牛站(駅)麻辣火鍋放題

營業中

休息中

天氣咁凍，最啱一大班朋友去打邊爐食放題打邊爐又有小食、甜品、仲有熱食，咩都有啲啱晒大家嘅口味晚市火鍋放題咁多野食，人均都只系$300一位，算好經濟實惠天氣凍想食返個麻辣湯底，叫咗小辣都幾辣，唔食得辣嘅要小心走廊有牛站專為客人準備嘅圍巾，打邊爐留返條圍巾唔驚食到成身都係，喺貼心嘅肉類、海鮮等打邊爐嘅材料都可以掃QR code落單，出邊自助區都有任食丸類同埋蔬菜，款式好多，而且擺得起乾淨企理牛肉嘅種類非常之多，配麻辣湯底幾入味食到咁上下會覺得好熱氣，可以去雪糕櫃揀雪糕食，放題竟然可以食到movenpick 同Häagen-Dazs，抵返晒

性價比好高嘅任食火鍋邊爐放題可以仼食🦐大頭蝦,MÖVENPICK同häagen-dazs雪糕🍨🍦火鍋湯底揀咗蕃茄豬骨濃湯湯底濃郁鮮甜🍅肉類方面有SRF美國極黑和牛片, 美國安格斯牛板腱,封門柳, 美國牛肩胛片等 海鮮方面有大頭蝦,沙白蜆,脆鯇魚片,帆立貝同青口等💯自助區蔬菜類有翡翠苗,豆苗,冰菜,水連,西洋菜,萵筍,花生芽,冬瓜,秀珍菇黑木耳,白蘿蔔,山藥等火鍋配料有牛柏葉,水魷魚 豬紅,魚腐,牛筋丸,香菇貢丸,珍寶魚蛋魷魚海膽丸,米血糕,爆濃魚子丸同蛋餃等👍🏻小食有麻辣小龍蝦,台灣腸等甜品有MÖVENPICK同häagen-dazs雪糕同多款雪糕雪條,仲有榴槤大福,3.6牛乳布甸,紅豆和菓子,馬卡龍同木糠布甸等飲品比較特別係有清酒,梅酒,椰青水,甘蔗汁,洛神花蜜同蜂蜜菊花露🍶🥃🥤

呢個套餐真係超值！牛肉迷一定要試，特上牛小排、SRF美國極黑和牛同澳洲M5和牛都可以任食！而且竟然有大大隻田雞腿，入口仲超嫩滑，真係一試難忘～👍🏻👍🏻海鮮控必食 🐚🦑🐟 除咗大頭蝦，仲有牡蠣、象拔蚌、帆立貝、沙白、海參、鮑魚等，全部都超新鮮，鮮味十足，每一口都係幸福嘅滋味～🤩自助區選擇豐富得嚟仲有驚喜！數十款自助小食、配菜同醬料，仲有平時少見嘅火鍋配料如花生苗、綉球菇、冰菜同水蓮，真係令人大開眼界！😳甜品控天堂！🍨🍮最後甜品區係一大亮點，Haagen Dazs雪糕、Movempick雪糕、楊枝甘露、布甸、泡芙、韓國雪條等等，全部都任食！甜品控記得留肚，唔好錯過呢個完美ending～😝3百幾食到咁高質嘅牛肉同海鮮，仲有咁多選擇，真係性價比爆燈！🔥

今晚過左黎呢間人氣度幾高牛站，之前食過觀塘分店已經覺得幾好，今次咁啱喺銅鑼灣行完街天氣又凍凍地就上左黎打邊爐放肆一下。一上到黎牛站其實已經有一個好乾淨好舒服既感覺，坐位又夠闊，整體環境都好好。食物方面，首先最欣賞呢道酒既種類真係好多，有真露清酒梅酒啤酒等等，淨係黎飲酒都已經可以輕鬆回本，其他飲品都係勁多選擇。食物方面，Level 2都已經有得揀美國SRF和牛都真係好抵，又有濃厚既牛味再加上和牛既油脂味質素真係好高，淨係食呢個SRF和牛都食到停唔到口，呢一隻牛板腱又係勁好味，叫得牛站果然d牛真係特別出色。另外海鮮其實都好正，海蝦大大隻肉好爽，仲有帶子蜆脆肉脘好多選擇。最後特別要提下熟食乳鴨係必叫，燒得好好味又係食左好多隻。Last點少得一杯Haagan Diaz一杯Mövenpick呀

餐廳環境同服務：乾淨企理，坐得舒服 銅鑼灣牛站（駅）麻辣火鍋放題位於銅鑼灣廣場二期11樓，地點超方便，港鐵銅鑼灣站D2出口行1分鐘就到。餐廳環境光猛乾淨，座位寬敞，坐得舒服，最啱同朋友一齊打邊爐吹水。服務方面，店員反應快，上菜速度合理，完全冇漏單，值得一讚。 晚市放題2號SRF美國極黑和牛片套餐：性價比爆燈！ 今次試咗晚市放題2號SRF美國極黑和牛片套餐，每位$298（另收加一），真係抵到爛！SRF美國極黑和牛片肉質肥美，油脂分布均勻，入口即溶，牛味濃郁，絕對係必點之選！另外仲有美國安格斯牛板腱、封門柳、西班牙豬五花片等多款肉類，啱晒食肉獸。 胡椒豬肚鍋湯底：暖胃又惹味 湯底揀咗胡椒豬肚鍋，湯底濃郁，胡椒味香而不嗆喉，豬肚煮得軟腍入味，飲完暖笠笠，啱晒冬天打邊爐。如果想試多款湯底，可以加$48轉鴛鴦鍋，一次過試兩種口味。 大頭蝦任食：新鮮彈牙，性價比超高！ 重點推介！餐廳全新推出大頭蝦任食，每隻都爆膏，肉質鮮甜彈牙，絕對係海鮮控嘅福音！以$298嘅價錢可以任食大頭蝦，真係可能係全香港最平！另外仲有帆立貝、沙白、墨魚仔等海鮮，擺盤精美，味道鮮甜。 其他配料：款式多樣，質素

牛駅 - 午市4小時無限時任飲任食火鍋放題今日嚟到銅鑼灣一間火鍋專門店，喺港九新界都有佢嘅分店，最抵食嘅一定係佢嘅午市，有4小時無限任飲任食，二百幾蚊個價錢，已經可以任食Movenpick同埋Häagen-Dazs雪糕，淨係食雪糕都已經夠晒吸引，當係甜品放題都得，經濟實惠性價比超高。四個唔同價位嘅套餐，美國牛肩胛片、美國特級肩胛肉眼片、SRF美國極黑和牛片和特上牛小排套餐。SRF美國極黑和牛片套餐 $218雖然話係火鍋專門店，但係其他菜式例如小食、甜品飲品都唔係配角，一樣咁吸引，有珍珠奶茶同埋仙草芋圓。

每次黎都牛站食嘢都覺得好開心🥳，因為選擇超級多，前菜、菜類、肉類🥩、飲品、甜品、水果🥭，都一應俱全，總會搵到自己嘅心水，今日係五點嚟到食，7:30前離座平D!一入座見個碗幾好用喎，可以將啲湯汁流晒落底，而且有紙巾同埋濕紙巾提供，搣蝦夠方便。湯底我哋叫咗海鮮鍋，鍋內有兩隻大頭蝦及蜆肉。肉類係自己order嘅，網站寫得好清楚每碟有幾多片，而值得一讚嘅係，每一round上嚟嘅肉都可以keep到水準，美國極黑和牛片可以睇到肥膏唔多，可以放心啖啖肉咁食落肚，女仔食多啲都唔怕肥🤭。另一個好欣賞嘅地方就係有田雞腳！田雞出名脂肪小、蛋白質高，係優質肉類之一，平時喺屋企媽咪會嫌麻煩唔買，喺呢度有得食，要食返夠本啊😆。海鮮方面我就推介叫大大粒嘅帶子同埋冇骨嘅脆肉鯇。至於自助區，生果嘅選擇都唔少，有菠蘿🍍、西瓜🍉、蓮霧等等。雪糕部分movenpick有兩隻味，朱古力同埋椰子， Häagen-Dazs有四隻味：經典嘅曲奇味、朱古力、藍莓同Nuts,，另外支裝嘅雪條都唔少，仲有軟雪糕添。飲品方面酒鬼有福啦，啤酒🍻、日本果酒、清酒、梅酒任君選擇。我自己就鍾意飲茶多啲，冷泡茶、紙盒裝茶同埋珍珠奶茶都有🤪。

食物種類非常多真係花多眼亂, 我哋今日揀咗花膠雞湯底, 真係有好多唔同嘅食物選擇 我哋主打海鮮同埋牛肉 叫咗最貴嘅餐set! 海鮮我哋覺得最抵食嘅有鮑魚，任食任叫，仲有新鮮嘅大頭蝦，每一隻都係爆膏，味道同埋質素上我哋都覺得非常好，而且海鮮嘅類別真係非常多，仲有花膠海參大硯，不過啲硯就有少少沙 係唯一美中不足嘅地方牛肉質素非常高，我哋主力食澳洲和牛，每一碟有兩片 是乎自己嘅食量 淥幾秒就得 質素同埋口感上我哋都覺得做得唔錯飲品都好多嘢飲，包括有酒精飲品 我哋就揀咗日本啤酒同埋一啲佢自家製嘅飲品例如金橘檸檬 味道都非常好雪糕就非常抵食，有大牌子同埋有韓國嘅牌子

牛駅麻辣火鍋係我都好鍾意食嘅住食火鍋連鎖店因為無論係佢嘅食材、湯底都高質自助區更是選擇多樣 讓人眼花繚亂 所有食材都夠新鮮 能夠滿足不同食客的需求講到湯底 我特別推薦鮮味蟹皇海鮮鍋 湯底都有蟹膏、大頭蝦、沙巴等 味鮮香四溢 絕對能提升火鍋嘅風味大頭蝦嘅膏特別多 蝦肉新鮮 而極黑和牛及安格斯牛的肉質亦都好理想 再點都無變差熟食和甜品方面都有驚喜雪糕種類繁多 除咗有多款產地/品牌/味道嘅雪糕雪條之外 仲有軟雪糕 甜品櫃亦布牛奶布甸、糯米糍、泡芙等 都係好味唔太甜嘅酒水方面都非常周全 無論係清酒還是梅酒 都可以任飲 亦有多款茶類、汽水等可供任飲 配合火鍋絕對係完美嘅搭配總而言之 牛駅麻辣火鍋無論係食材定係環境 都令人感到非常滿意 絕對值得回頭

每次同Fd 見面如果想打邊爐都係揀返呢度火鍋料熱食雪糕甜品飲品都係咁多選擇唔使諗要就邊個食啲咩野今次揀嘅胡椒豬肚湯底好正基本上淥好嘅野食我都唔洗點豉油伴住個胡椒辣味已經夠晒好食牛肉入面美國極黑和牛又係必叫又唔會肥又無筋熟食我就一定要食乳鴿嚟到仲係熱辣辣次次都食幾隻雪糕櫃今次竟然見到Mövenpick 嘅薄荷朱古力味即時食一盒打個底先野飲我就好貪心拎咗鴨屎香冷泡檸檬茶再拎多包維他檸檬茶自己嚟個mix & match呢度真係耐唔耐又嚟完全係唔洗用腦性價比高之選

最近去咗銅鑼灣一間人氣火鍋店，呢度任食價錢真係抵，湯底選擇多樣化。我哋叫咗一個金湯花膠雞鍋，湯底濃郁，花膠同雞肉嘅味道非常鮮美，口感細膩。✨🍲*海鮮*：- *大頭蝦*：大頭蝦鮮甜多汁，肉質結實，每一口都充滿咗海洋嘅味道。🦐- *海參*：海參口感滑嫩，味道清甜，非常鮮美。🦑- *帆立貝*：帆立貝新鮮嫩滑，入口即化，帶有天然嘅鮮甜味。🦪*肉類*：- *美國牛肩胛片*：牛肩胛片油花分佈均勻，肉質嫩滑，涮煮後口感非常好。🥩- *美國安格斯牛板腱*：牛板腱肉質細緻，帶有濃郁嘅牛香，味道極佳。🍖- *SRF美國極黑和牛片*：極黑和牛片脂肪豐富，入口即化，味道濃郁，每一口都係極致嘅享受。🐄餐廳仲有大量自助食物區，供應各種美食，任飲啤酒、汽水、茶、雪糕、清酒等。大量蔬菜同丸物，選擇多樣，非常豐富。🍻🥤🍨

作為邊爐怪的我真係可以日日打邊爐都得😂又同老公去咗呢間長期人氣高企的火鍋放題，銅鑼灣分店一樣位置方便，地方好大，座位坐得舒服，難怪平日午市都一樣爆滿。平日午市放題可以任食4 小時，我哋就揀咗$218/ 位「SRF美國極黑和牛片餐」。湯底揀咗⭐️龍蝦頭鍋⭐️，龍蝦頭熬製出來的湯底很鮮甜香濃，無論淥肉、菜等火鍋配料都好夾。牛肉、豬肉質素都幾好，我最鍾意🔶牛肩胛肉眼🔶，肉質嫩滑牛味濃，仲有必點🔶醉雞翼🔶，好香酒味又好滑，🔶鴨血🔶也是不能錯過。另外自助區的前菜小食推介🔶涼拌魚皮、麻辣雞軟骨🔶。記得留肚食雪糕🍦，軟雪糕都幾好味。整體食物質素水準高，種類選擇亦好多，來這一定食到好飽好滿足！自助區可以自取：🔹多款醬料🔹小食前菜、水果🔹蔬菜、丸類、餃子、麵等火鍋配料🔹多款飲品、啤酒、淸酒梅酒🔹各式甜品🔹雪糕雪條

終於食到牛站喇，去到呢家已經有4間分店，分別位於銅鑼灣 旺角 尖沙咀 觀塘，今次就去咗銅鑼灣店，估吾到平日都咁多人😳✿ 小食叫咗燒乳鴿同埋芝麻雞翼，講真以火鍋店黎講真系好有驚喜，燒乳鴿皮脆肉嫩，芝麻雞翼外皮香脆，雞肉嫩滑🐔✿ 蟹黃海鮮鍋鮮味非常，裡面有足料蟹棒🦀✿ SRF美國極黑和牛片美國極黑和牛油脂較少，牛肉味香濃🐮難怪大家都愛❤️✿ 美國安格斯牛板腱/ 美國肩胛肉 呢兩種肉油脂分佈均勻，食落感覺同美國極黑和牛片吾同，少少肥美感覺亦美味😋✿ 海鮮海鮮控當然吾會錯過沙白，沙白鮮甜又冇沙👍🏼大蝦亦爽口彈牙。✿ 甜品比較特別系有爆谷機🍿仲有得夾糖😆🍬同埋任食Haagen-Dazs雪糕🍦

之前第一次係旺角食過，覺得非常不錯！2號餐：美國極黑和牛片放題價錢實惠，好夠食。湯底有2x種，今次試蟹黃海鮮鍋🦐🦀，哇超正，因爲煲裏面有好多黃色蟹膏、兩隻大蝦同沙白，個湯底超鮮甜。推薦美國極黑和牛、美國安格斯牛板腱、美國肩胛肉同豬肉，夠薄肉味超濃。豬肉好快sold out!一定要試海鮮：海蝦、沙白、帆立貝，好新鮮。乳鴿脆皮香口，好食。自助區有熟食及醬料，好多丸類蔬菜、水果。飲品櫃包蘿萬有！最推薦珍珠奶茶，茶底好滑同珍珠好軟糯，好飲過出面。雪糕推薦M記的椰子味，真係有椰子粒粒。呢個價錢食到甘多野真回本。餐廳好旺，9點離開都好多人排隊。🥢牛站(駅)麻辣火鍋放題 🌏銅鑼灣駱克道463-483號銅鑼灣廣場二期11樓

今日嚟到呢間“牛站”邊爐店，一入門口就見到裝修幾有特色，牆上貼滿曬關於牛肉嘅圖片。講番個邊爐啦，湯底選擇都幾多，我哋揀咗個麻辣湯底，一滾起就聞到嗰股麻辣香，好似有隻無形嘅手喺度勾引你嘅味蕾。辣度適中，唔會辣到你飛起，但又夠嗮惹味，同啲專門做川菜嘅餐廳嘅麻辣湯底相比，雖然冇咁正宗，但係勝在適合香港人口味，唔會過於霸道。再講下啲牛肉啦，睇落去雪花分佈都幾均勻，落鍋一涮，幾秒就得，入口嫩滑多汁，牛肉味濃郁，不過就覺得份量有少少少，同啲高檔火鍋店嘅牛肉相比，肉嘅質感就差咁少少，但係價錢就親民好多。仲有個甜品，嗰個好似雪糕嘅嘢，外面層朱古力脆皮，裡面嘅雪糕奶香濃郁，仲有啲酸酸嘅果醬，口感豐富。不過就覺得朱古力脆皮有少少厚，食多幾啖有啲膩。食住呢個邊爐，就會諗起以前成班朋友圍埋一齊打邊爐嘅情景，大家一邊傾計一邊等嘢食熟，熱熱鬧鬧，真係好懷念。希望呢間店可以繼續保持水準，等我哋可以繼續嚟呢度聚舊兼且享受美食啦！