班蘭葉印尼餐廳

營業中

休息中

今晚雖然落大雨，但冇損與朋友來到銅鑼灣班蘭葉印尼餐廳享受一頓豐富的印尼晚餐！☔️☂️原來晚上店舖都有很多客人，坐滿曬！要企在外面等位， 呢個時候就讓我在外面拍幾張照片吧！因為外面是小舖頭，可以買印尼特色糕點小食及飯類！等咗約十分鐘終於可以入到店舖享受印尼晚餐！店舖雖小但裝修感覺似印尼特色， 職員大多是印尼人，但講廣東話算係好叻，親切地介紹我們吃什麼食物選擇兩個主食、兩杯特飲及一個小食✡️主食： 燒雞班蘭尖塔飯💸💸98見到碟燒雞送枱上已香噴噴！想咬一啖落去， 加埋啲班蘭尖塔飯，都係第一次食到甘香班蘭味及燒雞肉份量大隻，雞肉嫩滑！👍✡️✡️主食： 牛骨白鬚牛丸湯💸💸88對我來說呢碗麵好有新鮮感！因為佢係湯加油麵、牛丸數粒且彈牙及一嚿大牛骨牛丸，感覺好特別好好食！內裏仲有好多芽菜及葱，令到整碗湯麵好豐富， 仲有好濃嘅胡椒味！🧂✡️✡️✡️ 小食： 炸蝦卷💸💸45新鮮炸出嚟的蝦卷零舍唔同！外脆內有蝦味， 好好味呀！點埋啲甜酸汁仲好味！✡️✡️✡️✡️ 特飲： 新鮮椰青💸💸38新鮮開嘅椰青非常清甜！食印尼野吾可以冇左佢！✡️✡️✡️✡️✡️ 特飲： 椰汁冰💸💸48呢杯飲品好夠凍、椰汁味夠濃又夠香呀！

銅鑼灣糖街銅鑼灣商業大廈地下有一間班蘭葉印尼美食，嗰度嘅座位唔係太多，所以如果食晚飯最好就早啲去。我哋兩個人叫咗個印尼小食拼盤，拼盤嘅炸雞香脆好食，仲有特別嘅黃豆餅，雞翼同埋豆腐等。班蘭燒雞尖塔飯價錢唔係太貴，燒雞配上甜甜辣辣嘅豉油，特別開胃。有斑蘭葉汁嘅飯，顏色翠綠，我哋都食得好滿意。虎蝦花膠湯粉皮女人都鍾意，因為有骨膠原，有三大隻虎🦐，啲粉皮非常之滑，味道都唔錯。椰青健康又有益，所以每次食印尼我都會叫椰青。

銅鑼灣糖街銅鑼灣商業大廈地下有一間斑蘭葉印尼美食，佢嘅舖頭雖然係細細間，但係坐卡位都好舒適，因為座位唔係太多，所以晚飯時間在6:30pm左右去食就最合適。有時食得太多中式晚飯，也想轉下口味，今日就決定去斑蘭葉吃印尼美食。兩個人每人一個主食，兩個飲品加1個小吃，已經非常足夠和滿足。我地要了印尼小食拼盤，有炸雞兩件、炸豆腐兩件、兩件炸黃豆糕、兩隻雞翼同埋兩條炸秋葵，炸雞真係好鬆脆，又入味，炸黃豆糕都好特別，配甜酸醬汁來吃，飽肚有益。$88嘅小食拼盤，真係大件夾抵食，又好食。燒雞班蘭尖塔飯係我哋唔會錯過嘅飯，燒雞惹味香口，配上甜甜辣辣嘅豉油同埋色彩翠綠的班蘭飯，我哋都食得好滿意。虎蝦花膠湯粉皮係我最鍾意食嘅，有三大隻虎🦐，時間炸得啱啱好，加上花膠湯，又滋補又有骨膠原，係必食之選。椰青健康又有益，箭葉橙混吉蜜，酸酸甜甜，我們要了凍的，覺得有特色又解渴，今天的晚餐真令人開心🥳！

雞髀班蘭飯大大隻炸雞髀配以黃豆餅同炸豆腐，全部都係新鮮熱辣！炸雞髀夠大隻又脆；班蘭飯整成尖塔型，賣相靚又夠大份，而且食落啖啖都係清香班蘭味，食食下仲會見到D班蘭葉片，可見你貨真價實╴呢個飯真係食到停唔到口！印尼炒飯炒飯好夠味，香濃又有微辣，本身炒飯又會有D雞絲，豆菜咁，再配埋雞串燒，蝦片，整體好正宗又好食；如果覺唔夠辣，仲可以加埋旁邊嘅辣椒仔醬，食少少都辣到飛起！椰青餐廳入手嘅椰青夠清甜，椰肉都好薄好滑，好內未飲過椰青嘅我飲得好開心！！班蘭沙冰超級大杯！飲極都飲唔晒！夠凍而且好香班蘭味，飲完真係透心涼小食拼盤有炸雞、雞翼、黃豆餅、炸豆腐同炸秋葵。黃豆餅係第一次試，好有印尼特色，而且味道好特別，咬落粒粒豆，再沾埋泰醬食，都唔錯～其他食物就好岩印尼姐姐口味，都係煎炸野多！

同事想吃印尼菜，於是去了銅鑼灣糖街1至5號銅鑼灣商業大廈地下B2舖~班蘭葉印尼餐廳，港鐵銅鑼灣站E出口，步行約3至4分鐘。晚膳時間尚早，這店已經人來人往，由其是印尼人士，相信店內食物必定有印尼菜的特色和風味，店內面積不大，前舖是印尼小食櫃檯，後面是食客的地方，充滿著印尼特色和裝飾。店員禮貌招待，推介店內招牌食物和小食，由印尼廚師泡製家鄉小菜，印尼菜式、飲品很多，配搭豐富。烤柚子雞翼$58雞翼烤至表面微黃，肉質鮮嫩多汁，外酥內軟，甜酸適中惹味。燒牛仔骨飯$78焦香牛仔骨，肉質鬆軟淋滑，調味帶甜很惹味，配上秘製醬汁，餸飯時更覺可口。印尼花膠湯班蘭雞配白飯$78賣相很豐富，花膠四大件，件件厚身又彈牙，還有一件厚切螺片，味道鮮味彈牙，湯的配料非常豐富，有瑤柱碎絲、蟲草花、杞子、紅棗，啖湯非常濃郁結口，火喉十足。班蘭雞件，件件黃油軟滑，肉質鮮嫩多汁，這份套餐極之抵食。芒果沙冰$48、珍多冰$28香濃芒果肉醬打至沙冰，味道鮮甜，為炎炎夏日消暑解渴，美味飲料。珍多冰椰香很濃，清香甜味夾雜著印尼珍多，清甜好飲。

印尼四大天王飯 包括巴東牛肉、小魚乾花生 、雞、加多加多。巴東牛肉個汁好惹味，加埋炸得香口嘅魚乾花生一齊食幾好餸飯。另外個雞幾滑，加多加多 就係加左沙嗲醬嘅菜，個醬甜甜地幾特別。印尼炒貴刁 炒得幾惹味，入面有啲雞肉同菜心，份量幾大。辣醬放係一邊，可以自己控制辣度。印尼小食拼盤 包括烤柚子雞翼、炸雞、炸黃豆餅、炸豆腐、炸秋葵。每款都有兩件，配上甜辣醬，又係岩哂想試哂唔同小食嘅人。牛油果沙冰 沙冰入口好綿，係濃濃嘅牛油果味。另外加左朱古力醬，飲落唔明顯，所以唔會太甜，味道感覺上比較天然健康。 柑桔青瓜冰 好特別嘅配搭，每一啖都會飲到青瓜絲，柑桔酸味唔突出，但飲落幾清新。

見Openrice見好多人都recommend呢間印尼小店去左試，真係唔錯Nasi Pandan Ayam首先叫左班蘭雞尖塔飯，一開到見到個尖塔飯已經覺得好吸引，食落有淡淡嘅班蘭味～雞係類似海南雞咁凍食，keep到嫩滑唔會好鞋跟飯仲有一杯湯送，有啲牛肚，重胡椒味好開胃Nasi Lemak Pandan呢款啦斯啦媽班蘭飯相對豐富，有齊6款特色印尼配料e.g. 炸雞、豆腐、豆餅(?😂) etc 可以比本身少機會食印尼野嘅我try tryPenyet Jamur小食叫左炸秀珍菇，菇同皮嘅比例剛剛好，好脆又唔會覺得太油膩，食到停唔到口🤣Es cendol Pandan / Es ketan Hitam食印尼野點少得珍多冰，今次再叫埋比較少見嘅黑糯米特飲，兩杯都好唔錯，多料個人覺得黑糯米個杯無咁甜，黑糯米味突出啲

朋友介紹 話佢屋企個印尼工人姐姐好鍾意食一間印尼菜 今日放工我地專登去試試 餐廳入面大部分都係印尼人 好好客 感覺好似去左旅行咁 美食方面好好多選擇 我地真係樣樣都想試 印尼四大天王 ＄78呢個必點 一個價錢試晒4樣 有雞 牛 沙律 魚仔乾 好滿足 雞好滑 牛入味 特別鍾意魚仔乾 又脆又香口 魷魚鬚白鬚牛丸湯麵＄88入面好多料 有牛丸 魷魚鬚 牛肚 豆卜 好豐富 牛丸好juicy 豆卜牛肚都好好食 炸秀珍菇＄38好有驚喜 估唔到菇係可以炸到咁正 又鮮甜又香口 配合出辣椒醬勁好味 仲超大碟tim 箭葉橙混吉蜜＄28 （凍另加＄5）好飲平時飲ge柑桔蜜咁 但可能加左箭葉 感覺更加fresh 桂皮箭葉橙蜜＄28朋友同我一樣 想健康d 揀左橙蜜 我試左啖 呢杯加左桂皮 感覺再fresh d 正 總括而言 朋友個印尼姐姐果然冇介紹錯 終於可以試到印尼菜  估唔到又幾好食 下次想試埋龍蝦餐

食盡銅鑼灣之印尼菜 — 班蘭葉印尼餐廳—————————————————————今日夜晚去銅鑼灣接完摩，見到有間印尼菜都幾多人係門口等，雖然我平時對印尼菜既印象都係好油膩同重口味既感覺，但睇完menu又覺得可以一試🤔🧐🔸斑蘭雞半隻 $90睇圖見到斑蘭雞賣相唔錯，雖然唔明雞要點整斑蘭味😬，黎到d雞食落好滑又有雞味，感覺好食過出面海南雞👍而原來係配一隻辣辣地既斑蘭醬🤣🔸 雜菜黃薑原條炸魚飯 $88呢個炸魚又幾有驚喜，平時都好小食炸魚，以為會好鞋，但原來炸出黎出面好脆得黎入面d魚肉好軟滑，而且條魚仲要唔多骨，鍾意食魚既朋友唔好錯過！😍🔸 羊肉沙嗲三串 $58羊肉配沙嗲冇得輸，羊騷味有小小重，加埋沙嗲好滋味！🔸 椰青水 $38無得去泰國旅行，一見到椰青水即刻要叫番個！💚涼陣陣又清甜又新鮮，正！💭Overall comment:鋪頭環境唔大，位置唔係好多，但都keep住有人排隊就知道聲譽應該唔錯，老闆亦都好有禮貌，一有大台就安排客人唔洗搭台😁 食完之後對印尼食物改觀！真係幾好食，可以一試再試！🍽食物: 8/10🌌環境: 6.5/10👔服務: 7/10🎖CP值: 7.5/10

朋友最近好鍾意試新菜系，今次話要帶我試印尼菜，而我之前從來未食過，唯一食過既就係印尼撈麵🤣，於是抱住好奇心去試。如果唔係朋友介紹，都真係唔會發現呢間小店，因為門面好隱蔽，仲以為只係一間賣小食既舖頭，但原來內裡就係餐廳，座位大約二十個。班蘭雞尖塔飯($68)呢個係店長推介，班蘭飯既顏色好靚，淺淺既綠色，堆成一個小尖塔。附送左一碗湯以及兩種醬，一個係甜醬油膏，另一個係帶有酸辣味既薑蓉。班蘭雞同海南雞好似，其實我食完都唔太識分，同樣係肉質好嫩滑，美中不足係有小小骨。炸魚三色飯($158)三色飯係包括班蘭飯、黃薑飯，以及椰汁飯，堆成左三個小尖搭，好吸睛。條炸魚比想像中大條，原條炸完直上，除左魚外，仲配送左啲蔬菜同特包豆餅，都幾豐富。條魚炸得好香脆，用左好多調料去炸，所以食落唔會腥，食得辣既仲可以點佢配既辣汁，但真係幾辣下。雞肉串燒三串($48)串燒都算大串，雞肉表面塗上左甜甜地既燒烤醬，就咁食已經好好食。但係！個沙嗲汁好有驚喜，好多餐廳既沙嗲汁好淡又好稀，但佢呢個既花生醬味好濃味又好濃稠，值得一讚。班蘭箭葉橙蜜($28) 平時去東南亞國家，成日會食到果種綠色三角形班蘭糖，呢杯飲品就係果隻味，味

平時係銅鑼灣行街，都係行大街多，好少會經過呢邊。今日行過呢度，門口細細，以為只係賣印尼小食，但只要細心留意，就會發現佢原來係間特色餐廳，本著行過路過唔好錯過，一於試下先。餐廳面積唔係特別大，裝飾有特色。侍應好細心，會為我地介紹有乜嘢地道特色食物。我地最後揀左兩個主菜同飲品。印尼四大天王飯，有四款印尼特色菜同飯一齊食，一次過滿足貪吃嘅我。最欣賞係魚乾仔花生，好脆口，伴飯食特別有口感。班蘭雞雞髀好滑，雞味又重。巴東牛肉份量唔少，肉質軟稔，如果多啲汁會更好。印尼花膠湯班蘭雞粉皮，真材實料，好大塊花膠呀，感覺食左膠質即刻提升。粉皮好滑，入口即刻sir入喉嚨，仲要吸左花膠湯精華，特別好食。雞嘅份量大大份，雞肉厚實但唔嚡口，雞皮唔會有太多脂肪，連皮食都唔會覺得油膩。飲品揀左柑桔青瓜冰同雜錦冰。柑桔青瓜冰好足料，好fresh, 好啱夏天飲。雜錦冰色彩繽紛，綠豆，涼粉，唔同顏色嘅粉條都有，仲有牛油果肉係表面，椰汁香甜，同糖漿比例啱啱好，貪心嘅我咩都試到覺得好滿足呀。特別一讚，老闆除左會介紹美食外，仲會問下食客對食物嘅意見，傾下計，呢啲就小店嘅人情味。

🌟斑斕葉印尼美食（銅鑼灣）🌟今日先知銅鑼灣糖街有一條印尼美食街， 成條街都係印尼美容，餐廳，雜貨店等等… 其中有一間餐廳評選為OPENRICE 十大受歡迎餐廳，pandan leaf Indonesian food。睇上去唔算大算，但係內有乾坤。入面既裝修極具印尼風味。 餐單選擇繁多， 但由於印尼係回教國家，肉類嘅選擇就多數係魚牛雞。 飲品方面椰汁冰就必試。 🌟峇里火焰燒雞（$198）🌟全隻既風味燒雞，價錢超值。 啖啖嫩滑香烤既雞肉，而且好多肉汁，加上秘製香茅甜醬，非常之惹味。但兩個人食真係眼闊肚窄，完全食唔晒。建議4人分享差不多，包你食過返尋味。🌟總統古法燒飯($148)🌟 呢個係另一特色菜式，傳統既印尼飯包裹在芭蕉葉裡面，味道更香濃。仲有炸雞鎚大大支同炸豆腐，仲有一舊炸黃豆， 有少少似椰漿飯，配上超惹味辣到口水鼻涕一齊流既辣魚仔乾，真心好食。但嫌飯裡既魷魚仔有啲咸。 🌟馬拉盞秋葵（$68）🌟嫩幼既秋葵炒得好香蝦膏味，而且超爽口。加埋鮮甜蕃茄，更惹味。🌟青檸梳打（$28）🌟大大杯既青檸梳打，飲到蜜糖同青檸既味道，解辣之選。 🌟黑糯米特飲（ $28 ）🌟另一必叫之選，呢度所有椰汁底既飲

由細到大食得最多嘅印尼菜就係印尼撈面😂 真係冇試過其他印尼風味嘅菜式🙈今次搵到嘅隱世小店就係位於銅鑼灣嘅班蘭葉印尼餐廳🌱 雖然係銅鑼灣糖街嘅鬧市🏘 但以前都冇留意到佢嘅存在🧐 事關佢嘅門面唔係好大🤫 好多次行過都以為佢只係一間印尼雜貨鋪😬 而家先知道原來佢仲係一間餐廳😂食物方面當然都充滿印尼風味😜 價錢仲好抵添🤑 想轉下口味試新野嘅朋友都可以去幫襯下呀👍🏻👉🏻 印尼四大天王飯🍱💰HKD7️⃣8️⃣第一次正式食印尼菜緊係想試多幾款啦😝 呢個飯有齊班蘭雞🐤 巴東牛肉🐮 炸魚仔🐟 同印尼沙律🥗 份量十足❗️👉🏻 印尼花膠湯斑蘭雞配粉皮🍜💰HKD7️⃣8️⃣原來除左香港人之外 印尼人都鐘意食花膠🤣價錢仲相當吸引😝 粉皮有啲似卷埋左嘅陳村粉 而且都幾有咬口 卷狀嘅粉皮仲可以鎖住啲花膠湯👅👉🏻 烤柚子雞翼🍗💰HKD5️⃣8️⃣雞翼有5️⃣隻😋 熱辣辣嘅烤雞翼配上柚子汁更惹味👍🏻👉🏻 班蘭葉上海刨冰🍧💰HKD5️⃣8️⃣呢個超級大杯冰既味道有少少似珍寶珠既草莓牛奶味🍓仲有龍眼肉都幾特別🤪👉🏻 青檸梳打🍋💰HKD2️⃣8️⃣加一服務費❌

銅鑼灣糖街一帶食肆有很多，特別是東南亞菜有挺多選擇😚，這次就選擇一家以印尼菜為主的。店舖大部食物以班蘭做菜，令到食物有天然的綠色，加添一份香甜味。環境雖然不大，0但裝修特別。-▪︎班蘭箭葉橙蜜 HKD$28 | 咖啡沙冰 HKD$48兩杯飲品各具特別，味道挺香口的。班蘭箭葉橙蜜味道香甜，是杯挺潤喉的飲品😚。咖啡沙冰賣相吸引，咖啡味道香濃，夏天飲挺透心涼的。-▪︎炸豆腐 HKD$38小食一份有四件，金黃色的賣相很吸引🤩。炸豆腐口感酥脆，做到外脆內軟的口感。過了一陣子再吃，炸豆腐口感仍是脆的。-▪︎班蘭雞尖塔飯 HKD$68這個是店家推介食物，尖塔飯用班蘭制成，所以味道香甜 飯質口感煙韌。雞肉大大件肉質嫰滑🤤，雞皮爽脆不油膩。裡面有兩款醬汁配雞吃，還有胡椒湯拌著飲。-▪︎正宗印尼咖喱雞飯 HKD$58吃印尼菜當然不少得咖喱，印尼咖喱多了一份微酸的味道，跟平時吃的略有不同的。咖喱味道也很濃郁，雞肉吸入醬汁挺入味的。這個飯底是油飯，感覺香口粒粒分明。-

·初嚐香港正宗嘅印尼菜 出乎意料地啱口味｜д•´)!!比我想象中多香港本地食客嚟~~《⭐️四大天王飯》💰78啱曬選擇困難症(咩都想試啲啲)又貪心(想要多幾款餸)嘅人😌四王每款都係跟一隻唔同嘅🇮🇩醬汁有《🍊柑桔青瓜冰🥒》💰28清新得嚟又有啲酸酸maymay 好解膩、消暑一流🤩《☕️咖啡涼粉冰🍸》💰38帶少少甘香☕仲有大量嘅涼粉條 口感好豐富😋⚠️最緊要兩杯都唔會覺得超甜ଘ(੭ˊ꒳​ˋ)੭✧ 值得一試 ✌︎📍 班蘭葉印尼餐廳(銅鑼灣)糖街1-5號銅鑼灣商業大廈地下B2舖