玉桃軒酒家 (鱷魚恤中心)

今日去咗觀塘鱷魚恤大廈玉桃軒飲茶，下午茶時段好抵食。環境裝修不錯，樓底高夠光猛，唔會太迫，而且仲可以望到觀塘景色。金絲脆蛋散大大碟唔使$20非常抵食，外層夠晒鬆化，蜜糖再多啲就更加好。叉燒湯米線叉燒靚半肥瘦，份量足，米線幼滑。豉汁煎釀茄子一碟四大嚿，新鮮即製熱辣辣，醬汁滿滿。藥膳浸雞腳真材實料，上枱已經聞到一陣藥膳香氣，雞腳炆好腍身。惹味牛孖筋滿滿的，份量十足。牛孖筋勁多骨膠原，炆得好入味同腍身。蝦籽燒賣皇好大粒，而且好足料肉和蝦的比例啱啱好，蝦籽增添口感。香滑流沙包新鮮上枱，熱辣辣，名副其實的流沙。五式點心拼盆極力推介，有五粒唔同點心，包括蝦餃，粉果，鮮蝦豆苗餃，雞包仔和黃金糕，同樣熱辣辣，CP值高。是日糖水優惠價12.8，今日係芋頭紫米露，好足料有好多芋頭，真材實料，唔會水汪汪也唔會太甜。總括嚟講，環境坐得舒服，食物質素唔錯，下次會再幫襯。…查看更多

閒日有時間同朋友去開觀塘，就在APM 鱷魚恤中心揀到間玉桃軒酒樓，接近下午時段非常多人入到去入面燈光明亮，座位同環境都舒適，樓頂仲有華麗水晶白色燈飾出口接待店員服務還可以，可以更好一直叫我地坐而沒有比點心紙五式點心拼盤包括蝦餃有，粉果，豆苗餃，黃金糕及叉燒包黃金糕熱食都可以，入口有煙韌的口感菲王鮮蝦腸粉 晶瑩剔透的腸粉皮包著鮮甜蝦淋上豉油，口感滑嫩蝦籽燒賣皇燒賣最面有蟹籽，燒賣入面蝦肉夠鮮肉質結實鮮蝦菠菜餃一籠3隻 大大隻菠菜餃皮薄新鮮波菜夠足料，大隻蝦又彈牙薑蔥牛柏葉牛柏葉份量一足都好多件入口爽口彈牙北菇棉花雞 魚肚掛滿雞肉鮮味同冬菇味道雞肉嫩滑而魚肚都吸了鮮味，滋味呀整體邋還可以食物好快就來到送點心來姨姨非常服務好又有禮只是門口接待姐姐有待改善玉桃軒酒家 (鱷魚恤中心)觀塘開源道79號鱷魚恤中心6樓…查看更多

位於觀塘的玉桃軒酒家是一家以廣東菜為主的中式酒樓，結合傳統與創新的烹飪手法，提供多樣化的精緻點心與海鮮佳餚。餐廳裝潢典雅，氣氛溫馨，非常適合家庭聚會或商務宴請。招牌菜如蜜汁叉燒、流沙包及冬瓜盅備受食客推崇。玉桃軒注重食材新鮮，菜式口感層次豐富，服務細緻貼心，深受本地及外地客人喜愛，是享受高品質中餐的不二之選。套餐及自選組合價錢相宜，今晚就跟朋友試試片皮鴨自選組合及冬瓜盅。💙 片皮鴨片皮鴨的鴨皮經過精心烘烤，色澤亮麗、質地酥脆，入口即化，與薄餅、甜麵醬、青瓜條及蔥絲搭配，呈現出層次分明的味覺享受。鴨肉鮮嫩多汁，與香脆的鴨皮形成鮮明對比，每一口均散發濃郁香氣，餘味悠長，充分展現了經典粵菜的烹調精髓。 💙 菠蘿咕嚕肉菠蘿咕嚕肉以炸至外酥內嫩的豬肉為主，配以酸甜適中的菠蘿汁，果香與肉香相得益彰。每一口均能感受到酸甜交織的滋味，既開胃又令人滿足。菠蘿塊鮮甜多汁，與豬肉同時入口，其清新的果香中和了肉類的濃郁，口感豐富，令人回味無窮。 💙 海皇八寶冬瓜盅海皇八寶冬瓜盅以冬瓜盛載八寶海味，湯底吸收了多種海味的鮮香，味道層次分明。蟹肉、雞肉、蓮子、勝瓜、蝦仁等食材豐富，帶來多樣的口感變化，細膩而滿足。冬瓜質地軟糯清甜，湯汁清潤濃郁，既喚醒味蕾，又充分展現南方料理的精緻與鮮美，整個冬瓜盅份量非常多，尤為適合共享之用。…查看更多

去完鱷魚恤中心旅行社集中地之後，就跟家人去嘆茶。茶樓環境光猛，整齊企理。大廳設有多張四至六人圓枱，亦有八人枱，枱與枱之間有一定的空間，坐得舒服。安坐後就先點壺茶，來一壺普洱(茗茶$13/位)，茶香濃郁，回甘解膩。多張點菜紙，多選擇，包括孖寶特區、時令蔬菜、廚師推介、特別蒸選、紅紅火火、甜在心、長長久久。週六日價格為小點($24)、中點($36)、大點($39) 、特點($43)及頂點($47）。******************************家鄉煎蓮藕餅 （$33.8）鹹香美味，肉餅中混入爽口的蓮藕粒，口感豐富。******************************南翔小籠包 （$39.8）的確皮薄饀靚，先吸去裏面的湯汁才慢慢吃，免得不慎被熱辣辣的湯汁燙傷。湯汁鮮甜，肉味香濃，吃時蘸上酸咪咪的醋汁，更加美味!******************************豉汁蒸排骨 （$43）蒸得夠火喉，排骨半肥瘦，腍嫩入味。******************************花膠瑤柱灌湯餃（$47/隻）熱辣辣，湯很香濃，內有鮮香的花膠和瑤柱，足料！灌湯餃脹卜卜，內饀豐富。******************************古法馬拉糕（$36）輕而鬆，兼且回彈。糕身綿密，鬆軟而不黏口，甜度適中，不錯！******************************白灼有機菜心苗（$48）非常新鮮，翠綠清爽，很嫩！…查看更多

早幾日和朋友講起夏天吃冬瓜最好時節，不約而同說約去酒樓吃冬瓜盅啦！這間酒家推出幾款新菜式。夏日精選～～～海皇八寶冬瓜盅🥣是一道經典的粵菜，以冬瓜為容器，內里燉煮多種海鮮和珍貴食材，味道鮮美清雅，非常適合夏季食用。冬瓜本身清淡多汁，經過燉煮後釋放出自然的甜味，與海鮮的鮮味完美融合，湯底清澈而甘甜。每個冬瓜盅都要燉煮十個鐘以上，加入豬骨雞湯瑤柱慢火燉煮的。配料有夜香花、蝦仁、金華火腿、柱具、冬菇、蓮子、瘦肉等。冬瓜肉燉至半透明，入口即化，而海鮮食材則帶來濃郁的海洋鮮味，層次豐富。還有冬瓜有消暑利水的功效，搭配海鮮的高蛋白，整體是一道既美味又養生的菜餚。晚餐超級大優惠～至尊自選組合我們還點選組合套餐——清蒸沙巴龍躉🐟配玉桃軒小炒皇🫛清蒸沙巴龍躉🐟採用清蒸的方式烹制，突出魚肉的鮮嫩與原汁原味。沙巴龍躉肉質緊實細膩，油脂適中，清蒸後口感嫩滑如豆腐入口即化，帶有石斑魚特有的彈性和膠質。而魚皮富含膠原蛋白蒸後軟糯黏滑，清蒸做法能最大程度保留魚的原味，無需過多調料搭配少許蒸魚醬油咸鮮提味，但不會掩蓋魚的清甜味。玉桃軒小炒皇🫛是一道經典的粵式小炒，以鮮、香、爽、脆為特色，集合多種海鮮和蔬菜快火爆炒而成。材料有韭菜花、蝦仁、蝦干、蝦米、魷魚、腰果等，這裡最特別就是有帶子，令這度菜味道層次更加提鮮。廚師加入XO醬和生抽、蠔油、糖高溫快炒讓食材表面略帶焦香，鑊氣足火候夠超級惹味又濃郁，是粵式小炒的靈魂。桂花糕🌼飯後甜品晶瑩剔透的桂花糕，清香撲鼻淡淡桂花香，味道清甜爽口又潤喉。…查看更多

今晚同屋企人做冬，揀咗觀塘這間玉桃軒，雖然知道做冬，大家都會預訂酒樓食飯，圍餐是必然嘅選擇，但都冇諗到這間酒樓，頭盤係燒味拼盤，原來青瓜同雲耳都係其中一個主菜之一，其他兩樣有叉燒幾片同埋燒鵝幾片，咁就叫做四色拼盤，這個菜單要$5388，嗰竹笙翅仲差，完全係湯羹，水汪汪，好難搵到一條魚翅，其他菜式不過不失，但係這兩道菜已經好失望，坐低嘅時候，啲碗碟仲有好多污糟嘢，張枱布又有漬，實在太離譜，香港嘅飲食經濟點解咁差，完全喺呢度睇到晒，真係希望大家唔好再幫襯，這間無良嘅店😖…查看更多

週末同屋企人去咗玉桃軒飲茶，點心款式傳統，全部即蒸熱辣辣。我哋叫咗幾款點心，款款都唔錯。落咗單好快就到！首先，🐮黑椒金錢肚燜得軟淋入味，黑椒香氣撲鼻，微辣惹味。 之後，🦐 蒜茸鮮蝦春卷，炸得香脆，蝦肉爽口，蒜香突出但唔會太濃。另外，🍖 豉汁蒸排骨，排骨斬得細件，肉質嫩滑唔黏牙，豉汁調得啱啱好，味道唔錯！蝦餃皇蝦肉飽滿大粒，鮮味十足～ 蝦籽燒賣皇都唔錯，豬肉味香濃～～酒樓環境光猛，最啱一家大細聚餐～～…查看更多

心思思想食點心同屋企人去觀塘飲下午茶今次呢度飲茶好抵食下午茶2pm後入座 茶芥只係$9/位點心低至$12.8性價比好高環境雅致舒適．同朋友聚會嘅好地方✨五式點心拼盤一籠有齊五款不同點心▫️蝦餃▫️叉燒包▫️鮮蝦菠菜餃▫️潮州蒸粉果▫️薑汁紅棗糕就算一個人嚟飲茶都可以食到唔同款式點心全部即蒸熱辣辣✨蝦籽燒賣王燒賣王肉汁豐富．口感彈牙面層仲舖滿粒粒蝦籽✨鮮蝦菠菜餃外皮晶瑩通透．裡面餡料飽滿啖啖鮮蝦同菠菜．真材實料✨迷你雪菜鴨絲炆米加入雪菜同鴨絲．好足料米粉唔會太腍．食到停唔到口✨春風得意腸外皮軟滑．包著春卷餡料．非常香脆充滿層次感✨乾蝦鹹水角每次飲茶必點鹹水角炸得香脆不油膩鹹鹹甜甜真係好味今餐抵食梗係由我埋單下次可以再Encore…查看更多

15/10訂枱食晚飯，晚上7:30入座，大家正興高采烈咁進餐嘅時候，到咗8:30個侍應姐姐行埋嚟同我哋講仲要唔要加單，事關酒樓要 last order了﹐原因竟然是廚房收9:00我哋成枱人即刻目定口呆，大家都覺得難以相信！…查看更多

位於觀塘鱷魚恤的玉桃軒酒家，以傳統粵菜和實惠價格深受街坊喜愛。片皮鴨自選組合 $388京烤片皮鴨片皮鴨烤至棗紅色，外皮酥脆甘香，鴨肉保持嫩滑。用薄餅皮包裹，搭配甜麵醬、青瓜和京蔥，口感豐富。鮮蟲草花蒸雞 雞肉嫩滑，蟲草花獨特的香氣滲透肉中，養生又美味。海皇野菌豆腐煲 $168豆腐煲用料豐富，包含魷魚、帶子等多種海鮮，以及多款野菌。豆腐嫩滑，吸盡海鮮與野菌的精華，醬汁濃淡適中，非常適合配飯。紅豆沙作為贈送的甜品，紅豆沙絕不馬虎。煮至起沙的紅豆香甜綿密，加入陳皮增添香氣，甜度恰到好處，為這頓傳統粵菜畫上完美句號。…查看更多

觀塘玉桃軒酒樓真係垃圾今日去食$398一隻片皮鴨，佢片完十幾舊出嚟，然後嗱嗱聲推走咗隻鴨, 跟住我哋問佢隻鴨去咗邊，佢話如果我哋攞走個殼要加$100! 隔籬枱都order咗一隻，然後隔籬枱就問點解切剩咁多肉？要求要攞返隻髀。我哋見隔籬枱攞，我哋都再問酒樓職員要攞返隻髀，佢依然話個殼要加錢，並不停同我哋爭拗，個經理仲話我哋可能第一次出去食片皮鴨。我哋本來都話只係要攞返隻髀，但職員可能發晦氣，最終將成隻鴨殼入膠袋度比我哋，啲態度xx到冇人有！上面兩張圖就係切剩嘅鴨殼…查看更多

我細細個已經跟媽咪飲茶飲到大 依加大咗各有家庭我哋放假仍然會一家人一齊飲茶鱷魚恤原本7層全部都係酒樓 1層1間酒樓 依加剩返5層係酒樓 雖然樓下排隊搭𨋢成日超長龍 但𨋢都好快嘅玉桃軒相對中高端價位 點心同小菜都OK 茶友亦相對無咁嘈雜 如果想舒舒服服乾乾淨淨靜靜哋 呢間都係一個唔錯嘅選擇😉 🥢薑蔥牛百葉牛百葉煮得夠腍 味道入味🥢安格斯牛肉腸粉腸粉唔會好厚粉 幾滑 🥢濃湯菌皇什菜煲有白菜、小青菜、菜心 仲有菇類 都幾多唔同嘅雜菜味道清清哋都唔錯 🥢清湯牛腩煲牛腩份量好多 而且煮得都係好夠腍湯有落少少黑胡椒 白蘿蔔都好入味 呢個唔錯 🥢薑蔥牛百葉🥢安格斯牛肉腸粉🥢濃湯菌皇什菜煲🥢清湯牛腩煲2個點心2個煲仔小菜2個茶位2個人午餐好飽🫶🏻承傳飲茶文化🫖…查看更多

鱷魚恤中心嘅玉桃軒酒家環境寬敞明亮，桌椅舒適，整潔有序，帶有傳統中式酒樓嘅典雅感。鱷魚恤中心嘅玉桃軒酒家環境寬敞明亮，裝修帶有典雅中式風格，空間安排舒服，座位唔擁擠。牆上掛有中式畫作配襯柔和燈光，增添溫馨氣氛，適合家庭聚餐或朋友聚會。整體感覺整潔舒適，好有傳統酒樓嘅味道。餐廳氣氛輕鬆，適合朋友或家人聚餐。點心籠仔份量足，色香味俱全，如鮮蝦餃皮薄餡多汁，腐皮卷外脆內嫩，肉丸滋味濃郁，整體口感層次豐富。食材新鮮，味道地道，價格合理，係觀塘區享受地道粵菜點心嘅好選擇。…查看更多

觀塘既是工業區，也是美食集中地，飲食上有很多選擇，來到鱷魚恤中心，大家想到玉桃軒吃晚飯，這間茶樓樓底夠高，裝修清雅，水晶燈繽紛閃爍。海皇八寶冬瓜盅 天氣暑熱，食個冬瓜盅可以說是消暑的湯品，以冬瓜作為容器，用料很豐富，以海產為主，蝦仁、蟹肉、螺片和瑤柱等，充滿海鮮的鮮美，冬瓜肉口感清新，加上肉粒和蓮子等，不同配料帶來多樣的口感體驗，層次感豐富，份量多又足料。脆皮蒜香雞半隻這道菜色香味俱全，雞件外皮好酥脆，雞肉鮮嫩多汁，蒜香味道濃郁，香氣四溢，令人回味。豉汁涼瓜炒牛肉炒得好有鑊氣，涼瓜鮮甜爽脆，牛肉嫩滑鮮味，加上豆豉的鹹香味，為這道菜增添了層次感。涼瓜吸收了豉汁的風味，充滿濃郁的味道，搭配牛肉的鮮嫩，美味可口。…查看更多

8月28日遠道由英國回來的，乘契姪女一家人，為揾食肥華補祝8月壽星宴，因知佢兒子即肥華，契姪孫喜愛食片皮鴨，所以肥華就選擇咗呢間位於官塘，以片皮鴨作為招牌菜的酒楼晚饍，品嚐此店名面。可能希望越大失望越高，此店呢隻片皮鴨嘅味道，佢唔講得差，但同都以片皮鴨作為，鎮店名物招來客人，已結業的沙田(富東閣)及啟德(五匠六釜)嗰隻片皮鴨一比之下，就明顯質素及味道都低於，此兩店一班至班半，而今餐其他食品水準亦不高，除咗另肥華失望外亦得不到，細仔仔及靚媽好感，衹給予此店一般評語，所以呢餐由契姪女做東的8月壽星宴，祇值。⭐️⭐️⭐️…查看更多