牡蠣小屋

營業中

休息中

朋友好鍾意食牡蠣，前兩日佢考完試，我地就一齊去左銅鑼灣呢間牡蠣小屋食lunch。鹿兒島產和牛、生蠔涮涮鍋 $580呢款涮涮鍋有蔬菜拼盤、三片和牛同埋兩隻生蠔。唔好以為三片和牛好少，因為每片都有半隻大碟咁大片，所以三片其實係有平時打邊爐成大碟牛肉咁多，仲要呢個係和牛，啲雪花好靚，食落幾乎有入口即溶嘅口感，仲好重牛味，好食。生蠔好大隻，差啲想生食，不過呢個係要淥大約1-2分鐘，直至生蠔唔再呈現半透明嘅顏色就可以食用。生蠔食落好新鮮好濃味，正。蔬菜拼盤有幾款唔同嘅蔬菜，仲有蘿蔔同金菇。我地之後仲有加$48去追加烏冬，湯底淥鍋蔬菜、和牛同埋生蠔之後，烏冬再吸收埋湯底嘅精華，又彈牙又入味。明太子芝士玉子燒 $98玉子燒好大份，上面有明太子醬，入面仲有拉絲嘅流心芝士同埋明太子，充滿鹹香，好食。特大吉列蠔 $78$78有大隻吉列蠔，比起平時喺其他地方食到嘅吉列蠔大隻好多，炸到外脆之餘入面都依然有肉汁，抵食。