牛牛日式火鍋放題 (北角匯二期) (已結業)

北角終於有一間水準以上的任食打邊爐！因為有一次行過見到新開，所以就入去試吓，成間鋪頭好新。其實都有六款湯底俾你揀，一人一鍋，食物都好唔錯，肉質新鮮，蔬菜上我記得有羽衣甘藍，營養價值滿分啦！仲有少少熟食俾你揀，炸雞，粗薯條，薯格，嘢飲有罐裝嘅汽水之外，仲有特製綠茶及奶茶，任飲唔嬲，奶茶及綠茶非常清新，唔甜，基本上你要嘅款式都有。服務員都好有禮貌，好快手幫你清枱，最後仲有Movenpick雪糕。下次一定再黎！