珍珠皇宮印度餐廳

營業中

休息中

第一次寫食評: 呢間餐廳真係令我無辦法唔為佢寫食評！太好食，又低食，老闆同伙記都好好人！加上呢間唔洗講，早前排隊都未必食到，為太多人支持!今日星期日(但得兩枱客。。)，我地4個朋友去食，book左2點有75折優惠，入到去有店員安排座位，本身諗住散叫，最後都係聽店員既推薦4人set lunch，可能因為冇人食，所以出餐好快，樣樣都好好食😋，份量又啱啱好，極力推薦咖哩羊，下次一定會再嚟！(記得入座前話book左位，同散叫先有75折，因為我地冇講book左位同叫set lunch，但老闆都好好人比折頭我地😛）

My wife and I had lunch here last Wednesday.  Never quite sure about Chung King Mansions, but all very nice, welcoming and clean.  We just had the lunch set which was a good amount of food for two people, particularly as it has a nice selection of bread.  I also like that beer or lassi is included in the set.  Good value.  Food itself was hot and nice tasting.  As a regular Indian-food-loving Brit in Hong Kong, I'm just surprised we haven't tried Moti Palace before.  I understand it has a sister

第一次嚟重慶大廈食嘢就試咗呢間印度菜，老闆好好人勁nice，超熱情招待。嘢食都十分優秀，烤羊肉好好食，平時唔食羊肉嘅我覺得好好味。最正嘅我覺得係咖哩角，十分推薦，嚟到一定要試下。

今日約咗朋友一齊去食印度菜，Book左位，服務態度超好，特登黎接我地🤣入到去我地諗唔到點d咩好😥，老闆推薦左羊肉雞肉嘅咖喱、烤雞、羊肉卷等，仲好好咁送左d氣水比我地。一坐低無幾耐就到左胡椒餅🤤，仲有薄荷醬，個薄荷醬凍嘅，個味清清地，個胡椒餅就比較鹹，加埋一齊就會令到個味道淡d，幾好食😋個老闆真係好nice，仲同我地傾計，今餐食得好開心🥰🥰🥰

☺️最鐘意羊肉咖哩，同Naan一齊食非常香，啲香味同辣味慢慢滲出嚟。另外一款雞咖哩都好食，冇咁辣，大人細路都啱食。咖哩角食落唔油，而且有兩款醬撈埋一齊食，中和到，味道幾清爽。🤩老闆好好人，廣東話係母語水準，會仔細介紹啲嘢食點配搭會好食啲，得閒會過嚟傾下計，氣氛好好。今次仲有幸見到主廚，會問下好唔好食，傾返幾句。😬環境幾乾淨，地下同枱面都冇污漬，唔會有食物碎喺地下。張櫈好坐，枱櫈望落都新淨，墊枱嗰塊有清潔過，冇油笠笠嘅感覺。餐具同碟都冇漬。有足夠空間，仲有張大枱，唔洗逼埋一齊。冷氣開得啱啱好，全程都好舒服。☺️☺️❤️非常推薦。

今日經過重慶大廈，食開嗰間咖喱店冇開，於是便隨便入了這間小店，估唔到呢間小店入面有咁好食嘅咖喱同薄餅👍👍 我點了一份羊肉咖喱，一份芝士烤餅，一份洋蔥烤餅。咖哩好足料，濃郁，香口，羊肉分量多，味道相當不錯。而薄餅外脆內軟，中間還夾了一些咖喱餡，看得出店家在這些小細節上也下足心思。服務態度都好好👍好有驚喜！

去重慶大廈，一定要食印度咖喱！天氣太熱嘅關係，即是叫咗兩杯嘢飲一杯芒果奶昔，令一杯係士多啤梨奶昔第一啖飲落去嘅時候覺得個感覺好奇怪因為有種酸酸地嘅感覺但係唔係生果嘅酸味所以同朋友會有一種中咗伏嘅感覺但係一場嚟到都覺得冇乜所謂，乜都試吓叫了一個咖喱羊，再加芝士薄餅！芝士薄餅簡直出人意表再加埋咖喱真係好好食！個羊唔會有好重嘅羊味但係好明顯係口味極重如果鍾意濃味嘅朋友不妨一試小編建議奶昔可以喺食完咖喱之後先再飲我同朋友一齊食完再飲奶昔嘅時候覺得，杯奶昔好似係為咗食完咖喱而設的！😌😌整體感覺良好，有機會再試其他菜式！

講到重慶大廈，應該大家都唔陌生但係入去嘅人唔知多定少反正我就係第一次入去睇到好多朋友介紹入面有一間人細的印度菜係有驚喜身為吃貨的我當然一定要去朝聖一下啦餐廳裝修比起一般其他重慶大廈的印度餐廳整潔唔似係其他純粹地道特色的餐廳望到餐牌乜都有嘅時候真係唔知道食咩好不得不讚服務侍應能夠講一口流利的廣東話今次試咗雜錦印度燒烤入面有雞，有魚，有羊，有豬啱晒乜都想試吓嘅我分別用咗青咖喱，黃咖喱，紅咖喱去烹調個人最喜歡的係黃咖喱配合燒烤魚，真係冇得輸另外有一款印度醬汁我個人就認為唔太適合香港人口味，因為嗰種酸酸地嘅感覺一般好難喺香港其他餐廳搵到但整體嘅感覺都係非常好的！下次要同多啲朋友去試唔同其他菜式👍🏻👍🏻

叫左個咖喱雞+薄餅同菠菜芝士，咖哩雞同薄餅都好食，菠菜芝士就唔係好岩我口味，食落好似有羊奶嘅味道（但其實係牛奶），非常濃，鍾意超濃芝士味既人應該會鍾意。後尾店員見到我地唔岩食個菠菜芝士，非常友善咁話可以幫我地換過另一個餸，不過由於我哋已經食左幾啖有口水又食到尾已經飽，加上唔係太好意思就婉拒左。之後店員好有心機咁講解每個餸係點食法—例如同薄餅一齊食定係同飯一齊食好啲。最後仲送左兩粒印度湯丸俾我地試。非常友善同好客既餐廳！

今天我同家人想食印度餐，知道重慶大廈有不少印度餐廳，就上網查詢那間較為出名，發覺Moti palace 可嘗試一下，因為我是預約，剛步入重慶大廈門口，就已經有幾位印度人任推薦自己店鋪，我一開口說那間的時候，已經有人知道我的booking了，就帶我們到餐廳去，入去後不知那人是老闆還是下屬，佢以廣東話推介食品的特色，用英文也可以的，如你可以說流利英語的話，雙語毋防，食得又開心，價錢都一般，不算太貴，最好多幾位朋友一齊就開心得多。

第一次去重慶大廈食印度菜，一入到重慶大廈就有好多好親切嘅叔叔介紹自己嘅餐廳。不過聽人講呢間幾好而且book咗枱就唔洗揀，直接去咗呢間。我地兩個目標都係烤餅，所以叫咗一個 Garlic nan 同一個butter nan。兩款都好香好煙韌，而且有啲位係脆嘅Main dish方面叫咗一個 butter chicken 同一個椰汁忌廉煮蝦。Butter chicken 好香好惹味，加埋烤餅好夾！不過就咁食就鹹咗啲。椰汁忌廉煮蝦就同一般咖喱差唔多味，我唔食辣嚟講有少少辣不過係可接受嘅。飲品方面我叫咗杯香蕉奶昔，唔係好甜不過飲得出真嘅香蕉味～一路食嘢一路都有幾個叔叔行過嚟問我地好唔好食，睇得出佢地好緊張客人嘅comment！最後仲請我地食印度湯圓～不過就好甜喇。整體來講今次去重慶大廈食印度菜係一個好特別嘅體驗🤩印度菜果然好好食！如果你重慶大廈好陌生不妨入去食餐飯，感受下香港入面不一樣嘅地方～

之前睇網上介紹知道依度性價比好高咁啱openrice book仲可以book位非常方便其實我廿幾歲人第一次真係行重慶大廈Ground Floor以上好鬼緊張樓下好多人熱情招呼我一心想嚟依一間幾驚跟咗人去第二度入到去發現原來重慶大廈餐廳坐得咁舒服㗎？原來我一直都錯過咗！坐定定叫嘢食哥哥仔好有心機同每一枱客介紹食物會了解大家喜好再向大家推薦好細心！我地叫咗Lamb Curry（其實去之前打算食最出名嘅butter但我依個羊肉控完全忍唔住！）仲叫左一個tomato pancake(其實係咪叫pancake?)mango yoghurt shakegarlic naanindian milk tea同埋有個烤cottage cheese我本身就好鍾意食印度嘢但估都估唔到連食嘢好揀擇嘅男朋友都大讚佢就特別鍾意naan同pancake而我？我揀唔到但有一樣嘢我真係好唔開心囉就係：我太細食 仲未食到芝士菠菜！！！睇嚟下次要帶多啲朋友嚟咁先可以試多幾樣嘢下次再見啦重慶大廈～

想食地道既咖哩一定要黎重慶大廈，一入到黎已有專人帶我地入位。入到去環境優美，員工都好主動招呼我地。由於我地好多人，所以叫左好多main dish。最鍾意就係咖哩角外脆內軟，食完個人即刻暖苙苙！叫左3款咖哩，全部都好入味，好香，完全唔係街外個d咁淡味。叫左個肉類拼盤，有魚又有雞，雞肉又唔會太乾，大大盤鐵板上，岩曬我地呢d食肉獸。今時今日既香港真係好難搵到服務態度水平咁高既餐廳，我地帶左兩支酒黎，老闆仲好好無收到開瓶費，間唔中會黎下d問野食岩唔岩食，整體感覺賓至於歸。店員既服務非常周到，下一款菜式上之前都會幫我地收曬d碟，甚至連骨都幫我地夾埋走，時時刻刻留意住我地有咩需要，最重要係老闆非常好人，偶爾過黎同我地傾計，傾落至知老闆有份係上年十月送水俾遊行人士，真正香港人！樣樣野都好好食，服務態度又好好，最後重加送埋甜品，下次一定會帶埋朋友再黎度度食飯都限你90分鐘交枱，呢度完全人情味行先，今時今日所餘無幾。黎重慶一定要試下。

呢排悶悶地唔知食咩好，有一日睇某位國際專家介紹呢間響重慶大廈嘅印度餐廳，係一間低調但好有良心嘅小店，所以就同一班朋友一齊黎食～好多人覺得重慶大慶都係古古怪怪，但其實除左響大門口爭生意派卡片果班比較激動，大廈內都係好平靜同有好有感情嘅地方，只要認識佢地嘅文化就會覺得佢地係好有人情味～今次叫左8樣野，有菜丸、咖哩、芝士波菜、烤雞、羊等，當中芝士波菜大家一定要食，真心好食！其他全部都好好食！而老闆們相當好客，感受到佢哋對客人係好有熱誠，同埋佢地會介紹菜色，最後仲送甜品～價錢亦都好平，呢一餐都食得好開心～

朋友推介尼間餐廳，野食真係好好食！老闆都好nice,同埋識講廣東話，真係勁，同埋幫手推介咩好食，最後仲送埋甜品，下次都要帶朋友來試一試！推介薯仔烤餅，芝士菠菜，牛油雞，奶昔都好飲❤️