玉桃軒酒家 (鱷魚恤中心)

營業中

休息中

40元的黑椒金錢肚面層只有三塊正宗金錢肚，下層已是是三年低價的草肚，貨不對版。28元的柴魚花生粥鹹到不得了，而且裏面肉碎多過柴魚！ 服務態度亦很差嗰個黑口黑面！最基本的茶葉也很零碎， 我和男朋友是飲鐵觀音但是一點味也沒有！

上次應朋友之約去咗呢間玉桃轩食嘢，覺得好開心好滿足，今日我帶老竇同我媽咪去飲茶，不負所望，點心仲係一樣保持咗水準呢度飲茶嘅好處係唔使同人搭枱，環境闊落乾淨舒服，侍應服務都好殷勤主動有禮，點心夠新鮮味道好蝦交超水準，叉燒酥很松化價錢大眾化，啲點心都來得好快，春卷夠晒香脆，鴨腳扎勁大件，燒賣大大粒肉汁鮮美，燒鵝都好好味值得推介今日可能係假期嘅關係，酒樓門口好多人等位，大約等咗20分鐘，絕對值得飲茶好去處

細妹生日，想食片皮鴨，見到哩間有，就試試，Book左8：30, 6位，去到門口，有三位部長，見到我地都無主動帶位，要我地等五分鐘，成間酒樓無full,但都有十幾張檯食緊，我地叫左八碟餸，未到9點就叫我地埋單，仲叫我哋慢慢坐，當時未上齊餸，成1600埋單，之後再來餸時，個侍應手托住兩碟餸叫無位擺，你地叫好多餸，我細佬出聲，多餸都要你管？仲要幫你搵位擺？最過份係未到9：30,已經走左九成客，佢地開始執野，幾個人成日行過來望我地食完未？一個望完到另一個，電視熄埋，執晒附近既檯，我問其中一個侍應你地收幾多點，openrice是11：00, Google 係11：30,但而家只係9：30,個侍應支吾以對話差唔多啦，妹夫：你唔好執，你令我地感受十分不好，我地原本仲有生日蛋糕食，後來見佢地十幾人企晒係到望住我地，都唯有拎走唔係到食，最後妹夫出聲話佢地，佢地其中一個侍應仲笑笑口講：我地多人梗係望你啦，（仲未知自己乜嘢問題😵‍💫）咁嘅價錢，畀咁嘅服務質素冇下次

好耐都冇見過一班舊同事同契爺我哋就一就老人家，就喺佢屋企附近開餐😂之前喺呢頭做嘢都冇試過呢間酒樓估唔到有驚喜喎基本上每一碟餸都係幾好食好有水準我覺得嗰個黃金蝦，好正佢個皮又薄又脆👍🏻雖然我覺得個片皮鴨都係唔夠我返鄉下好食，但係以香港嘅質素嚟講已經係好好個皮已經算好薄😋仲有個唔知咩骨😅😂😂食完都唔記得佢個名，但係佢個味道好惹味呢啲肉又Juice😌其他四季豆粉絲煲，同埋啫啫煲通菜都係唔錯唔錯

今天中午，一大班人，在觀塘的玉桃軒酒家飲茶， 非常多人到鱷魚恤大廈樓上的餐廳食肆吃午飯。所以，樓下大堂大排長龍，最後，選擇了行樓梯直上六樓， 雖然訂了枱，酒樓門口外面 也有不少食客，還要等多約五至十分鐘，才能進內坐下。叫你的點心頗多，較喜愛的有：古法馬拉榚、鮑汁花生炆雞腳及鮮蝦炸雲呑。四寶滑雞扎、香滑流沙包、黑椒金錢肚、荷塘蓮藕餅、椒鹽魫魚鬚、金銀蛋浸時蔬、卤水豬仔腳，就連玉桃軒蝦餃皇都是一般般。回味脆脆腸粉，味道怪怪的，不太喜歡。至於脆皮燒腩仔及花雕醉嫩雞，超細碟，非常不抵吃。櫻花蝦肉鬆炒飯，一點也不好吃，櫻花蝦及肉鬆的份量少到差不多找不到。最後加了些甜品。埋單一看，平均每人$230，以這質素一般的酒樓，感覺頗貴，可能附近酒樓的選擇不多，這裡仍是人客如流。

星期一家人合共9人到觀塘的玉桃軒食晚飯。因曾經試過於觀塘晚飯大排長龍，所以幾日前已預先訂枱。稍為早咗小小 (7:15pm) 到達酒樓，發現只得大約3至4成客。直至我地大約10點離開時，枱數都無增加過。點咗大約10個小菜，另外點咗個炒飯，最後另外再加半打壽桃。特別推介：京式片皮鴨 - 鴨份量夠晒大方，而且皮底亦絕對唔少欖角骨 - 除咗啖啖肉，亦烹調得夠味叉燒漏咗影相，雖然份量唔多，不過每件都好鬆軟壽桃 - 蓮蓉份量豐富，熱辣辣上枱，好正玉桃軒枱與枱之間空間較多，就算真係full house都唔會太擠迫。職員的服務尚算主動，頻頻幫我地換碟。就今日的體驗來講，整體滿意！

今日(23-2-2023 Thur) 同女同事ES,男同事RL一齊嚟呢喥同舊同事食晏,呢間係我好多年前食過(上次食評係2018年5月20日刊登嘅呢篇: https://www.openrice.com/zh/hongkong/review/%E4%BB%BD%E9%87%8F%E7%B4%B0%E5%88%B0%E5%91%A2-e3048266),我哋book咗位嘅,就即刻有枱.入到嚟,感覺細間咗,或者受疫情影響啩.我哋要咗:9. $148.00嘅肉絲煎麵上枱睇,已幫客人切成四份,幾貼心.食落好脆口,但食到少少苦味.肉絲味道較清淡.味道:3.5分 6. 中點嘅香煎蘿蔔糕口感鬆軟,正常.味道:3分10. $68.00嘅上湯蒜籽浸時蔬要咗油麥菜,口感夠腍.味道:3分8. 頂點嘅韭黃鮮蝦腸粉一碟六件,爽口蝦仁大大隻,腸粉滑.味道:4分11. $118.00?嘅燒腩仔皮脆唔太鹹,但芥辣竟然有啲苦.味道:4分5. 大點嘅上湯鮮竹卷口感同味道都正常.味道:3分1. 頂點嘅玉桃蝦餃皇大大粒,都ok冇問題.味道:3分4. 特點嘅北菇棉花雞我只食咗魚肚,口感適中.味道:4分2.  頂點嘅蝦籽燒賣皇比蝦

星期六下午約朋友到玉桃軒下午茶🥢，位於觀塘開源道79號鱷魚恤中心6樓。 我們大約兩點到達， 一去到已經可以入座， 場內都唔算多客人。 二人大約點了十多碟點心， 印像中除了啖啖肉的燒賣和滋味多汁的棉花雞之外， 其他款式的點心都是普通製作😊。 最搞笑食到三點已經開始熄燈， 最後唔夠時間食要打包😅。埋單大約四百幾， 性價比不算高😉。🏷️溫馨提示～ 整個用餐體驗均屬個人分享意見， 只作參考😊。     玉桃軒酒家 (鱷魚恤中心)地址: 觀塘開源道79號鱷魚恤中心6樓

^v^ 很感恩囡囡竟然肯上茶樓去飲茶！女兒由小到大都被婆婆揍去茶樓，當年婆婆天天都好開心。但自從上高小初中婆婆「等了又等」...漸漸已經不再強求今日，很驚訝女兒竟然願意再次去飲茶看看今日女兒的最愛點心：1. 必食的「蝦餃」2. 勢估唔到的「鳳爪」3. 裡面熱辣辣的「小籠包」4. 經典的「炸魷魚鬚」5. 後排的「炸豆腐」從營養的角度來看，多食煎炸和澱粉質固然會肥和增重。但，蛋白質其實對維持身體健康和減重尤其重要：蝦餃的「蝦」、小籠包的「餡肉」、炸豆腐的「豆腐」和炸魷魚鬚的「魷魚鬚」。剛剛合適女兒身體發育、長高的年齡。

觀塘鱷魚恤附近有數間茶樓（酒家）, 這裡的人都不少，等位的時間不算長，但入去就有點迫，坐位不太寬闊，要搭枱。食物的味道差不多，沒太大分別。侍應的服務都是一般般，勝在有杯熱茶飲下。點心款式不算多，價錢也是介乎中位數，不算是特別平或者貴。整體而言，是窄和沒有甚麼特別吸引之處。不過，這間的裝修比二樓光猛，比九樓平，如果侍應服務特別好，或價錢特別有優惠，又或者特別多款式，點心特別好味，甚至可以不搭枱的話，或許可以吸引更多客戶，或可在眾多茶樓（酒家）突圍而出。

今日有屋企人生日所以去左茶樓食晚飯見呢間有得食片皮鴨就好想食叫左隻片皮鴨 覺得D皮唔夠脆 肉有D柴所以有D失望但其他小菜都唔錯幾好食叫左個魚香茄子 通菜炒牛肉 長輩都幾滿意下下次大日子可以再食

平時會成日黎玉桃軒食飯原因因為覺得佢野食好新鮮 入口又熱辣辣 好食中秋節當日係到飲完早茶 都覺得幾好同平時一樣食得出係新鮮蒸起 所以都預約左當晚係到食飯叫左好耐落單 咁都冇人理咁可能中秋大家都忙 最後叫左20分鐘左右先有人落單我上年生日係到食片皮鴨 一黎覺得上枱個陣係熱 （附近有舖上枱係凍冰冰）二黎覺得抵食 但中秋個價錢double左 冇叫到 唔知好彩定咩 見到隔離枱叫侍應將碟冇食過既片皮鴨 原碟拎走 我擔心係咩事 但睇唔到然後自己叫左翅 我地5個人 所以佢分完每人一碗其實仲有剩 我地成枱都見到 諗住佢等等過黎分 點知下一秒個侍應倒左佢 係我地面前倒左佢 呆左個翅係$598+10% 個到目測保守估計都至少有一碗+ 但佢倒左中秋我明大家好忙 但唔係咁既態度呀 忙唔想再搞 咁我地自己處理 而唔係倒🥲望完成餐飯就無mood🥲

好耐無兩個人黎酒樓食個晚飯。見佢有個晚飯套餐都幾抵食，就來一試。鍾意這裡的環境沒有一般酒樓咁嘈吵。枱與枱之間，空間感十足。晚飯套餐有好幾個選擇，價錢由$288-$368，我選了$288 的灼海生蝦配秘製海山骨。 海蝦新鮮，肉質爽口無腥，清甜爽滑，一份有十多隻。海山骨就是蝦醬炸排骨，排骨炸得金黃色，乾身而不油膩，食落酥脆香口，肉厚，食到淡淡蝦醬的咸香味，很好送飯。每餐都需要食菜，所以另外再點了客蒜蓉炒菜心，幼嫩脆綠。溫馨提示，另加茶芥及加一服務費。

今晚同這位朋友吃飯，朋友說很久没去酒家吃小菜，我就選了今晚這間，因之前中午吃過，味道不錯，環境光線柔和同比較寧靜，今次坐下看了一會餐牌，我們叫了沙巴龍自選組合沙巴龍配龍幾大條，上枱陣陣香鮮魚香，魚厚身，好彈口，入口好有口感同滑身，特別好有鮮魚味蝦米炒粉絲煲放上枱鍋入面聞到陣陣好香蝦米味，入口蝦米特別香同彈牙，粉絲幼細，炒得好乾爽同嫩滑，特别好有口感紅燒乳鴿乳鴿每部份都燒得好均匀，皮脆脆地，好有口感，乳鴿肉厚身，嫩滑同霖，好香乳鴿味

觀塘下午茶想飲茶，鱷魚卹大廈 好去處，有好嘢玉桃軒中菜館，朋友話啲灌湯餃非常好加正，就非常唔一般，一於嘆一嘆佢。兩個人坐低叫咗一個雞絲粉卷24個8，雞絲就包晒落份面，但係食入室都好扎實。南翔小籠包24個8，四個，想做後生一籠十個年代，食晒都唔夠喉，而家四粒啱啱好，留番位食第二味，早晨孖寶 42個8，北菇棉花雞，加咸魚肉餅飯，食飯用花鮫魚肚做餸都唔錯吖，好意頭嘛。跟住再叫花膠瑤柱灌湯餃兩隻 85，一人一隻自己慢慢食連湯都飲埋，有花膠瑤柱味道想起都正，重可以食在面前添。一個安蝦鹹水角29個8 ，皮略厚了一點，都算熱棘棘好味。一個頂級 玉桃蝦餃皇42個8，中蝦一粒有兩隻，口都放唔落咁。茶水每位12蚊總計300蚊落樓好味到回味灌湯餃真正，下次再食，