珍珠皇宮印度餐廳

營業中

休息中

今晚經過重慶大廈，心思思走入去食咖喱，走上一層後已經有人介紹及派咭片，本著撞彩心態入去一試。印度菜除了雞之後就只有羊，因為我唔食羊，所以揀了兩個雞的主菜。店員先送上薄脆，配上特製的薄荷汁，香脆可口。串燒香雞片用鐵板送上，下面舖上了洋葱、椰菜，雞件用大量香料醃製，煎至表面帶焦香，雞肉醃得入味，帶點微辣。另一個主菜要了牛油烤雞，入口較甜，都是充滿香料味，配上帶甜香的Roti，非常惹味。蒜蓉烤餅則較香脆，蒜香味道比較淡，不過很脆口，跟醬汁很夾。最後飲返杯印度奶茶，即叫即煮，帶點masala及薑香味，奶茶幼滑，茶味不會太濃。

記得前兩年去過印度旅遊，愛上印度菜，但印度衛生條件差，在香港吃有質數的地道印度菜比較安心。我個人認為重慶大廈是印度菜集中地，而珍珠皇宮印度餐廳真心地道好吃之外，衛生也非常理想，更重要是餐廳有一位港人經理，他非常有耐性為我們介紹每一道菜，非常抵讚。經理介紹的Bombay Chaat香辣薯仔，是印度的沙律，主要材料是薯仔粒、鷹嘴豆、蕃茄粒和印度薄脆，拌上很多不同的醬汁，口感豐富，香辣開胃。Dahi Poori炸米餅粒，樣子有點像章魚燒，丸子裹釀了些薯仔，青豆等雜菜；表面淋上乳酪和炸印度脆米，非常特別。Chicken Tikka串烤香雞片，印度鐵板Tandoori上㮚, 經理說Chicken Tikka非常出名，跟我們的叉燒一樣出名。雞塊用香草醃好後，一塊塊叉好，放在深的烤爐燒烤，雞肉非常入味嫩滑，是我吃印度菜一定會叫的菜。Fish Masala瑪莎拉煮魚，咖喱的一種，咖喱比較濃稠，味道更香濃惹味，塗在烤餅上進食，完美演繹。不可不叫的Garlic Nan蒜蓉烤餅 和 Lachha Paranth 炸牛油鬆餅，配上瑪莎拉煮魚，超讚的搭配。

珍珠皇宮印度餐廳位於尖沙咀重慶大廈，主打印度菜，亦由印度人主理，保證正宗！胡椒脆餅 （送）又薄又脆, 加上印度醬汁, 好開胃！牛油烤雞 $98Butter Chicken 牛油烤雞係印度菜之中，我最喜愛嘅菜式! 醬汁帶有非常濃郁嘅印度香料味及香滑奶油味，加上烤雞肉, 忍唔住一口接一口, 好快食清光!瑪莎拉煮羊肉 $98Lamb Masala醬汁香辣，辣得過癮! 羊肉份量多，羊羶味輕微，唔錯!蒜蓉烤餅$28Garlic Nan比起炸牛油鬆餅，多了一份令人滿足嘅牛油香，外層微脆，無論配牛油烤雞或者瑪莎拉煮羊肉都一樣咁好味！炸牛油鬆餅$28Lachha Paranth美味可口，同牛油烤雞係絕配！

我与两个日本朋友来这里吃印度菜。她们写了以下推介:The owner was very friendlyand gave us complimentarydessert. Malai kofta and dosa were excellent and i can highly recommend this restaurant to anyone who is looking for good Indian food!

因為疫情最近好多食肆都愁雲慘霧我闖關終於食到好耐都冇食過嘅印度菜呢間我一直都係捧場客其一係非常之方便 喺重慶大廈入面 勁近我第二係佢嘅裝修 環境幾舒服 紅色皮椅 好好坐第三佢啲咖哩真係超級抵食 勁大 性價比超高 即叫即整✅chicken tikka masala其實即係蕃茄咖哩 呢個有微辣大約係x仔五小辣左右入面好多香料雞肉好滑又大兜食落去好香口好好味✅butter chicken 牛油味好香甜味ok夾埋牛油味更香好多雞份量好多✅我哋叫咗蒜蓉味naan真係好香蒜蓉味 feel到脆卜卜嘅外圍再點咖哩真心好好食.座位舒適喺疫情嘅打擊下都少咗人幫襯但係其實性價比真係好高地點方便 附近嘅人不妨試下支持下小店

講到重慶大廈 諗到嘅除咗有王家衛嘅重慶森林🌳當然少不了正宗印度菜🇮🇳今日就同友人黎到位於一樓嘅珍珠皇宮印度餐廳黎個印度之夜😝-Main dishes我地嗌咗兩個餸紅橙色嘅係牛油烤雞($98)佢甜甜地超級creamy 個醬汁係超正點garlic nan簡直一流😼雞肉十分嫩滑 真係必嗌啊!!!而另一款係辣椒蕃茄洋蔥煮蝦($138)依款就偏辣 非常惹味最緊要係蝦唔洗剝殼 而且好彈牙不過唔係好食得辣嘅就真係要嗌少辣😹-食印度野又點可以唔飲mango lassi ($35)佢嘅乳酪味好重!! 酸酸甜甜好好飲🤪咁正宗嘅印度野 兩個人食到飽飽都係三百蚊度🤔性價比真係唔錯😚😚

🥠Paper Masala Dosa 薄紙瑪薩拉香料捲餅 $78呢款南印度美食喺香港比較少見。Dosa係以米漿製成嘅捲餅。香脆嘅dosa夾住香料同薯仔好惹味。各款香料辣度低但層次相當豐富。洋蔥薯仔似平時samosa咖喱角嘅餡料，口感夠腍夠粉合晒我心意。.🧀Malai Kofta 牛油奶酪餃子 $88Malai Kofta另一種譯法係印度鄉村芝士球，一般以paneer（印度芝士）同埋薯仔製成。芝士球口感偏粉，亦有好重嘅香料味。相反咖喱味道溫和唔辣。.🍞Onion Kulcha 洋蔥烤餅 $30烤餅入口有洋蔥清甜味道，亦驚喜地帶有果仁碎。配上Malai Kofta嘅咖喱食簡直一流。.🥛Sweet Lassi 甜味奶昔 $35🍓 Strawberry Lassi 士多啤梨奶昔 $35是日salted lassi賣晒，唯有飲sweet lassi。飲落係甜度較低嘅益力多。Strawberry lassi用咗新鮮士多啤梨製成，味道天然而且甘甜可口。.🍽珍珠皇宮印度餐廳 (尖沙咀)尖沙咀彌敦道36-44號重慶大廈1樓96-97號舖

早排同女朋友行尖沙咀，話想試下重慶咖哩，估唔到佢一句就話好，難得咁順攤haha～其實一早已經bookmark定呢間餐廳環境幾大幾舒服 入邊仲有包廂 方便一大班人嚟食飯(雖然而家暫時都唔得😭)入到去坐低，店員已經好快手放低咗小食胡椒薄脆餅，本身脆片比較辣，配合薄荷醬蘸中和返個味道，另外因為餐牌太多嘢揀，花多眼亂所以揀咗好耐～最後就叫咗個牛油烤雞、芝士菠菜、咖哩角同埋蒜蓉烤餅。咖哩角比起平時嘅大舊得多，外皮脆卜卜而內餡好足料！食得出係自家製嘅完全唔似出面嘅有雪藏未，咖哩味道亦相當濃厚，配合埋酸咪咪嘅醬中和返炸物嘅油膩感，當做主菜前嘅小食都唔錯！牛油烤雞屬於印度嘅名菜啦，難得嚟到正宗印度餐廳點都要試下嘅!用牛油同茄醬所煮成嘅甜酸嘅惹味感，真係令人難以抗拒!超香!!!個人認為比起普通咖喱雞出色得多，因為咖哩有時只會有種死辣嘅味道，但牛油烤雞充滿著各種香味，如洋蔥、桂皮、孜然等等。就咁食雞又得，落啲醬喺薄餅上食都得!平時食開東南亞嘅薄餅都較為脆口同薄身，而呢款嘅印度薄餅就較煙靭同厚身，適合沾醬食!呢個就係芝士菠菜，其實一上菜時真係有少少嚇親，因為同我想像中嘅芝士菠菜都有啲出入haha～不過味道行

印度係一個我好想去既地方奈何一直都無機會無時間到想去既時候又因為疫情唯有係香港望梅止渴食住由印度人主理既印度菜餐廳好大環境寬敞坐得好舒適瑪沙拉香茶係印度式奶茶主要用香料而口感會無咁濃稠個人甚為喜歡豌豆湯則好濃郁，質感濃稠適中每一口都食到點點豆蓉印度式咖哩配魚柳味道偏濃烈跟日本咖哩不同不會甜，而辣度較重配上飯同吃更正甜品亦係甚有特色呢款印度番紅花杏仁雪糕口感完全唔似雪糕但入囗冰凍香滑有杏仁香氣奶香都好重值得試試味道討好仲有好多選擇都想試只好下次再來

After exchanging some unused foreign currency at Chungking Mansion, I decided to have dinner first before heading back home. Moti Palace was located inside Chungking Mansion, where alot of Indian restaurants were located.They served a wide range of Indian cuisine such as appetizers, tandoori, curry, bread, rice, desserts and drinks etc. Shortly after i have ordered, the waiter served me a basket of papadum. It was thin in texture and crispy, like eating chips. Sauce was spicy, going well with th

重慶大廈專食印度菜相信都無人唔知，是日黎食下野，未到商場門口已經有一堆印度人派卡片介紹餐廳啦，最後黎左一樓嘅珍珠皇宮，係正轉角位好易搵。先黎兩杯水同餐牌，都好多野揀喎，唔識係咩可以問下店員，佢地識講廣東話㗎。送上免費小食，好香脆，個薄荷醬正喎。芝士炒菠菜Palau Paneer顏色係唔多吸引嘅，哈哈，但菠菜蓉其實幾好味，最正係入面粒粒嘅芝士，軟綿綿有咬口，唔係話好重芝味，但就勁有奶香。牛油奶酪餃子Malai Kofta中文名同食品不乎，哈哈，不過叫之前睇左佢英文係vegetable ball都知唔係餃子黎，咁實際係咩？有啲似芋頭蓉同薯蓉嘅混合，醬汁極重牛油同奶味，入口香滑，撈飯同烤餅都一流。瑪莎拉煮羊肉肉amb Masala又點少得羊肉咖哩，點左瑪莎拉口味，餐牌上有好多款，但瑪莎拉較熟就點呢樣。咖哩香口微辣，濃郁的香料味好正，羊肉切丁無骨，咬落有羊肉香不錯啊。蒜蓉烤餅Garlic Nan食印度野必點，煙煙韌韌口感好正，仲散發著強烈嘅蒜蓉香添呀。印度黃飯Saffron Pullao上次係第二度試過印度飯尖尖長長好得意，今次又試下叫先，飯都有好多款，叫個黃飯試試。口感不錯，除左白米仲加左好

重慶味覺之旅珍珠皇宮印度餐廳網址: https://s地址: 尖沙咀彌敦道36-44號重慶大廈1樓96-97號舖電話: 37065772====================要數印度咖哩/食品最氣中之地，大家腦中一定知道是尖沙咀的重慶大慶，這也是發揚印度菜的核心地。我十來歲時第一次食咖喱，也是到重慶的。總會出現的胡椒薄脆跟薄荷乳酪醬$88 咖哩雞，全是肉塊，咖哩中的肉塊已起骨，濃厚的咖哩汁，中等辣度。$108 印式燴羊肉，紅辣椒汁，唱首我的熱情，好像一把火，雖然好多咖喱粉調味，仍然食到羊味架。Butter Nann $28 一份，有3-4 塊大拋餅，點咖哩汁食。喝上一口mango lasse$35. 奶及yogurt 有助減低口腔中的辣味同香料味，指定動作要點一杯。

好耐冇食印度菜，那裡出名印度菜呢？一諗就想起重慶大廈，咁就去走一趟吧～我地選擇左呢間「珍珠皇宮印度餐廳」，室內裝潢幾特別，燈光有點昏暗，有點浪漫，都幾適合情侶嚟食㗎！混合肉拼盤 $168服務員好好，落單時知道我唔食羊之後就換咗雞俾我哋。有魚、雞腿、雞胸、雞件，魚用咖喱醃料，唔辣的，雞就用同一種醃料，是香料，沒有咖哩也不辣，雞肉肉質嫩滑，用鐵板上碟熱辣辣，趁熱食好好味😋牛油烤雞 $98咖喱汁甜甜地用嚟點烤餅，味道非常夾，雞肉出奇地唔鞋，雖然都係咖哩但係一啲都唔辣既，好喜歡呢個菜呢😍個咖哩真係好正！好正！好正！👍🏻瑪莎拉脆餅 $16薄得來脆口，沾芥末雖然有少少辣，但係都好野未。芝士烤餅 （上）$40有芝士味，但一定要沾咖哩醬。好鬆軟，上碟熱辣辣一定要食先。蒜蓉烤餅 （下）$28比較大件，烤餅黎講好彈牙，一樣都要配埋咖哩醬，超級冇得彈。👍🏻印度奶茶$25係薑汁味嘅奶茶囉，我接受到嘅，幾好飲架，其實味道幾特別，大家可以試下。Kingfisher 印度啤酒🍻估唔到酒既味道好甜架喎，好強酒精味，好夠氣，夠凍。

一向對印度菜都唔抗拒去開尖沙咀其實好多印度風味餐廳林立今日黎呢到環境燈光好紅噹噹甚有特色紅噹噹就揀杯紅色既玫瑰奶昔杯邊沾上玫瑰糖醬入口帶點玫瑰🌹香氣及酸甜奶昔平時比較少機會係印度餐廳飲到之後就揀左必食時菜印度黃飯入口帶點辣，口感好香，飯粒煙韌好大碟，份量超多當中配上時菜同炒豐富配料加口感食完大大碟黃飯真夠飽再來試過好特別既甜品賣相幾得意入口係唔會估到食咩佢係用紅蘿蔔絲造成既葵布丁甜甜香香，帶點奶油香氣爽口，幾特別既口感同味道！

🔸椰汁咖哩魚 $108🔸混合肉拼盤 $168🔸蒜蓉烤餅 $28🔸印度奶茶 $25-今日去重慶大廈尋找印度美食，細細個就聽過呢個地方，但係入去食嘢就真係第一次啊！入到大門口就有位印度哥仔操住一口流利嘅廣東話，介紹我哋去佢嘅餐廳。叫咗老闆推介嘅混合肉拼盤，裡面有齊羊肉、雞肉同魚肉，一次過試勻晒唔同肉類嘅印度燒烤風味。仲有食印度菜不能不叫嘅咖哩，魚肉嫩滑，而且咖哩非常香濃惹味，辣度偏低。叫埋一份蒜香味嘅烤Naan薄餅，沾滿咖哩汁，真係非常好味又有風味啊！最後試埋印度正宗奶茶，混合玉桂、薑、丁香等不同香料，風味十足，一向飲開港式或者台式奶茶嘅我真係覺得好新奇啊！