牛大人台灣火鍋吃到飽 (銅鑼灣廣場二期)

營業中

休息中

之前食過午市既極上和牛吃到飽，覺得好抵食，所以今次繼續極上和牛吃到飽，再加埋午市星級海鮮，$30/位，有蜆、海蝦、鯛魚片同鱸魚片。海蝦鮮甜，魚片嫩滑無骨，不停Encore！上次試左經典麻辣鍋，今次就試鳳梨雞鍋。雖然鳳梨味就唔太食得出，但勝在湯底清甜唔油膩，碌菜超正。澳洲和牛M5牛肩卷軟嫩牛味重，脆肉鯇爽脆少骨；當然唔少得我既至愛蟹子墨汁漿同海鮮漿，真係有粒粒海鮮喺入面，足料又彈牙。佢地既水餃系列都唔錯，好中意食瓜仔雞水餃同高麗菜水餃既餡料，甜甜地，不過略嫌餃皮厚左啲。因為湯底夠清甜，所以今次食左好多蔬菜，萵筍、蘿蔔、粟米🌽、娃娃菜，全部都係吸汁野。之前喺荃灣分店試過佢地既啤酒都唔差，所以今次繼續試下佢地既收費飲品～18+冬瓜茶 $38冬瓜同Whisky呢個配搭真係好少見，Whisky味都幾重下，雖然有冬瓜既甜中和返，但唔想醉既話真係要飲慢啲😂冬瓜茶 $38冬瓜味濃味得黎一啲都唔假，好清甜。Last order後就會送上甜品，台中仙草凍，有花生碎、椰果、紅豆、珍珠、忌廉奶同仙草，仙草嫩滑清甜，奶香十足。

終於嚟咗朝聖牛大人 長期都勁多人排隊勁受歡迎 簡直係座無虛席🤩店內環境非常之大 👍🏻採用QR code落單非常方便而自助火鍋區嘅配料種類亦非常之多 有響鈴,粟米,生菜,芝士腸,雞髀菇,冬菇,多款丸類,響鈴,烏冬王子麵等 真係超級豐富💯飲品也是除咗罐裝飲品仲有牛大人自家製泡茶解膩💯就連醬料選擇都好多 絕對可以滿足到唔同口味嘅食客🤩湯底嘅選擇亦都有好多款 包括牛夫人地方麻辣鍋,酸菜鍋,養生鍋,牛大人紅燒牛骨鍋等 👍🏻今次試咗極上牛食到飽套餐 同揀咗呀嬤養生濃湯鍋 見到好足料 湯底甘香鮮濃 啲牛種類都算多唔同部位揀而且好有牛味🐮 切得非常薄容易入口 湯底正所以加任何配料落去都好好味😋上菜速度亦都好快 所以90分鐘都好夠時間食🙌🏻

牛大人台灣火鍋吃到飽 (銅鑼灣篇）朋友力讚嘅牛大人，今次終於可以試試90分鐘午市極上和牛吃到飽，食咗最貴嗰隻有任食和牛好正，9種湯底可以簡，加$50就有鴛鴦鍋，我地揀咗蕃茄湯底！食材方面，個套餐有幾種豬肉牛肉可以揀，我地主攻和牛同牛板腱，和牛好有牛味好好食，叫咗都成10幾碟，上菜速度都係十分快，所以鍾意食牛朋友仔可以瘋狂叫！我完全唔記得咗我個餐係有海鮮🥲🥲🥲依家打食評先醒起 聽朋友講返海鮮有好鮮甜嘅蜆，而其他素材可以自己出去拎！而且好多特色飲品，可以試吓有18+冬瓜茶，係有酒味嘅冬瓜茶，苦苦地幾特別用餐心情：三五知己用心食食食，唔好分心，因為真係會限時🤣🤣

食完又食應該食咗七八次😛同屋企人朋友都成日食 假期lunch去唔使等位又平啲😼 任食火鍋來講真係好top🙆🏻‍♀️ 選擇種類多 好多都自家製有誠意 環境又唔錯😌👍🏻 最吸引我係個麻辣湯底 食得辣應該會鍾意🥳90分鐘極上和牛吃到飽 $198 加一☝🏻 ❣️皮蛋肉鬆豆腐/炸地瓜食少少開下胃 今次嘅地瓜夠脆唔油又甜💪🏻❣️安格斯特選牛板腱🐮❣️澳洲和牛m5牛肩卷澳洲和牛大推 食左5碟🥰 有幾 round真係靚到心心眼 肥瘦勻稱😆 如果唔係太要求 食安格斯餐都夠🤙🏻❣️鴨血 配麻辣湯底一流!❣️寬粉❣️蟹柳棒係我最愛😆 可以就咁食一碗🤰🏻吸晒湯底✌🏻❣️花枝漿 ❣️干貝鮮魚漿❣️滷牛筋/豬大腸漿係必食 好想有得買返屋企食😢 食到好足料❤️❣️金菇/娃娃菜/蘿蔔/地瓜葉/a菜/昆布/木耳勁多選擇食唔停😆 蔬菜都勁新鮮 可以不斷食🤤❣️18+冬瓜茶 $38次次都飲桂花烏龍 今次試吓特別嘢😼呢個係冬瓜茶加whiskey 好似平時加綠茶咁 原來加其他茶底都幾夾🤤❣️仙草凍鍾意食呢碗! 係水準之作每樣配料都好食🥺

牛大人一向是火鍋之選，一個價錢90分鐘包你吃到飽。湯底選擇多，有養生鍋、麻辣鍋。環境乾淨，坐得舒適。牛大人食物包海鮮和肉類，既可瘋狂食肉又可以點海鮮。牛肉豬肉牛舌因為薄切所以即使煮久了也不會韌，肉類部位比較瘦，所以不會覺得滯或把湯底弄得油膩。食物配上上辣椒乾蔥蒜蓉豉油十分美味。 自助吧食物種類多、有不少新鮮蔬菜、菇類、魚糕、魚餅、魚蛋丸類。生菜、娃娃菜，非常新鮮食到索索聲。飲品方面有無限汽水冷泡茶任飲。無論食或飲都可以十分盡興。白桃烏龍，桂花烏龍，清新消滯，有助解膩。阿嫲養生湯底，湯底呈奶白色，味道濃郁，一點都不鹹。蜂巢豆腐等等沾上湯底之後，味道更滋味。

Hot Pot❤️ All You Can Eat♨️ Master Beef🐮🥢..間唔中就會想食牛大人♨️🐮🥢，在港一間台式任食 吃到飽火鍋店。提供9種火鍋湯底款式，可以自選牛肉種類級別。必吃既當然有：安枱斯、和牛、海鮮、台灣直送美食、蔬菜、飲品等等，選擇都唔少呢。今次帶朋友來試試，試左最高級別既 ll，加配升級海鮮，仲點選左酒精特飲 ll，濃濃冬瓜茶味道加上啖啖Vodka 味道，有創意既Cocktail 🍸。ll，牛味最濃而雪花❄️ 平均，充滿牛膩香而肉質香滑。ll，牛味相對沒那麼重，但充滿油花香都不錯吃。其他肉類、海鮮質素亦保持一定水準呢。自助飲料選擇亦多，無糖自家製花茶🌸 亦係我推薦系列之一呢。自助Bar 蔬菜、葷類都不少，保證一定吃飽飽。而好開心帶朋友來吃，都說質素不錯喔。台式糖水都不能錯過，好吃呢。仲有仲有。。如果想飲酒🍶 其中ll 亦係期間限定，不能錯過呢。..×××火鍋吃到飽 -Master Beef]××ש銅鑼灣駱克道463-483號銅鑼灣廣場二期5樓..

牛大人出現咗之後，差唔多每個月都一定會去一次，今日第一次嚟到銅鑼灣分店。平日午市嚟到，一出電梯門，已經見到有人排隊等開門，地方雖然好迫，但係都勉強夠位企午市係食90分鐘，我哋揀咗最貴嘅*極上和牛吃到飽 $198*，一坐低梗係揀咗湯底先啦，今次同個食得辣嘅朋友嚟，就梗係點最經典嘅麻辣鍋我哋專攻牛肉，一開始每次淨係兩三碟咁叫，呢個級別先有嘅澳洲和牛M5牛肩卷，質素有少少參差，唔係碟碟都咁靚後尾覺得每盤得嗰兩塊好唔過癮，霸氣地叫咗10碟，原來叫10碟係會成盤切得好靚咁上㗎😍😍仲要成盤牛都勁靚，油脂分布得好均勻，入口真係好香濃嘅牛味豬肉片我哋都叫過一次，正正常常啦，都係食返牛肉抵啲🤣我哋仲加咗*$30升級海鮮放題*，我哋encore咗幾次沙白，鮮甜好味又無沙仲有每次都必點嘅台式小食，呢度一客嘅份量比其他分店少，可能得兩細舊，所以我哋第二次都點多咗數量最後甜品唔知係咪午市冇得揀雪糕呢🧐🧐不過送嘅仙草凍都幾好食，打完咁重口味嘅邊爐後，食呢個都幾解渴同埋消滯👍🏻👍🏻

牛大人dinner就食過好幾次，lunch真係未食過，見價錢又平d就黎試下有咩分別。估唔到lunch都有唔少人，不過排隊入座都好快速。揀左最貴個餐，因為識食一定食和牛，而且最貴個餐其他level既野食都可以點，個人覺得最抵食，我覺得同dinner分別唔算好大，只係少左d肉類同海鮮，我無咩所謂 ，一樣食得滿足！我地揀左鴛鴦火鍋，因為次次食牛骨鍋，想試下新，就叫左牛骨拼番茄，兩個都唔錯，係濃味果種，唔洗點調味都可以，不過因為調味選擇太豐富，都吸引左我去整。出面一樣有好多蔬菜同丸類可以選擇，全部保鮮盒裝，感覺夠衛生！仲有我每次都食一碗既台中第二市場魯肉飯，好想食多碗，又怕食太大飽打唔到邊爐，好矛盾。同呢位朋友好耐無見，大家都係手工啤迷，見佢地有冬瓜茶手工啤，價錢又唔貴，叫左兩杯試下，真係飲到冬瓜茶既味，又吾會太甜，幾解渴同解熱氣。可以encore!後來飲完覺得唔夠喉，店員介紹我地飲呢款台灣黑米釀，我地都無飲過就叫左支試下，得wo!開瓶已經覺得好香，個味好醇，同火鍋好夾，值得推薦！最後我仲買多左枝拎走！最後原來午餐都有鮮草凍甜品，立即覺得午餐都幾好，食早d,多d時間消化xd

係呀，我又食火鍋啦！牛大人好難book位就係人都知，所以我都專登揀咗個最易有位嘅方法就係食佢嘅午市火鍋放題🤣🤣當日12點正就去到餐廳門口排隊，今次揀咗極上和牛吃到飽同埋鴛鴦鍋湯底，麻辣鍋及台灣鳳梨雞鍋！另外我哋每位加咗$30升級有得食埋海鮮！麻辣鍋湯底帶有少少刺激性，小麻小辣！但鳳梨雞鍋就甜甜地，可以中和下麻辣鍋嘅辣味！至於我最關心嘅肉，首選當然係澳洲和牛M5牛肩卷同埋安格斯特選牛板鍵！都係一樣咁高質！另外蟹子墨汁漿都好好食🤤🤤海鮮方面我哋叫咗好多沙白同鱸魚片，冇骨嘅魚我真係好鍾意食！沙白都令到湯底更加清甜！所以我都覺得幾值得加錢升級！因為麻辣鍋都真係幾辣下，所以忍唔住叫咗個冬瓜茶（含酒精），冬瓜茶甜甜地又夠凍好解渴，但又飲到好強嘅酒精味！😂宜家我終於明白點解牛大人成日都咁多人，食咗個半鐘火鍋，都只係每日$270就可以任食，而且肉類嘅質素真係非常高！

牛大人 - 任食極上M5澳洲和牛今日介紹一間街知巷聞、耳熟能詳的火鍋店，主打台式火鍋，主打多款特色湯底，提供多款火鍋肉類、配料，就是牛大人了！我們點了極上和牛吃到飽套餐，可以食盡所有款式的肉類。湯底就選了台灣出名的鳳梨雞鍋，大大隻雞件，湯底清甜。澳洲和牛M5牛肩卷主角當然是牛大人的招牌和牛牛肩卷，採用澳洲的M5和牛，色澤粉嫩，油脂分布平均，牛味濃郁；另外也有多款豬肉、雞件 ，還有海鮮！同場加映還有台灣直送小吃、飲品和甜點，好似去左個短的台灣旅行一樣！

今日黎到位於銅鑼灣既牛大人食野，牛大人一向係香港都好受人歡迎，上次我係荃灣店食完覺得好高質，所以今次再去銅鑼灣店。食物方面，牛大人都係以台式為主，可以點熟食或者手工餃或者肉類等等。肉黎講我覺得牛肉係最高質，肉味香濃，好好味。熟食方面，台式食物例如鹽酥雞等等都好惹味。手工餃方面，款款都好出色。最後個甜品都係好好味呀，有椰香味，唔會太甜，仲好有特色。野食既上菜好快，90分鐘黎講好夠時間食。整體黎講我覺得依個價錢好高性價比，真係好抵食。

已經成年無食過啦，今次終於Book到啦，係門口等位已經勁多人，今日帶契仔去食打邊爐做午餐，午餐食90分鐘，一定夠哂飽😋 店舖環境大，坐得舒服，兩個人坐嘅卡位夠闊落；用Qrcode 落單，超方便，仲要好快到，所以點到成枱食物😋 我哋揀咗【極上和牛吃到飽】套餐 $198，澳洲和牛M5牛肩卷可以任食；仲加 【$30 升級海鮮】，可以食到鮮甜海蝦、新鮮白沙、真台灣鯛魚片、台灣鱸魚片；湯底就揀咗【阿嫲養生濃湯鍋】個湯好香，飲落少少甜好飲，就算放咗好多配料落去，個湯依然好飲 + $18 冬瓜茶 (含酒精)加入Whiskey嘅冬瓜茶，入口甘甜，濃度剛好 出面仲有自助區、醬料、飲品、小食等任攞；飲品仲有好多款，當然一定要飲埋唔同款嘅冷泡茶👍🏻 澳洲和牛M5牛肩卷、西班牙豬梅肉片、牛媽秘制滷牛肚、西班牙豬五花片、 蟹籽墨汁漿、鬼馬老油條、澎湖花枝漿 午市小食：必食鹽酥雞、甜不辣、炸甘薯等等。鹽酥雞每件都炸得香脆，細細件好味道 各款丸類、瓜類、菜類，多款選擇；黑木耳、蟹柳、海帶結、雞脾菇、海膽包、特級花枝丸、西生菜、竹炭海膽包 最後食埋個甜品仙草滑嫩彈牙又唔甜、花生、紅豆、珍珠、椰果，口感夠哂豐富 牛大人

久仰牛大人嘅大名 但之前成日都大排長龍而冇機會去 前排趁12點開門唔洗點排隊就去咗😋 湯底一共有8款選擇 我地揀咗「養生濃湯鍋」🍲 湯底有杞子、蟲草花、紅棗、栗子等配料 味道鮮甜😋「極上和牛吃到飽」套餐 ($198) 叫呢個set因為可以食曬咁多款肉😋 而且牛市價錢真係抵好多👀 澳洲和牛M5牛肩卷色澤粉嫩 油脂分泌平均 口感嫩滑 而安格斯牛板腱都好唔錯 牛味濃郁😋 滿足到我呢個食肉獸🤤丸類、菜、麵食及飲品等都係自助形式 選擇眾多其餘可以用qr code落單 推薦佢嘅手打餃類同爽口彈牙嘅蟹籽墨魚漿👍 另外+$30就有得食海鮮😛 有鯛魚、沙白、海蝦等 不得不提佢地上菜速度都幾快 而且冇漏單情況最特別係打邊爐都可以食到台灣特色小食😙有台灣腸、滷肉飯、甜不辣、鹽酥雞等等自助飲品區有成20款飲料可以揀 我地試咗桂花烏龍同菊花普洱 兩款都好清新解膩 好適合打邊爐飲 除咗免費飲品之外亦可以加錢叫特色飲品 例如台灣原住民特產小米釀/ 18+冬瓜茶18+冬瓜茶 ($38) 其實就係傳統嘅冬瓜茶加上whiskey🥃 甜甜地易入口 幾得意 啱晒打邊爐想飲酒嘅人🤣最後每位客人都會有一碗台中仙草凍做甜品 非

牛大人有幾抵食相信大家都知，午市放題更係抵絕全城 早幾日嗌咗最平嗰個餐，有雞牛豬同所有嘅放題自助區仲有小食同飲品等等假期下午3點幾去到銅鑼灣分店都要等一陣先入到 但鍋底同肉類上菜速度都幾快叫咗個麻辣鍋，麻香同辣味都唔算太特出但越滾就越濃🥵🌶自助配菜區方面 丸類、菜菇類、粉麵應有盡有，丸更有十幾款比你揀，推薦香芋丸同爆醬芝士丸🤪連醬料區都有差唔多廿種選擇🤩🤩 推介1/2牛肉鼓油¼沙茶¼辣椒蔥蒜自助飲品區各種酒水同自家製茶都有，最鍾意桂花烏龍清新解膩🥰肉類基本上對質素都冇期望，合格分🤙🏾反而最鐘意佢嘅台式小食同唔同嘅滑。最開心係有蛋餃！有次晚市叫咗個鹽酥雞小食但係係完全唔脆🤔今次就熱辣辣正！ 木魚醬油凍豆腐都係必點之選，食到熱辣辣食返舊凍豆腐就爽晒～台灣腸、甜不辣、炸番薯都唔錯叫得過 頂到條台灣癮食到最後仲會送碗台灣仙草凍 簡直係舒服晒～

今日去了！銅鑼灣～食午餐台式火鍋吃到飽，好抵食！$198/位 90 min可以升級加埋海鮮！一上到餐廳人好多好多人都是等12點入坐！入坐了我們選了"亞嫲養生鍋"落單是用QR Code 落單的過程都簡單容易！有極上和牛肉，雞肉，豬肉，各種滑，墨魚滑，花枝滑，牛肉滑，......仲有熟食，台灣小食炸梅子金薯，台灣香腸，皮蛋豆腐，甜不辣......外面可以自己拿飲品，火鍋料，麵......總結價錢抵食，但時間不夠，因為人太多上菜慢，又飛單都嚴重！落左單又唔來，來了又小左！😤😤味道較咸！火鍋料的魚滑和鴨血！一開始到坐下有第一次的食物大約等了20分鐘左右！夠鐘就不停吹你要離開！食到個人好緊張！