完左教會，朋友車我們去觀塘食Burger，前日食麥記，昨日在airside某間西餐都叫了Burger Set share，今日的漢堡是最好食，不得不post，我們坐在室外，有著自然風和美食，好不享受。 人均：$98.5 . 脆脆雞堡 見有新出漢堡，即叫，炸得香脆，肉汁一咬就留出，加上蜜糖芥末醬，芝士，生菜，蕃茄，再加烘烤的鬆軟麵包，十分豐富又好食。 . 美式之堡 用上手打美國殼飼牛肉，芝士，生菜，蕃茄，煙肉等配上BBQ醬汁，牛肉份量頗大又香濃，一口咬落去，十分juicy。 . 芝士肉醬薯條 啖啖肉醬汁好惹味，仲要薯條有另外調味粉，食出廚師的心機。 . 飲品 雪碧、熱柚子蜜 . @themoomooburger

有間餐廳好有創意，食物材料大部分由外國入口，食得安心又放心，之前家聚都會都有叫佢，今日經過太子黎食個飯。
見到網站有急凍包賣，黎緊仲有羊腩煲，好期待。
人均：$93
.
芝士大啡菇手打牛肉漢堡配薯條
之前食過軟殼蟹burger，熱辣辣炸起好正，今日的大啡菇多汁juicy，一路食一路滴汁，薯條係偏粗身，外脆內軟，香口好食。
.
瑞士無骨雞飯
用了大量蔬菜烹調6小時，個汁撈飯一流，無骨雞啖啖肉，方便懶人去食，一口雞加點蔥油更滋味呢。
.
蠔油菜心苗
健康一點加碟菜，均衡飲食。
.
椒鹽燒賣六粒
叫了小食，有人太想食燒賣。
.
飲品
港式奶茶、熱檸水

#k在旺角 快食加輕食之選，食完去拎蛋糕再去朋友家，店員好細心幫我們切一半，兩個人可以分享一半。 人均：$63 . 啖啖肉套餐 新宿燒汁牛扒飯團 有幾款醬選你自選，我就選了蜜糖芥末醬配牛扒，這款新宿燒汁牛扒飯團食完下次會想再叫，啖啖牛扒加上脆脆，生菜，菜匍等等，十分豐富，口感甚佳。 . 鹹蛋套餐 金沙鹹蛋飯團 選了沙律醬，鹹蛋的鹹香加上飯團的配菜，好夾呢，好開胃，愈食愈想食，食一啖飲一口奶茶，爽。 . 飲品 凍椰果四季春，熱黑糖珍珠奶茶

產檢完和媽媽食越南河粉，餐單上有不同選擇，媽媽選了好耐才決定到呢。 人均：$98.5 . 火五熟牛肉湯河 毫不猶豫選了湯河，想念越式牛肉濃湯的味道，熟牛肉為牛腩/牛展位置，相當軟稔，而碗內有洋蔥絲，加點辣椒，非常有味，整碗湯都快飲完。 . 火五咖哩吉列豬扒飯 媽媽最後選了豬扒飯，吉列豬扒炸得香脆金黃色，而咖哩是偏向日式風味，濃郁帶點辛辣。 . 原隻大蝦長春卷（3件） 啖啖蝦肉，加上香脆外皮，令人一口接一口，點上魚露，加塊生菜包住春卷很不錯。 . 黃金脆魚皮 加了蛋黃來炸，脆薄香口，好惹味呢。 . 飲品 烏龍茶

細佬陪我食飯，好耐無兩個人撐枱腳，去了一間抵食平民價錢的日本餐廳，餐廳環境有不同特式擺設，先前和朋友食過一次，位於工業大廈，地鐵一出2-3分鐘就到達，交通都好方便。 人均：$197.5 . 龍捲風沙律 大大碗份量十足，有蟹柳，海草，蔬菜，脆片，蟹子，兩人以上分享好適合，十分抵食。 . 蜘蛛 好特別的卷物名稱呢，裡面有炸軟殼蟹，牛油果，蟹柳，軟殼蟹香脆帶點甜味，配上牛油果和醬油，直接入口，不用多加額外的豉油或Wasabi都已經很不錯。 . 搖滾樂 是芝士，炸蝦，牛油果配上鰻魚的組合，人口先食到鰻魚軟綿口感，之後芝士的鹹香味湧現，慢慢食到炸蝦的香脆彈牙，十分有層次。 . 昭和豆腐煎 哇，好大份量的一磚豆腐，香濃豆香味和外脆帶點軟身的外圍，是一道舒服和輕量的小食。 . 鹿兒島豚肉蘆筍 蘆筍燒得剛剛好，多汁爽口，豚肉卷上蘆筍，是肉香和清新的配搭。 . @kokon1010

牛頭角有間隱藏的小明珠，上海菜做得很不錯。我倆二人食得好盡興，燈光明亮，乾淨，店員會介紹我們不認識的菜式。 總結會再約朋友們一起去，可以叫多幾款。 人均：$208.5 . 石蠶拼海蜇頭 石蠶原來是植物來的，第一次食，口感十分爽口 清涼，和海蜇頭好夾，這道冷盤完全是打開味蕾的開始。 . 川式回鍋肉 原來會配一碟類似饅頭的餅，我們還另叫一配白飯，因為好好送飯，爆炒好有鑊氣，香味十足又帶點微辣辛香。 . 小籠包 四大粒記得趁熱食，小籠包皮薄肉汁鮮甜，非常多湯汁，食時要小心咬一口，還要加點薑醋，提升肉的味道。 . 水煮魚片 有頗多無骨魚片，萵筍，木耳，草菇，薯粉，芫荽，叫了小辣，食得舒服，兩人以上一齊分享岩岩好。 . 炸銀絲卷 去到最後，叫個炸饅頭十分滿足，香脆外皮，軟綿綿的內涵，加上微甜的煉奶，好好食。

星期日有時的飯堂都會來這間，份量大大碗，食得滿足，味道適中，台上會有自家醃的蘿蔔，食幾多挾幾多。 人均：$104 . 口水雞上湯刀削麵 好幾次都會叫口水雞，雞肉嫩滑，花生又可口，特別口水雞的咸香辣醬汁，最後更將麵撈口水雞醬，愈食愈開胃，十分推介。 . 牛筋腩熱拌刀削麵 大大碗，老公食到飽飽，牛筋彈牙，牛腩軟實大舊，麻醬加上特式醬汁令人一口接一口。 . 油菜 選了牛腩汁菜心。 . 涼拌豬耳 惹味豬耳，有黃瓜絲一起涼拌，更有香脆花生，而蒜頭令豬耳加分，酸辣可口。 . 跟餐飲品 熱檸水、可樂（另加$3）

老公帶我去打邊爐，仲可以有深宵火鍋，開門去到2400，尖沙咀黎講好少開到咁夜既火鍋店，仲要打打下每台有椒鹽雞翼送，問問店員先知有私房菜Hidden menu。 環境好光亮，坐得舒服，有個outdoor位，夜晚會有燈飾，可以同班fd飲住酒chill下。 人均：$382.8 . 湯底一人一鍋，八選一 我哋選了胡椒豬肚湯、藥膳養生雞湯 跟著全部肉點一次，再叫多轉我哋愛的肉眼 外面有醬料區、不同蔬菜、丸類、烏冬、出前一丁、雪條、棉花糖任取 重點是可以任食和牛肉眼、牛小排、封門柳、兩款肩胛牛、黑毛豬、豬梅肉片、羊肉卷等等 肉類都頗多選擇，特別肉眼牛肉味道濃厚，好食 另一樣手製雲吞和餃子十分推介，好似媽媽包的味道，皮薄餡靚，大大粒。 還有飲品區，啤酒都有幾款，實在眼花撩亂，選擇頗多。 贈送的椒鹽雞翼外脆肉汁多，還有彈牙鮑魚和炸蟹鉗，不可錯過呢。 . @potpot_hk 地址：尖沙咀金馬倫道33號The Cameron2樓

和媽媽去食晏就鬆一鬆，覺得好味即刻餵我一口叫我快點試，就算就黎做人媽媽，在自己媽媽角度永遠都是女兒🥰 餐廳播住歌，有時店員會跟著唱，一路食還發現有不少熟客，和店員有講有笑，充滿人情味的餐廳會讓人想再次光臨。 人均：$56.5 . 咖喱雞扒飯 跟了中湯，咖喱雞扒份量好多呢，媽媽食唔晒要我包底😂，咖哩顏色呈深啡色，味道濃厚，雞扒亦好吸味，辣度適中，送飯出色。 . 麗莎特餐 選擇都不少，六個餐再自選配料，我叫了麻辣雞丁配米粉、香煎豬扒、吞拿魚脆豬，蒜蓉多士都想食，但吞拿魚脆豬比較少見即叫，這個餐好抵食，食完好飽。 . 飲品 熱檸水

近排口味轉了，好想打邊爐，星期日打完仍念念不忘，昨晚放工決定再去打邊爐🤭好開心。 環境依然保持乾淨舒適，空間感好大，店員勤快，一見有空碟就幫忙收碟和加湯藥。 人均：$263 . 牛極品套餐 湯底：期間限定的蟲草花白玉藏珍鍋 之前食過養生鍋，今次有期間限定，即試，特別夏天，可以解暑，一路滾一路逐少逐少食冬肉，好滋味。 . 食物方面保持質素，美國肩胛肉，加拿大牛板腱，美國牛胸腹常常叫，還有西班牙栗飼豬梅肉、豬五花，用app落單又方便！今次再叫多幾款台式小食，麻辣鴨血、豬耳、宜蘭蔥餡餅，好好食，更叫了椒鹽蝦、炸午餐肉，而肉燥飯又可以自行決定，用黎撈麵都一流。 . 食到最後落了一個王子麵和新竹米粉，加上蟹柳、老油條、一些菜，淋上芝麻醬，一碗麻醬麵/米就成了，老公都被我食量嚇親。 . 甜品區都不可忘記，芋圓紅豆仙草，雪糕都要食，甜品是第二個胃嘛，還可以有位置。 . @beefbang_hk