛神花茶】套餐+$4，酸酸甜甜好解渴，開胃又消膩，最岩配煎餃。

京蔥羊肉餃 40/8隻上菜時候已經聞到煎餃味。襯熱咬落去，會有肉汁流出黎。餡料非常充足，每一啖都食到京蔥同羊肉。京蔥味道非常清甜，就算同羊肉混合在一齊，都食到京蔥既甜味。另一方面，羊肉充滿肉香，但唔會有羊'蘇'味。餃子都煎得剛剛好，外皮香脆、唔油。環境： 應該大部分餃子鋪都會有依個問題，抽風系統唔太好，食完個身會有煎餃味。整體：非常推薦依間鋪，雖然除番開要5蚊一隻餃，但我覺得都值，因為每隻餃子餡料都非常充足。如果下次黎應該會試下蒸餃。

兩個人，試左四款口味的煎餃分別有：洋蔥牛肉、🥟芫荽豬肉🥟、雲耳香菇豬肉🥟、同埋新出既西洋菜🥟🥟😋😋😋😋餃子餡料很足，見到現場員工一起包餃，有傾有講，有家庭feel🏠🏠裝修較簡單，但感覺是年輕的💁🏻‍♂️個人較喜歡芫荽和西洋菜餃，秘製蝦米菜脯也很不錯👍🏻只是略嫌太油😩每一隻都好滴油，食完好有罪惡感🙈🙈🙈🙈🙉🙉🙉🙉下次再有機會，會想試埋湯餃，朋友話湯餃都好味

上次試了這間餃子店的湯餃。非常好食， 皮薄餡多，只是味道偏咸，和羊肉羶味重。今次就再試試煎餃。因為皮薄，即日包製，即叫即煎，非常新鲜，而且外皮香口，熱辣辣，配上餐廳自家製蝦米辣菜脯，更加好食，而餃子亦巳改量了味道，沒有這麽咸，而羊肉的羶味亦可以接受.而飲品除了汽水，還有豆漿,洛神花茶,非常健康努力的小店，確是值得食客多多支持煎餃雙拼~京蔥羊肉餃/椰菜冬菇雲耳豬肉餃$44麻辣鴨腎$24鹵水牛展$38若將來有牛肉餃子就更加吸引

點左個雙位餃子 白菜豬肉餃子同京蔥羊肉餃子 隻隻都又大隻又飽滿 後面台仲有職員新鮮密密手包餃子 個人覺得白菜豬肉餃無咩特別 而京蔥羊肉餃比較好味 但比較蘇 怕羊味嘅朋友可能未必岩食 希望可以多啲味道選擇

一直都幾中意食餃子，但試過哂OFFICE附近餃子店，無一間令我再想食既時候，同事居然話比我知係近荔枝角方向新開左一間餃子店，又再一次燃起我對餃子既渴求🤤，所以係今日呢個天公造美、陽光普照既天氣下，行左差唔多三個字，等左三四個字後，雙拼餃子終於出現係我面前😋洋蔥牛肉拼香菇豬肉湯餃 $42店家稱呢度既湯底係自家製既雞湯，不過我飲落唔多覺有雞味，反而有蔥味🤔，鹹度對齋食餃子既我黎講就鹹左少少，但如果加個面底中和下就會岩岩好。唔少餃子店都有提供香菇豬肉餃，但呢度既就皮薄餡滿、脹卜卜、粒粒都晶瑩剔透，連餃子邊位都少過人，食落近乎只有餡而無皮!! 😮😍餡料包得夠實淨，唔會一咬就散開；當中既豬肉同香菇粒更比坊間大粒，咬落好有口感😋，唔會食左都唔知；其次個調味亦好岩我口味，唔會太鹹或太甜，主要係食番食材本身既味，唔錯洋蔥牛肉餃子相比香菇豬肉就有少許遜色，餃子皮比較厚身、餃子亦唔脹卜卜😯，我明白牛肉始終貴過豬肉，如果包到脹，成本會增高，只係視覺上同前者對比太大😅。味道其實都唔錯，洋蔥爽甜、牛肉亦有牛味，不過肉汁油份較高食店另一賣點就係呢樽秘製蝦米新菜脯聞落有少少XO醬味，食落都重蝦米味、少少辣、多多鹹，

一向喜歡食餃子的我，多數不會選擇大型商塲內，又或集團營運的連鎖餐廳。 反而專揀一些自家即包即煮的誠意小店，因為店主積聚了多年自家包餃子的 造詣，真的與別不同。星期日，行完荔枝角D2，人山人海，餐廳又長龍，真係嚇親寶寶。所以决定沿途行返去長沙灣方向覓食。就比我發現了這間新開的"甜記餃子"。初初睇個名以為係甜品舖餐廳尚算舒服濶落，而且用比較現代化的裝修，是傳統的格局。餐牌內的食品貴精不貴多，價錢合理，而當食物上枱後，一睇份量，更可以用超值來形容這款祕製蝦米辣菜脯，口感爽脆，辣味不是太勁，濃郁的蝦米香味，咬感也很好，同XO醬味道有些相似，用來拌粥拌麵食，一流。這款麻辣鴨腎$24，嘩，簡直超值，無論鴨腎同麻辣醬油，也超多，非常抵食，鴨腎煮得剛剛好。雖然好食，但因為麻辣醬超多，越食越咸。(真的比足料)我選了韭菜豬肉餃，和京蔥羊肉餃雙併(10隻)$42。大致上味道也很好， 料多皮薄，大大隻， 絕不偷工減料有羊肉餃亦是該店的特色。但羊肉的壇味略重，而且餃子略咸。所以希望店主努力改良。加油。

我住附近的，跟老公二人都是無飯夫婦，我們都很喜歡吃餃子，所以深水埗長沙灣附近的餃子店都有幫襯～見到這裏新開了餃子店當然要來試吓。抱歉忘記了拍照，因為只是平常晚飯一餐～京蔥羊肉餃：我是很怕羊肉的羶味的，但京蔥去除了羶味，帶羊味得來很香蔥味，個人覺得可以再🌶一點，同埋羊肉唔好攪得太碎，口感會再好啲～但這個很濃味，食五隻可能已經好夠～芹菜豬肉餃：餃子很大隻，非常足料，豬肉是粉紅色的芹菜也很翠綠，食起來材料很新鮮，夠juicy~ 冇一陣豬肉除~ 看到餃子皮上的格仔痕，應該不是即叫即包的，但不影響味道香菇豬肉餃：一樣大隻足料，冬菇一粒一粒增加口感，豬肉一樣很新鮮，沒有豬徐，個人來說三款餃子最喜歡這個～自家制辣菜寶：跟平常外面食的味道不太一樣，沒有一味死鹹，菜寶唔太腍有咬口，建議可以再辣一點洛神花：正常，唔太淡服務：當晚只見兩個人負責樓面落單傳菜收錢，態度很好但不夠人手環境：話晒新裝修，點都坐得舒服過附近開咗很多年嘅舊式餃子店，但沒有門只有一塊膠片，可能下午來食會比較熱，而且又會走晒啲冷氣唔環保嘥電價格：街坊價錢，$84兩個大人食個晚飯

呢間小店的店主好有禮貌，招呼非常好！食品方面，超有誠意！每隻餃子都是足料，份量不是少確實是良心小店！另外，值得一讚是他自家製的洛神花茶本人不嗜甜，所以十分喜愛！

既然到餃子店，當然要叫兩碟餃子啦。我和女友一人㨂一款，我當然㨂羊肉啦，因為豬肉好似度度都食到咁，所以另外㨂左牛肉，。羊肉相當有驚喜的，羊味重，一咬下去已經香味四溢。牛肉就一般般，沒什麼特別。羊肉真係一定要試！！！正！但係今次的主角係口水雞，真係無得頂！岩岩好，麻得夠爽，辣得夠香。食完碟雞我真係食埋d醬先捨得走。一定會番黎再食過！！！必食之選！P.S.: 上菜好快，都幾好坐，價錢同份量好岩

駕車經過發現有新店開張, 男友表示有興趣, 所以就陪他進去食頓午餐。餐牌上雖有幾款口味的餃子和幾款小吃選擇, 但選擇其實不太多, 一般般吧！我們選了兩款水餃口味: 鮮蝦韮黃豬肉和洋蔥牛肉。鮮蝦韮黃豬肉湯餃 (10隻)+可樂 $42+8韮黃味不夠香, 蝦肉爽口但沒鮮味, 豬肉沒"除", 整體餡料調味略嫌太淡。洋蔥牛肉湯餃+米粉 (5隻) $38洋蔥味比較突出沒什麼不好, 只是再突出也蓋不了牛肉那股羶味, 不行不行!鮮雞湯底味道很淡, 米粉正常。整體而言, 餃子味道麻麻, 湯底也太淡, 太失望了! 另外, 價格也偏貴, 餐牌所有選項都不包括飲品, 加飲品的話最平也要加$8, 算起來一個有飲品的水餃餐, 比茶餐廳飯餐連飲品更貴。 不太抵食哦！下次不再來了!

是日行過長沙灣區，因為好鍾意食餃子所以撞入去。店內雖然不大但樓底好高，亦坐得好舒服，一d都唔逼。唔算好肚餓，叫左牛肉煎餃、羊肉煎餃雙拼，羊肉煎餃一入口超重羊味，重要爆汁超好食！羊愛好者必叫。牛肉煎餃個味比較清但都同樣爆汁好好食。餃子大細岩岩好，而且唔會好似出面好多舖勁厚皮，皮同餡既比例岩岩好。如果肚餓可以加少少錢加個面底，但我想叫多個小食所以無加到小食選擇好多，個日無咁想食辣所以叫左醉豬手，平時多數食德國個種炸豬手，估唔到呢種醉豬手更多食！酒味唔會太濃太淡岩岩好，非常入味。食落一d都唔肥膩反而好有咬口，岩曬我鍾意補充骨膠原。同老闆傾左兩句，原來先開咗無一個月，未來仲會想推多幾款小食。講真差唔多價錢如果唔想食茶餐廳咁悶不如黎呢到食d有誠意既野，高水準小店值得大家既支持！