牛大人台灣火鍋吃到飽 (銅鑼灣廣場二期)

營業中

休息中

去完SOGO Shopping就約埋朋友仔一齊食lunch兼去玩，就帶埋兩個小朋友去牛大人打邊爐食靚牛肉🐮午餐係任食90分鐘，我哋食最貴嘅極上和牛吃到飽大人都係$198，都幾抵食‼️升級食埋海鮮都係加$30，包括大大隻彈牙海蝦、大隻又鮮甜嘅新鮮沙白、真台灣鯛魚片同台灣鱸魚片。除咗海鮮，唔使講就梗係食靚牛肉啦🐮上腹牛五花、安格斯特選牛板腱、澳洲和牛M5牛肉卷全部都薄切上，淥兩下就食得唔驚會老得滯。尤其係M5和牛同埋安格斯牛板腱肉質鮮嫩多汁，雪花分布均勻，食落去滿口好香嘅牛脂味。章魚珍珠漿同牛肉漿都好爽口彈牙，手打嘅係唔同啲。就兩個小朋友唔食辣嘅湯底，但係又想特別啲，所以今次試咗夠晒台灣風味嘅台灣鳳梨雞鍋，入邊有成半隻雞，有啲苦瓜同埋鳳梨，清下熱😆2⃣️個小朋友除咗食打邊爐食品之外，仲食咗唔少台灣小食。鹽酥雞食到停唔到口，同不停咁食台灣香腸😚而我哋大人就一人飲咗杯18+冬瓜茶，即係冬瓜茶加Whisky，又幾好飲喎哦😌

好似食上癮咁今日又走左去食牛大人😂不過今次同阿媽一齊去食晏晝逐個分開食因為中島無錢一次過請曬—————————————————————今次揀晏晝係就番阿媽時間同埋未試過食晏晝所以⋯係囉😂本身以為ℓυи¢н會少啲人點知上到去都係成村人好彩有вσσк位去到就入得嚟得牛大人當然係食和牛餐啦呢次揀左香甜嘅蕃茄湯底用嚟淥豆腐就最正吸曬啲湯然後隊啲和牛落去做茄牛🤣阿媽見到啲油花咁靚一食入魂死啦 阿媽會唔會以後唔和牛唔食架既然帶得阿媽去都唔爭在+$30食海鮮當日海鮮得番鱸魚同海蝦啱曬一個食魚一個食蝦🙊為左整蠱阿媽叫左杯18+冬瓜茶但係佢竟然話飽得滯唔飲頂 變左整蠱自己 自食其果🙃不過估唔到加左酒精嘅冬瓜菜又幾好飲甜味掩蓋左酒精味放心呢個應該係唔會令人醉除非你大量吸入啦😂😂最後台式邊爐一定要食嘅鴨血唔少得今次啲鴨血勁正好入味❤️兩碟都嫌少呀ℓυи¢н得90分鐘真係要快快食呀—————————————————————◫ 極上和牛吃到飽 $198◫ 海鮮 +$30◫ 18+冬瓜茶 $38

Lunch 1：30pm嚟食任食，一心一意諗住食鴨血，點知入座後先發現餸菜選擇極少，無鴨血不特止，無豬大腸、無鯇魚肉、無水蓮、最後連甜品都無，入座前又唔講清楚，咩特色食物都無咁我點解要嚟食你呢間牛大人呢？出面大把選擇啦😡。咩都話限量供應，我俾同一個價錢入嚟食嘢入到嚟你咩都話無，仲大大聲講：「係㗎，得午餐第一輪先有供應」；但轉個頭5點果轉又突然咩都有齊咁得意嘅😡。職員態度敷衍，經理答答吓又推咗個assistant出嚟，assistant答答吓又話佢唔清楚，要交俾marketing同事答，係銅鑼灣呢間先係咁，食過旺角、荃灣啲職員都好好，唔明點解銅鑼灣呢間可以咁差😡😡😡

第一次食牛大人之前已經好想試排隊等咗半個鐘左右湯底叫左阿嬤台式養生濃湯鍋牛大人紅燒牛骨鍋兩個湯底都不錯養生湯底清淡啲澳洲和牛M5牛肩卷呢個最好味😋肉質不錯👍🏻仲有花膠唯一失望😞冇晒芋圓仙草得返雪糕

以任食台式火鍋黎講，牛大人簡直無得輸，性價比超高，只要有時間又想打便爐，就一定會同朋友黎食，平均每次排大約半粒鐘左右。係Storellet做牛大人既會員，仲可以有9折或免費鴛鴦鍋底。10個鍋底可以揀。今次我地嗌左麻辣鍋(少辣)同牛骨鍋，澳洲極上和牛套餐，嗌呢個餐，都會每位送2粒和牛丸，和牛丸肉味濃，汁多，其實食完2粒會想繼續食，但想再食，就只可以單點，自己俾錢lei。澳洲和牛，每碟肉既脂肪分布都有d 唔同，真係要講彩數，雖然係咁，但全部都係一d 都唔靭，亦好有肉味，以呢個價錢黎講，無得彈。牛小排，我同朋友都覺得比起澳洲和牛會稍為嚡口少少，但都唔錯，我地都只係嗌呢2款牛肉。海鮮種類唔多，只有幾款選擇，我地只係嗌左蝦and沙白。蝦唔算超新鮮，有雪藏味。反而沙白無沙，鮮甜，仲有海水味，但間唔中有1，2隻就差d。鴨血嗌左一份試下，以任食黎講，出其地出色，僅次於鼎王。本人係午餐肉控，忍唔住嗌左，不過失望，佢雖然炸過，但應該擺放左一段時間，所以口感比較差，只此一次勒。牛肚，一定要落係麻辣鍋底果邊，索曬啲湯底，正呀。👇👇必飲，金桔椰果少甜。之後掛住食就無再影相勒....👋👋其實除左手機點單既食物飲品

牛大人 - 台式火鍋店🥘呢間咁出名愈黎愈多分店都唔需要點介紹😜 不過等我分享你可能唔知既小秘密啦👻 呢間係香港既台式火鍋店 佢既食材的而且確係台灣親自飛黎香港 是直送的喔🤤 但💬事實上台灣完全係冇呢一間店的喔！！ 對於台灣人黎講完全唔識呢間 只係我地香港人追捧先追到咁紅😂 不過的確係好抵好食既👍湯底當然要選🌶️牛大人秘方麻辣鍋有時我真係覺得打邊爐湯底一定要辣先好食 先會調得出肉既鮮味有3個套餐選擇🐮特級安格斯吃到飽感覺打邊爐一定要選擇安格斯牛 普通牛就唔會太特別 但極上最貴又好似唔多大既分別 所以中間價錢抵食啱啱好而黎到牛大人我最鍾意叫既係佢啲熟食 尤其係台灣腸同埋甜番薯 真係簡單一條台灣腸街邊買都唔平 而且佢又整得好好食 甜薯少少燶邊咬感又超正😍 仲有鹽酥雞都係必食 脆口肉嫩 熟食都係我鍾意黎牛大人既原因👻推薦指數🌸💮🏵️🌺🌻

成日聽人講話牛大人好好味好抵, 但係先頭分店唔多, 成日book唔到位, 但係而家多咗好多分店, 趁今日好肚餓又冇食早餐, Walk in入去食個lunch竟然唔使等位😎. 食台灣火鍋 , 梗係要叫個麻辣湯底啦. 睇埋個餐牌有三個選擇, 諗都唔諗就叫左最貴嗰個90分鐘M5和牛吃到飽火鍋, 加埋任叫海鮮都唔使$250一位真係抵到爛. 話明任食梗係狠死啲😂, 花名叫牛魔王嘅我, 一開始1st round 就叫咗10碟M5和牛同大量鴨血, 驚死要等好耐, 但係竟然喺手機落完order幾分鐘就上枱, 真係10個讚👍🏻, 仲要每碟牛都一樣靚大大塊充滿油花🤩, 真係未食都知道一定回本😂, 食落仲好有牛味. 值得一提佢地嘅洛神花茶, 冰凍唔甜酸酸地好解渴, 飲完兩啖開胃啲可以食多兩塊牛😂. 試過晒咁多款餃子最好食就係蛋餃同蝦餃. 除咗咁靚嘅M5和牛我覺得最好食嘅就係佢哋嘅魚漿、墨魚漿、牛肉漿、鮮甜爽口彈牙. 又係回本items 😎總括嚟講CP值極高, 唔怪得知成日啲人話要book好耐位先食到.

性價比都算幾高，食物質素可以，係海鮮不太新鮮，其他都不錯。服務員有禮貌，人手充足，久不久會自動幫忙加水。飲品種類算好多，真材實料。座位都算寬鬆，望上去，環境都幾衛生。晚市第一輪17：00開始，非常好。飯後有甜品送。不過，吃完後非常口渴，應該味精好多

地址－牛大人台灣火鍋吃到飽 (銅鑼灣廣場二期)銅鑼灣駱克道463-483號銅鑼灣廣場二期5樓呢間野開左好耐, 終於約齊老友去食, 但都係太多人去食, 最後要預訂一個月後才可以朝聖, 去到現場簡直令人嘆為觀止, 迫過年宵, 我地一出升降機就只可以企係門口等叫名同埋幫人開關門, 好誇張！呢間係任食的關係, 我就挑選左D我認為幾特別的食物介紹一下。💋台灣鳳梨雞鍋，一睇到MENU, 直頭比呢個鍋深深吸引, 我呢D咁愛嚐鮮的孩子當然唔會放過叫呢個鍋黎試, 等上鍋期間仲好擔心中左伏後幾億雙小眼望住我的情境(誤)，好彩黎到後一索冇預期中的酸怪味, 心裡放心了不少, 再呷一啖試下, 叫佢係有甜味的清雞湯都唔過份, 幾得意, 如果能夠說服別人的話, 我會建議一試, 都幾好飲XD💋魚香皮蛋豆腐，我見出面好少火鍋舖有得食, 所以叫左個試下, 佢面個層鋪左好多肉鬆, 身為肉鬆愛好者, 當然唔會放過一野KO佢的機會, 佢加埋皮蛋同豆腐一齊咁食, 成件事好正, 有刻真係好似去左台灣的感覺呢！💋肉燥飯，冇得飛咁耐, 一直都掛念台灣的美食, 見到佢擺左2個飯煲去比人任J肉燥飯, 無論幾飽都好, 都要去試一碗！我就係咁

今日(2/10)6:30到銅鑼湾牛陣，拿飛講話8:00有位，但8:00到，但問門口Counter女店員底下頭說話，真的無人聽到講咩，再等話飛寫8:45，但有人埋單及走，你問仍無禮貌話飛寫8:45，再問啡衫制服男店員，仍然話飛寫8:45，但眼看有位，及埋單，又不執妥，只說8:45，更說9:30Lastorder，這不是為客想，只是為工作方面，要留意，員工態度太差，要跟進，要轉發所有人，但台湾的待客之道，去了哪裹。

平日放假真好～今日我和三個朋友訂了銅鑼灣牛大人食午餐火鍋放題 ！限時90分鐘！ 因為午餐時間所以比起晚上不太多人，地方坐得非常舒服！ 我們揀咗198蚊m5和牛！Order完的食物仲好快送上！不過，90分鐘時間確實好趕！如果120分鐘就好 perfect！因為可以慢慢傾！慢慢食！M5和牛和鴨血好好味！我地揀左個紅燒牛骨湯底，非常正！ 淥D寬粉仲好味！因為D湯入哂落粉處！正呀！😋😋😋我同啲朋友都好滿意今次嘅午餐放題～期待下次再去！

🍽 極上和牛吃到飽(4.2/5) 💰208成日都想試吓牛大人，但次次見到夜晚都排晒長龍真係好難搞🥲終於的起心肝去試吓排lunch，價錢平啲人又少啲🤫湯底可八選一💁🏻‍♀️鴛鴦就要再加多$10今次揀咗蕃茄湯底🍅一上枱未滾起就已經非常香🤩酸酸鹹鹹，就算唔沾豉油都唔會覺得味道太寡今次揀咗極上和牛，最貴個款套餐😂澳洲M5和牛肩卷，雪花夠靚🤤熟咗都唔會縮水，牛味非常濃郁😆西班牙豬梅肉片都幾唔錯🐖比較薄身，好快熟整體嫩滑肥膏地方都幾彈牙另外加咗$30包埋海鮮任食🤫沙白，海蝦，鱸魚，鯛魚都可以任食主要食咗兩款魚類，厚身爽口😆另外麻辣鴨血都非常推薦，厚身大件‼️麻辣味係深入晒成件鴨血😍唔算好辣但係麻麻地咁非常正牛大人嘅特製茶飲就唔多介紹啦🤣反而佢哋whiskey 冬瓜茶非常有特色🤭每杯要加$38一飲落口會覺得威士忌味比較重🥃但亦都只係好淡嘅1秒鐘😂然後冬瓜茶嗰種黑糖甜就會慢慢滲出嚟😮絕對係愈飲愈上癮🌚

<Hong Kong 🇭🇰•Causeway bay>“咬我唷！養生麻辣火鍋！”可能係人生第一次食到喊嘅養生麻辣火鍋🤣我愛，我愛唷！排隊參見牛大人食佢啲肉肉😍總覺得「養生麻辣火鍋」最岩我口味😍難得有朋友都食得辣，我地叫中辣😂可能耐無食辣，辣到標眼水唷🥲唔辣唔過癮😂識揀一定揀「極上和牛」套餐😍一次過食勻「澳洲和牛M5牛肩肉」、「安格斯特選牛板腱」、「上腹牛五花」同埋唔同類型嘅豬、雞…等等除咗肉類方面，丸類、蔬果類都有各種各樣🥳連響鈴都任你食，我就最鍾意放埋蓮藕、粟米、南瓜落去火鍋湯底，有微微驚麻辣香味就已經惹味😚另外佢嘅魚漿都好出色，新鮮製作係唔同啲！飲品方面有台式飲品、汽水、自家製冷泡茶等飲品，非常多選擇！我就最鍾意飲普洱菊花茶，清熱解毒又消暑！大大樽，拎返個位慢慢飲🥳另外台式滷肉飯原來都深受大家歡迎，我都忍唔住排隊食返一碗！滷肉碎係用免治牛肉，入口特別香！配飯一齊食，原來係咁開胃🤣90分鐘牛大人吃到飽，整個過程真係好緊張😂全程都要專心食，講太多野就唔夠時間食😂初時我以為朋友講得誇張咗，但當你去到牛大人嘅時候，實戰情況真係咁緊張！為下一次來牛大人打邊爐再做好準備😋...

/牛大人🇭🇰/➖➖➖之前都食過一次晚市今次食午市90分鐘任食 $198去左銅鑼灣店 坐得舒服啲 寬落d 雖然午市無咁多款牛不過都算幾抵食下次再食過先😆😆照舊都食番極上和牛套餐 揀左期間限定嘅藥膳牛蒡湯底 不過佢嘅藥膳味唔算好重反而配料嘅芫荽味較突出 不過都唔會太濃另外除咗出面飲品櫃飲品都試左佢地嘅威士忌冬瓜茶💕酒味都幾突出 仲有冬瓜露～不過朋友覺得有少少甜今次都食左幾多牛(上腹牛五花、安格斯牛板腱、M5和牛肩卷) 款式較晚市少亦有encore 魯肉飯👍🏻👍🏻 最後食左甜品 不過淨係得台中仙草凍 上次食過都覺得好食☺️☺️特別係花生碎！➖➖➖📍牛大人銅鑼灣店

今日小妹又約左朋友去食牛大人啦, 不過今次就去左食lunch, 未夠12點已經人山人海, 不過lunch就唔洗拎飛book枱可以直接walk in食! 今次我地都係揀左極上和牛吃到飽套餐再升級埋海鮮!! 18+威士忌冬瓜茶入口係甜甜地嘅冬瓜茶帶淡淡嘅威士忌味, 味道比平時純冬瓜茶無咁甜仲幾解渴小妹最中意係食牛大人嘅澳洲M5和牛肩胛, 佢位於牛的肩胛部, 脂肪含量較多, 肉質鮮嫩!!台中蒜頭雞鍋E款古早味蒜頭雞鍋入面有大量蒜頭同雞, 食落又唔會太過濃味岩岩好鮮蝦幾大隻, 肉質結實, 口感爽彈, 配搭醬油, 辣椒同芫荽, 已經非常滋味!蜆肉全部都開哂殼, 大大粒, 味道鮮甜無腥味傳統既鹵肉飯係將豬肉切成細細粒, 而E度既鹵肉係做得比較碎，一匙入面可以食哂鹵肉既口感，鹵汁既香味同充滿飯香既白飯係絕配嚟!食完主食當然唔少得甜品, 晚市平時係食雪糕, 今次試到充滿台式風味既仙草凍, 口感冰涼順滑, 入面仲有珍珠, 紅豆, 花奶等等嘅配料