牛牛日式火鍋放題 (北角匯二期) (已結業)

知道北角新開左一間日式放題叫gyugyushabushabu,鍾意打邊爐既我地又點能錯過。今次同埋幾位朋友一起聚餐，呢度主打一人一鍋的特色，大家都可以食自己鍾意的味道，概念十分周到。午市火鍋是有六個味的鍋底，我選擇了骨膠原豬骨鍋，香濃的豬骨湯底真係無得頂，好適合女仔。朋友們都各自點了自己喜歡的湯底，有的點日式麻辣鍋，有的點美人豆腐鍋，因為係放題形式，我們全部都選了澳洲產M6和牛定量套餐。D和牛好快就來啦，仲好新鮮tin.除左能夠狂食和牛，仲有好多野食，熟食同生食都有，這裡的蔬菜也是十分新鮮，最後甜品還有movenpick 的雪糕正到爆，大真係要來試下。

有班好好嘅朋友仔好耐冇見又想食年尾飯。於是乎大家相約不如打返個甂爐啦。咁啱得咁橋北角有間新開嘅日式嘅自助火鍋新開張，作為食家嘅我當然去試一試下啦。我哋一行五個人約定12點鐘開飯。我同我某一個朋友你首先到達，坐低就叫了位女侍應講解點樣食法睇下有乜好介紹！呢間食肆係自助日式火鍋，有分牛嘅級數同時間以及價錢。我哋揀咗一個澳洲M6和牛套餐及用膳時間60分鐘198蚊再加一。當然飲品同甜品都係可以任飲任食啦。地方選址及環境夠大夠寬敞闊落, 座位都坐得好舒服, 醬料及配料選擇夠多, 當然和牛嘅選料上盛新鮮, 我哋每人都起碼食左兩盤, 湯底仲有六款咁多畀你揀, 仲有九款咁多我摯愛嘅品牌雪糕做火鍋後甜品, 基本評價真係幾好味, 值得一試。

今日一個人又去咗Gyu Gyu食一人鍋。一坐低落完order，就即刻去拎菜，返到埋位堅魚湯底同埋牛肉已經係枱上面。開始放野前一定要先飲半碗湯，即頭淡湯😂頭盤（自製）菠菜加少少芝麻醬雲耳加生蒜、醋、豉油同花椒油其它所有菜同菇主角當然係牛肉，不過我鍾意最後煮，因為牛會影響哂成個湯底。特別推薦牛丸同貢丸，爆汁。另外仲有好多丸，龍蝦丸、墨魚丸、豬肚丸、有餡嘅等等。為咗要飽到夜晚就煮埋個拉麵，亦可以揀烏冬或即食麵。最後甜品係movenpick雪糕三次你都係朱古力同士多啤梨味，今日多咗啲包裝雪糕。　定量特級牛套餐食足60分鐘啱啱好，埋單$97。午市人少時Service好好，上次晚市應該唔夠人手。

喺網站上看到介紹，有外賣自取火鍋100蚊都唔洗！慢慢睇下，決定兩公婆去試下午放題！揀咗160蚊90分鐘，肉類質素不錯，出外自選的部份，選擇多及十分衛生！服務態度亦都很好，可能因為疫情關係，座位隨意自己選擇，入門口亦幫我們量體温，必須要我們進行雙手消毒！肉類每次都係即點即切，10分乾淨整潔｡

來到了北角匯，６點多，也正好要找食物了。看見了這間新店，裝橫滿滿的光鮮的氣氛，於是入去一試了。先看了看餐牌，價錢還算公道，於是點了美國頂級牛肉套餐。湯底選了由店員推薦的大地鏗魚湯。再等待的時間，先走去自助區看看，不令人失望呀，首先介一介紹熱食。我比較喜歡這裡的炸蝦餅及炸雞。由其炸蝦餅，裡面是鬆鬆軟軟的，配合了酸辣醬，味道動人。炸雞則大小適中，全都是雞肉，沒有骨，味道彈牙可口，相信小朋友一定喜歡。然後好難得，在自助區中發現了驚喜。竟然在這火鍋店發現到蒿荀，虫草花及冰菜。這些都不是火鍋店常見的食材。冰菜外皮多粒點，仿如露珠。味道極為爽口。虫草花更是滋補，女性至愛。來到湯底，是有２塊魚片在裡面調味，感覺較為滿足。味道方面果然是店員推介，大地鏗魚味重，加湯也是鏗魚湯，不會令味道變淡。值得一提的是這些櫻花杯。店員說，原來這些杯是放湯底的器皿。需要加湯時就是櫻花杯使用之時。最後還有MÖVENPICK雪糕，種類也較多，真的不會令人失望呀。而味道不多說了，MÖVENPICK本身已經是有價值的牌子。這店真的令我感到意外，性價比真的不錯，２００多元就吃到平時不常見的食材，而且主力火鍋湯底也濃郁非常，值得推

北角終於有一間水準以上的任食打邊爐！因為有一次行過見到新開，所以就入去試吓，成間鋪頭好新。其實都有六款湯底俾你揀，一人一鍋，食物都好唔錯，肉質新鮮，蔬菜上我記得有羽衣甘藍，營養價值滿分啦！仲有少少熟食俾你揀，炸雞，粗薯條，薯格，嘢飲有罐裝嘅汽水之外，仲有特製綠茶及奶茶，任飲唔嬲，奶茶及綠茶非常清新，唔甜，基本上你要嘅款式都有。服務員都好有禮貌，好快手幫你清枱，最後仲有Movenpick雪糕。下次一定再黎！

食牛肉而言，我最喜歡shabu shabu，配上蔬菜感覺更健康。新年期間，拜完年同老公去咗北角新開的gyu gyu shabu shabu食午餐，好正😋😋裝潢小清新，員工好有禮貌午餐價錢由$108-$298，揀選牛肉等級，任吃60-90分鐘，最正係可以任食movenpick雪糕🍦🤤我地揀咗澳洲產M6和牛及日本極級豚肉放題套餐，我揀鰹魚鍋，老公揀豬骨鍋。蔬菜品種眾多🥗：蔬菜和菇類不停轉換，每次出去都會食到不同蔬菜👍🏻😍🥦🥕🍅🧅🥔主角肉類🐷🐮：澳洲和牛肉質極好，味道濃郁，配合湯底滋味程度高，甚至可以不用沾醬汁！豚肉肥瘦平均，配合醬汁超好味👅🤤🤤！重點食完仲有甜品：無限movenpick雪糕🍦，雲呢拿味真係冇得輸🤤😍🍦

食物湯底一般，服務差勁沒有禮貌，問288個餐可以點refill肉類及有邊款選擇，有帶walkie眼鏡男同事亦有詳細答覆，但要求每款兩盤但終上各一盤，當上枱時，有兩位walkie男一齊在旁，當時亦有詳細說明肉名稱，但最攪笑是其中一位男同事問我：「甘你滿意未？」，😂😂之後有位walkie帶眼鏡女同事，沒有説明一切，只用手指指住木盤，示意叫我地拎吉木盤給她收，全程一句說話沒有，超差！好似拍緊｛哈里波波｝總括當晚三人行，食3位$288，食完肉想追加好似要求人才有，係食客的錯，而且員工心態負能量太多，完全沒有心去做，反而穿粉紅色衫各女同事好有禮！完全不會推介此餐廳🙅‍♀️🙅‍♀️

午餐去左同屋企人食牛肉打邊爐， 一行三人， 食最平的美國特級牛肉放題套餐， 90分鐘每位138蚊，質素都不錯。牛肉和豬肉都幾好。超喜歡依到有得一人一個煱, 湯底有好多選擇，可以迎合返大家個別口味。我選擇左蕃茄芝芝湯底。自助吧有唔同配料同醬汁， 自己可以攞個盤慢慢夾。依到d菜非常新鮮，洗得乾淨，一盤盤擺得好整齊。種類亦都好多。估唔到依到會有 羽衣甘藍的超級食物， 因為如果街市係出面買都好貴。所以我都忍吾住係甘食。另外，呢度都提供日式咖哩飯，香噴噴嘅叻喱配上熱辣辣嘅珍珠飯，好正。甜品有任食Movenpick，依餐真係食得好滿足。

冬天凍冰冰一定係食火鍋，但次次食來食去都係沙爹鴛鴦鍋又覺得悶悶哋，所以今次揀咗北角新開張哩間 Gyu gyu Shabu Shabu，原本見到係日式 Shabu Shabu 放題已經心動，仲要有多個口味嘅雪糕。加埋新張期間四送一就更加抵食去到人超級多，好彩我哋比較早到唔駛等咁耐，如果係四人以上記得早啲拎定飛，唔係就要等一段時間啦！坐到入去環境好靚，係以粉藍粉紅做主調，影相打卡一流！而且位置好寬敞，唔駛同人逼，一人一鍋又衛生，外面自助除咗多款菜，竟然仲有炸物，炸物真係非常少見，通常一般 SHABU SHABU 都係俾人夾就算，好少會炮製一啲即做食物出嚟。 而牛方面我叫咗黑毛和牛，油花同厚度都好正，又滑又香 ，哩個價錢抵到爛！傳單上睇到原來中午都有定量放題，$100都唔駛就可以任食外面自助BAR，中午 LUNCH都係一個好選擇！

新年間於友人到位於北角匯既Gyu Gyu Shabu Shabu聚會，4人同行1人免費， 好扺。餐廳裝潢佈置簡約明亮，提供90分鐘晚市放題， 有不同級數的牛肉及豚肉，主打高質素和牛，如日本國產黑和牛及澳洲產M6和牛。和牛雪花分布均勻，肉質柔軟鮮嫩、肉汁豐美，輕輕咀嚼一下就在口中化開。 我同食肉獸朋友90分鐘內食左7盤和牛， 真係ichiban。 甜品方面，有任食Movenpick雪糕，可惜送貨問題， 當晚沒有提供，有點失望。另有自助區及熟食區， 選擇都幾多。

最近試左間好正的打邊爐 HotPot 🍲位置也好方便，係位於North Point北角匯🏢我一入去都以為同普通的日式火爐無咩分別😨誰知裝修得勁港女style👧🏻湯底又好入味好濃郁👅即使連麻辣湯底都好有誠意🌶豆乳湯一點都吾hea 😋出面自助吧d熟食有好高質素😎薯格🥔炸物🍤 都吾會軟曬CP高當然要睇埋食材啦😍自助食材bar 竟然有羽衣甘藍🥬睇到呢個，就係不得了😯 仲有好多特別的食材🤩🤩 打邊爐當然要食海量的肉， d肉都好正 🥩另外我仲加錢叫咗一個海鮮拼盤🦐🦪🥬熟我嘅人都知道我係海鮮愛好者🦐🦞🦀🦑呢個seafood platter CP 值勁高 ⬆️蝦係大隻🦐 蠔係大隻🦪青口係大隻👍🏻我一定會再去食😍😍😍😍

俗語有話冬至唔凍，農曆年就會凍，一踏入初一， 氣溫就開始漸漸下降， 天寒地凍最岩打邊爐。新年時，我就同朋友去左北角匯Shabu shabu，一人一鍋可以選擇自己鍾意既湯底又衛生，避免交叉感染。識食既我地揀左最高級既日本產黑毛和牛放題，可選日本產黑毛和牛、澳洲產M6和牛、日本極級豚肉等， 和牛油脂分布均勻， 色澤肉質細嫩， 肉味濃郁， 牛魔鬼既我地表示好滿足。 另外， 自助區還提供多款配菜， 較特別既有秋葵、 羽衣甘藍、蟲草花等。最後， 當然要食埋回本Movenpick雪糕啦～

Lunch hour行去北角匯2樓新開無耐有sukiyaki 食，價錢都可以接受湯底選擇都多，有6款個人推介sukiyaki soup配澳洲M6和牛定食侍應話佢地係即叫即切，但啲牛岩岩黎個陣有少少冰 痴痴地塊板啲牛個質地都算唔錯唔會起渣淥得耐左都唔覺太老個人覺得唔洗食放題套餐都份量岩岩好，有好多配菜，唔夠可以再出去拎蔬菜都新鮮、紅心蘿蔔好食！又爽口，好快就淥熟比白蘿蔔更好味朋友就揀左美人豆乳湯底配豚肉個豆乳湯比想像中無咩豆香，唔係好濃味都係sukiyaki個味出啲除左有咖哩飯之外，仲有mövenpick雪糕食口味都算多，有6/7種🍓🍓味酸酸甜甜特登推薦！

大年初二，我去咗北角匯Gyu Gyu shabu shabu開年， 選擇左90分鐘嘅套餐，每人138蚊，幾抵食，食到肚滿腸肥😂。呢度嘅環境好清新，走少女路線，室內嘅裝修以粉色為主。每人一鍋，我揀咗美人豆乳鍋 ，好養顏健康。除咗主打的牛肉同豚肉，我今次仲主攻蔬菜，例如羽衣甘藍，菠菜，粟米，木耳，南瓜，芋頭，蟲草花等，夠曬均衡。特別之處，呢度有提供牛肉咖哩飯味道仲唔錯，非常香濃。食飽飽之後，仲有movenpick雪糕任食, 非常滿足😋😋😋