珍珠皇宮印度餐廳

營業中

休息中

未上主菜之前，員工首先會送黎胡椒餅同薄荷醬😗胡椒餅似墨西哥脆片，但多左種胡椒香。薄荷醬好新奇，唔係我最憎嘅牙膏味😣Butter chicken 驚辣嘅朋友哩碟係必叫！醬汁係好濃郁嘅蕃茄同忌廉味，加埋滑嘟嘟雞肉，用黎點或者夾麵包一流☺️ Bread basket 嘩Naan全部都係naan🥰一個籃有齊garlic naan同butter naan，每款三塊，仲要塊塊都大大件🤤撕開有好多層次，食落好鬆軟，一定要嗌黎點咖喱！ Green salad沙律有多款蔬菜🥬有青瓜、蘿蔔、洋蔥同蕃茄等等，淋左啲酸酸咸咸嘅汁，好開胃～不過些少硬😅 哩間openrice book有八折，每人平均一百蚊唔洗但已經食到要攬住個肚走，食物同服務質素都好好又抵食😉臨走個員工仲送左張VIP 八折卡比我地🤣

我地一行五個朋友第一次去呢間印度餐廳食飯👏🏻同之前去過嘅印度餐廳唔同，環境好乾淨好企理，而且幾闊落，適合一班朋友一齊食！👍🏻食物方面，呢間餐廳有特登為咗香港人而調整過口味，唔洗驚野食太辣或者甜品太甜。最後餐廳送左甜品—芒果西米布甸比我地食，雖然都有少少甜但芒果既酸味都中和番😋 如果想辣啲或者想走甜可以落單嗰陣講埋。飲品方面，Plain yogurt & Mango yogurt 都好好飲，唔會太甜！店員們十分熱情，服務好奶，值得一去再去😊

一日一黃店-初試尖沙咀重慶大慶良心印度菜 係YouTube 見到果籽介紹 個捲餅勁大塊 好吸引 心血來潮 就入去試試 記錄下呢日經歷啦.目標 去影片入面介紹既 #華達印度餐廳去到重慶門口 唔識路既我 四圍望比4-5位印度餐廳店員圍住佢地勁勤力咁 推介 跟住你 問你想去邊間（其實都幾大壓力 幾反感😖本人比較怕羞 唔講野果類）（自己行下 搵下 會比較 感覺良好d)最後同佢地講 我想去 #華達印度餐廳佢地就冇追問我啦😅.之後係重慶行左一個圈 都搵唔到🤦🏻‍♀️撞到影片入面餐廳老闆jacky 主動問我地想去邊我話想去 #華達印度餐廳佢話 其實呢幾間都係我咖 我帶路啦（其實對話間 feel到佢十分好客 幾nice）.最後入左 #珍珠皇宮印度餐廳💁🏻‍♂️老細話：隨便揀 想坐邊都得店內唔多客人 環境乾淨企理 偏暗 有feel既店員見我影相 有主動問我洗唔洗開燈（加分）佢地先上小食 ⭐️胡椒餅配薄荷醬都幾重胡椒味 係一塊勁脆既薯片口感落單果時 我指住張相：我想要呢個！.⭐️瑪撒拉香料捲餅 Masala Dosa $68😱真係好大份 捲餅仲長過隻手👍🏻入面包住薯蓉 同乾辣椒開頭食落唔算辣 大概小辣辣味黎得慢

重慶大廈無論疫情前後都係令人卻步既地域🙈🙈 我之前都只係入過去1-2次今次同朋友食飯 忽發其想想去食印度野☺️雖然心中忐忑 但真係冇去錯 好好味！- 蒜蓉烤餅 Garlic Nan x 2- 咖哩羊肉 Lamb Curry- 牛油烤雞 Butter Chicken- 原味烤餅 Plain Nan- Mango Lassi蒜蓉烤餅勁香又熱辣辣 就咁食都好好味😋😋不過當然要用黎送啲咖喱超級推介佢既牛油烤雞🥰個汁幾香又creamy 重牛油味 而佢既咖喱羊肉 羊肉好好味 少少羶味 🤩我個人係勁鍾意 🌟個咖喱就唔算好辣 咩人都岩食由於啲實在大好味 我地就嗌多咁份原味烤餅黎送埋啲汁🤣🤣雖然最後食到勁飽Mango Lassi 係去印度餐飯必嗌既飲品之一😙而呢間既mango Lassi 就甜度岩岩 唔會好流😋餐廳唔算好多人 而且裝演都唔錯😇食得好舒適 同時啲員工都好nice 會問你食成點 啲食物好冇味等等🥳而我哋就不停同佢講好好味 🤣🤣仲有好多野食想下次再試！

📍🌀 Garlic Nann 蒜蓉烤餅我最鐘意既Nann Bread 次次都會點🙉蒜蓉香超重! 🌟食落唔會好油 🌀 Butter Chicken 牛油咖喱烤雞 香濃咖喱味 配上印度香料🌱 夠香口牛油味中和辣味 相對上甜味比較重 容易入口沾上nann bread食真係好正🍽️🍴雞肉份量唔少 而且夠嫩滑 🔥必點! 🌀 Plain Dosa 原味煎餅好得意! 好大塊🤣 好似手臂咁長嘅煎餅 第一次食!中間係咖哩薯蓉同雜菜☘️🍀煎餅好似食薄版熱香餅咁😂😂🌀 Vegetable Samosa 素咖喱角一樣都係咖哩薯蓉同雜菜青豆 外皮炸到好脆皮有點厚 食落好飽🌀 胡椒脆餅 (贈送餐前小食)超脆 食落鹹鹹地有胡椒香可以沾附上嘅薄荷香料醬 (不過我麻麻!)🌀 仲推介大家飲 mango /strawberry Lassi 印度餐廳必點嘅飲品奶昔類完全冇藥水味 飲落幾清新

印度菜好野味哩間上完食完無post，今次推介下先！食完去做運動，十分充實！Lunch set $98 好豐富，一個份咖哩、一份薄餅、一碗飯、一杯芒果奶昔，我們退回其中一碗飯免得浪費😂😂.咖喱雞 😋😋😋😋牛油烤雞好好味，上次食完今次再食，辣度可以落單時提出，香辣豐富香料味，喜歡濃味很適合，印度米粒粒分明，乾身，和濕潤的咖哩又異常夾，食左半碗飯！.咖喱蝦 😋😋😋😋😋意想不到好食，蝦好爽口又彈牙，黃咖喱少少辣，香味濃，和薄餅最夾，香軟薄餅配野味咖哩好正！

星期日晚我地一行7人book咗枱，仲未入餐廳離遠已經見到老板，一眼就知我地book咗枱。入到餐廳好乾淨企理，老板仲安排咗房間比我地。野食方面都幾唔錯，每道菜都有驚喜，我地appetiser 我地點咗薯條，唔知係咪佢地一向都係咁煮，但唔係脆身既，但非常香👍🏻main dishes 當然係食咖哩啦，款式非常多，我地都試咗幾款，最好味係butter chicken 同chicken tikka甜品就非常有特色，有糖不甩同雪糕，最特別係雪糕加入咗藏紅花同黃薑粉！如果係一大班人嚟食會相當適合，氣氛好好，老細熱情到我嚇親！老板個種待客之道係香港真係所剩無幾了❤️

餐廳播放柔和既歌，又會枱放一朵玫瑰花。侍應服務好好，仲會用廣東話格每台介紹食物，問客人意見。🥘乳酪腰果燒雞：燒雞用乳酪腰果泥醃，以鐵板上菜香噴噴。加埋檸檬汁，有啲草本味好清新，似食fusion 菜。🥠乾果果仁燒餅：燒餅夾滿椰絲和果仁，香甜易入口。味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅（5🔅為滿分）

好好味， 點左個烤芝士，夠實淨、夠香， 咖喱魚和薄餅超好食 薄餅係真野 好香既麥香味個炒飯又係好正， 夠鑊氣 ，第一次食素炒飯都咁夠味👍🏻每一碟都有驚喜 ，價錢又抵 ，我真係覺得好好食，下次帶埋老公黎食🥰Good taste, order the grilled cheese on the left, it is solid enough and fragrant, the curry fish and the pancakes are super good, the pancakes are really wild, so fragrant and wheaty. This fried rice is well-formed, and it is full of gas. The first time vegetarian fried rice is delicious 👍🏻 Every dish has a surprise, and the price is worth it. I really think it’s a good meal. Next time I will b

<重慶大廈印度嘢🥴🇮🇳>#露比覓食尖沙咀 #露比吃料理第一次去重慶大廈食嘢，呢間係氣氛唔錯嘅印度餐廳，適合一班fd一齊去食🤣-🌟Tandoori Platter🍖 $168 (6/10)呢個混合肉拼盤都唔算好大🤔有魚塊、tandoori雞塊、羊肉卷同chicken tikka各二，啱晒我哋2個share😛味道方面會最中意魚～魚肉都幾滑(⁎⁍̴̛ᴗ⁍̴̛⁎)🌟印式煮羊肉 $108 (6/10)選了中辣完全冇辣味😂😂應該揀大辣的LOL 但香料味好重，好香，同腍腍嘅羊肉好夾，如果羊肉臊d就正，我鐘意臊d🤣🤣🌟Mango Lassi (6/10)唔會好甜，送惹味印度野的確唔錯的😗-📍 珍珠皇宮印度餐廳 (尖沙咀)地址: 尖沙咀彌敦道36-44號重慶大廈1樓96-97號舖

今次第一次同朋友一齊去食，環境乾淨清潔優雅，讓人食得好舒適D餸亦刻意貼近香港人口味，slide dish叫咗香烤雞片，main dish叫咗魚同butter chicken ，最後嗌埋芝士烤餅同蒜蓉烤餅，全部都好淋好香，亦唔會話好喊好重口味。另外個印度奶茶非常特別，同泰國/其他地方嘅好唔一樣，D奶好滑好純。而且去到最後個店主仲送咗一個餅仔我哋食，係我試過最好味同埋人情味嘅印度餐廳！之後一定再帶多啲朋友幫襯！

重慶雖然有好多印度餐廳，但香港人通常來來去去都係去某兩間，最近去左一間從未去過嘅印度餐廳就俾倒好深刻印象我，因為啲咖哩比起香港好多印度餐廳都要辣，唔會特登較到冇咁辣咁，似返印度人食開嘅辣度，最重要係店面都比較乾淨同企理，食得更放心。講緊嘅就係珍珠皇宮，佢喺重慶大廈1樓，喺地下中間看更位後面就有樓梯上去。哩度嘅定價比重慶其他印度餐廳貴少少，但基本上人均$150-200已經食到飽。胡椒餅(免費) - 點完餐侍應就送上一份胡椒餅，好薄好脆，蘸埋辣辣地嘅薄荷醬，惹味又好食。炸洋蔥圈($52) - 賣相雖然同想像中有啲出入，不過我反而幾鍾意，因為啲炸洋蔥炸皮冇平時西餐廳食倒嘅咁厚咁硬，好似食緊炸白飯魚咁，係脆得黎軟身嘅，蘸埋佢個甜甜地嘅醬汁味道都唔錯，加上夠大份，如果有叫酒飲嘅叫哩碟炸洋蔥圈就啱晒。瑪沙拉煮魚($118) - 瑪沙拉本身的確係應該食倒辣味嘅，不過之前喺香港食過唔少印度餐廳，啲咖哩都較到就返香港人冇咁辣，所以瑪沙拉通常都較到唔辣嘅，但哩度嘅瑪沙拉就真係辣辣地，辣度大約係小辣，鍾意食辣嘅朋友就會覺得惹味好食，如果本身唔食得辣我會建議點椰汁咖哩。魚塊大約有五六舊，肉質唔會太腍，食倒少少

今晚收工特登出尖沙咀，就係為咗要嚟重慶大廈食我至愛的印度咖喱😃。今次呢間餐廳喺1樓，整體好整齊乾淨，感覺舒服。隨餐牌先送上的是鹹脆薄餅配薄荷醬，邊食邊點菜。Chicken tikka masala瑪莎拉洋蔥蕃茄烤雞由多種香辛料混合熬製，香辣有勁度，喜愛食辣的一定要試👍Roganjosh印式燴羊肉羊肉經過長時間燴煮，唔會乾柴起渣，超軟冧😋😋醬汁充滿蕃茄味，好特別！Plain nan 烤餅點少得咖哩嘅好拍檔Roti 烤麥餅充滿麥香，淨食都好好味，必點😄Mango lassi用酸奶調配，飲落有芒果味，微酸不太甜。

🇭🇰Hong KongAverage expense pp: HKD$200-$250+📍Address: Moti Palace, Tsim Sha TauiIf you are looking for garlic naan bread/ nice curry? Just visit this place!! They offer authentic Indian food for real😗 When you first arrived the table, they offered us free Masala Papadam with mint sauce. It was so crispy that i really wanted one more pls... The attitude of the manager was really nice that he patiently introduce us every dishes!!You must order their signature drink: Yoghurt shakes ($35). I ordered

第一次同男朋友勇闖重慶大廈，行到門口已經要過五關斬六將咁🤣 好彩都成功搵到間想食既印度餐廳～入到大廈直行上樓梯轉個彎就見到珍珠皇宮，沿路都有人介紹，依度乾淨企理環境幾好，入到去招呼都唔錯。點餐後就送上一份用粟米整嘅印度薄脆，好脆口鹹鹹地重胡椒味，點薄荷醬清新啲又幾夾。嚟到當然要點番個特色印度菜，我地就叫咗辣嘅瑪莎拉煮羊肉－瑪莎拉混合咗幾種香料，係比較杰身嘅咖喱，羊肉亦都好腍帶啲羊騷味，同洋蔥同葱煮埋一齊非常惹味。有咖喱就梗係要有埋印度烤餅啦！蒜蓉烤餅蒜香味十足，有脆邊而咬落好軟熟，點咖喱食就perfect，有三大塊配一客瑪莎拉啱啱好。另外仲試咗印度版炸雞－炸雞有層薄薄嘅麵衣，用印度香料調味，食落特別有風味。店員推介我地飲Mango Lassi，原來依款飲品係好多人食印度菜必嗌嘅，用乳酪打成嘅芒果奶昔甜度適中好啱我口味，另外一杯香蕉味嘅即刻被比下去，可能香蕉未熟透所以冇咁甜。第一次食印度餐廳整體體驗都幾滿意，真係有令我對印度菜改觀呢～