影片
更多
2020-01-26
388 瀏覽
呢間餐廳主打60或90分鐘一人一鍋日式火鍋放題，搜羅世界優質牛肉同豚肉，配搭多款特色日式及東南亞湯底，最特別可以任食日式咖哩珍珠飯同Movenpick雪糕。晚市仲有炸物同糖心蛋。今次就趁lunch time試食最平嘅系列，最後成功挑戰3碟牛肉2碟豚肉。🥛美人豆乳鍋以日本豆乳同醬油製成，飲落勁Creamy，味道富豆奶香，對貪靚女士養顏一流。悲傷小姐主要放豚肉同蔬菜，湯底較清淡有助食到食材嘅鮮味，唔會蓋過肉味，而且淥菜唔會咁油膩較健康。🐮牛牛袐見鍋傳統嘅壽喜燒湯底夠濃郁，富甜醬油味。牛肉係必落之選，呢個經典組合完全冇得輸。另外悲傷小姐主要落吸湯汁嘅配料，好似豆卜咁，索哂甘甜湯汁。🐂美國特級牛肉切成薄片嘅牛肉食落細嫩無雜質，完全唔會韌，因為肉質偏肥，雖然唔會成口膏有彈性，但淥完之後個湯係有一層油。而且牛味唔算濃，不過以呢個價錢嚟講都係正常發揮。值得讚係Refill咁多次，肉嘅質素基本都一樣，甚至好彩嘅會有比較瘦嘅部位。🐖丹麥皇冠豚肉豚肉色澤嫩粉紅，肥瘦適中，肉質嫩滑，冇雪藏味亦冇豬羶味，只有豬肉嘅鮮甜味，真心覺Cp值唔錯。悲傷小姐更覺得好食過牛肉，因為比較彈牙有咬口，而且相對較瘦食落冇咁大罪
🥛美人豆乳鍋以日本豆乳同醬油製成，飲落勁Creamy，味道富豆奶香，對貪靚女士養顏一流。悲傷小姐主要放豚肉同蔬菜，湯底較清淡有助食到食材嘅鮮味，唔會蓋過肉味，而且淥菜唔會咁油膩較健康。
🐮牛牛袐見鍋
傳統嘅壽喜燒湯底夠濃郁，富甜醬油味。牛肉係必落之選，呢個經典組合完全冇得輸。另外悲傷小姐主要落吸湯汁嘅配料，好似豆卜咁，索哂甘甜湯汁。
🐂美國特級牛肉切成薄片嘅牛肉食落細嫩無雜質，完全唔會韌，因為肉質偏肥，雖然唔會成口膏有彈性，但淥完之後個湯係有一層油。而且牛味唔算濃，不過以呢個價錢嚟講都係正常發揮。值得讚係Refill咁多次，肉嘅質素基本都一樣，甚至好彩嘅會有比較瘦嘅部位。
🐖丹麥皇冠豚肉
豚肉色澤嫩粉紅，肥瘦適中，肉質嫩滑，冇雪藏味亦冇豬羶味，只有豬肉嘅鮮甜味，真心覺Cp值唔錯。悲傷小姐更覺得好食過牛肉，因為比較彈牙有咬口，而且相對較瘦食落冇咁大罪惡感。
🍢自助吧台餐廳提供多款新鮮蔬菜、菇類、丸類，但整體嚟講款式比較普通冇咩驚喜。不過都好嘅可以主攻食肉回本。
👍🏼值得添食💗芋絲：呢個係壽喜燒鍋另一個靈魂主角，因為佢吸湯力強，食落彈牙帶甜醬油味。而且蒟蒻係低卡路里嘅健康之選
💗萵荀：呢個配菜好難得見到，悲傷小姐好鐘意食所以見到好驚喜。切成薄片嘅萵荀食落爽脆，有蔬菜嘅鮮甜。
💗冬菇：鮮冬菇充滿菌香，放入醬油湯底淥完仲甜美，有嚼頭而且一咬d汁bit哂出嚟
👎🏼有待改善
💔韓式年糕：放落湯淥咗冇幾耐爛，食落唔Q彈冇米香，質素較差
💔魚蛋：雖然口感夠彈牙，但食落偏腥帶少雪藏味，冇鮮魚味
張貼
