玉桃軒酒家 (鱷魚恤中心)

營業中

休息中

臨近做冬時節，同朋友去咗酒樓食中菜。主要點咗羊腩煲、清蒸沙巴龍躉🐟配菠蘿咕嚕肉，兩道菜都好夠份量。冬天最嗰食羊腩煲$338，羊腩煲真係一大煲，份量十足，啱晒一班朋友圍住枱邊慢慢嘆。羊腩煮得非常軟腍，毫無羶味，湯底濃郁帶甘香，暖胃又滋補。配料方面，除咗羊腩仲有支竹、筍、冬菇，支竹吸滿湯汁，入口爆香。呢個羊腩煲性價比極高，啱晒冬天嚟食。清蒸沙巴龍躉配菠蘿咕嚕肉$288，抵食。沙巴龍躉清蒸得恰到好處，魚肉嫩滑鮮甜，配埋豉油同蔥花，一啖一啖食得好滿足。至於菠蘿咕嚕肉就酸酸甜甜，咕嚕肉香脆，肉質唔會太油膩，外層炸得脆口但內裡仍然保留咗嫩滑嘅口感。