班蘭葉印尼餐廳

營業中

休息中

班蘭葉印尼餐廳📍銅鑼灣糖街1-5號銅鑼灣商業大廈地下B2號舖平時好少食印尼菜，今日試到正宗嘅印尼菜，真係令我一試難忘，食物款式眾多食材也非常好，價格很親民酸辣蝦$148蝦肉彈牙爽口大約有8至10隻左右，味道酸酸甜甜，非常開胃午餐都有好多款選擇H，斑斕雞飯78雞肉非常嫩滑，烹調過程中加咗斑斕葉，令到雞嘅鮮味更加突出，旁邊有兩種特製嘅醬汁。加埋碗熱辣辣嘅清湯，最特別的就是米飯砌成尖尖，真係非常有東南亞嘅風情，夠晒特別N, 原條花膠湯米粉花膠有3 塊，非常大塊，又有彈性每一啖都充滿着骨膠原，每一條米粉都佔有花膠嘅湯汁，湯底鮮甜飲埋啲湯都唔口渴證明係真材實料，冇味精，入面仲有豆卜，杞子同菜作為配菜，夠晒飽肚燒魚加$12就食到魚嘅份量相當多，好大條，燒到外皮卜卜脆，入面嘅魚肉仲係非常嫩滑，外脆內滑，店員一放低已經聞到香噴噴午餐送咗杯熱柚子蜜，非常多嘅柚子，熱辣辣又香甜龍眼冰+$20，大大杯，咁炎熱嘅夏天飲一啖真係透心涼

搵銅鑼灣午餐有咩好食嘅時候，見到呢間好多好評就嚟試吓，係我第一次食印尼餐廳。餐廳唔係好大，得五六張枱，午餐時間12點幾嚟到，好彩都唔洗等位，店員係印尼人，亦都好多印尼人嚟食，同埋係keep住有人入嚟幫襯。有午市套餐，不過午餐都係得個主菜，冇野飲，價錢同主餐牌又差唔多，咁主餐牌就多好多選擇。叫咗個午餐印尼咖哩牛腩飯 $78加飲品原來有特價，叫咗杯青檸梳打有特價。咖哩好香，唔辣的，牛腩比較爽口彈牙，唔係好軟腍嗰種，旁邊堆配菜都幾好食。主餐牌嘅炸魚飯 $98好抵食，條魚好大條，估唔到有成條魚，因為單點一條魚係要$118，但呢個炸魚飯只係$98，仲以為係得半條，點知都係成條，好抵。叫之前唔知係咩魚，好擔心會唔會好多骨，結果係超少骨，只有幾條大骨。魚皮超脆，食落仲係脆卜卜，魚肉好嫩，唔鞋，亦唔乾，入面鎖住好多汁，同埋係超勁魚味。飯有白飯/黃薑飯/班蘭飯，炸魚飯係配白飯，又唔見有寫可以加錢轉班蘭飯。附上一兜辣蓉，唔知撈飯定點魚，食咗勁細啖已經好辣，用咗少少撈飯，用嚟點魚個魚味更突出。飯旁邊有舊豆腐，好軟熟好香豆腐味，仲有舊唔知乜餅。牛肉沙嗲串燒$38牛舌沙嗲串燒$42兩款都好香，牛舌好腍，牛肉有啲

好少會食印尼菜，係銅鑼灣行完街見到幾平，就入去試吓呢一間印尼菜。啦斯啦媽班蘭飯有炸豆腐，炸蛋，炸雞兩件，有塊用豆炸成的餅，仲有啲花生魚仔乾，個班蘭飯一聞係幾香班蘭味，入口軟硬適中，夾埋個好惹味嘅辣椒醬黎食，好好食；最估唔到個炸雞炸到外脆而入面係keep 到juicy。印尼炒米粉炒得好有鑊氣，調味都好適中，唔會過咸，同一啲都唔油，炒得好乾身，而且佢配料都好多。花枝丸沙嗲雞肉沙嗲兩款都嗌左兩串，佢個沙嗲醬好有驚喜，甜甜地又好香的椰奶味，個雞肉燒完都仲好嫩滑，好推介雞肉沙嗲，花枝丸沙嗲就正常，個沙嗲醬點咩食都會令食物昇華左。箭葉果混吉蜜甜甜酸酸飲完好潤喉薑檸蜜見到仲有薑絲係入面，薑味好重，飲完個人好舒服。班蘭施方蛋糕蛋糕好鬆軟，又有啲濕潤嘅口感，好香班蘭味。

香港甚少印尼餐廳，銅鑼灣麥當勞大廈附近有幾間🇮🇩呢間較出名，自己save咗好耐今次難得去嗰度實習，同朋友們試試有lunch set，包飲品▶️ 花膠雞湯斑蘭雞粉皮 ($88)招牌菜之一花膠雞湯勁濃郁，呈金黃色🧡入面唔少花膠、魚肚、杞子、紅棗、蟲草花、雪耳，食落甜甜地，養顏滋保另外仲有腐竹、豆卜第一次食湯粉皮，一卷卷似腸粉雖然有啲散，但食落滑捋捋又索湯，味道唔錯斑蘭雞出色😍五大件，多肉嫩滑雞皮爽彈，調味適中當然懶惰嘅我會希望佢無骨，更方便食用▶️ 斑蘭雞飯 ($78)都係招牌菜，班蘭雞同上面一樣只係換成綠色嘅班蘭飯💚食得出少少香葉味道🍚飯質黏黏地唔乾旁邊有雜菜配印尼沙嗲醬，健康均衡啲▶️ 花膠雞湯鴛鴦丸粉皮 ($72)▶️ 印尼正宗巴東牛肉飯 ($78)-味道比預期好食👍🏻尤其欣賞佢個雞甜品都唔錯，試咗個斑斕椰汁糯米糕，夠重椰漿味，口感煙韌軟糯環境同服務還好價錢以份量質素算合理去開銅鑼灣有興趣試印尼菜，不妨試呢間～

大家好今晚去了銅鑼灣食印尼野班蘭葉印尼美食就係維園對面店裏面好有特色首先點飲料斑蘭珍多冰都幾有椰汁椰糖攪伴後同埋斑蘭既啫喱一齊飲都好正宗另外一杯鮮奶薑蜜有好多薑溝鮮奶原來都幾夾主食點了印尼四天皇飯呢個飯一次過可以品嚐四種印尼食品當日有咖喱雞 斑蘭雞 加多加多沙律 同埋一些脆粒 斑蘭雞就有D似海南雞咖喱雞有幾多椰汁同炸蒜雞都係炸既外皮比較香脆仲有一件薯仔沙律就係豆角椰菜加左特制既醬汁脆粒就係一D花生魚炸香左可以用來送飯別一個主食係原條魚花膠湯粉皮 首先係湯粉皮 都幾似豬腸粉不過都有幾多花膠同埋仲有一件鮑魚燒魚係即燒要等十分鐘魚燒得外皮好脆 裏面仲好嫩滑我都估唔到燒魚可以有甘既效果最後點多了燒原條矮瓜 一共有四條特別在有特製既辣醬提供酸酸辣辣好有風味總括呢度既食飯都幾有特色

位於銅鑼灣糖街地鋪有家以印尼菜🇮🇩為主嘅餐廳 − 斑斕葉印尼餐廳🍴店鋪大部分食材🧄係用斑斕做菜☘️滿滿正宗印尼風味😁🐟燒魚三色飯三色飯好香 濃濃嘅斑斕味色彩繽紛睇起身好有食慾分別係🤍椰奶💛薑黃💚 🍚口感綿密香軟 有嚼勁一整條炸魚 好吸引 酥脆又嫩實仲有炸黃豆餅炸豆腐 搭配新鮮嘅青瓜🥒番茄🍅 讓整體口感更豐富🐔火焰燒雞高溫炙烤後嘅雞肉 肉汁緊緊鎖住於肉質食起身外酥里嫩 火候控制得恰到好處香甜可口 食得辣嘅可以蘸埋自家調配的🌶️醬油更惹味🥥斑斕珍多冰食印尼菜點可以唔飲珍多冰斑斕葉整嘅粉條Q彈爽口冰涼解渴 豐富有口感 太愛了💚餐廳好地道 印尼人打理除此之外 門口還擺住各式各樣甜品 有斑斕蛋糕 椰糖糯米糍 千層糕黃金糕等😍臨走可以喺門口掃貨🤣❌加一服務費

班蘭葉印尼餐廳位於銅鑼灣糖街1-5號銅鑼灣商業大廈地下，是一家專注於地道印尼美食的餐廳，吸引了許多喜愛東南亞風味的食客。餐廳環境舒適，裝潢雅緻，讓人一進門就仿佛置身於印尼的熱帶氛圍中。餐單上有多款獨特的印尼料理，其中芝士炸碎雞印尼撈麵是一道必試的招牌菜，外脆內嫩的炸雞與香濃的芝士搭配，令人垂涎欲滴。而印尼炒米粉則以其獨特的調味和口感，讓人回味無窮。鮮椰青的清爽口感也為用餐增添了一絲清新。此外，餐廳的斑蘭沙冰和斑蘭雞半隻同樣值得一試，前者以斑蘭葉的香氣為基底，口感滑順，十分解渴。原條燒魷魚則是另一道受歡迎的選擇，鮮嫩的魷魚搭配獨特的醬料，增添了不少風味。餐廳還提供多款沙嗲，包括雞肉、牛肉、羊肉、花枝丸及豆卜沙嗲，讓食客可以享受不同的口味組合。班蘭葉印尼餐廳不僅是品味印尼美食的好去處，更是與朋友和家人聚餐的理想選擇。

咁啱新工人到咗香港，就帶佢去咗銅鑼灣食印尼嘢聽聞呢間印尼餐廳十分地道，於是就去試下首先，我哋嗌咗兩杯嘢飲，椰青清甜解渴，珍多冰配料十足，椰奶味都幾濃下工人姐姐叫咗一個椰汁菜飯團，佢話呢個係印尼嘅地道美食，終於食得出家鄉嘅味道。飯團質感較硬但飽滿，配上椰漿、菜、豆卜同雞蛋，十分滿足。我就叫咗一個花膠粉皮配斑蘭雞，花膠湯好重魚味，湯底濃但唔會口渴，粉皮數量都唔少，一定夠飽，雞肉都好嫩滑最後叫咗一碟馬拉盞炒通菜，炒得爽脆又惹味😬總結來說，係一間地道嘅印尼餐廳😎

以前每次去糖街唱k🎤都會經過班蘭葉印尼餐廳🍽️外面擺放著各式各樣印尼特色小食🍢最鍾意買佢哋嘅班蘭蛋糕🎂今次入去品嚐印尼菜🇮🇩餐廳空間雖然唔大，但充滿濃厚印尼氛圍 🌏有多款印尼風味小菜同套餐🍛飲品仲有多款選擇 🍹真係唔可以錯過✨🐟原條燒魚花膠湯米線 🍜鮮甜湯汁清淡而不油膩，將魚同花膠鮮味融合，湯底鮮美豐富，魚肉同花膠增添口感，燒魚外皮酥脆🐔班蘭雞 🌿用班蘭葉包裹雞肉，用香料同椰漿腌製，帶有濃郁香氣，獨特風味 🥚黃金蛋餅🥞炸至金黃外脆內嫩蛋餅，裡面加入各種餡料，蔬菜同肉類🥬馬拉盞炒通菜🌶️辣醬搭配通菜，口感爽脆味道獨特🥥涼粉椰汁冰❄️涼粉配上椰汁，口感滑嫩，Q彈涼粉香甜椰汁，兩者結合，獨特的口感，加入涼粉，增添口感層次班蘭葉印尼餐廳📍糖街1-5號銅鑼灣商業大廈地下B2號舖

叫左白蘇牛丸麵份量：少得過份 去譚仔食都多過佢 味精太勁 中午食去到到夜晚都覺得都好咸 之前食過印尼炒飯覺得幾好食 所以食多次點知今次啲味精落得咁過份！ 明白過年要加二冇問題，但係唔明嘢都未食就叫我哋埋單，但隔籬嗰台入到嚟叫嘢食，又無叫佢哋埋單，我唔明係乜嘢玩法？

之前食過佢隔離個間印尼餐廳，感覺不錯，今日再去銅鑼灣，剛好兩點，諗住入去食個下午茶，才知祇是星期一至五有，有點掃興。想試下其他印尼餐廳，就去咗隔離呢間，呢度地方比較細，坐位不多，卡位已經有人，祇好坐餐枱，服務員態度有些冷淡，但既然嚟到，就坐低食嘢。餐牌頗多麵食之類，收費平均都要七十多八十元，且沒有餐飲，價格偏貴。星期六沒有套餐，祇有碟頭飯，如果轉食黃薑飯要加錢，連要紙巾都要收3蚊，餐牌印尼特色湯飯中，見有個黃薑雞絲湯飯，就點了這個。服務員好快就收起餐牌，想再影張相都無。雞絲湯沒有餐牌圖片的材料豐料，黃薑湯雖然多但雞同配料就比較少，幸好個湯是熱的。雞湯比較油但味道正常，雞絲肉就有啲柴，不軟熟，但又不致太難食，不過不是熱的。整體而言，個人在這裏用餐體驗一般，印尼特色湯飯沒有為我帶來驚喜！

呢間印尼餐廳 好鬼多人食🫢之前朋友贊過 今次同老公去食晚餐餐廳唔算太大 唔知點揀 一黎叫左個四大天皇飯包括雞肉,辣沙甸魚,巴東牛肉試曬四種特色味道雞肶肉超滑魚同牛味比較濃味道好有風味 配飯飯最好還叫左個炸魚三色飯條魚炸得非常之美觀魚面有醃料，果道豐富，炸到面脆卜卜，内魚肉嫩滑帶汁 真係好好食 食唔停😝（自制辣汁我就食唔到 太辣了）三色飯（斑蘭飯 黃薑飯 椰漿飯）3種之中比較鍾意斑蘭飯 因為飯中帶有魚仔乾 好鮮香👍🏻另外叫左杯牛油果沙冰又係好出色 十分美觀

之前行街經過見到好似幾好食，於是星禮拜六夜晚就係openrice外賣自取落單班蘭雞飯同花膠雞湯粉皮。點知食下食下就快食晒之際，係班蘭雞飯d菜到發現有隻完整翻肚小強🤢🤮🤮🤮🤮🤮成世人第一次食野食到小強😡最嬲嘅係搵openrice客服全數退款，客服只係一直覆同一句同餐廳負責人跟進緊，跟進左3日等到今日禮拜二先話退返一個班蘭雞飯錢比我，呢間餐廳永遠都唔會再幫襯，都叫左身邊朋友唔好再食呢間😡I ordered take-away and ate 班蘭雞飯 and 花膠雞湯粉皮 at home. However, eating 班蘭雞飯, I found that there was a small cockroach in the salad🪳 I almost 🤮 when I found it, and of course, I couldn't eat anymore and thrown both of them away.I contacted Openrice explaining that and asked them to refund all of the fee, but

呢間印尼餐廳就喺維園隔離～餐廳出邊擺咗好多印尼小食同糕點，估唔到隔離個門仔一入去一間餐廳❗️而且入邊嘅職員幾乎都係印尼人，甚至乎連食客都唔少印尼人，睇得出佢超級地道❗️餐牌有超多唔同選擇，有好多唔同嘅印尼特色菜同最重要嘅班蘭飯🫶🏻你門口出邊仲有好多印尼糕點，例如斑斕黃金糕等，都可以買返去一試～—————————————-**印尼四大天皇飯 轉班蘭飯 $103佢有雞件、辣巴東牛肉、炒魚仔同雜菜～全部都好濃味，再加上甜甜嘅班蘭飯～全部撈埋一齊食就啱啱好～每款餸菜都有自己嘅醬汁，自己嘅風味！啱晒乜都想試嘅我❗️除咗正餐之外，出邊仲有好多唔同種類嘅糕點㗎！每款都係25蚊左右～可以買返返屋企慢慢食都得～當然佢連糕點都有好多班蘭口味！

今日假期，同朋友喺銅鑼灣行街食飯🍽️。平時我好少食印尼菜，但今日試到正宗嘅印尼菜，真係令我難以忘懷✨。Nasi Ayam Pandan（斑蘭雞飯）HK$78造型勁吸引，呢道菜嘅雞肉嫩滑，份量好多，香氣四溢🍗。搭配嘅椰漿飯更係令整體口感升級，讓人回味無窮。Nasi Goreng Spesial（印尼炒飯）HK$98炒飯調味恰到好處，米飯粒粒分明🍚，搭配新鮮蔬菜同蛋絲增添層次感，仲有串燒🌭，絕對係炒飯愛好者嘅最愛！Risoles（牛肉卷）HK$58上枱大大舊，牛肉卷口感酥脆，內餡豐富🐂，牛肉嘅鮮味與香料嘅搭配令人驚喜，適合當作前菜。Oseng Kangkung Terasi（馬拉盞炒通菜）HK$78通菜炒得恰到好處，保留咗脆口感🥬，搭配嘅馬拉盞醬料增添咗獨特嘅風味，非常開胃！Sate Bakso Cumi x2（花枝丸沙嗲）HK$38沙嗲醬嘅香味濃郁，搭配嘅花枝丸彈牙有勁🦑，呢道菜嘅組合令我一試成主顧！