牛牛日式火鍋放題 (北角匯二期) (已結業)

有班好好嘅朋友仔好耐冇見又想食年尾飯。於是乎大家相約不如打返個甂爐啦。咁啱得咁橋北角有間新開嘅日式嘅自助火鍋新開張，作為食家嘅我當然去試一試下啦。我哋一行五個人約定12點鐘開飯。我同我某一個朋友你首先到達，坐低就叫了位女侍應講解點樣食法睇下有乜好介紹！呢間食肆係自助日式火鍋，有分牛嘅級數同時間以及價錢。我哋揀咗一個澳洲M6和牛套餐及用膳時間60分鐘198蚊再加一。當然飲品同甜品都係可以任飲任食啦。地方選址及環境夠大夠寬敞闊落, 座位都坐得好舒服, 醬料及配料選擇夠多, 當然和牛嘅選料上盛新鮮, 我哋每人都起碼食左兩盤, 湯底仲有六款咁多畀你揀, 仲有九款咁多我摯愛嘅品牌雪糕做火鍋後甜品, 基本評價真係幾好味, 值得一試。