班蘭葉印尼餐廳

營業中

休息中

班蘭葉印尼美食 (銅鑼灣)銅鑼灣糖街1-5號銅鑼灣商業大廈地下B2舖===================今日係開心星期五, 放工行左陣SOGO, 就去附近搵下野食! 發現糖街個邊都幾多印尼店, 其中呢間班蘭葉印尼美食都好多人光顧! 我地晚上19:00黎到岩岩好坐到最尾個張枱, 可想而知佢幾受歡迎 🤣🤣佢ge 餐牌真係勁多選擇, 有飯, 有麵,有小食, 有串燒等等! 仲有勁多特式野飲!!班蘭雞花膠湯粉皮 $78呢個真係又好味, 又養生!! 雞湯湯底加好多瑤柱碎, 仲有大大舊花膠,蟲草花,杞子等,絕對係真材實料!! 雞湯味好濃, 無加味精! D 粉皮吸收晒D 湯ge 精華, 勁好食! 至於雞肉大大舊, 唔算多骨, 又好滑! 推薦!!巴東牛肉班蘭尖塔飯 $88正常發揮，重點係佢個班蘭尖塔飯又打卡樣，又好食！！佢ge 班蘭味岩岩好，跟埋牛肉食口感豐富！牛肉沙嗲 $56個沙嗲醬又多又好食！！d 牛肉好嫩，一d 都唔un!最後仲叫左芒果沙冰同珍多冰！唔會太甜！一人先$100 鬆d, 銅鑼灣黎講呢個價真係抵！

印尼菜 可能唔係大家經常會想起會去食嘅餐， 今次都係因為咁啱身處銅鑼灣又想食臭豆 所以就搵到呢間「班蘭葉」。 門面比較唔顯眼，其實成日都經過佢門口， 但係無留意係 餐廳， 成日以為只係一間賣糕點雜貨嘅南亞小店，餐廳內亦都唔係好大，睇佢嘅裝潢同餐牌等都知道其實佢己經喺呢度一段時間， 真係有眼不識泰山喇。 講起印尼菜， 最多人熟悉嘅可能就係佢地嘅牛丸：白鬚（Bakso） 。 所以嚟到都第一時間叫個細白鬚先， 好彩叫左細， 佢地嘅份量都幾夠，連埋配菜等等如果唔太餓已經可以當一餐， 見到佢嘅沙嗲拼盤除左雞牛羊仲有白鱔串燒，白鱔完全無失望， 同埋佢個沙嗲做得好好， 好香好滑。炸碎雞臭豆飯就真係不得了， 上枱嘅時候店員姐姐講左一句「好勁呀， 可以食咁辣」， 聽完之後呆左， 本身都無諗住係辣嘅， 事實， 係真係辣， 係有後勁果種辣， 慢慢build up 果隻， 炸雞上面果啲先係精華， 有椒有蒜有蝦乾等等， 好惹味好爽， 不過係真係堅辣珍多冰就正常發揮啦， 另外叫左個香茅可樂， 嚟到係一個冰底入面有枝香茅， 再加一罐可樂， 飲嘅時候， 係飲唔到香茅味嘅～！！呢間回頭率都高，都好想試埋佢其他野食會有

What a surprisingly fabulous Indonesian restaurant in CWB 😍十分推介👍🏻We ordered this 2 main courses . Super full !!! The size is big. We love the taste so much ❤️💖 😍 the price is surprisingly cheap ! we won’t miss this signature dish ~ Cheese 🧀 fried shrimp 🦐 👍🏻must give it a try as it is very worth-trying food. the taste of sauce is good! The seafood is fresh. What’s more? The 倉魚is so mouth-watering that i must praise 👍🏻 perfect match with the 花膠粉皮🥰 the fish is crispy and fresh too The snacks are

去銅鑼灣睇戲去周邊行吓睇吓食咩好朋友話想食印尼菜朋友話附近有條街姐姐好鍾意係果度周圍行應該有印尼菜食就係糖街近圓形天橋見佢門口有小食,班蘭蛋糕有調味料,唔少得印尼蝦片仲有炒飯細細份$28 啱晒女仕份量另外有午市套餐供應晚餐只有散叫第一次見印尼菜有花膠叫花膠粉皮另外叫咗個印尼飯有個係三色飯包括(班蘭飯+黃薑飯+椰汁咸魚仔飯)我地叫咗個"炸魚三色飯"二件配菜：綠豆餅 + 炸豆腐炸魚係來自印尼黑鰂魚店主推介特飲：班蘭沙冰味道清新但係飲飲吓中間會變咗冰柱唔同出面錦錦的店主推介特飲 : 箭葉果混桔蜜混桔係三種材料(箭葉果+檸檬+柚子蜜)味道似青檸本身係熱飲轉凍飲要加$5門口小食櫃面店舖入面大約六張4人枱一張二人枱比較密集

行過好多次都未食過, 只怪銅鑼灣太多選擇, 今次就試下佢炸碎雞臭豆飯 - 碎雞意思係雞件而唔係雞肉碎, 印尼野都會炸到偏乾, 不過內裡都仲有肉汁, 面頭淋咗海量辣椒、蒜、魚乾炒臭豆, 非常香口惹味, 辣到十足, 撈飯一流, 旁邊豆餅同豆腐都特別細白鬚牛丸湯 - 以為細細豌點知都十分足料, 2個人都分到2大豌沙嗲拼盆 （雞x2，牛×2，羊x2，白膳x2）拼盆啱哂貪心試多幾樣嘅我地, 最出色係燒白膳, 保留到鮮嫩, 外皮香得嚟帶D煙韌珍多冰 - 合乎預期地偏甜, 珍多(用糯米粉加斑蘭葉染色嘅綠色粉條)就浸得太耐, 冇咗應有嘅質感爽滑印尼黑咖啡 - 用咖啡粉開, 一飲就有粉粒香茅青檸可樂 - 睇落好多香茅, 但味道完全唔出, 青檸味都偏輕, 淨飲可樂會開心D

🥓 巴東牛肉飯 $68好大份嘅牛肉飯！唔好睇好細細地擺係一邊，但係果度成堆都係牛肉😌牛肉炆到好淋，又唔會乾柴柴👍🏻不過個人認為口味偏淡，適合想食清淡啲的朋友✋🏻旁邊有雜菜🥗同咖喱雞飯嘅配菜係一樣，但呢個同平時茶餐廳嘅配菜唔同，佢地會配上甜甜地的醬，有比較重的花生味🥜 比較特別～跟餐配左熱的印尼紅茶☕️跟茶包上，唔甜！同平時飲的茶葉茶分別不大🙊🍛 咖喱雞飯一嚟就聞到好濃嘅咖喱味，但係入口又唔算太鹹，味道甜甜地幾特別🫶🏻有啲似日式嘅咖喱咁！而且啲雞都好滑，個人應為值得一試🧡跟餐飲熱奶茶🧋茶底幾濃縮，鍾意飲奶茶嘅人可以一試🕶

🔺 班蘭葉印尼餐廳 (銅鑼灣)日日都要諗三餐食咩真係諗到頭都爆🤯呢間成日都會經過都又唔敢入既餐廳，今次係朋友既驅使下第一次食印尼菜～入到去d 姐姐個個都識講廣東話，點餐完全冇問題👌🏻而且仲好好客～🔻雜菜燒半雞飯($88)半隻雞都幾大隻😯外皮甜甜地燒完入面d 雞肉仲好嫩滑多汁～個汁偏辣帶甜，撈飯食好惹味😋🔻雜菜燒魚飯($98)一上枱嘩一聲，條魚大過隻隻手掌😱調味同燒雞一樣都係甜甜地既醬汁，燒完個皮脆肉滑，條魚厚身啖啖肉，好好味😍🔻珍多冰（$28)椰汁底香濃，甜度適中，綠色條條偏淋，個人比較中意有咬口多d~🔻綠豆冰（$28)同樣椰汁底，綠豆份量多有咬口，好似甜品咁食好滿足～

真係第一次食正宗嘅印尼菜，位於銅鑼灣一間叫班蘭葉印尼餐廳pandan Leaf既印尼店，又係我最愛嘅斑蘭，佢門口原來係印尼雜貨店，經過小巷入去裏面就係餐廳，夠晒隱世😆，面積唔算大，但佢周圍既裝修都好有格調，完全襯托出印尼既特色，佢哋都係電子落單，我地揀左幾款菜，食得出味道都迎合返香港人嘅口味，令我覺得印尼菜其實都真係唔錯同非常值得推介😍😍😍印尼菜其中一個特色就係佢哋都係五彩繽紛，就好似呢款🍗燒雞斑蘭尖塔飯咁，佢嘅尖塔飯好有特色，綠色嘅就係斑蘭味，其中有個款係三色飯，會有薑黃，斑蘭同埋椰漿飯，佢哋嘅器具都好特別，碟係用咗竹藤編織而成的，除咗斑蘭尖塔飯外佢另外有半隻燒雞，黃豆餅同埋自製醬汁，份燒雞經過醃製燒得好均勻，有微微既蕉香味，肉質都爽嫩，食落唔會乾爭爭，所以燒既時間都係好重要，其次係佢嘅飯，佢嘅米同平時食嘅有啲唔同，但重點係佢嘅斑蘭，斑蘭唔會過分重，溝落飯到嘅份量啱啱好，唔會太油亦都唔會咸，總之唔會有多餘嘅味道，絕對唔會影響本身飯嘅金香味😋😋😋🐮燒牛仔骨花膠湯粉皮:呢個牛仔骨真係有意外驚喜，佢嘅醃製醬料唔識點形容佢嘅味道，甜甜地，非常特別，都係將牛仔骨煎到有啲燶邊，感覺好似燒烤醬咁，

話就話係四大天王得兩舊雞+巴東牛肉+椰汁咖喱雜菜+花生魚干仔就叫「四大天王」！仲要收成$78 一個 lunch set.有d 過份，雞肉係好「鞋」既但係牛肉同花生又真係幾香口既。我明白本身想咩都試d ,四樣野預左係貴d 同份量少d但唔會預想到係包括雜菜同花生囉！咁就當兩個餸hea我不如比個健議你，叫得四大天王，緊係你地店既招牌野啦，你個咖喱雜菜轉做咖哩雞，但係整體份量可以少啲，客人心裏面都會舒服啲如果我一早知個餐係咁，我會食佢個牛肉飯，有一說一牛肉係唔錯既。$68包埋野飲但真係好失望，以後都唔會再試

一直都知銅鑼灣有間印尼餐廳，餐廳出面擺咗好多不同種類嘅印尼特色小食，經過好多次都未試過，今次終於有機會試了～一入到去餐廳空間雖然唔大，但成個感覺都好有印尼地道風味🤭店員好快遞上餐牌，見到有好多款印尼風味嘅小菜同套餐，款款都好吸引咁～特別係啲飲品同甜品，種類超多，全部有圖有真相🤤黃薑三寶飯個雞勁嫩滑，飯有少少黏口，配埋啲雜菜一齊食層次好豐富；牛肉質地似牛腩，醬汁有少少香料調味，配合醬汁味道絕配～個尖塔飯形狀特別，尖塔超吸晴，推介👍🏻高良薑脾菇撈麵個撈麵同樣好大份✨個脾比想像中大件，炸得好香脆，配埋佢哋個辣醬好惹味，而且芽菜好多，解膩一流。至於個印尼撈麵有沙嗲味，麵質煮得啱啱好，帶點煙韌，諗返都好耐無食過印尼撈麵，一食就停唔到口！我覺得喺呢度食撈麵種感覺同屋企極唔同，寧捨好味㗎～嘢飲方面叫咗兩杯珍多冰，都幾足料㗎，果然真材實料✔️呢間印尼餐廳我個人嚟講十分喜歡，鍾意食東南亞美食嘅人一定要嚟試吓呀！

超正宗印尼菜銅鑼灣天橋附近有唔少平價餐廳 呢間食印尼菜嘅小店非常值得一試印尼羊肉沙嗲飯團羊肉串燒個醬真係超級惹味 咖哩雜菜味道都唔錯 至於飯糰有五塊 但口感似糕多過飯 有少少食唔慣黃薑三寶飯黃薑飯堆到一個塔嘅樣好搶眼 三寶分別係雞 配特色醬嘅雜菜 同埋巴東牛肉 巴東牛肉同雜菜嘅醬都好惹味飲品叫咗雜錦冰同埋印尼咖啡涼粉冰 咖啡味道唔錯 雜錦冰入面有好多料 連牛油果都有 少少似飲緊燒仙草總括而言 主菜兩道主菜加兩杯飲品埋單大約$200 雖然餐廳比較細 但呢個價錢食到正宗嘅印尼菜都非常抵

班蘭葉印尼餐廳(銅鑼灣)✨✨✨✨✨✨✨香港的印尼餐廳選擇不多，經親友介紹，好食又地道的有位於銅鑼灣這一間班蘭葉，姐姐愛幫襯之餘，好多印尼華僑都去食，足以證明夠地道。店舖細細又帶幾分昏暗，牆上面有傳統的民族裝飾，而門口玻璃櫃有很多印尼小吃，餐牌食物亦款式繁多😝小編有很多想試，無奈胃只有一個🙈✨✨✨✨✨✨✨評分：🍩🍩🍩🍩(out of 5🍩)1. 加多加多沙律 - 炎炎夏日的好選擇，這是印尼爪哇島料理，材料包括豆角、炸豆腐、印尼豆餅、飯團、雞蛋、耶菜等，再澆上店舖自家製的加多加多醬，味道類似花生沙嗲醬又帶一點微辣，非常惹味！個人覺得醬汁略微稀身了一點，若加上薯仔就會更加吸引！2. 箭葉果混吉蜜 - 飲品名稱相當有趣😆，主要是以不同地方的檸檬加上蜜糖，有泰國、印尼及香港檸檬🍋甜度可以自訂，就是檸蜜的味道，而檸檬香特別強！「一啲都唔混吉😂」🌟店員姐姐可以用流利廣東話溝通整體來說，味道是很不錯，以印尼菜來說是略有點貴，但銅鑼灣租金貴，食物有質素就可以😌小編會再去試埋其他地道菜！溫馨提示： 只收現金，冇帶的話都係洗碗啦😝！

平時真係好少會食印尼餐廳今次真係朋友介紹話呢度嘅嘢食好食咁啱經過就決定試一試一間小店估唔到個餐牌款式非常多起碼都有五至六頁 多到影唔晒選擇困難嘅朋友應該所有嘢都想試所以試一試朋友推介嘅雜菜燒魚飯同埋巴東牛肉飯仲有唔少得一定係叫椰漿飯巴東牛肉飯非常好食牛肉好香個汁好濃再加埋椰漿飯嘅配搭味道一流 絕對值得推介俾大家燒魚同樣地都係好食最主要都係魚嘅將配搭得好好少少甜但有燒烤嘅香味條魚嘅份量都大條 好食至於另外再叫咗小食拼盤分別有雞塊雞翼炸秋葵炸芋頭同埋炸豆腐最好食嘅係炸雞 味道出色相信醃料覺得份量足這樣雞翼有少少偏乾身炸秋葵都係一個幾特別嘅食物其餘就正正常常另外要講講呢度嘅刨冰睇相望落去好吸引五顏六色一上到枱真係有少少嚇親 因為真係超級大杯！一個女仔絕對唔會食得晒😆但如果貪心又想試晒唔同嘅嘢當然可以叫入邊有平時食珍多冰嘅綠色一條條有粉紅色再有黑色嘅兩份再加埋龍眼肉牛油果而冰係粉紅色絕對係七彩顏色嘅配搭 打卡一流至於呢一杯斑蘭沙冰 你特別有特色淡淡的斑蘭放入口正下次絕對想再嚟呢度食下朋友仔果然冇介紹錯

銅鑼灣嗰條大天橋嘅地下有一間印尼舖，其實我之前成日經過見到門口買印尼食品椰汁糕嗰啲，但原來入面喺餐廳可以堂食！今次值得推介下，尤其中午有lunch set包飲品，餐牌款式亦非常非常多，飯麵小食串燒特飲好多款。就係位於天橋附近～Lunch set👓班蘭雞尖塔飯 $68算係餐廳嘅招牌菜，餐廳叫班蘭葉印尼餐廳不過好似得依款菜含班蘭葉🤔😂anyway個飯相當特別因為平時類似海南雞飯都係用上油飯，但佢係綠色而且外型砌到成座塔，味道有輕微椰奶味但唔算去到好濃烈，反而冇我想像中好濃郁嘅班蘭葉味，班蘭葉本身冇乜味道不過例如班蘭蛋糕會有好香嘅班蘭味，但個飯當中有啲綠色嘅葉粒疑似係班蘭葉，咬落似蔥粒口感😂雞方面份量都算多而且厚肉嫩滑，不過唔算話太大特色只係好普通嘅滑雞，上面反而灑上杞子好養生喎。附有兩種醬汁-泰式青辣椒醬、甜豉油。另外仲有碗雞湯，但飲落去比較似胡椒湯。以銅鑼灣地段來講呢個價錢算抵食仲要有湯、好大碗飯、包埋餐飲。飯底超多，大食人士啱晒。評分：8/10👓特色印尼炒飯 $88賣相相當之靚，雖然價錢唔算好平不過份量好大碟，炒飯底相當多，配料亦豐富有兩串雞肉串燒係好食相當惹味，旁邊有啲青瓜粒同蕃茄中

好耐冇出去食飯啦！過海嚟到銅鑼灣，見到呢間好多人等，決定食呢間印尼小店！首先，舖頭細細但係入到去裝修都幾別緻。叫咗一個羊肉沙嗲串燒，唔好睇羊肉細細㗎但係好入味，配埋嗰個醬汁更加夾！之後不得不叫既係三重芝士炸碎雞撈麵，首先芝士已經非常吸引！仲要有三隻芝士非常正配埋撈麵勁入味！然後炸雞最重要嘅係有秘製辣椒，辣椒好入味加埋真係幾辣，配埋辣椒加芝士撈麵超級好味😋第一個主菜已經非常滿意！另一個主食嗌咗巴東斑蘭尖塔飯，一定唔可以唔食就係呢個綠色嘅飯，食落去有浸淡淡的椰汁香味，有種優雅嘅味道！配埋非常入味嘅巴東牛肉，一濃一淡啱啱好！香料味道好特別，大家可以試吓，感受一下係印尼風情！最後一定要叫返一杯斑蘭沙冰！斑蘭好適合同香料重嘅餸菜配埋一齊飲，有煥然一新嘅感覺可以解解油膩感啊！最後值得一讚嘅係，店員嘅服務態度好好，好友善同埋能夠顧及客人嘅需要。所以我明白點解呢度咁值得大家一齊幫襯，希望有好嘅生意！