牡蠣小屋

營業中

休息中

補寫食評用餐日期：2021年12月17日 星期五COVID--19全球大流行，抗疫２年，生活習慣改變了，其中包括：不聚餐工作日午餐，多數自己１個人吃，日本料理是個合適的選擇。自己１個人到銅鑼灣 L Square牡蠣小屋吃午餐，點了鮮魚壽司定食，包括以下的：#野菜沙律：普普通通，蔬菜不算新鮮。#前菜：高木羊棲菜，爽口。#鮮魚壽司：有８件不同的壽司，２件貝類、３件白身魚、甜蝦、蟹籽軍艦、玉子，魚生都很鮮味，飯糰size較小，男士吃會不夠飽。#味噌湯：顏色偏深，但沒有過鹹，不錯！#凍檸檬茶：微甜，挺好喝的！

OpenRice見到咁多正評就過嚟試吓，結果就係中大伏嘅開始， 我同朋友分別叫左個主食，然後因為呢度主打蠔，所以都叫左個吉列蠔試下，仲叫左杯hojicha latte飲。我叫左個kagura彩虹魚生飯，睇menu相賣相好似好靚，但係原來食法好奇怪，係要將個樽入面既魚生倒落去啲飯度自己撈黎食，咁樣將啲魚生塞入去個樽之後又拎返出嚟，其實所有魚生都變到一pat嘢咁，根本感覺好似食廚餘咁本來諗住魚生飯應該難食極有限，點知中曬伏。魚生唔新鮮不特止，個樽入面仲有啲奇怪醬汁，白色潔撻撻咁，撈落啲飯度變左有啲怪味，個口感好似食緊啲黏液咁，最後我剩係食左啲冇點到果pea醬既魚生頂下肚就算魚生唔好味唔緊要我仲有呢度主打既蠔，不過吉列蠔啲粉太厚，蠔本身頂唔係特別出色，仲有佢附送嗰兩個醬汁，深色啲嗰隻超難食，點落去即時冇晒胃口，即刻唔想食落去。呢一餐我同朋友都覺得超失望，名不符實。事後再同其他朋友傾返，都覺得呢間嘢超難食，野食完全唔值呢d價，唔明點解咁多正評，都唔知係邊度黎😑😑😑😑大家小心中伏最後我地唔想食落去，轉左去附近揾其他日本野食，完全係浪費金錢既一餐。

真係好耐無去日本啦⋯⋯⋯岩岩出左糧就決左對自己好啲！食好啲！想食蠔既我就搵到呢間餐廳，見到都好多好評就去試試啦～Book左14:00，但早左去12:20去到，都比我地入座，超好☺️環境唔錯，闊落又乾淨，播住日文新聞同有一位日本人既女士幫忙落單，思鄉情懷湧晒出黎😂😂😂我叫左彩虹魚生飯set lunch，我第一次食，佢將啲魚生放晒落樽仔入面，最底層白色既山藥，對我黎講好新奇又有趣😬朋友叫左牛舌set lunch，牛舌份量唔多，所以大食既朋友要留意返～我地再叫多左半打鐵盒燒蠔，侍應都有禮貌介紹點食既～不過無想像中咁好食，不過不失啦～14:30 last order我地坐到15:00左右都無趕我地走😄唔錯唔錯👍🏻

好想去日本食海鮮，好掛住日本嘅蠔，燒物 ，同和牛！終於俾我搵到一間喺銅鑼灣嘅日本料理，可以食盡日本嘅美食^^首先打頭炮嘅係-的矢岩蠔（手掌咁大隻）師傅即開生蠔，非常新鮮，蠔身飽滿，入口爽甜，帶輕微嘅海水味 。主食就叫咗set［期間限定］鹿兒島產和牛、生蠔刷刷鍋內容有野菜、生蠔、同入口即溶嘅鹿兒島和牛。鹿兒島和牛嘅脂肪同肉嘅比例差唔多係一比一。放入鍋滾幾秒就可以食。入口唔到幾秒就消失咗，牛脂味非常重，鍾意食和牛嘅食家一定要試吓！平時食十下十下嘅生蠔都好似有肌肉萎縮！未熟之前就手板咁大隻，熟咗之後就鵪鶉蛋咁細隻T.T但係呢隻生蠔，熟咗都一樣咁大隻，一咬落去啲汁就爆出嚟，蠔味極濃，非常好食。見呢間餐廳嘅蠔咁掂，就追加咗半打嘅鐵盒蒸蠔，雖然煮法好簡單，但食落口非常滑，蠔本身又鮮，再加埋清酒嘅甜，好快我就食半打。之後又見到對面枱食串燒，自己又忍唔住叫埋一份🤣有鹽燒雞翼、腎、雞髀肉，蘆筍、牛舌、五花豚腩，仲有蛋汁免治雞肉棒。燒物燒得好脆口，外脆內嫩呢隻生雞蛋嘅味極濃，顏色接近橙色，同雞棒嘅味道好夾。呢間餐廳嘅刺身，燒物，鍋物都做得好好，有太多嘢想試，不過今次太飽，下次我再嚟，試埋佢個明太子蛋卷😍

呢間位於銅鑼灣L Square嘅牡蠣小屋設計十足和式風格，一出𨋢就即刻有種置身日本嘅氛圍。座位除咗有一般嘅餐枱，仲有適合小酌怡情嘅吧台、和式風情嘅榻榻米等等，整個用膳環境都幾特別深刻。鹿兒島產和牛、生蠔涮涮鍋（追加烏冬）想講呢個涮涮鍋真係一流！主打嘅鹿兒島產和牛肉質鮮嫩多汁，口感彈牙軟滑，好似按摩緊個嘴咁舒服。不論味覺抑或嚼勁都可謂最高享受！生蠔都同樣令人滿意，大大舊嘅蠔，咬落去好多惹味鮮香嘅汁洶湧而至，一放落口就即刻精神曬！追加嘅烏冬都非常高質，如果怕唔夠飽嘅朋友都可以考慮下試埋個烏冬。麵嘅質地彈牙唔惗，絕對係高水準嘅麵底。串燒｜和牛、牛舌(醬汁味）牛舌帶有一份韌勁但又唔會太硬，輕輕一嚼就有濃厚嘅鮮香肉汁滲出嚟，正！和牛更加唔使講，完美咁表現咗「入口即溶」呢個term，完全係上等嘅肉地。特大吉列蠔表皮香脆，而內餡依然保留到多汁香潤嘅質地，配上兩種醬汁同沙律菜，食起上嚟更多變化同層次。牡蠔忌廉意粉意粉口感一流，軟硬適中，而且醬汁濃稠度同樣調教得啱啱好，加埋新鮮嘅牡蠔呢種食材，可以睇得出呢間餐廳無論用料抑或廚師嘅火喉都掌控得恰到好處。明太子芝士玉子燒軟滑嘅蛋、濃稠嘅芝士、香噴噴嘅明太子，

朋友好鍾意食牡蠣，前兩日佢考完試，我地就一齊去左銅鑼灣呢間牡蠣小屋食lunch。鹿兒島產和牛、生蠔涮涮鍋 $580呢款涮涮鍋有蔬菜拼盤、三片和牛同埋兩隻生蠔。唔好以為三片和牛好少，因為每片都有半隻大碟咁大片，所以三片其實係有平時打邊爐成大碟牛肉咁多，仲要呢個係和牛，啲雪花好靚，食落幾乎有入口即溶嘅口感，仲好重牛味，好食。生蠔好大隻，差啲想生食，不過呢個係要淥大約1-2分鐘，直至生蠔唔再呈現半透明嘅顏色就可以食用。生蠔食落好新鮮好濃味，正。蔬菜拼盤有幾款唔同嘅蔬菜，仲有蘿蔔同金菇。我地之後仲有加$48去追加烏冬，湯底淥鍋蔬菜、和牛同埋生蠔之後，烏冬再吸收埋湯底嘅精華，又彈牙又入味。明太子芝士玉子燒 $98玉子燒好大份，上面有明太子醬，入面仲有拉絲嘅流心芝士同埋明太子，充滿鹹香，好食。特大吉列蠔 $78$78有大隻吉列蠔，比起平時喺其他地方食到嘅吉列蠔大隻好多，炸到外脆之餘入面都依然有肉汁，抵食。

很久沒吃過生蠔，今晚預約了這家小店吃生蠔。餐廳燈光是橙黃色，配上木系裝潢，感覺既溫馨又舒服，有吧台、榻榻米、室外等用餐空間，座位靈活。晚市已經全場爆滿，生意很好。餐牌上提供生蠔、刺身、意粉、火鍋等，想大部分菜式都是以生蠔入饌。一場來到，我們點了幾款特色菜。⭐️鹿兒島產和牛、生蠔涮涮鍋$580有鹿兒島產和牛、蔬菜包和兩隻生蠔。湯底是清淡的昆布湯。鹿兒島產和牛雪花密密麻麻，涮數十秒，入口油脂充沛，非常柔嫩！兩隻生蠔非常飽滿，胖墩墩的，入口完全沒有腥味，口感一流，滑溜滑溜的，日本生蠔口感幼滑偏奶香。加上豐富的蔬菜包，例如蘿蔔片、金針菇等蔬菜，非常豐富。⭐️明太子芝士玉子燒$98有驚喜的明太子芝士玉子燒，玉子內餡有芝士和明太子，入口軟香且帶著芝士和明太子的鹹香滋味，很美味！⭐️牡蠔忌廉意粉$118生蠔乾配上意粉同樣出色，生蠔入口就像肉，有肉煙煙韌韌的口感，配上忌廉意粉，配搭簡單美味。⭐️KAGURA彩虹魚生飯$198賣相吸睛的彩虹魚生飯，魚生刺身放在玻璃瓶內，慢慢挖出來，有拖羅、三文魚籽、山芋蓉等，口感清爽，加上醬油漬物，整體味道更上一個層次。⭐️牡蠣餃子雞翼$68/隻炸得外脆內軟，裏面有有迷你小蠔和明

只要透過清蒸 焗烤等簡單的手法 便能輕鬆品嘗到牡蠣最直接的甘甜🦪.這裡店如其名 提供多款牡蠣料理菜式 並由日本人主理 以鐵盒盛裝著肥大的牡蠣加以清酒蒸煮 除了保留原有味道 更不會讓水分流失 咬下去爽滑清甜 味道鮮美 正是牡蠣最誘人之處.沾上蛋液和麵包糠 下鍋炸至金黃酥脆 咬下去肉汁鮮甜飽滿 蘸上濃郁的醬汁 風味絕佳 吃到最後炸蠔的表皮依舊酥脆有聲 不會因時間久了而變得軟塌塌💆🏻‍♀️.這裡由日本人開設及主理 裝潢充滿東洋風味 以牡蠣料理為主打 單單是牡蠣一種食材已經有十多種吃法 頗適合一眾愛蠔人士🦪

今日同朋友嚟試呢間主打生蠔嘅日式餐廳，餐廳位置好方便，地鐵站隔一個街口就到～嚟呢度梗係要試佢哋嘅生蠔菜式，所以我哋叫咗一個日本生蠔加和牛嘅壽喜燒涮涮鍋，入面仲包左份蔬菜拼盤。店員提示我哋先食蔬菜，令湯底吸收左蔬菜嘅甜味之後再落肉。生蠔兩隻都非常飽滿，灼熟咗之後都冇縮水，仲係非常Juicy~和牛有四片，肥瘦分布都唔錯，而且大大片食肉獸表示滿足。因為太好食啦之後我哋都再追加左一份和牛😋特大吉烈蠔炸蠔嘅粉漿做得好好，非常鬆脆，同生蠔creamy質地形成反差，正燒黑毛和牛定食定食入面包左一份白身魚刺身，等你食和牛之前可以清新一下味蕾。和牛係燒過之後再切片，所以外皮好香脆但係入面仲係好軟熟，豐富嘅油脂配搭白飯簡直係一流。明太子芝士玉子燒厚厚一大片，上面載滿明太子沙律醬，玉子燒嘅中間釀滿咗明太子同芝士，極邪惡，食完要跑返5公里

疫情前已知道有一高質日本生蠔料理餐廳，那生蠔一食上癮，食完必定會一來再來，講到咁勁，當然要襯節日來到慶祝一番！一來到「牡勵小屋」已見到不少大大隻生蠔，他們以温暖木系為主，給人一種溫柔舒服嘅感覺。 講到食生蠔，真係要必點這款1日限定10食嘅生蠔涮涮鍋，淨睇相片，已勁吸引了！明太子芝士玉子燒每次來到日式居酒屋見到有玉子燒都會必點，而這裡的明太子芝士玉子燒更是把明太子、芝士加入玉子內，輕輕切開，已做到拉絲效果，而且做到口感嫩滑綿密，蛋味香濃，真讓人回味。汁燒牛舌入口柔軟爽彈，嚼勁十足，非常香口。汁燒黑和牛不愧為黑和牛，入口軟嫩豐厚，油香四溢，甘香可口，牛味香濃！拖羅蔥花卷拖羅卷加上滿滿幼滑拖羅，毫不吝嗇滿瀉出來，油脂滿香，口感綿綿，再加上青香蔥花，更令味道更豐富。特上刺身定食當中已包括有是日特上刺身：牡丹蝦、拖羅、真鯛、帆立貝等…每款都新鮮肥美、味道鮮甜、油脂豐富。日本產生蠔涮涮鍋涮涮鍋來到時已令人流哂口水，那手肉厚飽滿，光澤鮮亮，隻隻手掌咁大嘅生蠔，店員提醒只需烚約60秒即可。先把日本大蔥、金菇、紹菜、甘筍，等放入鍋內，滾起再輕放生蠔，只需一會，鮮甜肥美，多汁juicy嘅生蠔就可以食啦😋。

無論午市定晚市都座無虛席，仲有唔少日本人嚟幫襯，證明確實好味！日本產生蠔涮涮鍋 ($480)生蠔新鮮大隻，成隻手掌咁大仲脹卜卜，視覺效果一流！就算熟咗都完全無縮水仲好飽滿，粒粒juicy，鮮味十足！明太子芝士玉子燒 ($98)份量十足，質感鬆軟，玉子燒包圍住澎湃又惹味嘅明太子同半融芝士，仲有拉絲效果，好吸引！三種食材互相融合，食落香香辣辣。拖羅葱花卷 ($88)拖羅蓉口感幼滑，滿滿嘅油脂滲入每一粒壽司飯入面，配上清新蔥花，令人滿足！汁燒牛舌 ($48)牛舌爽彈，好有咬口，口感一流！汁燒黑和牛 ($88)油脂豐厚嘅黑和牛入口軟嫩多汁，油脂喺咀入面融化，甘香可口。

响疫情既年份，大家都無得去旅行，大家最鐘意去既日本都無得去，我哋都非常掛念，見到香港有餐廳都有得食鐵盒燒生蠔，梗係要去試吓啦，地點容易搵，上到去餐廳環境令人舒服，日式餐廳，有日本服務員，而且服務親切，食物種類多和質素好，本次叫了午餐銀鱈魚定食、和牛串燒、牛舌串燒和主角鐵盒燒生蠔。銀鱈魚烤得好魚皮好脆，魚肉好juicy。和牛串燒就有D乾身，有點失望。個人喜歡牛舌串燒多D，因牛舌夠厚，好入味。鐵盒生蠔有服務員專人服侍，尺寸亦比我想像中大，燒完後有服務員開埋比我哋食，燒烤不會太乾身，入口好飽滿，好滿足，值得推薦。另外餐廳洗手間非常乾淨，好日式。期待下次再光顧。

✦太耐無食過蠔 所以一開返晚市即刻揀咗呢間主打日本🦪既居酒屋試🤣可惜性價比比想像中低🥲原本一心想去食生蠔 但最後發現時令🦪既定價比出面高太多($98-$148/pc) 同朋友都覺得唔抵食 所以一隻都無叫😂▾▾🦪🦪🦪鐵盒燒生蠔 $𝟐𝟐𝟎/半打 $𝟑𝟖𝟎/打 ▾係生蠔加入酒後再放喺鐵盒裏面燒 😅 除左🦪size大隻之外 但個人都係中意生蠔多d🥲 燒熟左既蠔食落無🦪應有既鮮甜 而且口感比較韌🥲有d似煲湯既蠔豉😅👍🏻🍳明太子芝士玉子燒 $𝟗𝟖 ▾竟然係全餐最好食嘅野😂明太子同芝士都超足料🤩食落有拉絲效果🤩蛋都打得好滑‼️🍝🍝牡蠣忌廉意粉 $𝟏𝟏𝟖 ▾忌廉意粉味道都唔錯😚但淨係面頭有2粒細細既🦪 呢個gimmick有少少牽強😂🍙🍘燒牡蠣飯團 $𝟓𝟖 ▾一路食一路recall自己究竟叫咗啲咩🥹食咗一半都搵唔到粒🦪除咗燒飯團嘅味道 都無其他特別🥺🍣🍱拖羅蔥花卷 $𝟖𝟖 ▾基本上好難有差池既壽司😂純粹驚唔夠飽所以叫咗😂✦ ✦ ✦𓂀 💰 $𝟐𝟓𝟎𝘱.𝘱 ( 𝟒 𝚙𝚙𝚕 • 𝚍𝚒𝚗𝚗𝚎𝚛)🏃環境舒適度: 𝟛.𝟠 / 𝟝💵ℂℙ值：𝟛.𝟜 /𝟝👀回頭率：𝟛.𝟜 / 𝟝 𓂀

日本生蠔唰唰鍋 $480桶裝蠔肉係打邊爐常見嘅食材🦪熟食即開生蠔真係第一次！來自北海道嘅蠔好新鮮反曬光，厚肉到涮熟後依然大大隻。一分鐘就好起喇，如果唔係就唔滑溜🥶昆布清湯鍋底能夠好好保留住生蠔嘅鮮味，蠔香長留齒頰間😋獨眼龍 $138來自水質潔淨嘅宮城縣，當然直接生食😤蠔身飽滿肥美，質感creamy滑溜。海水味同埋金屬味較淡，生蠔新手都會接受到！加少少檸檬汁或辣汁更顯鮮味🦪✨黑和牛$88 蘆筍 $28食日本野點少得串燒🍢高質素嘅牛肉簡簡單單鹽燒已經又香又多汁，質地軟嫩😋蘆筍一啲渣都無，清甜爽脆☘️特上刺身定食 $208二百零蚊食到六款厚切刺身，抵！最欣賞白身魚，特別係爽口清甜嘅白身魚。留最後品嚐嘅大拖羅油脂豐富，啖啖甘香😆擺盤有心思，昆布雕成嘅玫瑰尤其賞心悅目🌹鍾意食蠔嘅人一定要黎😙

生的，熟的，一次過滿足晒😘。來自宮城縣的生蠔，名「獨眼龍」👁🦪。有手掌大，超肥美。蠔的味道不太濃厚，反而質感飽滿，回味無窮。要食熟蠔就要食日本產生蠔涮涮鍋，有6大隻北海道產的蠔。不同地區產的有不同食法。呢款就好啱放鍋。先放蔬菜，讓蔬菜的甜味盡在昆布湯底。🥗🌽🥒蠔的時間要掌控得宜，一分鐘，不多不少。蠔隻肥厚，蠔味濃厚。好正😋。最後試一下個湯底，哇啦哇啦⋯⋯鮮甜😋。特上剌身定食刺身有鯛魚，深海池魚，帶子，甜蝦和大拖羅。非常新鮮，味美。🍣