涼菜 $20 酸味味嘅涼拌青瓜雲耳實屬開胃前菜，口感爽脆，清涼消暑。醬汁咁入味一定有拍過！ 得獎奶油蝦 $308 醬汁以牛油作基底，加入類似咖喱嘅香料，充滿東南亞風味！大大碗，濃郁得黎唔會太鹹，用嚟撈白飯或者點麵包一定超正！大蝦爽口彈牙，入曬味，剝咗殼之後再點汁更添滋味～ 乾逼拆蟹肉粉絲煲 $248 拆晒肉真係好方便，唔似平時食蟹咁麻煩要慢慢剝殼！海量嘅粉絲食極都食唔完，直程可以當主菜。以蟹籽作點綴，口感更添層次。 燒汁班頭腩 $98 粉漿厚薄適中，外皮香脆，魚肉嫩滑！雖然屬於小食系列，份量都唔少。 清炒時蔬 $108 簡簡單單嘅一碟蒜蓉炒白菜仔。火候控制得啱啱好，加上菜苗新鮮，好爽脆好青嫩。 是日糖水 竟然唔係紅豆沙或者綠豆沙呢啲一般貨色，而係送滋潤養生嘅冰糖燉雪耳，有誠意！全個碗都係雪耳，好足料。 下次一於嚟試吓片皮鴨！

爺爺羅宋湯/周打魚湯 $78 兩款湯都好足料，尤其係招牌羅宋湯！侍應哥哥果然冇介紹錯。撈起大量湯渣，牛腩粒咬落又淋又無渣。 皇后香草焗田螺 $88 田螺肉細細粒，肉質軟滑富彈性。田螺殼入面塞滿熱辣辣嘅蒜蓉香草牛油，撈埋微焦嘅薯蓉一齊食好滋味！ 蟹肉牛油果青瓜沙律 $148 稍微幹身嘅蟹肉份量多，撈埋軟滑嘅牛油果蓉食就無問題。估唔到港式西餐廳擺盤都禁精緻，以食用花裝飾，打卡一流！ 烤原條時令鮮魚 $288 酸酸美味嘅蕃茄汁好開胃，唔想咁heavy揀呢個做主菜啱晒！鱸魚肉質嫩滑，味道偏淡，配搭相對重口味嘅醬汁啱曬。欣賞洋蔥同埋先焗後煮嘅薯仔，好淋好入味！選用小茴香作香料，充滿地中海風情！ 頂級肉眼扒(12oz) 配薯條 $338 生熟度煎得啱啱好，香嫩多汁，口感軟腍！份量一啲都唔孤寒，超大塊，份量適合分享。 阿根廷紅蝦辣香蒜意大利粉 $178 義大利粉偏淋身，以大量炒香嘅蒜片調味，紅蝦以中式油爆方式烹調，係fusion菜！ 雜果梳打/黑牛 $52 兩款飲品都好有港式西餐嘅情懷！以罐頭水果粒炮製而成嘅fruit punch好懷舊，唔會太甜幾解膩！

玫瑰寒夭軟雪糕 $48 好似出奇蛋咁一次過滿足晒我三個願望：雪糕、啫喱、打卡✨雪糕奶味香濃🐮下面煙靭好咬嘅寒天晶瑩通透，以浪漫嘅玫瑰花瓣裝飾🌹又靚又好食😍 髆髒鐵觀音雪糕雞蛋仔 $68 口感順滑嘅雪糕撒上大量鐵觀音粉，茶控必選🍵雞蛋仔夾住雪糕食，一凍一熱，係西式waffle嘅港式變奏🧇 菠菜蘑菇羊奶酪可麗餅 $78 以唔係專賣crepe嘅舖頭黎講水準唔錯，餅皮厚薄適中，軟糯帶彈性🫶🏻滿滿鹹香嘅芝士汁同蕃茄菠菜好夾，如果用碟上菜食起黎會方便啲🧀️ 香茅茉莉 $48 原來加左香茅嘅效果係咁神奇，比起普通茉莉花茶清新多倍💚 藍橙滇紅 $58 果香陣陣，又唔會搶曬紅茶嘅香味🍇夏天飲啱曬☀️用真正嘅茶葉泡製而成果然唔同啲～ 黎海港城想食甜品或者輕食不妨試吓呢間！鍾意飲茶嘅話仲可以買茶葉。 -.-.-.-.-.-.-.-.-.-. 📍 活在茶下 尖沙咀廣東道3-27號海港城海運大廈地下OT G03A號舖

滇紅大金針茶粒雪糕 $45 粒粒茶葉碎，犧牲咗雪糕原本順滑嘅口感，換黎咀嚼可得嘅馥郁芳香！會唔會有人食完雪糕鍾意咗品茶呢？小小提議，可以喺各款雪糕下方標明茶種及其特色，顏色相近有啲難分辨！ 正山小種順滑雪糕 $52 竟然仲貴過有特色嘅茶粒雪糕，係咪因為多咗隔茶渣呢個步驟呢？幼滑綿密，口感似返高級gelato！甜而不膩，奶香唔會蓋過茶香。 正岩水仙熊仔凍茶 $50 大大隻嘅熊仔冰粒超得意，有幾款唔同嘅表情/動作～可惜心急嘅店員好快就到咗啲茶落去，想影相打卡要快手！高級茶葉果然唔同啲，草本幽香陣陣。平時普通珍珠奶茶舖嘅茶絕對無得比。 正岩肉桂熱茶 $50 水溫影響泡茶嘅味道，個人都係偏愛傳統熱茶多過冷泡茶，養生暖胃。貴為glassbelly副線，飲落好順喉，一啲苦澀味都冇，可惜桂皮味偏淡。 係傳統同創新嘅交融！

Cream Cheese Salad Waffle $58 + Slow Cooked Chicken Breast With Honey Mustard Sauce $48 原來Waffle鹹食都唔錯👀抹上淡淡芝士香嘅cream cheese，鹹甜交錯🧀️旁邊嘅慢煮雞胸肉一啲都唔鞋，配蜜糖芥末醬，作為一頓豐富得黎唔heavy嘅brunch適合不過☀️ Purple Waffle $78 Sesame Mochi Waffle $78 以前食過夏雪大圍甜品嘅鋪窩夫好唔錯，今次開cafe水準維持到💜外脆內軟，富蛋香🐣入面夾住麻糬/紫薯蓉，質感豐富有趣。後面圓轆轆漸變色嘅豆腐雪糕好cute🥰建議份量可以大少少，兩個人share會唔夠喉～ Matcha Affogato 豆腐雪糕淋上甘濃微暖嘅抹茶，冷熱交融🍃加埋餅乾碎多左口感，無用雲尼拿雪糕禁膩，可惜無左平時Affogato令咖啡如絲順滑嘅神髓。 Single Origin Long Black $60 苦感輕柔幾容易入口，味道偏酸。 Honey Jasmine Latte $48 唔會太甜，茶香陣陣🍵完全係天仁茗茶抹香奶綠嘅高級版🤩想飲熱嘢又唔想飲咖啡，呢個啱晒！簡簡單單以乾花點綴，如果有埋拉花就perfect~

K11有好多餐廳，阿閒泰裝飾得好靚，綠油油好有度假風情，一於試試佢！ 炭燒牛肉牛丸船河 $98 可以揀河粉或者卷粉，卷粉唔係度度有得賣一於試試佢！煙韌厚身好好咬，身為煙靭控嘅我覺得好正，可惜大部份香港東南亞餐廳都冇！厚切燒牛肉口感實在，大大粒嘅牛丸彈牙無筋。 街頭大蝦炒金邊粉 $128 大量花生水同埋生芽菜，口感豐富！可惜炒得唔夠散，麵條有啲黐住。蝦同青口都算大隻。 冬陰功醬炒花甲 $148 花甲都算新鮮，份量多大大隻！醬汁酸酸辣辣，秀珍菇好入味，加埋青檸汁好開胃。 椰汁芒果糯米飯 $68 黑糯米質感比較乾硬，味道不過不失。好彩造型吸睛，上面嘅椰子片同埋焦糖拉絲好加分！ 柚悠 $48 House Brewed Tea 果然唔同啲，味道特別到唔識形容！甜甜地有陣K11嘅香味～以檸檬片同埋香草作裝飾，好似一杯cocktail～ 西柚冰涼特飲 $43 橙色透明漸變色，上面仲有西柚乾！又靚又好味，係去膩一流嘅夏日清新之選！ 下午茶餐牌好似幾抵，下次一於tea time再嚟！

雞翼拼芝士 $78 單骨雞翼食起嚟好方便，可惜豉油汁偏鹹。一口芝士外脆內軟，佐酒一流🍺 避風塘薯條 $58 即叫即炸嘅薯條鋪滿炒香嘅炸蒜、辣椒乾等香料，辣辣地幾惹味🍟好熱氣唔好食太多😏 明太子蟹肉烏冬 $108 全個Menu唯一一款主菜，估唔到未到有驚喜🤍煙靭軟滑嘅烏冬麵條掛滿鹹香嘅明太子忌廉汁，撈埋絲絲蟹肉🦀️味道偏濃，兩個人share比較好。 慢煮豬頸肉 $108 切片厚薄啱啱好，口感實之餘唔會太韌太難咬🐽 Born to the Purple $108 清新微甜，唔係好覺提子味，反而帶淡淡嘅菠蘿果香🍍酒味唔會太重，頂唔順苦澀又想微醉不妨一試！ Puppy Love $98 以玫瑰花瓣碎裝飾，粉紅漸變色好girly💖莓果味甜突出，難得一啲都唔似藥水，餘韻花香陣陣👍🏻蛋白泡沫好fluffy，挺身到擺一段時間都唔會塔🫧

雞肉冬蔭忌廉燴扁意粉 $118 軟硬適中嘅意粉掛滿酸甜味辣嘅冬陰功汁，開胃又惹味🥘一向對fusion菜有偏見，估唔到呢個組合有magic🪄 灸燒三文魚丼 $138 焦香洋溢嘅炙燒魚生一向係my fav五大片一啲都唔孤寒👍🏻配炒飯底原來咁夾✨ 士多啤梨焗厚鬆餅 $64 無論水果、雪糕、乳酪醬都係士多啤梨🍓加埋酸甜好咬嘅紅莓蛋白餅碎，莓香滿分💯鬆餅質感鬆軟🥞鍾意煙韌口感一定要額外加mochi粒粒🍡 士多啤梨刨冰 $74 刨冰顆粒細緻，奶味香濃🐮唔洗草莓醬或者煉奶都已經好好味！新鮮士多啤梨淋上煉奶，跟足韓國食法🇰🇷 提拉米蘇牛奶咖啡 $58 Mascarpone cheese泡泡無蓋過咖啡香🧀️係Tiramisu嘅變奏，甜品同飲品二合為一👍🏻

白酒煮藍青口 $148 白酒蒜蓉牛油汁好香濃，比肉類更加有驚喜❤️青口雖然細細隻唔算厚肉，煮得啱啱好熟透唔韌👍🏻 燒BB露荀 $78 青BB嘅露荀鮮嫩清甜，一啲渣都冇而且唔苦🌱簡簡單單用黑椒調味已經好正。70幾蚊貴咗啲但係都值得！ 美式蜜糖芥末豬仔脾 $118 肉質爽滑嘅豬仔髀淡淡肉🐷上面鋪滿甜甜嘅燒烤醬，好開胃！百零蚊有四舊，實屬經濟實惠之選。 澳洲穀飼安格斯西冷牛扒 $248 西冷一般韌度強、肉質硬。估唔到慢煮可以禁軟淋淋，肉味香濃🥩切開粉紅色㗎 ！旁邊配大大舊嘅脆肉瓜同埋紅蘿蔔滿足fibre intake之餘幫助去膩～ 薰衣草雲尼拿雪糕梳打 $48 青蘋果雲尼拿雪糕梳打 $48 糖漿稍多，有啲過甜，上枱嘅時候雪糕已經融融地🫠不過兩杯紫色綠色彩鮮艷適合打卡就放過佢啦！ 位於銅鑼灣同埋灣仔交界，抵食又好坐～

柚子三文魚洋蔥薄餅 $138 原來柚子汁嘅酸甜同煙三文魚獨特嘅煙燻香氣咁夾🍊加埋芝士嘅鹹香，層次豐富。薄身脆口唔會太過飽肚，啱曬小鳥胃嘅女仔share！ 巨型豬扒配薯條扒菜 $198 名副其實真係超”巨型”！煎得啱啱好，唔會好似平時啲急凍豬扒咁又乾又柴皮🤤以多種烤蔬菜伴碟，煙肉卷粟米仔又甜又鹹幾有新意，如果menu可以單點呢款小食應該會幾受歡迎🥓➕🌽 阿華田脆脆奶蓋蛋糕配提拉米蘇雪糕 $108 奶蓋好似瀑布咁流落嚟，幾好玩🫠雪芳蛋糕底鬆軟輕盈，略嫌朱古力醬比較甜！ 戀愛預告 $58 漸變色好夢幻，打卡一流📷✨荔枝/玫瑰/蝶豆花呢個combination哄女仔唔會錯💜 好雙乳的苺苺 $48 略嫌帶藥水味，不過上面有完粒士多啤梨乾點綴加返唔少分數🍓 以camping為主題裝修，好啱週末放鬆🏕不過離地鐵站遠咗啲，有啲唔方便🥹