玉桃軒酒家 (鱷魚恤中心)

營業中

休息中

放假又是平日，約友人一起茶聚。之前未去過呢間，咪試下 lor見d 職員人手超唔夠，但都好勤力，仲無脾氣，真係敬業樂業，入單，沖水，傳菜，執枱，少 d 氣力都唔惦 ！！食物方面，又好滿意，炸點唔太油，熱騰騰的。蒸點又骨子，唔會太咸，也是熱辣辣，一個字 "正"習馬拉糕甜度 ok 咸水角皮脆內暖鮮竹卷 腐皮好味腸粉唔夠滑，厚皮左d 鳳爪夠入味炸鯪魚球就小小失色下次一定要去下午茶，會仲抵d , 希望保持質數啦  

就黎中秋，同屋企人做節食飯，揀左位於觀塘既玉桃軒開餐～菜單上標明要提前落訂，咁我就早啲落訂hold左個半席圍餐黎食～到食飯當日，大約7點左右到達，全場大約只有一半再少啲既客，唔算旺場之後開始食飯，但係就越食越失望😔第一道菜係龍蝦伊麵，唔係熱辣辣既，個汁太杰，漿實哂咁，龍蝦數量唔算好多，份量較少第2道菜係西蘭花珊瑚蚌，哇頂西蘭花有虫🤮(讚佢冇農藥啦), 啲蚌好似橡根咁，帶子得2片🥲第3道乳豬，微暖，不過都算脆口，合格啦第4，5道菜係竹笙蟹肉翅同炸蟹鉗，個翅入面有啲硬硬地既翅咁，食得唔開心，蟹鉗正常第6，7道菜係魚同冬菇鮑魚，都算正常，熟既同微暖第8道係脆皮雞，啲雞肉都幾鞋口同好乾，啲皮都脆既，但唔熱既😔第9樣係荷葉飯，唔好食既，飯好林，同埋有陣唔香既荷葉味...最後既蟠桃包，終於係熱架啦！仲好大個，但係個黃係有陣怪味既，唔新鮮❌全個過程都冇乜服務可言，換過一次碟only總括： 唔值咁既價錢，食物質素同屋邨樓下啲酒樓咁上下，屋邨可能仲好服務過佢地。野食只係微暖，同埋真係冇服務，冇人執枱，啲餸上到放唔到先收走一隻碟，等緊蟠桃包既時候就催埋單。👎👎👎

今日星期日，11:30去咗觀塘APM隔離嘅鱷魚恤大廈飲茶連食午飯，玉桃軒位於鱷魚恤大廈6樓，地理位置喺觀塘來講都算方便。我們5個人，今日終於唔使再分枱坐，可以一齊坐。出發前查過香港衛生署網頁，玉桃軒屬於C類飲食處所。可能是星期日的緣故啦，樓下升降機大堂大排長龍，今日去玉桃軒都需要等位10至20分鐘。第一輪食物，我們主要叫了點心，一菜一炒年糕。仲有馬拉糕，點心味道正正常常、一般啦。第二輪叫了所謂特價孖寶（全單最貴，都唔係抵食的）：一個燒汁蝦仁炒烏冬、一個特色燒味拼盤，$198。 味道真心普通😂最後叫了兩個甜品。薑汁燉鮮奶真係偏甜，椰汁馬豆糕味道OK總體黎講食物質素一般，價錢略貴。5個人食左$700蚊，人均$140，唔算平。

兩年前都幾鍾意幫襯，當時質素高。今次非常失望，冬瓜盅未熟，蓮子、紅蘿蔔等湯料都好生硬，長者更加食唔到，已同侍應反映咗兩次，都冇理會，唯獨片皮鴨比較好食。侍應只會對客人有禮貌，但遇上食物問題不會通知廚房，送贈的贈券唔再用啦！

父親節去食飯叫左片皮鴨、菜螃蟹、黑松露炒蝦球、薯仔牛柳粒等等服務差已經算…原來野食仲差…首先個片皮鴨個醬係酸既，之後問佢拎返個殼，話要$100，真係第一次聽菜螃蟹炒出黎係鞋口既，同烚蛋白冇分別炒蝦球係冇松露味，亦都冇其他味最勁係個薯仔牛柳粒…收$188，個份量同快餐店個客飯一樣，幾粒牛同幾粒薯仔，完全係劏客仲要個牛係鞋口冇醃過…懷疑個大廚係樓下大x活倒咖哩汁果個廚工過黎part time 做野現附上圖片一黎到夾左一粒，忍唔住要影相…$188一碟，大家評下理

突如其來的飲茶節目，平日下午茶時段前往無需等候。首先，餐具整潔程度麻麻，需要自己再次清洗。另外，員工不足，未能服務妥當，其次，食物亦好一般，但亦不至於難食。總結，過於普通。

用家個人分享，不是打手！莫名其妙點解咁多好評真正用家自己諗啦8️⃣0️⃣位置，APM行過去，好易揾到。5️⃣0️⃣裝修不過不失，衞生不足，枱布有上手餘汁，有啲唔開胃。7️⃣0️⃣招呼，姐姐個個都好落力，好快應你。4️⃣0️⃣五式點心拼盆$33.8，每樣1件，共5件，义燒包、蝦餃、粉果、乜鬼糕......。6️⃣0️⃣蟹籽燒賣皇$24.8，正常。4️⃣0️⃣豉计煎釀茄子$23.8，其實算幾好食，可惜凍嘅，熱都唔熱下，應該煎完放左好耐。4️⃣0️⃣虎皮煎釀尖椒$29.8中點，又係凍嘅，應該煎完放左好耐。3️⃣0️⃣香煎蘿蔔糕 $29.8中點，睇到張相都感覺到又凍又硬，仲叫左2碟。6️⃣0️⃣南翔小籠包$33.8大點，正常，係即蒸。7️⃣0️⃣山竹牛肉球$29.8中點，係即蒸，算好味。7️⃣5️⃣ 醬王蒸鳳爪$29.8中點，係即蒸，算好味。3️⃣5️⃣古法馬拉糕$29.8中點，係即蒸，好乾身下。茶錢每位$12。3️⃣0️⃣CP值，2個人下午茶埋單$348加一，合共$384，平均每人$192，招呼姐姐好積極好快，但衛生唔掂，枱布仲有上個客啲汁，部分食物有啲仲係凍嘅，睇到咁多好食評先去，感覺中伏，唔會有下次。

星期五晚食晚飯，客巳唔多，約1/3滿，但坐下已發現茶杯及碗不清潔，樓面得2個，之後d食物又唔掂- 片皮鴨：包皮凍- 龍蝦伊麵：伊麵有油益味- 花膠扣鵝掌 (原本叫鮑魚鵝掌) : 差差差，花膠有腥味，鵝掌有油益味，個汁以為係糖水黎- 燒腩仔，松茸燉湯：好鹹- 翡翠花姿珊瑚蚌， 南瓜鮮菌炒帶子：一般

是晚試一試蟹餐，每人有一隻大閘蟹，另外仲有其實蟹粉菜式。大閘蟹無乜特別，反而蟹粉蝦丸，蟹粉湯丸好香，其他蟹粉菜式亦好食，真才實料，$418一位買二送一價錢都可以。

第1次試玉桃軒, 環境唔錯, 叫做坐得舒適D, 星期六飲茶驚迫人可以選擇泥依度。點心價位中上, 下午茶時間冇乜優惠, 食物質素正常, 冇乜特別~依個XO醬腸粉叫既時候以為係煎, 點知原來係蒸既, 再係面頭加XO醬同櫻花蝦。XO醬同同櫻花蝦既味道係好食又咸香, 腸粉夠滑, 但係相信依個組合如果換成煎腸粉會更好食。切雞米線雞冇另上已經扣左D分, 雞件骨肉比例差唔多, 湯底亦冇乜味而且唔夠熱, 麻麻地。馬拉糕新鮮熱辣又鬆軟, 味道香甜, 甜味唔OVER, 好味~蝦餃餡料飽滿, 蝦爽口, 餃皮煙UN, 好味~菜苗餃不過不失~

非常ok的一次用餐體驗係來請師姐喝個中午茶，整體消費唔算高跟廣東呢邊一樣的廣式早茶，服務員服務態度好好唯一欠缺就係比較少點心，希望下次酒家可以推出更多的點心。下次如果時間允許，一定來試下吃晚飯。

最近好久都沒多人外吃飯,  回想起上年臨近歲晚和朋友們相約在鱷魚恤中心的玉桃軒酒家午膳，順道送豬迎鼠，為新一年作好準備。是次選擇了經濟實惠的四人精選午市套餐（SET A) ，包括了湯、魚、點心、小菜及一款主食。是日精選老火湯火喉控制適中，用料十足，煲湯的豬肉絕對沒有榎歰歰的感覺，好味。清蒸沙巴仔師傅控制蒸魚的時間拿捏得十分準確，肉質十分飽滿，咬下去啖啖魚香。精美點心午市套餐可任選三樣點心，我們選擇了最大路及受歡迎的蝦餃、燒賣及小籠包。玉桃蝦餃皇蝦餃皮薄餡靚，彈牙爽口，鮮甜美味。　蝦籽燒賣皇燒賣是我最愛的茶樓點心，絕對不容錯過。豬肉的香味配上豐富的蝦籽，口感豐富。上海小籠包小籠包的外皮厚度適中，肉汁夠juicy，但一籠小籠包只得三粒，不夠四人分。特色小菜 - 薑蔥斑頭腩煲斑頭腩份量充足，加上斑頭腩都充滿蔥的香氣，好吃。精選主食 - 法式芝士焗蝦球伊麵充滿芝士香氣，蝦球也沒有overcooked。這個午市套餐十分價廉物美，值得一試，如套餐包括糖水（如紅豆沙、麥米粥等）會更加分。

今天閒日和家人去了觀塘玉桃軒食點心下午茶，這裏地方寬敞，樓底高，還安排了近窗的位置，坐得舒服。共叫了六款點心，全部也是新鮮熱辣。咸水角熱辣辣，足料，大大嚿好好味。柴魚花生粥煲得好棉，也同樣足料。點心拼盤有五件點心，還包括了蝦餃， 已經值回票價。豉汁煎釀茄子 一共有四大嚿，釀魚肉足料彈牙，配上茄子海王脆脆腸外軟內脆，內裡包著蔬菜類和蟹柳，比起傳統的腸粉添了一份新鮮感。香芋鴨腳扎現在的酒樓已經很少食到， 芋頭炆得很淋很入味，佩上鴨腳和腐皮是完美的配搭， 食回昔日的味道。

我今日下午致電觀塘店查詢晚飯事宜，但接聽嗰位女士好唔客氣，態度傲慢，語氣好差。對話如下。我：想查詢一下今晚有冇冬瓜盅？她：要訂。我：咁請問今晚有冇？她：有，要？我：哦，好吖。她：姓！我：X 先生她：電話！我：XXXXXXXX。她：幾點！我：7 點。她：你真係嚟先好，預訂要落訂金。然後我已經抵受唔住佢嘅態度，取消咗預訂晚飯，她先至話「先生你誤會啦」。估唔到未食都已經飽晒，一肚氣！睇番其他食客最近嘅食評，呢間嘢真係好有問題，有一兩位員工應該經常「上榜」。

今次係本人第一次寫食評，原因好簡單，就係「中伏」，未食過咁難食嘅酒樓！😡真係唔寫唔得，唔想再有人受害⋯原本純粹諗住同屋企人出街食餐晚飯，屋企長者話想食中式，就去OpenRice apps search觀塘區中式類食店，見呢間玉桃軒咁多好評，就即管試吓，點知就食到一肚氣⋯當晚我們一行人（5大2小）book了7:00pm枱，不過成晚都係得嗰幾枱客！另外我哋仲訂了佢哋所謂嘅熱門菜式「片皮鴨」和點了幾個家常小菜，結果⋯片皮鴨一隻，原來只係片鴨背肉，鴨髀、鴨胸肉是沒有的，問片鴨個侍應點解唔片鴨髀、鴨胸啲肉，佢竟然扮聽唔到，一枝箭咁推返架車入廚房，我行去問多次嗰個侍應，跟住有個睇嚟似係經理個女人答我話嗰啲位未熟透，唔食得，我話吓唔係片皮鴨一隻咩？點解淨係食背脊肉，佢答我係一食，唔係一隻（明明訂嗰陣和張單都係講緊一隻），佢叫我嗌多個二食（即係用嗰隻鴨餘下部份整多個餸），雖然感到唔合理，但我唔想同佢地嘈，諗住同屋企人食飯食得開開心心，所以我嗌多個二食，點知佢個二食鴨崧生菜包份量係好少嘅😢之後嚟嗰幾個餸，更加係惡夢嘅開始……脆皮炸豬手隻豬手根本冇炸過，冇脆皮之餘，個口感好似食緊燻蹄咁，吉x島買嗰隻豬手仲