玉桃軒酒家 (鱷魚恤中心)

營業中

休息中

今晚和家人到觀塘晚膳。酒樓位置優越，地鐵直達，無懼日曬雨淋。環境也不錯，地方開揚，裝修簇新雅緻，座位之間寬敞，沒有侷促感。餐牌上的推介非常吸引：“晚飯超級大優惠---至尊自選組合”，五選一，另有優惠加配及自選小菜一款。我點了個片皮鴨組合，加二食，再加個雜菜煲。“京烤片皮鴨”原隻烤鴨推過來，色澤紅潤，皮肉脹滿。先由服務員在枱邊切片，儀式感十足。服務員手法純熟，把鴨片切得皮肉均勻，整齊排列在碟上。附上粉皮、京蔥、大蒜、燒鴨醬，地道京菜食法。鴨皮香脆可口，鴨肉鮮嫩多汁，腍軟酥香，配上京蔥大蒜等，多重口感，味道更提升不少。“鴨崧生菜包”加$100升級二食。鴨肉炒得又香又入味，加入馬蹄粒，增添口感，再配上生菜吃，非常惹味。“野菌雜菜煲”由多種菇菌及蝦乾炆煮，原煲上枱，熱焫焫，香噴噴。配上菜芯、白菜仔、粉絲等，用上湯燴成，美味而不鹹，更無味精，鮮味十足。“紅燒乳鴿”乳鴿皮脆肉嫩，紋理細緻，比較燒鴨，又是另一番滋味。“陳皮紅豆沙”餐後還有甜品奉送，綿滑紅豆沙加入陳皮，份外甘香。一頓豐富而高質的晚餐，全家都吃得非常滿足。

天氣凉凉地，同朋友想不如吃羊腩，太久冇吃過，就選去那兒吃，選今晚這間，因近大家工作附近，入到去，環境光亮好舒適，坐下，看了一會餐牌叫了羊腩煲附送唐生菜  大煲，打開煲蓋，陣陣羊腩熱香味升上來，夾起羊腩，腩肉厚身，咬了一口，特别爽滑軟霖，濃郁鮮香羊味，伴煲有枝竹，馬蹄，菇類等配料，好鮮味，少見，僻了多羊羶味，仍保持羊獨有羶味，平時怕羶味的朋友，值得一試這個唐生菜  本身的鮮菜味，放了入羊腩煲，有羊味道，另一種新鮮菜口感至尊自選組合-清蒸沙巴龍躉配秘制蝦米粉絲煲  龍躉大條，魚肉質感厚身，嫩口彈滑，濃新鮮海魚鮮味粉絲煲係用幼條粉絲，炒得好乾身，爽滑彈嫩，蝦米細細粒，一口嘴嚼到，粉絲味同蝦米味特別香紅豆沙  酒家送飯後甜品，豆豆滿舖在碗上，好香豆味，甜味剛好

幾鐘意酒樓食晚飯，觀塘玉桃軒幾有質素，嘢食好食，夜晚坐得幾舒服，出餐快，呢幾日好口乾，揀咗啲正氣清清哋嘅餸，三款都好食🤤🥢片皮鴨自選組合 $388好多人食，上枱都好快，全隻片皮鴨好大隻，2個人食唔晒，燒得幾好好上色，油份都幾多😍店員即場幫手片出鴨片，可同青瓜、韭黃、鴨醬一齊食，更有口感更改油膩感，味道一流🥢翡翠花姿珊瑚蚌幾樣都啱我食，珊瑚蚌好耐冇食，口感夠爽脆，仲有墨魚片，腍滑易咬🥢蟲草花蒸雞雞好入味，都幾滑，鐘意佢有啲汁濕濕哋，蟲草花都幾多🚩玉桃軒酒家 (鱷魚恤中心) (觀塘) @thegracesrestauranthk 📍觀塘開源道79號鱷魚恤中心6樓

餐廳位於觀塘，距離地鐵站約3分鐘左右，十分方便和快捷。這家餐廳位於APM旁邊，地點容易找尋。清蒸沙巴龍躉，價錢還算合理，最重要火候控制剛剛好，剛好骨肉分離。新鮮的食材果然最美味，配搭酒家自家調製的蒸魚醬油，大推薦。片皮鴨配黃金蝦球，套餐是也，性價比極高之選。片皮鴨，鴨皮香脆的，帶有一層薄薄的脂肪，但不油膩，更能吃出鴨的油香味，配搭片皮鴨的專用麼麼，外裡包裹爽口脆身的青瓜條、味道濃烈的大蔥和片皮鴨中不可缺少的醬汁，四者在口中帶出不同的口感和層次。黃金蝦球，爽口彈牙的大蝦，外層被香濃的咸蛋香包圍著，加上香脆可口，絕對是一道伴酒的良物。

Kwun Tong next to APM Chinese restaurant ..My families and I went to a restaurant called "The Graces Restaurant (Crocodile Center) ‘’ （玉桃軒酒家 (鱷魚恤中心)located in 6/F, Crocodile Center, 79 Hoi Yuen Road, Kwun Tong 觀塘開源道79號鱷魚恤中心6樓..Dinner set..We chose the steamed Sahab Grouper with stir fried beef bitter gourd with fermented bean..Steamed Sahab Grouper +stir fried beef bitter gourd with fermented bean清蒸沙巴龍躉+豉味涼瓜炒牛肉HKD$288..stir fried beef bitter gourd with fermented bean.loveeeee the beef which

好耐無去酒樓食晚飯，放工去咗觀塘玉桃軒，之前食過下午茶點心都唔錯的🥢片皮鴨自選組合 $388見好多人都食，全隻片皮鴨燒得好靚，色澤均勻😍即場片出鴨件，同青瓜、韭黃、鴨醬包住食超夾，好鐘意🥢咕嚕肉炸得香脆，味道酸甜開胃，無骨更易食👍🏻🥢瑤柱粟米石斑塊 $208清清哋要個斑塊，用咗石斑，肉質厚身又好食，加埋粟米汁濕潤啲又有粟米甜味，無咁熱氣🚩玉桃軒酒家 (鱷魚恤中心) (觀塘) @thegracesrestauranthk 📍觀塘開源道79號鱷魚恤中心6樓

同屋企人去飲茶例牌叫蝦餃，牛肉球，鯪魚球，菜心同個湯，再加鹹水角同埋叉燒包，仲有牛肉腸粉，全部嚟到嘅時候係得鯪魚球係熱嘅，其餘嘅點心唔係凍嘅就係微溫，好驚訝其實係咪預制菜？仲要係上枱好耐先拎俾我哋😩鯪魚球好似街邊魚蛋甘細粒非常失望，正常嘅鯪魚球應該係好似乒乓波咁大嗰，碗湯都叫做好味嘅暖暖哋睇嚟佢哋真係冇乜嘢熱食😔，最奇怪係幫我地舖枱舖完走左，我要自己去攞水😔😩

玉桃軒（觀塘）位於鱷魚恤中心6樓，是一家粵菜為主的餐廳，環境優雅，適合家庭聚餐、朋友聚會。這次選了幾道招牌菜式，包括前菜、片皮鴨套餐二食、薑蔥炆鴨件及菠蘿咕嚕肉。前菜滿滿的花生讓人忍不住先嘗一半才拍照，花生新鮮且口感爽脆，作為開胃小食，實在不錯。片皮鴨套餐二食鴨皮厚度適中，鴨肉香氣濃郁，鴨油均勻分布在肉及皮上，口感層次分明。配有大量青瓜及蔥，適合喜歡自行調配醬汁的食客。鴨皮酥脆，鴨肉鮮嫩，兩者兼得，絕對是愛吃片皮鴨的朋友必點之選。份量十足，非常適合多人分享。第二食薑蔥炆鴨件這道菜薑蔥味極濃，加上香濃的鑊氣，讓鴨片充滿風味。薑味十足，非常適合驅寒。鴨肉份量巨盛，每一口都鮮嫩多汁，搭配薑蔥醬汁，適合喜歡重口味及大份量的食客。菠蘿咕嚕肉酸酸甜甜的口感，搭配三色椒，視覺及口感都吸引。菠蘿份量多，酸味十足，增添了整道菜的層次。咕嚕肉外皮脆，但炸粉薄薄的，不會感到油膩，非常適合配飯。

在玉桃軒酒家享用了一頓美味的午餐。這裡的點心尤其出色，展現了精緻的點心烹調技藝。 首先試了蝦籽燒賣皇，鮮嫩的蝦肉搭配濃郁的蝦籽，💚口感層次豐富，令人一口接一口。 南翔小籠包，雖然外皮薄透，😌但包裹的湯汁卻非常豐富，吃的時候小心燙口，卻讓人感受到地道的江南風味。 北菇棉花雞的香氣四溢，雞肉鮮嫩，北菇的味道更是提升了整道菜的層次感。🉐️ 隨後來了一份陳皮叉燒酥，😍外皮酥脆，內餡香甜，完美結合了陳皮的獨特風味。 蜜汁叉燒飯😋，叉燒的蜜汁醬汁讓米飯吸收了豐富的味道，讓人回味無窮。

好耐冇試過夜晚去酒樓叫餸食飯啦，原來而加酒樓都有北京填鴨食，仲要價錢相宜!位於觀塘嘅玉桃軒，座位都幾寬敞，樓底都幾高，裝修光猛華麗!餐牌上有多款菜式可以選擇，而且仲有晚市優惠!京式片皮鴨，估唔到佢地嘅片皮鴨咁好食，侍應會係我地面前即席片皮，鴨皮脆口，但又唔會好肥，用上薄皮包住鴨皮、鴨肉、青瓜、京蔥絲，再加埋片皮鴨醬，食到鴨皮嘅juicy，又食到鴨肉嘅嫩滑，再加埋青瓜嘅爽甜同埋京蔥嘅辣口，一啖食落去多重感覺刺激味蕾!清蒸沙巴龍躉，好耐冇係酒樓食清蒸魚，龍躉唔算好大條，但係魚肉嫩滑，魚皮煙韌！鮮蟲草花蒸雞，蒸雞雞肉嫩滑，雞件唔會太多骨，份量唔少，用黎送飯一流！清炒油麥菜，油麥菜炒得有鑊氣，唔會用上太多油去炒，食落口感脆口清新！

自從2月去完北京後，一直都好想再食片皮鴨，於是就嚟咗玉桃軒。2個人選擇咗三餸一湯，包括：片皮鴨自選組合（除咗片皮鴨外，另外再選擇咗黃金炸蝦球）紅燒北菇豆腐煲原盅姬松茸燉螺頭湯片皮鴨直接看師傅將鴨肉被切成薄片每片大小厚薄適中，而皮層金黃酥脆帶有光澤，顯然是經過精心烤製，酥脆嫩滑的鴨肉，切成薄片再搭配甜麵醬、青瓜、蔥絲和薄餅一起食，好滿足。黃金炸大蝦球賣相非常出色，金黃色的外皮均勻且色澤鮮亮，蝦球大小一致，顯得製作用心。酥脆的外層和內部鮮嫩的蝦肉令人一看就很有食慾。蝦肉保持了鮮嫩爽口，而咸蛋黃分佈平均，每一啖都可以有咸蛋黃嘅香味。紅燒北菇豆腐煲放在砂鍋中保持溫度，砂鍋內嘅北菇呈深褐色，吸收了醬汁後顯得油潤飽滿。而豆腐切成大塊，表面呈金黃色，吸收了湯汁後每一啖非常入味。食到尾聲都仲係熱焫焫。原盅姬松茸燉螺頭經過長時間慢火燉煮呈現出琥珀色，清澈中帶有微微的油光，令到食材的精華完全釋放到湯中。配料看到姬松茸、螺頭、雞件，姬松茸本身帶有濃郁的菇香，與螺頭的海鮮鮮味相輔相成，一口氣飲咗三碗。呢一餐真係大滿足。

觀塘隱藏唔少好嘢食，今日就去咗apm隔離嘅鱷魚恤中心其中一間酒樓食中菜。 首先讚吓京烤片皮鴨，一睇就知隻鴨係新鮮燒起，因為成個鴨身係脹卜卜。師傅即場片皮，鴨皮脆卜卜，肉質嫩滑唔柴，配埋青瓜、蔥絲同麼麼皮，食落油香滿溢又有肉汁，水準拍得住酒店出品！ 我哋仲叫咗上湯焗波士頓龍蝦，+$38配伊麵，滿滿上湯汁，龍蝦啖啖肉，伊麵索晒龍蝦汁，鮮味爆燈！ 玉桃軒小炒王用料好實在，帶子鮮魷同蝦頭都算大隻且夠鮮，腰果脆口，蝦乾鹹香提味！  想食多啲菜，叫個惹味啲嘅，揀咗啫啫通菜煲，蝦醬味濃但唔會過鹹，上枱嘅時候仲有咋咋聲，熱辣辣咁食好過癮。 

之前在玉桃軒飲茶吃點心，環境舒適，食物味道不錯。今次在APM逛街後，跟朋友商量晚餐的時候就想起玉桃軒，看看晚飯水準如何。門口有大型水晶燈，光猛潔淨，內裡樓底高，座位寬敞，又有電視睇。最近推廣自選組合優惠，都幾吸引。今次最想吃的是京式片皮鴨首先奉上片皮鴨的一大碟配料及醬汁，而餅皮有蒸氣加熱著保溫，加分。燒鴨出場，香噴噴，色澤均勻，店員熟練的片出鴨肉，聽到清脆「卡擦」聲，鴨皮好脆。片皮鴨皮脆肉嫩，即燒出爐，夠熱又脆卜卜，令人齒頰留香。自選組合$388，片皮鴨單點$288，現在加$100就有一大碟菠蘿咕嚕肉。咕嚕肉外皮脆，啖啖肉，配上菠蘿肉、脆口青椒等好夾，味道甜酸開胃。白灼海蝦 $188擺碟精美，海蝦大隻新鮮，撕開蝦頭時有蝦膏流出，質感彈牙。

今晚同朋友去咗觀塘嘅玉桃軒酒家，環境裝修都幾雅緻，坐得幾舒服！一坐低就送上咗碟孜然粉花生，微辣香口，仲有啲脆脆哋嘅口感！ 「晚飯超級大優惠」至尊自選組合幾抵食！Combo 1我哋揀咗京烤片皮鴨，皮脆肉嫩，油脂香濃，夾住麼麼，青瓜京蔥同甜醬，幾種口感，食落啖啖滿足。另外仲有黃金蝦球，鹹蛋黃醬炒得夠晒香，蝦球大隻彈牙，送飯一流！ Combo 2我哋就揀咗上湯焗波士頓龍蝦伊麵底，龍蝦肉厚實鮮甜，伊麵吸盡上湯同龍蝦精華，啖啖都係鮮味！拼玉桃軒小炒王亦夠鑊氣，帶子、鮮魷、蝦球、蝦乾加埋腰果，韭菜花鮮嫰爽甜，口感豐富，鹹香惹味。另外仲叫咗個啫啫通菜煲，通菜嫩綠爽脆，蝦醬味濃郁，熱辣辣咁上枱，正！ 整體來講，呢個套餐份量足、質素高，價錢都算合理，絕對係觀塘區晚飯聚會嘅好選擇！

趁「三八婦女節」就到，一於帶埋屋企嘅女王媽媽黎食番餐正嘅，答謝佢每日辛苦打理家頭細務。玉桃軒裝修別緻大方，特別欣賞每張檯之間預留了足夠空間，等大家都食得放鬆自在。媽媽好鍾意食片皮鴨，咁啱做緊晚市優惠，就試試佢！京烤片皮鴨（⭐️⭐️⭐️⭐️⭐️）片皮鴨由經理親自席前操刀片開，鴨子非常大隻厚肉，外皮金黃酥脆，有油光，鴨肉亮澤多汁，散發淡淡的油脂香，搭配甜麵醬和青瓜絲令口感更豐富。薄餅柔軟有韌性，由蒸籠保留熱力，等你每一塊都係熱辣辣放入口。菠蘿咕嚕肉（⭐️⭐️⭐️⭐️💢）小菜顏色繽紛，咕嚕肉稍微薄了一點，外層粉漿炸得酥脆，糖醋酸甜度適宜，搭配新鮮多汁菠蘿粒和脆口青紅椒，香口開胃，啱晒送飯。柚子炸蝦球（⭐️⭐️⭐️⭐️⭐️）蝦球外層金黃酥脆，蘸上柚子醬酸酸甜甜平衡番油炸的油膩感。蝦肉彈牙新鮮又大隻，外層粉漿薄身又炸得夠乾，亦唔會跟蝦肉分離，達致外脆內軟嘅效果，非常開胃！~~~~~~~玉桃軒酒家 觀塘開源道79號鱷魚恤中心6樓👍特色味道👍地點方便👍環境舒適